“ბოკა ხუნიორსის” ნახევარმცველი დანიელე დე როსი იტალიის ნაკრებში ბრუნდება. “ლა გაძეტა დელო სპორტის” ცნობით, “სკუადრა აძურას” მთავარმა მწვრთნელმა რობერტო მანჩინიმ 36 წლის ფეხბურთელი ევრო-2020-ის საკვალიფიკაციო ეტაპის მატჩებისთვის გუნდის გაფართოებულ შემადგენლობაში შეიყვანა.
შეგახსენებთ, რომ დანიელე დე როსიმ იტალიის ნაკრების ფორმა უკანასკნელად 2017 წელს მოირგო.
როგორც მოგეხსენებათ, იტალიელმა ფეხბურთელმა მიმდინარე წლის ზაფხულში “რომა” 17-წლიანი ასპარეზობის შემდეგ დატოვა.
“ბოკა ხუნიორსში” გადასულმა დანიელე დე როსიმ არგენტინული კლუბის რიგებში პირველი კომენტარი გააკეთა და განმარტა, თუ რატომ აირჩია ეს გუნდი.
“ჩემი გული სამუდამოდ “რომას” ეკუთვნის, თუმცა “ბოკა” ძალიან მომწონს. მე ამ გუნდის თამაშებს ბავშვობიდან ვუყურებ. ამ კლუბში თამაშობდა დიეგო მარადონა. გარდა ამისა, მომწონს სტადიონი და ადგილობრივი ქომაგები. ეს კლუბი იტალიელების მიერ არის დაარსებული და აქ თავს ისე ვგრძნობ, როგორც საკუთარ სახლში. “ბოკა” დიდი კლუბია, რომელსაც შეგიძლია, ენდო. ყოველთვის მინდოდა “ბომბონერაზე” (“ბოკა ხუნიორსის” სტადიონი) “ბოკას” ფორმით გასვლა.
ცხოვრებაში ყველაზე მნიშვნელოვანი ოცნებების ასრულებაა. მადლობა, “ბოკა”, – ციტირებს დე როსის სიტყვებს არგენტინული კლუბის ოფიციალური ვებგვერდი.
შეგახსენებთ, რომ 36 წლის ფეხბურთელსა და “ბოკა ხუნიორსს” შორის ერთწლიანი კონტრაქტი გაფორმდა.
იტალიის ნაკრების მთავარმა მწვრთნელმა რობერტო მანჩინიმ განაცხადა, რომ თავის დროზე “მანჩესტერ სიტის” დანიელე დე როსის დამატებამდე სულ ერთი ნაბიჯი დააკლდა. შეგახსენებთ, რომ იტალიელი სპეციალისტი “ქალაქელებს” 2009-დან 2013 წლამდე თავკაცობდა, რა დროსაც გუნდმა პირველად უკანასკნელი 44 წლის განმავლობაში ინგლისის ჩემპიონატი მოიგო. სწორედ ამ პერიოდში ცდილობდა “სიტი” დე როსის ტრანსფერის გაჩარხვას.
“მაშინ მთელი ღამე რომში დე როსისთან საუბარში გავატარეთ. ყველაფერი შეთანხმებული იყო, მაგრამ დანიელემ ბოლო მომენტში უარი თქვა. ძალიან გავბრაზდი, თუმცა მას შემდეგ დიდი დრო გავიდა. მაშინ დე როსის კარიერის შუა პერიოდი ედგა. მე მას ძალზედ ძლიერ ფეხბურთელად ვთვლიდი და ვფიქრობდი, რომ ჩვენი თანამშრომლობა ნაყოფიერი იქნებოდა”, – ციტირებს მანჩინის სიტყვებს Il Messaggero.
შეგახსენებთ, რომ დანიელე დე როსი “რომას” პირველ გუნდში 2001 წლიდან გამოდის. მას მშობლიური კლუბის რიგებში 610 მატჩი აქვს ჩატარებული.
იტალიის ნაკრებმა ქალაქ ბარიში საფრანგეთის ეროვნული გუნდი მიიღო. საერთაშორისო ამხანაგური მატჩი ფრანგების გამარჯვებით, ანგარიშით 3:1 დასრულდა. აღსანიშნავია, რომ “სკუადრა აძურამ” ჯამპიერო ვენტურას თავკაცობით პირველი შეხვედრა ჩაატარა.
ანგარიში მატჩის მე-17 წუთზე ფრანგმა თავდამსხმელმა ანტონი მარსიალმა გახსნა. ოთხ წუთში გრაციანო პელემ წონასწორობა აღადგინა, მაგრამ დიდიე დეშამის გუნდი ოლივიე ჟირუს გოლით მალევე დაწინაურდა მეორედ. მეორე ტაიმში ფრანგთა მცველმა ლეივინ კურზავამ საბოლოო ანგარიში დააფიქსირა — 1:3.
ამხანაგური მატჩი
იტალია — საფრანგეთი 1:3 (1:2)
გოლები: პელე 21′ — მარსიალი 17′, ჟირუ 28′, კურზავა 81′.
2016 წლის ევროპის ჩემპიონატის ჯგუფურ ეტაპზე იტალიის ეროვნულმა გუნდმა ბელგიის ნაკრები ანგარიშით 2:0 დაამარცხა. მატჩის შემდეგ კომენტარი გააკეთა “სკუადრა აძურას” გამოცდილმა ნახევარმცველმა დანიელე დე როსიმ.
“უცნაურად მშვიდად გახლდით და დარწმუნებული ვიყავი, რომ ამ შედეგს მივაღწევდით. ჩემმა მეგობარმა რომში სრულიად საპირისპირო შეხედულება გამიზიარა. იგი ბელგიის ნაკრების მოგებაზე ფსონად საკუთარ სახლს ჩამოვიდა. მე სიფრთხილისკენ მოვუწოდე, რადგან იტალიის ნაკრები კარგად ორგანიზებული გუნდია, რომელსაც მოედანზე მაქსიმუმის ჩვენება შეუძლია.
მშვენიერი გუნდი შეიკრა. ნაკრებში 2004 წლიდან ვთამაშობ და გუნდში არასდროს მინახავს ასეთი კარგი მოთამაშეები, რომლებიც არამხოლოდ საკუთარ თავზე, არამედ იმაზეც ფიქრობენ, თუ როგორ მოუტანონ ნაკრებს ხეირი.
რაც შეეხება მწვრთნელს, იგი მანიაკალურ დონეზე ცდილობს ყურადღების მიქცევას ყველაზე მცირე დეტალებისთვისაც კი, რომლებსაც კონკრეტული მეტოქისთვის პრობლემის მოტანა შეუძლია.
მთავარია, რომ მწვრთნელმა შედეგი გვიჩვენოს. ეს მხოლოდ ერთი კონკრეტული გამარჯვებაა, თუმცა ის გვიმტკიცებს — შესაძლოა ფურცელზე მეტოქეზე სუსტი იყო, თუმცა მოედანზე დამაჯერებლად გაიმარჯვო”, – ციტირებს დე როსის სიტყვებს Football Italia.
იტალიურმა გამოცემა “ლა გაძეტა დელო სპორტმა” იტალიის ჩემპიონატში მოთამაშე ყველაზე მაღალანაზღაურებადი ფეხბურთელების სია გამოაქვეყნა. სერია A-ში ყველაზე მეტს “რომას” ნახევარმცველ დანიელე დე როსის უხდიან. მისი წლიური ჯამაგირი 6,5 მილიონ ევროს შეადგენს.
მეორე ადგილზეა “ნაპოლის” თავდამსხმელი გონსალო იგუაინი, რომელიც სეზონში 5,5 მილიონ ევროს გამოიმუშავებს. მესამე-მეოთხე ადგილებზე ტურინის “იუვენტუსის” ნახევარმცველი პოლ პოგბა და “რომას” ფორვარდი ედინ ჯეკო გავიდნენ, რომელთაც წელიწადში 4,5 მილიონი ევრო ეძლევათ.
იხილეთ ასევე: ყველაზე მაღალანაზღაურებადი მწვრთნელები იტალიაში
Football Italia-ს ცნობით, დანიელე დე როსიმ 2016 წელს შესაძლოა “რომა” დატოვოს. სწორედ მომავალ წელს ეწურება 31 წლის იტალიელ ნახევარმცველს მოქმედი კონტრაქტი.
წყაროს ცნობით, დე როსიმ შესაძლოა, MLS-ის კლუბს მიაშუროს, კერძოდ – საუბარია მისდამი “ნიუ იორკ სიტის” დაინტერესებაზე. როგორც მოგახსენეთ, ფეხბურთელს მოქმედი შრომითი ხელშეკრულება მომავალი წლის ზაფხულში ეწურება და მხარეებს შორის კონტრაქტის გახანგრძლივებაზე მოლაპარაკება ჯერ არ დაწყებულა.
დანიელე დე როსიმ იტალიის ჩემპიონატის მიმდინარე გათამაშებაში 16 მატჩი ჩაატარა და ერთი გოლი გაიტანა.
“რომას” ნახევარმცველი დანიელე დე როსი ტრავმის გამო დაახლოებით სამი კვირის განმავლობაში ვერ ითამაშებს.
გუშინ 31 წლის ფეხბურთელს სამედიცინო გამოკვლევა ჩაუტარდა, რამაც ცხადყო, რომ დე როსის ბარძაყის კუნთები აქვს გაწყვეტილი. “რომას” ნახევარმცველის გამოჯანმრთელებას 15-დან 20 დღემდე პერიოდი დასჭირდება.
მიმდინარე სეზონში დანიელე დე როსიმ იტალიის ჩემპიონატსა და ჩემპიონთა ლიგაზე ერთად 17 მატჩი ჩაატარა, ერთი გოლი გაიტანა და ერთი საგოლე გადაცემა გააკეთა.
იტალიური გამოცემა „ლა რეპუბლიკა“ იუწყება, რომ ანტონიო კასანო მსოფლიოს ჩემპიონატზე იტალიის ნაკრების წარუმატებლად გამოსვლის გამო ჯანლუიჯი ბუფონს ადანაშაულებს. წყაროს თანახმად, კასანომ გუნდის ახალგაზრდა ფეხბურთელები დაიცვა და განაცხადა, რომ ყველა გადაწყვეტილებას დანიელე დე როსი და ჯანლუიჯი ბუფონი იღებდნენ, რამაც დანარჩენ მოთამაშეებზე უარყოფითი ზეგავლენა იქონია.
„მხოლოდ მაშინ მოვიგეთ, როცა შენ არ ითამაშე“, – წყაროს ცნობით, ეს სიტყვები უთხრა კასანომ ბუფონს ბრაზილიიდან სამშობლოში გამგზავრებისას.
შეგახსენებთ, რომ გამოცდილმა მეკარემ ტრავმის გამო ტურნირის სასტარტო მატჩი გამოტოვა, რომელშიც იტალიის ნაკრებმა ინგლისი ანგარიშით 2:1 დაამარცხა. ამ შეხვედრაში „სკუადრა აძურას“ კარს ბუფონის ნაცვლად, სალვატორე სირიგუ იცავდა.
ბუფონმა „კორიერე დელა სერასთვის“ მიცემულ ინტერვიუში კასანოსთან კონფლიქტი უარყო.
„არ მესმის, რატომ სურს პრესას სიტუაციის დაძაბვა“, – აღნიშნა იტალიელმა კიპერმა.
„რომას“ ნახევარმცველის დანიელე დე როსის თქმით, მისი გუნდის ჩემპიონობაზე საუბარი ამ ეტაპზე ჯერ საკმაოდ ადრეა.
„დიახ, იტალიის ჩემპიონატის ისტორიაში იყო შემთხვევბი, როდესაც გუნდები პირველი რვა ტურის ყველა შეხვედრას იგებდნენ და შემდგომ, ჩემპიონებიც ხდებოდნენ, თუმცა, დღეს, სერია ა-ში უდიდესი კონკურენციაა“, – აღნიშნა დანიელემ.
„სკუდეტოზე“ ოცნება რვა ტურის შემდეგ არ შეიძლება. რუდი გარსიას მაგალითად ყოველთვის „ატლეტიკო“ მოჰყავს, რომელმაც ზედიზედ სწორედ ამდენი თამაში მოიგო. ეს არაფერს ნიშნავს. ჯერ არაფერი მოგვიგია, თუმცა, ამავე დროს, სათქმელია, რომ დიდი ალბათობით, ჩვენმა თამაშმა არაერთ გუნდს ნერვიულობის საბაბი მისცა“, – დაასრულა დე როსიმ.
ალექსანდრე მატევოსოვი
