ავტორიტეტული ბრიტანული წყარო „სქაი სპორტსი“ წერს, რომ „ჩელსის“ ბრაზილიელი ნახევარმცველი ოსკარი ზაფხულში სამუშაო ადგილს არ შეცვლის.
აქამდე გამოცემები სამხრეთ ამერიკელის „იუვენტუსში“ შესაძლო ტრანსფერის შესახებ წერდნენ. გარდა ამისა, საუბარი კლუბებს შორის მოლაპარაკების დაწყებაზეც იყო, თუმცა აღნიშნული ინფორმაცია სიმართლეს არ შეესაბამებოდა.
„არისტოკრატების“ შემადგენლობაში დარჩენა თავად ფეხბურთელმა ისურვა.
ინგლისის პორემიერლიგის განვლილი სეზონის გათამაშების 28 მატჩში ბრაზილიელმა 6 გოლი გაიტანა.
ტურინის “იუვენტუსის” ხელმძღვანელობა “ჩელსისთან” მოლაპარაკებებს ოსკარის შეძენასთან დაკავშირებით აწარმოებს. ინგლისური პრესის ცნობით სავარაუდო ტრანსფერის ფასი 24 მილიონი ევრო იქნება.
ინფორმაცია მას შემდეგ გაჩნდა, რაც “იუვეს” მთავარმა მწვრთნელმა, მასიმილიანო ალეგრიმ ოსაკრის შესახებ საჯაროდ ისაუბრა: “ოსკარი ძალიან მომწონს. მას ევროპულ ფეხბურთში კვალის დატოვება შეუძლია” – განაცხადა ალეგრიმ.
ოსკარმა კარეირა “სან-პაულუში” დაიწყო. შემდეგ “ინტერნასიონალში” გადავიდა, სადიანაც 2012 წელს “ჩელსიმ” შეიძინა.
“ზენიტის” ნახევარმცველი აქსელ ვიტსელი “მანჩესტერ იუნაიტედის” და “ჩელსის” ინტერესტა სფეროში მოხვდა.
ევროპული პრესის ცნობით მანჩესტერელები ბელგიელ მოთამაშეს უკვე დაუკავშირდნენ, “ჩელსიში” კი ჯერჯერობით მხოლოდ ინტერესით შემოიფარგლებიან.
ვიტსელთან მოლაპარაკებებს “იუვენტუსიც” აწარმოებს. გავრცელებული ინფორმაციით ტურინელები მის სანაცვლოდ “ზენიტს” 22 მილიონ ევროს სთავაზობენ.
ლონდონის „ჩელსიმ“, შესაძლოა, გარკვეული პერიოდით საშინაო მატჩები „სტემფორდ ბრიჯზე“ აღარ ჩაატაროს.
„ლურჯები“ არენის რეკონსტრუქციას აპირებენ, რათა სტადიონზე ადგილების რაოდენობა 42 ათასიდან 60 ათასამდე გაზარდონ. რეკონსტრუქციის დროს არენაზე თამაში შესაძლებელი არ იქნება, ამიტომაც „ჩელსის“ დროებით ალტერნატივის ძებნა მოუწევს.
სავარაუდოდ, ლონდონელები სტადიონზე ადგილების გაზრდას მეტი შემოსავლის მისაღებას აპირებენ, რისი დახმარებით, კლუბი ფინანსურ ფეირ-პლეიში მდგომარეობას გააუმჯობესებს.
“მონაკოს” თავდამსხმელი რადამელ ფალკაო კარიერას ლონდონის “ჩელსიში” გააგრძელებს.
დასავლეთლონდონური კლუბი კოლუმბიელ ფეხბურთელთან საიჯარო კონტრაქტს კვირის ბოლომდე გააფორმებს. გავრცელებული ინფორმაციით, “ჩელსის” სეზონის ბოლოს 50 მილიონ ევროდ ფალკაოს გამოსყიდვის უფლებაც მიეცემა.
შეგახსენებთ, რომ კოლუმბიელმა ფორვარდმა გასული სეზონი განათხოვრების წესით “მანჩესტერ იუნაიტედში” გაატარა.
ინგლისის პრემიერლიგის აწ უკვე დასრულებულ გათამაშებაში რადამელ ფალკაომ 26 მატჩი ჩაატარა, ოთხი გოლი გაიტანა და ხუთი საგოლე გადაცემა გააკეთა.
ესპანელი მცველი შესაძლოა, ნისლიან ალბიონზე გადავიდეს.
“ჩელსის” მთავარი მწვრთნელი, ჟოზე მოურინიო სერხიო რამოსს, რომელთან ერთადაც წლების მანძილზე მუშაობდა, მოუწოდებს, რომ მხოლოდ “ჩელსიში” გადავიდეს და მასთან ერთად უამრავ ტიტულს მოიგებს.
უკანასკნელი ინფორმაციით, რამოსს “რეალის” ახალ მწვრთნელთან, რაფაელ ბენიტესთან მუშაობა არ სურს და გუნდში მხოლოდ მაშინ დარჩება, თუ წელიწადში 12 მილიონს მიიღებს, მაგრამ გუნდი გამოცდილ ესპანელს 10 მილიონზე მეტს არ სთავაზობს.
“ჩვენ ველოდებით ზარს “რეალის” ხელმძღვანელებისგან, ხელფასის გაზრდის თაობაზე. გუნდთან ორწლიანი ხელშეკრულება კიდევ გვაკავშირებს და მადრიდში კარიერის დასრულება კარგი იქნებოდა სერხიოსთვის, მაგრამ ეს ფეხბურთია და ყოველი დღე ახალი ეტაპია შენთვის. არასდროს იცი, რა იქნება ხვალ,”-განაცხადა 29 წლის უკანახაზელის აგენტმა.
რამდენიმე დღის წინ კი, სერხიო რამოსით დაინტერესება “მანჩესტერ იუნაიტედმა” გამოხატა.
საფეხბურთო პორტალმა WhoScored-მა დაასახელა ფეხბურთელები, რომლებმაც გასული სეზონის განმავლობაში საშუალოდ ერთ მატჩში ყველაზე მეტი წარმატებული დრიბლინგი განახორციელეს.
აღსანიშნავია, რომ პირველ ადგილს ვერ ლიონელ მესი და ვერც კრიშტიანო რონალდუ ვერ იკავებს. რაც შეეხება პორტუგალიელს, ის ათეულშიც კი ვერ მოხვდა.
1. ედენ აზარი (“ჩელსი”)
მატჩი – 38
წარმატებული დრიბლინგის რაოდენობა ერთ მატჩში – 4.8
2. კარიმ ბელარაბი (ლევერკუზენის “ბაიერი”)
მატჩი – 32
წარმატებული დრიბლინგის რაოდენობა ერთ მატჩში – 4.7
3. ლიონელ მესი (“ბარსელონა”)
მატჩი – 37
წარმატებული დრიბლინგის რაოდენობა ერთ მატჩში – 4.6
4. არიენ რობენი (“ბაიერნი”)
მატჩი – 20
წარმატებული დრიბლინგის რაოდენობა ერთ მატჩში – 4.5
5. რობერტო ფირმინო (“ჰოფენჰაიმი”)
მატჩი – 33
წარმატებული დრიბლინგის რაოდენობა ერთ მატჩში – 4.2
6. ერიკ ჩუპო-მოტინგი (“შალკე”)
მატჩი – 30
წარმატებული დრიბლინგის რაოდენობა ერთ მატჩში – 3.9
7. დიეგო პეროტი (“ჯენოა”)
მატჩი – 27
წარმატებული დრიბლინგის რაოდენობა ერთ მატჩში – 3.6
8. ალექს ოქსლეიდ-ჩემბერლენი (“არსენალი”)
მატჩი – 17
წარმატებული დრიბლინგის რაოდენობა ერთ მატჩში – 3.6
9. ფრანკო ვასკესი (“პალერმო”)
მატჩი – 37
წარმატებული დრიბლინგის რაოდენობა ერთ მატჩში – 3.4
139. კრიშტიანო რონალდუ (“რეალი”)
მატჩი – 35
წარმატებული დრიბლინგის რაოდენობა ერთ მატჩში – 1.4
კოლუმბიელი ნახევარმცველი ხუან კუადრადო ზაფხულის სატრანსფერო ფანჯრის დროს ლონდონურ კლუბს არ დატოვებს. ამის შესახებ „არისტოკრატთა“ მთავარმა მწვრთნელმა ჟოზე მოურინიომ თავის ერთ-ერთ ბოლო ინტერვიუში განაცხადა.
„კუადრადო ამ ზაფხულის დროს არსად გადავა“, – დაადასტურა პორტუგალიელმა სპეციალისტმა.
შეგახსენებთ, რომ სამხრეთ ამერიკელი „ჩელსის“ ზამთარში შეუერთდა. ბოლო დროს ევროპული პრესა მისი წასვლის შესახებ ალაპარაკდა. ყველაზე ხშირად მის სახელს იტალიურ კლუბებს უკავშირებდნენ, რომელთა შორის „ინტერი“ და „რომა“ სახელდებოდნენ.
„ჩელსის“ მთავარმა მწვრთნელმა ჟოზე მოურინიომ იმ მიზეზის შესახებ ისაუბრა, რომლის გამოც მადრიდის „რეალი“ პრემიერლიგაში წარმატებას ვერ მიაღწევდა.
„ჩემს „რეალს“ კუთხურის დროს თავდაცვა არ შეეძლო. გუნდს უამრავი გოლის გატანა და მეტოქის განადგურება გამოსდიოდა, მაგრამ კუთხურის დროს თავს ვერ იცავდა.
თუ ინგლისში კუთხურის დროს თავს ვერ იცავ, მეორე ლიგის გუნდთან სათასო მატჩსაც კი წააგებ.
ყველაფერი კონკრეტულ ლიგაში სათამაშო მანერაზეა დამოკიდებული. ჩემი „ინტერი“ იტალიაში და ჩემპიონთა ლიგაზე ჩინებული იყო, პრემიერლიგაში კი პრობლემები მასაც ექნებოდა“, – განაცხადა მოურინიომ.
“პენსიონერები” შეტევის ხაზის გაძლიერებას ხელმისაწვდომ ფასად ცდილობენ.
The Sun-ის ინფორმაციით, ჟოზე მოურინიოს გუნდში ახალი თავდამსხმელი სჭირდება, რომელიც მომავალი სეზონიდან შეცვლის გუნდიდან წასულ დროგბას.
წყაროს თანახმად, “ჩელსი” უკვე ამზადებს ოფიციალურ წინადადებას გონსალო იგუაინის ტრანსფერზე, რომლის გადმობირებაც 30 მილიონი ევრო დაუჯდება.
ადრე იყო ჭორები, რომ 27 წლის წინახაზელით “არსენალი” და “იუვენტუსი” ინტერესდებოდნენ, მაგრამ ჭორი აღმოჩნდა.
7 ივნისს, საფრანგეთის ნაკრებმა საკუთარ მოედანზე ბელგიის ნაკრები მიიღო და მეტოქესთან ანგარიშით 3:4 დამარცხდა.
მატჩის მეორე ტაიმის დაწყების წინ, კამერებმა საინტერესო კადრი დააფიქსირეს.
giroud gueule et quand il part ca se moque pic.twitter.com/fatatcXcgU
— philippe (@philousports) June 7, 2015
ლონდონის “ჩელსის” ფეხბურთელი ედენ აზარი აცხადებს, რომ მას თავის კლუბში თანამემამულის, კრისტიან ბენტეკეს ხილვა სურს, რომელიც ამჟამად “ასტონ ვილას” ღირსებას იცავს.
“თუ კრისტიანი “ჩელსიში” გადმოვა, მსოფლიოში ყველაზე ბედნიერი ადამიანი ვიქნები. მასთან კარგი ურთიერთობა მაქვს. ბენტეკე ჯერ მხოლოდ 25 წლისაა და ყველაფერი წინ აქვს”, – უთხრა აზარმა Daily Star-ს.
