ჭდე: ბათუმის დინამო

ბათუმის „დინამოს“ პრეზიდენტმა ოთო ფედიჩკინმა უმაღლესი ლიგის 2015 წლის ბოლო ტურის შემდეგ განვლილი წელი შეაფასა.

„მაშ ასე, მარტვილში შესანიშნავი გამარჯვებით დავასრულეთ 2015 წლის კალენდარული სეზონი. ვიზეიმეთ ბევრი გამარჯვება, რომელსაც ასევე ახლდა რამდენიმე შეხვედრაში იმედგაცრუება. მაგრამ, საერთო ჯამში, სეზონს წარმატებულად ვაფასებ. აქვე დიდი მადლობა მინდა გადავუხადო ყველა იმ ადამიანს, რომლებმაც წვლილი შეიტანეს ,,დინამო ბათუმის” დიდი ისტორიის გაგრძელებაში, რათქმა უნდა ბათუმის მერიას და ბათუმის საკრებულოს, პროფესიონალებით დაკომპლექტებულ სამწვრთნელო შტაბს, წარმატებაზე ორიენტირებულ კლუბის მთელი ადმინისტრაციას, მიზანდასახულ და შრომისმოყვარე ფეხბურთელებს და რათქმა უნდა ყველაზე ერთგულ კლუბის ფანკლუბს “პირატებს”-სწორედ ეს ყველაფერია ჩვენი გუნდის წარმატების გარანტი. “დინამო ბათუმის” წინსვლა ყოველი ბათუმელის გამარჯვებაა, რადგან ჩვენ ვემსახურებით საუკუნოვანი ისტორიის ბრენდს, რომელმაც ძალიან მძიმე პერიოდს გაუძლო. დიდი მადლობა ყველას… საუკეთესო სურვილებით და გამარჯვების იმედებით მჯერა წარმატებული 2016 წლის სეზონი გველოდება.
ს.კ. “დინამო ბათუმის” დირექტორი ოთარ ფედიჩკინი“, – დაწერა ბათმელთა პრეზიდენტმა თავისი „ფეისბუქის“ გვერდზე.

შეგახსენებთ, რომ 2014/15 წლების სეზონში „დინამომ“ უმაღესი ლიგის მეორე ადგილი დაიკავა, ხოლო მიმდინარე სეზონში ჯერჯერობით მეექვსე პოზიციაზე იმყოფება

წარმოგიდგენთ თბილისის „ლოკომოტივსა“ და ბათუმის „დინამოს“ შორის გუშინდელი მატჩს ფოტომიმოხილვას. შეგახსენებთ, რომ შეხვედრა ფრედ, 1:1 დასრულდა.

ზესტაფონის დავით აბაშიძის სახელობის ცენტრალურ სტადიონზე ევროპის ლიგის 2015/16 წლების სეზონის პირველი საკვალიფიკაციო ეტაპის მატჩში ბათუმის “დინამომ” კვიპროსულ “ომონიას” უმასპინძლა.

თამაში პირველივე წუთებიდან სწრაფ ტემპში წარიმართა. პირველი მომენტი მასპინძლებმა მატჩის მე-3 წუთზე შექმნეს, თუმცა გაბედავას დატყმული კარს მცირე მანძილით ასცდა. მალევე ბერიაშვილს შეექმნა ხელსაყრელი მომენტი – ბათუმელთა შემტევის დარტყმას მეტოქე გუნდის მცველები გადაეღობნენ და ბურთი კუთხურზე გადავიდა.

ბათუმელებმა კიდევ ერთი მომენტი მე-16 წუთზე შექმნეს, როდესაც გაბედავა ცდილობდა შორი მანძილიდან გატანას, მაგრამ კარს ააცილა.

მომენტები სტუმრებსაც ჰქონდათ. “ომონიას” შემადგენლობაში ყველაზე აქტიურმა ანდრე შემბრიმ ჯერ მეკარესთან პირისპირ გასვლა ვერ გამოიყენა და ბურთი ძელს გაარტყა, შემდეგ კი მის ეფექტურ მცდელობას ალავიძე გაუმკალვდა.

პირველ ნახევარში ერთადერთი გოლი კი მე-40 წუთზე გავიდა – სტანდარტის შემდეგ თავით კვიპროსელთა კარი გაბედავამ დალაშქრა.

მატჩის მეორე ნახევარი სტუმართა დიდი უპირატესობით წარიმართა, თუმცა რეალური საგოლე მომენტების შემქნა კვიპროსელებს უჭირდათ, ხოლო იმ შემთხვევაში, როცა მეტოქეთა დარტყმა ბათუმელთა კარში მიდიოდა, მიხეილ ალავიძე უშეცდომო იყო.

თავის მხრივ “დინამო” კონტრშეტევებზე ცდილობდა თამაშს, თუმცა ბათუმელთა მცდელობებს სიმწვავე აკლდა.

ამრიგად, ერთ კვირაში კვიპროსზე გასამართი საპასუხო მატჩის წინ ბათუმელებმა მინიმალური, მაგრამ ძალიან მნიშვნელოვანი უპირატესობა მოიპოვეს.

 

 დინამო ბათუმი 1-0 ომონია

გოლები: გაბედავა 40′

დინამო ბათუმი: ალავიძე, ტეტუნაშვილი, მახარაძე, სუხიაშვილი, ქავთარაძე (ჩირიკაშვილი 84′), გოგიტიძე, ფონიავა, შონია, ბერიაშვილი (ვარშანიძე 87′), გაბედავა, ტატანაშვილი (თევდორაძე 75′).

მთავარი მწვრთნელი: შოთა ჭეიშვილი

ომონია: გიორგალიდესი, ლობჟანიძე, მენდი (მარგასა 28′), რუნიე, გულონი, კრისტოვაო, ნუნო ასისი, ეკონომიდისი, ფოფანა (კირმი 58′), შემბრი (ვინსენტი 70′), პოტე. 

მთავარი მწვრთნელი: კოსტას კაიაფასი

2 ივლისს, ზესტაფონის ცენტრალურ სტადიონზე ბათუმის “დინამო” ევროპალიგის საკვალიფიკაციო ეტაპის შეხევდრაში კვიპროსულ “ომონიას” დაუპირისპირდება.

მოახლოებული შეხვედრის თაობაზე ბათუმელთა ფეხბურთელი ბადრი ტეტუნაშვილი კლუბის ვებგვერდს ესაუბრა

“წილისყრის სანახავად ერთად შევიკრიბეთ და მეტოქეს ველოდებოდით. სიმართლე გითხრათ, პირველ ეტაპზე უფრო სუსტ გუნდს ვისურვებდი, თუმცა ახლა ამას ვერ შევცვლით. გასულ წელთან შედარებით „ომონია“ ცოტათი შესუსტებულია და ეს აუცილებლად უნდა გამოვიყენოთ. მჯერა, რომ ბიჭები ერთიანი ძალებით მოვახერხებთ შემდეგ ეტაპზე გასვლას” – განაცხადა ტეტუნაშვილმა.

საქართვეოს ვიცე-ჩემპიონი ბათუმის “დინამო” ორი ფეხბურთელით გაძლიერდა. მომდევნო სეზონში ზღვისპირელთა შემადგენლობაში 25 წლის გიორგი გაბედავა და 21 წლის პაპუნა ფონიავა ითამაშებენ.

გაბედავა ბოლოს “სამტრედიას” ღირსებას იცავდა, შარშან კი ევროპის ლიგაზე “ჩიხურაში” ასპარეზობდა. შეგახსენებთ, რომ წელს ბათუმელებს მოუწევთ ამ ტურნირზე საქარველოს ღირსებას დაცვა და გაბედავას დარი გამოცდილი მოთამაშე მათ ნამდვილად გამაოდგებათ.

რაც შეეხება ფონიავას, ის მარტვილის “მერანის” ერთ-ერთი ლიდერი იყო.