ლონდონის “ჩელსის” მცველი დავიდ ლუისი, “ბაიერნის” ინტერესთა სფეროში მოექცა.
გავრცელებული ხმების თანახმად, ჟოზე მოურინიოს ბრაზილიელი აღარ სჭირდება და მის გაყიდვას ლონდონელები ზამთრის სატრანსფერო ფანჯრის ფროს შეეცდებიან.
გასულ ზაფხულს “ბაიერნს” უკვე ჰქონდა ლუისის შეძენის მცდელობა, თუმცა “ჩელსიმ” მაშინ 50 მილიონი ევრო მოითხოვა, რაც გერმანელებს ეძვირათ.
ინგლისის პრემიერლიგის IX ტურის ცენტრალური მატჩი „სტემფორდ ბრიჯზე“ შედგა, სადაც ლონდონის „ჩელსიმ“ „მანჩესტერ სიტი“ მიიღო და მეტოქე ანგარიშით 2:1 დაამარცხა.
გამარჯვების გოლი ფერნანდო ტორესმა ბოლო წუთზე გაიტანა.
„ჩელსის“ მთავარი მწვრთნელი ჟოზე მოურინიო იმდენად გაახარა ამ გოლმა, რომ პორტუგალიელი სპეციალისტი ხალხის მასებს შეერია და გამარჯვება ლონდონური კლუბის ქომაგებთან ერთად აღნიშნა.
გთავაზობთ ფაქტის ამსახველ ვიდეომასალას.
ინგლისის პრემიერლიგის IX ტურის ცენტრალური მატჩი „სტემფორდ ბრიჯზე“ შედგა, სადაც ლონდონის „ჩელსიმ“ „მანჩესტერ სიტი“ მიიღო და მეტოქე ანგარიშით 2:1 დაამარცხა.
პირველი ტაიმის შემდეგ ლონფდონელები მინიმალური უპირატესობით იგებდნენ – 1:0. გოლი ანდრე შიურლემ 33-ე წუთზე გაიტანა. შეხვედრის 49-ე წუთზე სერხიო აგუერომ ანგარიში გაათანაბრა. მატჩის ბოლო წუთზე ფერნანდო ტორესმა „სიტის“ მეკარისა და მცველის შეუთანხმებლობით ისარგებლა და „ჩელსის“ საჭირო 3 ქულა მოუტანა – 2:1.
„ჩელსი“ სატურნირო ცხრილის მეორე პოზიციას 20 ქულით იკავებს. რაც შეეხება „მანჩესტერ სიტის“, „ქალაქელებს“ აქტივში 16 ქულა დარჩათ და მეშვიდე პოზიციამდე დაქვეითდნენ.
პრემიერლიგა
IX ტური:
„ჩელსი“-„მანჩესტერ სიტი“ 2:1 (1:0)
გოლები: შიურლე 33′, ტორესი 90′ – აგუერო 49′.
გაფრთხილებები: ლამპარდი 22′, რამირესი 52′ – ზაბალეტა 27′, ნასტასიჩი 31′, ხავი გარსია 60′.
მთავარი მსაჯი: ჰოვარდ უები.
ინგლისის პრემიერლიგის IX ტურის ცენტრალური მატჩი „სტემფორდ ბრიჯზე“ შედგება, სადაც ლონდონის „ჩელსი“ „მანჩესტერ სიტის“ მიიღებს. შეხვედრა თბილისის დროით 20:00 საათზე დაიწყება და მას გამოცდილი ინგლისელი არბიტრი ჰოვარდ უები განსჯის.
მატჩამდე გთავაზობთ იმ სამი მთავარი დუელის შესაძლო შედეგის განხილვას, რომლითაც შეხვედრის ბედი მნიშვნელოვნად უნდა განისაზღვროს.
დავიდ ლუისი vs სერხიო აგუერო
არგენტინელი თავდამსხმელი ძალიან კარგ ფორმაშია. აგუერო რეგულარულად თამაშობს და იტანს – 98 მატჩში 56 გოლი უბრალო შედეგი ნამდვილად არ არის. ბოლოს და ბოლოს, მან პრემიერლიგის 2011/12 წლების სეზონის უკანასკნელი მატჩის უკანასკნელ წამზე გატანილი გოლით „მანჩესტერ სიტის“ ჩემპიონის ტიტული მოუტანა. ახლა აგუერო უბრალოდ დაფრინავს მოედანზე. 173 სმ-ის სიმაღლის კაცი თავითაც კი იტანს – გასულ უქმეებზე პრემიერლიგაში თავით გატანილი პირველი გოლი აღნიშნა.
„სიტის“ ფორმალურ სქემაში – 4-2-3-1 – აგუერო სამ შემტევ ფეხბურთელთა შორის გადის, თუმცა ის არ თამაშობს, როგორც შემტევი ნახევარმცველი. მაგალითად, ჩემპიონთა ლიგის უკანასკნელ მატჩში, რომელიც „სიტიმ“ მოსკოვის „ცეესკას“ წინააღმდეგ გამართა (2:1), აგუერო ძირითადად შეტევის პირველ ხაზში თამაშობდა, სადაც, როგორც წესი, ცენტრალური თავდამსხმელები მოქმედებენ. აი, ალვარო ნეგრედო კი – უფრო ხშირად იწევდა უკან. ალბათ, „ჩელსის“ დაცვის ცენტრის გამაგრებას დავიდ ლუისი შეეცდება. ბრაზილიელი სწრაფია, უფრო მობილურია, ვიდრე ჯონ ტერი და გარი კეჰილი. ამიტომ, ჩვენი ვარაუდით, სწორედ მას დაევალება აგუეროს განეიტრალება. თუ დავიდ ლუისი არგენტინელ ფეხბურთელს შესაძლებლობებს მაქსიმალურად შეუზღუდავს, მაშინ „ჩელსის“ შანსები, არ გაუშვას გოლი, მნიშვნელოვნად გაიზრდება.
ფრენკ ლამპარდი vs იაია ტურე
მიმდინარე სეზონის დასაწყისში სპილოს ძვლის კუნძულელი ნახევარმცველი ფანტასტიურ ფეხბურთს გვიჩვენებს. საოცარი ფიზიკური სიძლიერე, ბრძოლისუნარიანობა, ტექნიკა, შეტევის დაწყება, განვითარება და დაგვირგვინება – ამაზე მეტი დადებითი თვისებით პრემიერლიგის არცერთი ნახევარმცველი არ არის მომადლებული. აფრიკელი ფეხბურთელი საჯარიმო დარტყმებსაც შესანიშნავად ასრულებს. ერთი სიტყვით, ის ნამდვილი მანაქანაა, რომელსაც მებრძოლი სპილოს დაუღალავი ძალა აქვს.
ნაკლებად სავარაუდოა, რომ ახალგაზრდა შემტევ ნახევარმცველ ოსკარს ტურეს განეიტრალება დაევალოს, ობი მიკელი და რამირესი კი, ალბათ, უფრო ცენტრალურ მცველებს დაეხმარებიან. ესე იგი, ტურეს ბრძოლა ფრენკ ლამპარდის წინააღმდეგ მოუწევს. ლამპარდმა სამაშაბათს გამართულ საჩემპიონთალიგო მატჩში სრულად კი ითამაშა, მაგრამ ჟოზე მოურინიო, სავარაუდოდ, მას დღესაც დააყენებს ძირითად შემადგენლობაში. ვნახოთ, რამდენად შეძლებს დიადი ლამპარდი შესანიშნავ ფორმაში მყოფი ტურეს შეჩერებას.
ბრანისლავ ივანოვიჩი vs დავიდ სილვა
ესპანელი ჯადოქარი, რომელმაც სეზონის სასტარტო რამდენიმე მატჩი გამოტოვა, იბრუნებს ფორმას და კვლავ ხდება „სიტისთვის“ მნიშვნელოვანი ფიგურა. „ის მოედანზე ხედავს და აკეთებს ისეთ რაღაცებს, რასაც პრემიერლიგაში სხვა ვერავინ აკეთებს. ის იბრუნებს ფორმას და ეს ძალზედ მნიშვნელოვანია „ქალაქელებისთვის“, – განაცხადა „ბიბისის“ ექსპერტმა მარკ ლოურენსონმა. ამაზე სტატისტიკაც მეტყველებს: მატჩის მიმდინარეობისას დავიდ სილვა საშუალოდ ოთხჯერ აკეთებს სახიფათო გადაცემას.
დავიდ სილვა თუნდაც მარცხენა ფლანგზე დააყენონ, მაინც მუდმივ მოძრაობაშია, მოქმედებს შეტევითი ფრონტის მთელ ხაზზე. ეშლი კოული მოედანს უბრუნდება, თუმცა დავიდ სილვას განეიტრალება, ალბათ, მაინც ბრანისლავ ივანოვიჩს დაევალება. სერბმა ფეხბურთელმა ჩემპიონთა ლიგის უკანასკნელი მატჩში, რომელიც „ჩელსიმ“ „შალკეს“ წინააღმდეგ გამართა, დაცვის მარცხენა ფლანგზე ითამაშა. ასე რომ, არ არის გამორიცხული, ის დღესაც მარცხენაფლანგელ მცველად მოგვევლინოს. ივანოვიჩი სწრაფია, მობილურია, ზომიერად უხეშია და სილვასთან ორთაბრძოლაში დროულად შესვლა შეუძლია. თუ მას ესპანელის განეიტრალება გამოუვა, „სიტის“ შეტევითი პოტენციალი მნიშვნელოვნად შესუსტდება.
ბექა დოგრაშვილი
ლონდონის “ჩელსისა” და ბრაზილიის ნაკრების მცველმა, დავიდ ლუისმა Instagram-ში, საკუთარ ოფიციალურ გვერდზე ყველაზე მაღალ კალათბურთელთან, სუნ მინგმინგთან ერთად გადაღებული ფოტო გამოაქვეყნა.
რუმინეთში გამგზავრებულმა ლონდონის “ჩელსის” ფეხბურთელებმა, ბუქარესტის ერთ-ერთ საავადმყოფოში, კიბოთი დაავადებული ბავშები მოინახულეს, რომელთაც საჩუქრები და ავტოგრაფები გადასცეს.
გთავაზობთ ფოტომასალას:
როგორც იცით, 1 ოქტომბერს, ჩემპიონთა ლიგის გათამაშებაში, ბუქარესტის “სტიაუამ” საკუთარ მოედანზე ლონდონის “ჩელსი” მიიღო და ანგარიშით 0:4 დამარცხდა.
თამაშის მიმდინარეობისას, კამერებმა ერთი საინტერესო ეპიზოდი დააფიქსირეს.
ლონდონის „ჩელსის“ მცველი დავიდ ლუისი პრობლემას ვერ ხედავს იმაში, რომ პრემიერლიგის მეხუთე ტურის მატჩი გამოტოვა. შეგახსენებთ, რომ გუნდის მთავარმა მწვრთნელმა ჟოზე მოურინიომ ბრაზილიელი ფეხბურთელი ჩემპიონთა ლიგის ჯგუფურ ეტაპზე, „ბაზელის“ წინააღმდეგ გამართულ შეხვედრაში (1:2) დაშვებული შეცდომის გამო, „ფულემთან“ საპრემიერლიგო მატჩის (2:0) განაცხადში არ შეიყვანა.
„ეს ჩემპიონატის ერთი რიგითი მატჩი იყო. დასამტკიცებელი არაფერი მაქვს, რადგან ყველამ იცის, ვინც ვარ. ფეხბურთისგან სიამოვნებას ვიღებ და მიხარია, როდესაც მოედანზე ვარ. ყველა შანსის გამოყენებას ვცდილობ, რასაც ვიღებ. მწვრთნელი ხან შეგიყვანს განაცხადში, ხანაც – არა, ამაში არაფერია უცნაური. „ჩელსი“ დიდი კლუბია, რომელშიც ბევრი კარგი ფეხბურთელი ირიცხება. თუ მუდმივად შეუცვლელი შემადგენლობით ვითამაშებთ, ვერაფერსაც ვერ მივაღწევთ“, – ციტირებს დავიდ ლუისის სიტყვებს Voetbal Krant-ი.
ბექა დოგრაშვილი
