გერმანული ტაბლოიდი, Bild ავრცელებს ინფორმაციას “მანჩესტერ იუნაიტედის” ახალწვეულის, ჰენრიკ მხითარიანის სამომავლო ხელფასთან დაკავშირებით.
სომეხი ფეხბურთელი “ოლდ ტრაფორდზე” თამაშისათვის წელიწადში 12.5 მილიონ ევროს (10.5 მილიონი ფუნტი) მიიღებს, რაც კვირაში 201,000 ფუნტს უდრის.
დამატებით, მხითარიანი 8 მილიონ ევროს მიიღებს დათანხმებისათვის.
Bild-მა ისიც გაარკვია, თუ რამდენის გადახდა დასჭირდა ინგლისურ გრანდს სომეხი ფეხბურთელის გადასაბირებლად – დორტმუნდის “ბორუსია” 42 მილიონ ევროს მიიღებს.
უყურადღებობის გამო, “მანჩესტერ იუნაიტედმა” ფაქტიურად დაადასტურა ინფორმაცია ჰენრიკ მხითარიანის ტრანსფერის შესახებ.
ინგლისური გრანდის ოფიციალურ ონლაინ-მაღაზიაში გამოჩნდა 2016-17 წლების გასვლითი მაისურები “დორტმუნდის ბორუსიას” თავდამსხმელის სახელით.
შეგახსენებთ, რომ 28 ივნისს დორტმუნდელთა აღმასრულებელმა დირექტორმა, ჰანს-იოაჰიმ ვატცკემ დაადასტურა, რომ “წითელმა ეშმაკებმა” სომეხი ფეხბურთელის ტრანსფერის თაობაზე გაუმჯობესებელი წინადადებით მიმართეს გერმანულ კლუბს.
“ბარსელონას” ოფიციალური გვერდი ადასტურებს ინფორმაციას, რომლის თანახმადაც მარკ ბარტრა ზაფხულში “კამპ ნოუს” დატოვებს.
შეგახსენებთ, რომ 25 წლის ბარტრასთან ერთად კლუბი დანი ალვეშმაც დატოვა. ამასთანავე აქტიურად მიმდინარეობს მოლაპარაკებები ხავიერ მაშერანოს ტრანსფერთან დაკავშირებითაც.
“ბარსელონა” ადასტურებს, რომ გერმანულმა “ბორუსიამ” ბარტრას გადაბირების სურვილი გამოთქვა. რაც შეეხება სატრანსფერო თანხას, ესპანელის გადაბირება 8 მილიონ ევროდ იქნება შესაძლებელი.
აქვე გეტყვით იმასაც, რომ ბარტრა “ბარსელონას” ღირსებას 12 წლის ასაკიდან იცავს.
[BREAKING NEWS] @MarcBartra to leave @FCBarcelona More info soon #ThanksMarc #FCBLive pic.twitter.com/YnwYM0JEW3
— FC Barcelona (@FCBarcelona) June 3, 2016
ჰენრიკ მხითარიანის აგენტმა, მინო რაიოლამ სომეხი ფეხბურთელის გარშემო არსებული სიტუაცია კიდევ უფრო დაძაბა. რაიოლას თქმით მხითარიანი სულაც არ ჩქარობს ახალი კონტრაქტის გაფორმებას.
შეგახსენებთ, რომ 27 წლის ფეხბურთელს “ბორუსიასთან” კონტრაქტი 2017 წლის ივნისში ეწურება, მისი გადაბირებით კი იტალიის ჩემპიონი, “იუვენტუსი” არის დაინტერესებული.
“რატომ უნდა გაგვეფორმებინა ახალი კონტრაქტი ახლა?” – უთხრა რაიოლამ Bild-ს.
“მიკის კონტრაქტი 2017 წლამდე გრძელდება, ჩვენ კი ამავდროულად ახალ ვარიანტებს ვეძებთ.” – დაამატა მან.
The Times-ის მიერ გავრცელებული ინფორმაციის თანახმად, “მანჩესტერ იუნაიტედის” ხელმძღვანელები “პარის სენ-ჟერმენის” ყოფილი ფორვარდის, ზლატან იბრაჰიმოვიჩის გადაბირებას არ აპირებენ.
როგორც ინგლისელები გვატყობინებე, ჟოზე 34 წლის იბრაზე გაცილებით ახალგაზრდა შემტევის გადაბირებით არის დაინტერესებული. პორტუგალიელი სპეციალისტი ობამეიანგსა და მაურო იკარდის აკვირდება.
იბრაჰიმოვიჩი კი ყველაზე ახლოს კარიერის ჩინეთში, ან MLS-ში გაგრძელებასთან არის.
საერთო ჯამში კი, პორტუგალიელი თავკაცი სამი ვარსკვლავის დამატებას აპირებს – ცენტრალური მცველის, ცენტრალური ჰავბეკის (სავარაუდოდ პოგბა) და ცენტრალური თავდამსხმელის.
დორტმუნდის “ბორუსიას” დირექტორმა, მაიკლ ცორკმა ყველასათვის ცნობილი გახადა, რომ გერმანული კლუბი “ატლეტიკოსთვის” სოკრატის ის მიყიდვას არ აპირებს.
“სოკრატისის კლუბიდან წასვლის საკითხს არც კი განვიხილავთ. ” – მოკლედ მოუჭრა სიტყვა ცორკმა Kicker-ის ჟურნალისტს.
შეგახსენებთ, რომ დორტმუნდის “ბორუსია” უკვე დატოვა დაცვის ლიდერმა, მატს ჰუმელსმა. ამასთანავე მედიაში აქტიურად განიხილება ნევენ სუბოტიჩის წასვლის საკითხიც.
აქვე გეტყვით იმასაც, რომ 27 წლის ფეხბურთელი “ბორუსიაში” 2013 წელს გამოჩნდა. იქამდე კი ის ბრემენის “ვერდერის” ღირსებას იცავდა. მიმდინარე სეზონში მან 40-ჯერ მოირგო გერმანული კლუბის მაისური და ერთი გოლიც გაიტანა.
დორტმუნდის “ბორუსიას” ბერძენი მცველი, სოკრატის პაპასტატოპულოსი შესაძლოა მომავალ სეზონში ესპანურ “ატლეტიკოში” ვიხილოთ.
27 წლის მცველმა “როხიბლანკოს” თავკაცი, დიეგო სიმეონე “ბაიერნთან”, თასის ფინალში გამართულ მატჩში მოხიბლა, რომელიც საბოლოო ჯამში “ბაიერნმა” მოიგო (0-0, 3-4 პენ.).
აქვე გეტყვით, რომ პაპასტატოპულოსს გერმანლ გუნდთან კონტრაქტი 2019 წლამდე აკავშირებს.
დავამატებთ იმასაც, რომ “ბორუსიას” ხელმძღვანელები მხოლოდ იმ შემთხვევში დათანხმდებიან ბერძენი ფეხბურთელის გაყიდვას, თუ შემოთავაზება მართლაც ნოყიერი იქნება, რამეთუ კლუბმა უკვე გაუშვა ერთი ცენტრალური მცველი, მატს ჰუმელსის სახით.
დასრულდა 2015/16 წლების სეზონი პრემიერ ლიგაში. “ევერტონისთვის” ეს სეზონი ნამდვილად არასასიამოვნო იყო, რამეთუ ნაცვლად იმისა, რომ “კამფეტებს” ჩემპიონთა ლიგის საგზურისთვის ებრძოლათ, ისინი ცხრილის შუაგულში მოკალათდნენ.
ეს ყველაფერი კი ძალიან ზრდის კლუბის ბელგიელი ფორვარდის, რომელუ ლუკაკუს წასვლის შანსებს. გთავაზობთ ერთ-ერთი ყველაზე ცნობილი, უცხოური ბუკმეკერების მოსაზრებას ლუკაკუს მომავალთან დაკავშირებით.
ლუკაკუს “ჩელსიში” გადასვლის შესაძლებლობას NetBet 1.67 კოეფიციენტით აფასებს. ლონდონურ კლუბთან შედარებით სხვა კლუბების შანსები გაცილებით ნაკლებია: “ბორუსია – 8.0 ; “მანჩესტერ იუნაიტედი” – 8.50; “რეალი” – 9.0; “პსჟ” – 9.5, ხოლო “ლესტერ სიტი” – 31.0.
მატს ჰუმელსმა გერმანიის თასის ფინალში განცდილი მარცხის შემდეგ პრესასთან ისაუბრა და იმედი გამოთქვა, რომ მის მიერ მიღებული გადაწყვეტილება (“ბაიერნში” გადასვლა) სწორი ნაბიჯი გამოდგება.
“ჩვენთვის ძალიან რთული საღამო იყო. ეს ერთი მატჩი იყო, სადაც ყველაფერი გავაკეთეთ, თუმცა ეს საკმარისი არ აღმოჩნდა.
მატჩის მიმდინარეობისას თითოეული ჩვენგანი ზედმეტად დაიღალა. ეს ჩემი ბოლო მატჩი იყო. ბოლო წლების მანძილზე გუნდთან ერთად არაერთი წარმატება ავღნიშნეთ.
იმედი მაქვს, რომ სწორი გადაწყვეტილება მივიღე – ამას კი მომდევნო წლებში გავიგებთ.
კარგად ვითამაშეთ, კარგად ვიბრძოლეთ. შესაძლოა “ბაიერნმა” ეს დაიმსახურა, თუმცა გვგონია, რომ ეს ჩვენც დავიმსახურეთ.”
გრანიტ ჯაკას ტრანსფერი ლონდონის “არსენალში” სულ მალე ოფიციალურად დადასტურდება, რისი თქმაც მას შემდეგ ხდება შესაძლებელი, რაც გამოქვეყნდა ფეხბურთელის ფოტოები, სადაც ის ლონდონური კლუბის ფორმაშია გამოწყობილი.
23 წლის ფეხბურთელი ლონდონში პარასკევს ჩაფრინდა, რათა სამედიცინო შემოწმება გაეარა მანამ, სანამ ხელს 4-წლიან კონტრაქტს მოაწერდა. რაც შეეხება სატრანსფერო ფასს, “გლადბახი” სავარაუდოდ 43 მილიონ ევროს მიიღებს.
აღსანიშნავია ისიც, რომ ჯაკა ლონდონის “არსენალის” ახალ ფორმაშია გამოწყობილი, რომლის პრეზენტაციაც ჯერაც არ მომხდარა.
აღნიშნულ ფოტოებს კოსოვოს მოქალაქე ვალონ დემირი ავრცელებს.
დორტმუნდის “ბორუსიას” მთავარმა მწვრთნელმა, ტომას ტუხელმა აღიარა, რომ პეპ გვარდიოლა გერმანული ფეხბურთისთვის დიდი დანაკლისი იქნება.
გერმანიის თასის ფინალურ მატჩამდე, პრესასთან საუბრისას ტუხელმა თქვა:”გვარდიოლას გუნდებს ყოველთვის ჰქონდათ რაღაც გამორჩეული.
ყოველთვის განსაკუთრებული გრძნობაა, როცა საკუთარ შესაძლებლობებს საუკეთესოსთან ზომავ. დიახ, პეპი საუკეთესოა და მისი არყოფნა გერმანული ფეხბურთისთვის უდიდესი დანაკლისი იქნება.
რა თქმა უნდა ამავდროულად არის დადებითი მხარეც – მე მასთან დაპირისპირება აღარ მომიწევს, მაგრამ გულწრფელი რომ ვიყო, ის მეც ძალიან მომენატრება.”
“ლივერპულის” ხელმძღვანელები მარიო გიოტცეს სანაცვლოდ 20 მილიონი ფუნტის შეთავაზებით აპირებენ დაადასტურონ ის, რომ გერმანელი ფეხბურთელისთვის ბრძოლაში “ბორუსიას” არაფერს დაუთმობენ.
როგორც იცით, გიოტცეს, რომელმაც 2014 წლის მსოფლიო ჩემპიონატის ფინალში გადამწყვეტი გოლი გაიტანა, “ბაიერნში” ძალიან უჭირს. ამიტომაც ის კლუბის გამოცვლას აპირებს, მიუხედავად იმისა, რომ მას კონტარქტი “რეკორდმაისტერთან” კიდევ 12 თვით აკავშირებს.
მარიო გიოტცესთვის კიდევ ერთი შანსის მიცემას დორტმუნდის “ბორუსია” აპირებს, სადაც მან თავისი შესაძლებლობები საუკეთესოდ წარმოაჩინა. თუმცა უნდა ავღნიშნოთ, რომ დორტმუნდელი გულშემატკივრები მის მიმართ გულგრილები არიან, რამაც შესაძლოა მის გადაწყვეტილებაზე მოახდინოს გავლენა.
