საქართველოს ნაკრების ყოფილი კაპიტანი, კახა კალაძე ჩემპიონთა ლიგის ფინალს დაესწრება. ამ ინფორმაციას “მილანის” ოფიციალური არხი ავრცელებს.
ევროპის ყველაზე პრესტიჟული საკლუბო ტურნირის ფინალში ერთმანეთს “ატლეტიკო” და “რეალი” დაუპირისპირდებიან. შეხვედრა კალაძის ყოფილი კლუბის, “მილანის” საშინაო სტადიონზე, “სან სიროზე” 28 მაისს გაიმართება.
შეგახსენებთ, რომ კახა ჩემპიონთა ლიგის ორგზის გამარჯვებულია.
მადრიდის „ატლეტიკოს“ ნახევარმცველმა საულ ნიგესმა კლუბთან კონტრაქტი გაახანგრძლივა. მხარეებს შორის გაფორმებული ახალი შეთანხმება 2021 წლის 30 ივნისამდე იმოქმედებს.
„ძალიან ბედნიერი ვარ, რომ ამ კლუბის ფერების დაცვას გავაგრძელებ“, – ციტირებს ფეხბურთელს „ატლეტიკოს“ ოფიციალური ვებსაიტი.
დანი ალვეში თვლის, რომ “ბარსელონას” წარმატება მოწინააღმდეგე გუნდის ფანების იმედგაცრუების გამომწვევი მიზეზია, მაგრამ ის სულაც არ დარდობს იმაზე, თუ რას გრძნობენ ამ დროს ისინი.
“ჩვენ მსოფლიოში საუკეთესოები ვართ, დიახ, არ აქვს მნიშვნელობა რას ამბობენ სხვები. ჩვენ საუკეთესოები ვართ.
ძალიან, ძალიან, ძალიან გულახდილები რომ ვიყოთ, მოგვიწევს იმის აღიარება, რომ კატალონიელები მსოფლიოში ყველაზე იღბლიანი ფანები არიან.
ახლა მოწინააღმდეგე მხარის ფანებს მე კიდევ უფრო ვძულვარ, მაგრამ მე ეს არ მადარდებს, რამეთუ მესმის, რომ ზოგჯერ მოგებამ შესაძლოა სხვისი გაბრაზება გამოიწვიოს.” – განაცხადა ბრაზილიელმა ფეხბურთელმა Marca-სთან საუბრისას.
დიეგო გოდინის თქმით, მან მისი თანამემამულე, ედინსონ კავანი “ატლეტიკოში” არაერთხელ მიიწვია. შეგახსენებთ, რომ ძალიან დიდია იმის შანსი, რომ კავანიმ “პსჟ” ზაფხულში დატოვოს, “ატლეტიკო” კი მისი გადაბირების ერთ-ერთი ყველაზე რეალური კანდიდატია.
როცა გოდინს ჰკითხეს, ესაუბრებოდა თუ არა ის კავანის “ატლეტიკოზე”, გოდინმა განაცხადა:” დიახ, მე ის რამოდენიმეჯერ მოვიწვია ჩვენს კლუბში. მას მართლა უყვარს “ატლეტიკო”.
მას ძალიან მოსწონს გზა, რომლითაც ვთამაშობთ, რადგანაც ეს ძალიან გავს ჩვენი ნაკრების სტილს და იმას, თუ როგორ უყურებენ ფეხბურთს ურუგვაიში.”
როგორც ესპანური გამოცემა Sport.es-ი იუწყება, მადრიდის „ატლეტიკომ“ თავდამსხმელ ფერნანდო ტორესთან ახალ კონტრაქტს მოაწერა ხელი. წყაროს ინფორმაციით, მხარეებს შორის გაფორმებული ახალი შეთანხმება 2018 წლის ზაფხულამდე იმოქმედებს. ზამთარში „ატლეტიკო“ მოთამაშესთან კონტრაქტის გახანგრძლივებას არ გეგმავდა, თუმცა ბოლო ორ თვეში „ელ ნინიომ“ 6 გოლი და 3 საგოლე პასი მიითვალა, რის გამო კლუბის ხელმძღვანელებმა გადაწყვეტილება შეცვალეს.
ჯამში, პრიმერას 2015/16 წლების სეზონში 32 წლის თავდამსხმელმა თავის ანგარიშზე 12 გოლი და 5 საგოლე პასი ჩაიწერა.
ჟოზე მოურინიომ მის ყოფილ კლუბზე, მადრიდის “რეალზე” და ზინედინ ზიდანზე ისაუბრა, რომელმაც გუნდი ჩემპიონთა ლიგის ფინალში გაიყვანა. როგორც იცით, დებიუტანტმა მწვრთნელმა რაფაელ ბენიტესი ჩაანაცვლა, როცა გუნდში არც ისე კარგი მდგომარეობა იყო.
“მართალია, რომ ზიდანმა გუნდი გვიან ჩაიბარა, მაგრამ მან გუნდში გადამწყვეტი ცვლილებების შეტანა მოახერხა. მან გუნდის დინამიკა სრულიად შეცვალა.
თუ ზიდანი ჩემპიონთა ლიგის მოგებას მოახერხებს, მაშინ ყველა დაივიწყებს იმ პრობლემებს, რაც გუნდს შობამდე ჰქონდა. ამ ცუდ გამოცდილებას ლიგის მე-11 ტიტული ჩაანაცვლებს.
ზიზუმ გუნდი ჩემპიონთა ლიგის ფინალში გაიყვანა, რაც ასეთი ცუდი სტარტის შემდეგ გუნდს მთლიანად სეზონის შეცვლის საშუალებას აძლევს.
ეს იქნება ფინალი ორ გუნდს შორის, რომლებიც ძალიან კარგად იცნობენ ერთმანეთს, “რეალსა” და “ატლეტიკოს” შორის. ვფიქრობ, დიდებული მატჩის მომსწრენი გავხდებით.” – განუცხადა პორტუგალიემლა As-ს.
დიეგო სიმეონე ერთ-ერთია იმ მწვრთნელთაგან (რომელთა რაოდენობაც ძალზედ მცირეა), რომელმაც თავი მცირე რესურსების მქონე გუნდით დაგვამახსოვრა. არგენტინელი მწვრთნელის მთავარი კოზირი მონდომება გახლავთ, რასაც თან ახლავს ინსპირაცია და მოთმინება.
“ჩოლო” – სწორედ ასეთია მისი ზედმეტსახელი, რომელიც მას დაწყებითი სკოლის მასწავლებელმა, ოსკარ ნესიმ უსახსოვრა. სიმეონე მოედანზე აგრესიულობითა და მებრძოლი ხასიათით გამოირჩეოდა. სიმეონე, რომელსაც შესანიშნავი აღნაგობა ჰქონდა 1995-96 წლების ტრიუმფის მთავარი ძალა გახლდათ.
თავად “ჩოლომ”, საკუთარ ზედმეტსახელზე საუბრისას განაცხადა:”ბოკა ხუნიორშიც” იყო სიმეონე, რომელსაც ჩოლოს ეძახდნენ, თუმცა ჩემი ზედმეტსახელი აქედან არ გამომდინარეობს.
ეს სახელი სკოლის ერთ-ერთმა მასწავლებელმა შემარქვა, რომელიც ვერ მოვიშორე.”
ცხოვრებაში ყველაფერი ისე არ მიდის, როგორც შენ გინდა. ამიტომაც ყოველთვის უნდა გაგაჩნდეს ‘გეგმა ბე’. როგორი იქნებოდა სიმეონეს ცხოვრება, რომ არა ფეხბურთი? ის ფიზ-კულტურის მასწავლებელი იქნებოდა.
“საშუალო სკოლაში ყოფნისას გვკითხეს, თუ რა გვინდოდა გამოვსულიყავით. ვიღაცას ექიმობა უნდოდა, ვიღაცა კი ადვოკატობას აპირებდა.
როცა მე ვთქვი, რომ ფეხბურთელი მინდოდა გამოვსულიყავი, ყველამ დამცინა. ფეხბურთის გეგმა რომ არ გამოსულიყო, მაშინ ფიზ-კულტურის მასწავლებელი ვიქნებოდი.”
მშიშარა – ეს აშკარად უკანასკნელი სიტვაა, რომელიც დიეგო სიმეონეს აღსაწერად დაგვჭირდება. სიმეონეს არასდროს ეშინოდა საკუთარი მეტოქის, არც მაშინ, როცა ფეხბურთელი იყო და არც ეხლა, როცა მწვრთნელის ამპულაშია.
“არ არსებობდა გუნდი ან ფეხბურთელი, რომლისაც მეშინოდა. მე მხოლოდ საკუთარი თავის მეშინოდა, რამეთუ ვიცოდი, რომ თუ მენტალურად 100%-ით მზად არ ვიყავი, სხვა ფეხბურთელი ვხდებოდი.”
სიმეონემ არაერთხელ დაამტკიცა, რომ ყველაფერთან ერთად იღბლიანიც არის “ატლეტიკოსთვის” – ისევე როგორც ფეხბურთელის, ასევე მწვრთნელის რანგში. როცა სიმეონე “ატლეტიკოში” მოვიდა (1994), ისინი კრიზისს განიცდიდნენ – ბოლოს ლიგა 1976-77 წლების სეზონში ჰქონდათ მოგებული. თუმცა სიმეონეს მოსვლიდან მეორე წელსვე, “როხიბლანკომ” ესპანეთის ჩემპიონობა იზეიმა, ამასთანავე კოპა დელ რეიც მოიპოვეს.
“ატლეტის” მომდევნო ჩემპიონობა კი კვლავ არგენტინელთან არის დაკავშირებული – 2013-14 წლების სეზონში მან კლუბს ტიტული მწვრთნელის პოსტიდან მოაგებინა.
რაც არ უნდა გასაკვირი იყოს, სიმეონე თვლის, რომ მაშერანო მასზე უკეთესი ფეხბურთელია.
როცა მას ჰკითხეს, ხედავდა თუ არა საკუთარ თავს მაშერანოს ნაცვლად არგენტინის ყველა დროის საუკეთესო თერთმეტეულში, მან თვალის დაუხამხამებლად განაცხადა:” მაშერანო ჩემზე უკეთესი იყო.”
უეფას ჩემპიონთა ლიგის 2015/16 წლების ფინალს მარკ კლატენბურგი განსჯის. ამ ინფორმაციას უეფას ოფიციალური ვებ-გვერდი ადასტურებს.
უეფას მიერ გაკეთებულ ოფიციალურ განცხადებაში ვკითხულობთ: “მატჩს 41 წლის ინგლისელი არბიტრი, მარკ კლატენბურგი განსჯის, რომელიც 2007 წლიდან ატარებს საერთაშორისო მსაჯის სტატუსს.
მიმდინარე სეზონში მან ჩემპიონთა ლიგის ექვსი და ევროპა ლიგის ორი მატჩი განსაჯა, მათ შორის ჩემპიონთა ლიგის ნახევარფინალური ეტაპის პირველი მატჩი “ბაიერნსა” და ‘ატლეტიკოს” შორის.
მილანში მას დაეხმარებიან მისი თანამემამულეები: სიმონ ბეკი და ჯეიკ კოლინი. მეოთხე არბიტრი კი ვიქტორ კასაი იქნება უნგრეთიდან. რაც შეეხება ორ დამატებით მსაჯს (ანტონი ტეილორი და ანდრემარინერი) ისინიც ინგლისიდან იქნებიან.”
ესანური AS-ის ინფორმაციით, მადრიდის „ატლეტიკოს“ ხელმძღვანელობა თავდამსხმელ ფერნანდო ტორესით კმაყოფილია და მას ახალ კონტრაქტს შესთავაზებს, რომელიც ორი წლის განმავლობაში იმოქმედებს. ამჟამინდელი შეთანხმება მხარეებს 2016 წლამდე აკავშირებთ.
წყარო ასევე წერს, რომ „ელ ნინიოს“ ჩინეთიდან და MLS-დან საინტერესო წინადადებები აქვს, რომელსაც ის ასევე გადახედავს.
პრიმერას ბოლო ორ თვეში ტორესმა 5 გოლი და 3 საგოლე პასი მიითვალა.
კატალონიური “ბარსელონას” თავდამსხმელს, ლიონელ მესის იმედი აქვს, რომ მადრიდის “რეალი” ჩემპიონთა ლიგის ფინალში “ატლეტიკოს” დამარცხებას ვერ მოახერხებს.
“ყველასათვის ნათელია, რომ “ბარსელონაში” მყოფ ადამიანებს არ სურთ “რეალმა” რაიმე მოიგოს.” -განუცხადა მესიმ ESPN-ს.
“ჩვენთვის ძალიან სასიამოვნო იქნება, თუ “ატლეტიკო” ჩემპიონთა ლიგის ფინალში გამარჯვებას მოახერხებს.
ის, რაც “ატლეტიკომ” გააკეთა მართლაც რომ დიდებულია. მათი დაჯაბნა ადვილი არ არის. ისინი ძალიან ძლიერი მეტოქეები არიან, რისთვისაც სიმეონე დაფასებას იმსახურებს.”
ლუის ენრიკეს სჯერა, რომ კატალონიურმა “ბლაუგრანამ” მიმდინარე სეზონში საკმარისი გააკეთა იმისათვის, რომ ესპანეთის ჩემპიონობა დაემხსახურებინა, რასაც მხოლოდ ერთი ნაბიჯი აშორებთ.
“იმ დღეებზე დაყრდნობით, რომლებიც ლიდერების როლში გავატარეთ, ტიტული დავიმსახურეთ და იმედი მაქვს, რომ საბოლოო მატჩის მოგებას მოვახერხებთ.
მაგრამ არა, ბრძოლა ჯერ არ დასრულებულა – ნახეთ რა მოუვიდა “ატლეტიკოს”. ერთადერთმა გუნდმა, რომელიც ამ დროისთვის გავარდნილია, ესპანეთის და საერთოდ ევროპის ერთ-ერთი საუკეთესო კლუბი დაამარცხა.
“გრანადას” დარჩენა განაღდებული აქვს? არაფრის გვჯერა და ჩვენი მიზნის მიღწევას სამართლიანი გზით ვაპირებთ, საფეხბურთო გზით. ”
ლა ლიგის წლევანდელ სეზონს ფანტასტიური ფინალი აქვს. “ბარსელონასთან” ერთად ჩემპიონობის შანსი “ატლეტიკოსა” და “რეალსაც” აქვთ. ეს ყველაფერი კი ტურნირის დასრულებამდე ორი ტურით ადრე. სხვაობა კი სულ რაღაც 1 ქულაა. ახლა შეცდომების დაშვების დრო არ არის.
“ბარსელონას” მომავალი მათ ხელშია. მართალია, ლუის ენრიკეს გუნდმა მადრიდულ გრანდებს ტიტულისთვის ბრძოლაში დაბრუნების საშუალება მისცა ზედიზედ სამი წაგებით, მაგრამ დარჩენილ ორ ტურში (“ესპანიოლთან” და “გრანადასთან”) გამარჯვებას ყველაფრის გადაფარვა შეეძლება – ისინი რიგით მეექვსე ტიტულს მოიპოვებენ ბოლო 8 სეზონში.
“ბლაუგრანას” ჩემპიონობის გაფორმება დღესვე შეუძლია. თუმცა, ამისათვის “ესპანიოლთან” გამარჯვებასთან ერთად ორივე მადრიდულმა გრანდმა უნდა განიცადონ კრახი – “ატლეტიკომ” ლევანტეში უნდა წააგოს, “რეალმა” კი შინ “ვალენსია” ვერ უნდა დაამარცხოს. სამივე მატჩი თბილისის დროით 19:00-ზე აიღებს სტარტს.
“ხვალ ჩემპიონობის აღნიშვნა მხოლოდ ჩვენ შეგვეძლება. სულაც არ ვდარდობ მოწინააღმდეგეებზე. ჩემი ერთადერთი მიზანია ის, რომ ჩემმა გუნდმა “ესპანიოლზე” უკეთ ითამაშოს.” – განაცხადა ლუის ენრიკემ მატჩის წინ.
“ბარსა” და “ესპანიოლი” მიმდინარე სეზონში სამჯერ შეხვდნენ ერთმანეთს. ორ მატჩში კატალონიელებმა იმარჯვეს (ორივე კოპა დელ რეიზე), ერთი მატჩი კი უგოლო ფრედ დასრულდა (მატჩი რომელიც საკმაოდ სკანდალური აღმოჩნდა: ღორის თავი, ორი წითეი ბარათი, შაკირასადმი შეურაცხმყოფელი შეძახილები, სუარესის დისკვალიფიკაცია და ა.შ.) .
“ესპანიოლს” ლა ლიგიდან გავარდნა აღარ ემუქრება, თუმცა ისინი მთელი ძალებით შეეცდებიან, რომ მათ თანაქალაქელ გუნდს ჩემპიონობა დააკარგვინონ – ისე, როგორც ეს 2006-07 წლების სეზონში გააკეთეს.
აღნიშნულ მატჩში ტამუდომ დუბლის გაფორმება მოახერხა, რამაც “ბარსელონას” გამარჯვების საშუალება არ მისცა (2-2). ასეთი შანსის გამოყენება კი ფაბიო კაპელოს “რეალმა” მოახერხა, რომელმაც “ბარსას” ტიტული ჩემპიონატის ბოლო დღეს აწაპნა.
ამ მოვლენას ესპანეთში “ტამუდასოს” სახელი შეარქვეს. “ესპანიოლის” ამჟამინდელმა ფორვარდმა, ფელიპე კაისედომ აღნიშნა, რომ მისი მიზანი ამის გამეორება იქნება: “კაისედასო! მიყვარს ეს! ეს ერთი ჩვეულებრივი მატჩია, თუმცა ჩვენ ისტორიული რამის გაკეთების შანსი გვაქვს.”
“ბარსა” ამჟამად 85 ქულით პირველ ადგილზე იმყოფება და უსწრებს ამავე ოდენობის ქულების მქონე “ატლეტიკოს”, რომელიც საშინაო ჩემპიონატში აშკარად დაჯაბნა. თუ “ბარსასა” და “რეალს” ერთნაირი რაოდენობის ქულები დაუგროვდებათ, გამარჯვებული ამ შემთხვევაშიც ლუის ენრიკეს გუნდი გამოვა, რაც 4-0-ს დამსახურება გახლავთ.
“ესპანიოლის” შემდეგ, “ბარსელონა” გრანადისკენ გაემართება, სადაც მათ კიდევ ერთი რთული გამოცდა ელით – ბრძოლა “გრანადასთან”, რომელიც ლა ლიგაში დარჩენისთვის იბრძვის. ყველაფრის გათვალისწინებით, ქაღალდზე ფავორიტად მაინც “ბარსელონა” მიიჩნევა.
“ატლეტიკოს” ამასობაში უმოტივაციოდ დარჩენილი “ლევანტეს” წინააღმდეგ მოუწევს თამაში, რომელიც უკვე გავარდა ლა ლიგიდან. თუმცა, უნდა ავღნიშნოთ რომ “სიუტატ დე ვალენსიაზე” ბოლო 13 სტუმრობიდან “როხიბლანკომ” მხოლოდ 5-ში მოახერხა 3 ქულის მოპოვება.
“ლევანტესთან” მატჩის შემდეგ დიეგო სიმეონეს გუნდს “სელტასთან” მოუწევს საქმის გარჩევა, რომეიც უაღრესასდ მოტივირებულია – მათი მიზანი ევროპა ლიგის ჯგუფურ ეტაპზე მოხვედრაა, რასაც სულ რაღაც 1 ქულა აშორებთ.
ამასობაში, ზიდანის გუნდს გაცილებით უფრო რთული მისია აქვს შესასრულებელი – მოგება “ვალენსიასთან” და “დეპორტივოსთან”, თანაც ბეილისა და ნავასის გარეშე. რომც მოიგონ, ეს საკმარისი არ იქნება ჩემპიონობისათვის – ამისათვის როგორც “ატლეტიკოს”, ასევე “ბარსასაც” უნდა დაუცდეს ფეხი.
საბოლოო ჯამში, უნდა ვაღიაროთ, რომ მიმდინარე სეზონში ესპანელებს სანერვიულოდ ნამდვილად აქვთ საქმე. განაღდებული არავის არაფერი არ აქვს, სამივე გუნდს სჭირდება მოგება. დღეს, 19:00 საათზე.
