ჭდე: მიუნხენის ბაიერნი

„ბაიერნის“ ყოფილმა პრეზიდენტმა ული ჰიონესმა გერმანიის თასის ფინალურ მატჩზე საუბრისას აღნიშნა, რომ პენალტების სერიის შემთხვევაში, მცველი მატს ჰუმელსი, რომელიც შემდეგ სეზონში „ბორუსიადან“ მიუნხენურ კლუბში დაბრუნდება, 11-მეტრიან ნიშნულთან არ უნდა მივიდეს. „ბაიერნსა“ და „ბორუსიას“ შორის ფინალური შეხვედრა 21 მაისს შედგება.

„ბუნებრივია, ამის შესახებ გადაწყვეტილებას „ბორუსიას“ თავკაცი ტომას ტუხელი იღებს, თუმცა მე ამ მატჩში ჰუმელსს პენალტს არ დავარტყმევინებდი. მნიშვნელობა არ აქვს, დარტყმას ის როგორ შეასრულებს. თუ ის გაიტანს, „ბორუსიამ“, შესაძლოა, გაიმარჯვოს, რაც „ბაიერნის“ ფანებს არ მოეწონებათ, ხოლო თუ მატსი ვერ გაიტანს, ეს იმის მანიშნებელი იქნება, რომ ის „ბორუსიაზე“ აღარ ფიქრობს“, – ციტირებს ჰიონესს გერმანული „ბილდი“.

მიუნხენის “ბაიერნის” ყოფილმა თავკაცმა, ოტმარ ჰიცფელდმა მატს ჰუმელსის გადაწყვეტილება შეაფასა. შეგახსენებთ, რომ ახლახან, ჰუმელსმა კლუბის ხელმძღვანელობას “ბაიერნში” გადასვლის სურვილის შესახებ ამცნო.

“სავსებით ლოგიკური ტრანსფერი იქნება – განსაკუთრებით მატსისთვის და “ბაიერნისთვის”. მათი თანამშრომლობა საკმაოდ საინტერესო უნდა გამოვიდეს.

“ბაიერნში” ის ტიტულების მოგებას შეძლებს – საუბარი არა მარტო ბუნდესლიგაზე მაქვს, მას ჩემპიონთ ლიგის მოგების შესანიშნავი შანსი ექნება მომავალ წელს.

მატსისთვის “ბაიერნი” საკმაოდ მიმზიდველია, რამეთუ იქ მას ჯერომ ბოატენგის გვერდით მოუწევს თამაში, მის უკან კი მანუელ ნოიერი იქნება.

რაც შეეხება “ბორუსიას”, ეს მათთვის დიდი დარტყმა იქნება. ჰუმელსი არა მარტო კაპიტანი, არამედ ლიდერი და მთვარი როლის შემსრულებელი იყო.”

მიუნხენის „ბაიერნის“ ხელმძღვანელობა დორტმუნდის „ბორუსიას“ მცველ მატს ჰუმელსის ტრანსფერთან დაკავშირებით მუშაობას იწყებს, იუწყება გერმანული „Bild“-ი. გამოცემიოს ინფორმაციით, მხარეებმა მოლაპარაკება დაიწყეს, ფეხბურთელის გადასვლა კი ოცდაათ მილიონ ევროდ ფასდება.

ჰუმელსი „ბაიერნის“ აღზრდილია. 2009 წელს მიუნხენელებმა ის „ბორუსიაში“ ოთხი მილიონი ევროს სანაცვლოდ გაუშვეს.