ჭდე: დიეგო კოსტა

მადრიდის „ატლეტიკოს“ თავდამსხმელმა დიეგო კოსტამ ვარჯიში განაახლა.

შეგახსენებთ, რომ მარჯვენა ბარძაყის კუნთის ტრავმის გამო წარმოშობით ბრაზილიელმა ესპანეთის ნაკრების ორი ამხანაგური მატჩი გამოტოვა.

ესპანური პრესის ცნობით, კოსტა ინდივიდუალური პროგრამით ვარჯიშს შეუდგა. ცნობილია, რომ უახლოეს დღეებში25  წლის ფორვარდი საერთო ჯგუფთანაც დაიწყებს ვარჯიშს.

დიდი ალბათობით, დიეგო მადრიდელებს უკვე „ხეტაფესთან“ ესპანეთის პრიმერა დივიზიონის შემდეგი ტურის შეხვედრაში დაეხმარება.

„სევილიასთან“ მოგებული შეხვედრის შემდეგ, მადრიდის „ატლეტიკოს“ თავდამსხმელმა დიეგო კოსტამ თავის შედეგიანობაზე ისაუბრა.

შეგახსენებთ, რომ ზემოხსენებულ შეხვედრაში კოსტამ დუბლი შეასრულა, თუმცა, მანამდე, მან პენალტის გამოყენება ვერ მოახერხა.

„პენალტებს ვიტან ხოლმე. კარგია, რომ შემდეგ გოლის გატანის შესაძლებლობები მაინც მომეცა და დუბლის შესრულებაც მოვახერხე. მთავარია, რომ გავიმარჯვეთ, გოლის ავტორს კი ნაკლები მნიშვნელობა აქვს“, – განაცხადა კოსტამ.

„გარკვეული რაოდენობის გოლის გატანაზე არ ვფიქრობ. ახლა ყველაფრით ვარ კმაყოფილი. ჩემთვის ამ ეტაპზე მთავარი მხოლოდ წინსვლაა. იმედი მაქვს, მეტოქეთა კარის აღებას კიდევ არაერთხელ შევძლებ“, – დაასრულა სამხრეთ ამერიკელმა.