“მანჩესტერ იუნაიტედისა” და ინგლისის ეროვნული ნაკრების ლიდერმა უეინ რუნიმ ლიონელ მესისა და დიეგო მარადონას შესახებ ისაუბრა და მათ შორის უკეთესი გამოარჩია.
“ორიოდე წლის წინათ ხალხი ამბობდა, რომ მესი მარადონა არ არის, რადგან მას მსოფლიოს ჩემპიონატი მოგებული არ აქვს. ჩემი აზრით, მესი მარადონაზე უკეთესი ფეხბურთელია”, – ციტირებს რუნის სიტყვებს Sportsmole-ი.
შეგახსენებთ, რომ ლეო მესის “ოქროს ბურთი” ოთხჯერ აქვს მოგებული, რაც საუკეთესო მაჩვენებელია.
ტელეკომპანია TVS-ის ეთერში სპორტულმა კომენტატორმა დიმა ობოლაძემ ერთმანეთს 2 არგენტინელი ფეხბურთელი – ლეო მესი და დიეგო მარადონა შეადარა.
“ვფიქრობ, მესიმ ნაპოლიში რომ ითამაშოს, ამ გუნდს იტალიის ჩემპიონს ვერ გახდის. მარადონა კი ამას აკეთებდა.
ისეთი შთაბეჭდილება რჩება, თითქოს მესის სხვა გუნდში გადასვლის ეშინია, რადგან მას ბარსელონაში კომფორტს უქმნიან.
მაგრამ სხვა კუთხით რომ მივუდგეთ, მესი უფრო მისაბაძი ფეხბურთელია, ვიდრე მარადონა. მას არანაირი ნაკლი არ აქვს, მარადონა კი მოგეხსენებათ ათას სკანდალში იყო გახვეული.” – აცხადებს დიმა ობოლაძე.
წყარო: TVS.GE
ლეგენდარული არგენტინელი ფეხბურთელი დიეგო არმანდო მარადონა ფიფას საპრეზიდენტო არჩევნებში საკუთარი კანდიდატურის დაყენებას აპირებს. ამის შესახებ ურუგვაელმა ჟურნალისტმა ვიქტორ უგო მორალესმა განაცხადა, რომელსაც მარადონასთან სატელეფონო საუბარი ჰქონდა.
“მან მითხრა, რომ კანდიდატურის დაყენებას აპირებს და ამ ინფორმაციის გამჟღავნების უფლებაც მომცა”, – აღნიშნა მორალესმა.
შეგახსენებთ, რომ ფიფას რიგგარეშე კონგრესი მიმდინარე წლის დეკემბრიდან 2016 წლის მარტამდე არსებულ პერიოდში ჩატარდება და ახალ პრეზიდენტსაც დროის ამ მონაკვეთში აირჩევენ. მანამდე ფიფას ზეპ ბლატერი უხელმძღვანელებს.
მადრიდის “ატლეტიკოს” მთავარმა მწვრთნელმა დიეგო სიმეონემ მსოფლიოს საუკეთესო ფეხბურთელი დაასახელა. არგენტინულ ტელეარხ TyC-ისთვის მიცემულ ინტერვიუში სიმეონემ განაცხადა, რომ კრიშტიანუ რონალდუსა და ლიონელ მესის შორის შედარებაც კი არამართებულია.
“მესი პირველია. არ არსებობს მასთან ახლოს მყოფი მოთამაშე. შედარება ყოველთვის უთანხმოებას იწვევს. ასეთ დროს ერთი მხარე სამართლიანი არ არის”.
სიმეონეს მესისა და დიეგო მარადონას შედარებაც სთხოვეს.
“მარადონა და მესი სხვადასხვა პერიოდსა და განსხვავებულ პოზიციებზე თამაშობდნენ. მესი უფრო მეტად დამრტყმელია, მარადონა კი მთელი მოედნის მოთამაშე იყო”, – დასძინა სიმეონემ.
“ატლეტიკოს” თავკაცმა ისიც აღნიშნა, რომ სამართლიანი არ არის, არ ჩაითვალოს მესი ყველა დროის საუკეთესო ფეხბურთელად მხოლოდ იმის გამო, რომ მას მსოფლიოს ჩემპიონატი მოგებული არ აქვს.
არგენტინის ნაკრების ყოფილი ფეხბურთელი და მთავარი მწვრთნელი დიეგო არმანდო მარადონა ტურინის “იუვენტუსის” თავდამსხმელ კარლოს ტევესს “ბოკა ხუნიორსში” დაბრუნებისკენ მოუწოდებს. არგენტინულ კლუბში უკვე არაერთხელ განაცხადეს, რომ ტევესის დაბრუნება ძალიან გაუხარდებათ. არგენტინელმა ფეხბურთელმა სწორედ “ბოკას” რიგებში დაიწყო 2001 წელს პროფესიონალური კარიერა.
დიეგო მარადონამ სოციალურ ქსელში ტევესის ფოტო გამოაქვეყნა და ზედ წააწერა: “კეთილი იყოს შენი დაბრუნება”.
გასულ სეზონში კარლოს ტევესმა ყველა ტურნირზე ერთად 48 მატჩი ჩაატარა და 29 გოლი გაიტანა.
ლეგენდარულმა არგენტინელმა ფეხბურთელმა დიეგო მარადონამ ერთმანეთს თანამედროვეობის წამყვანი მთავარი მწვრთნელები ხოსეპ გვარდიოლა და ჟოზე მოურინიო შეადარა.
„მოურინიო ჩემი მეგობარია და მას მსოფლიოს საუკეთესო მწვრთნელად ვთვლი, რადგან მას ყოველთვის ყველაფერი გათვლილი აქვს. ეს ძალიან ძლიერი თვისებაა და ზუსტად ის მოურინიოს საუკეთესოდ ხდის.
გვარდიოლა თუ მოურინიო? გეტყვით, რომ საუკეთესო ჟოზეა. პეპს მოურინიოს დონის სპეციალსიტად ჩამოსაყალიბებლად კიდევ დრო სჭირდება“, – თვლის მარადონა.
„ნაპოლის“ ლეგენდა დიეგო მარადონა, შესაძლოა, ნეაპოლიტანელთა „ვოლფსბურგთან“ უეფას ევროპის ლიგის განმეორებით 1/4-ფინალური მატჩს დაესწროს.
არგენტინელი ახლა სწორედ იტალიაში იმყოფება და ოთხშაბათს რომის პაპთან შეხვედრას აპირებს. „რადიო მარტეს“ ინფორმაციით, ხუთშაბათს ის ნეაპოლში ჩავა და ხსენებულ შეხვედრასაც დაესწრება.
შეგახსენებთ, რომ პირველ მატჩში „ნაპოლიმ“ „ვოლფსბურგს“ ანგარიშით 4:1 მოუგო.
“მილანის” ყოფილმა კაპიტანმა პაოლო მალდინიმ ის ფეხბურთელები დაასახელა, ვისაც 25-წლიანი კარიერის განმავლობაში ყველაზე ძლიერ მეტოქედ თვლიდა.
“ჩემთვის ყველაზე ძლიერი მეტოქეები დიეგო მარადონა, რონალდო და ზინედინ ზიდანი იყვნენ. ბრაზილიელს “ინტერში” ფენომენალური ორწლიანი პერიოდი ჰქონდა.
მწვრთნელებში გამიმართლა. ლიდჰოლმა სულიერი სიმშვიდე შემძინა. მან ამიხსნა, რომ ფეხბურთი უბრალოდ თამაშია. კაპელომ პროფესიონალიზმი მასწავლა. საკიმ პირველ დონეზე ამიყვანა. ძაკერონი ფიზიკური თვალსაზრისით დამეხმარა. 2002/03 წლების სეზონი კი საუკეთესო იყო, რომელიც ანჩელოტის თავკაცობით ჩავატარე”, – მალდინის სიტყვები “ლა გაძეტა დელო სპორტმა” გამოაქვეყნა.
ლეგენდარული არგენტინელი ფეხბურთელი დიეგო არმანდო მარადონა თვლის, რომ ფიფას დამდეგი საპრეზიდენტო არჩევნები ცვლილებებისთვის შესანიშნავი დროა.
“დამდეგი არჩევნები არის შესაძლებლობა, რომ ბლატერს უკანალში წიხლი ამოკრან”, – ციტირებს მარადონას სიტყვებს “ასოშეითედ პრესი”.
შეგახსენებთ, რომ ფიფას საპრეზიდენტო არჩევნებში ერთმანეთს კონკურენციას გაუწევენ: მოქმედი პრეზიდენტი ზეპ ბლატერი, იორდანიის პრინცი ალი ბინ ალ ჰუსეინი, ლუიშ ფიგუ და ჰოლანდიის ფეხბურთის ასოციაციის ხელმძღვანელი მიქაელ ვან პრააგი.
ფიფას საპრეზიდენტო არჩევნები მიმდინარე წლის 29 მაისს, შვეიცარიის ქალაქ ციურიხში შედგება.
ლეგენდარულმა არგენტინელმა ფეხბურთელმა დიეგო არმანდო მარადონამ ფიფას საპრეზიდენტო არჩევნებზე საკუთარი ფავორიტი დაასახელა. მარადონა მხარს იორდანიის პრინც ალი ბინ ალ ჰუსეინს უჭერს.
“მე ალ ჰუსეინს სრულ მხარდაჭერას ვუცხადებ ფიფას შეცვლის საკითხში. ჩემი თვალით მაქვს ნანახი, როგორ ცვლის ის ფეხბურთს აზიის რეგიონში. იგი კორუფციას ებრძვის და სურს, რომ ფეხბურთი უკეთესობისკენ შეცვალოს”, – ციტირებს მარადონას სიტყვებს “ოლე”.
შეგახსენებთ, რომ ფიფას საპრეზიდენტო არჩევნებში ერთმანეთს კონკურენციას გაუწევენ: მოქმედი პრეზიდენტი ზეპ ბლატერი, იორდანიის პრინცი ალი ბინ ალ ჰუსეინი, ლუიშ ფიგუ და ჰოლანდიის ფეხბურთის ასოციაციის ხელმძღვანელი მიქაელ ვან პრააგი.
ფიფას საპრეზიდენტო არჩევნები მიმდინარე წლის 29 მაისს, შვეიცარიის ქალაქ ციურიხში შედგება.
ლეგენდარულმა არგენტინელმა ფეხბურთელმა დიეგო არმანდო მარადონამ პლასტიკური ოპერაცია გაიკეთა.
მარადონამ ლაზერული პროცედურის მეშვეობით სახის გაახალგაზრდავება გადაწყვიტა. ფეხბურთის არგენტინელმა ლეგენდამ თვალის შესიებული უპეები მოიშორა.
შეგახსენებთ, რომ 54 წლის მარადონას 24 წლის შეყვარებული ჰყავს.
არგენტინის ნაკრების ყოფილმა ნახევარმცველმა ხუან რომან რიკელმემ ყველა დროის საუკეთესო ფეხბურთელი დაასახელა.
“დიეგო მარადონა მსოფლიო ფეხბურთის ისტორიაში ყველაზე დიდი მოთამაშეა. გამიმართლა, რომ დიეგოსთან ერთად “ბოკა ხუნიორსში” თამაში მომიწია, მას ვარჯიშებზეც ვაკვირდებოდი. ნამდვილი მოვლენა იყო.
რაც შეეხებათ ლიონელ მესისა და კრიშტიანუ რონალდუს, ისინი ერთმანეთს გოლების რაოდენობაში ეჯიბრებიან, თუმცა ლეო მოედანზე ისეთ რამეებს აკეთებს, რომ ხანდახან თავადაც უკვირს ხოლმე”, – ციტირებს რიკელმეს სიტყვებს ინტერნეტგამოცემა Sport-ი.
შეგახსენებთ, რომ რიკელმემ მოთამაშის კარიერა დაასრულა. არგენტინელ ფეხბურთელს კარიერის განმავლობაში ოთხ კლუბში უთამაშია: “ბოკა ხუნიორსში”, “ბარსელონაში”, “ვილიარეალსა” და “არგენტინოს ხუნიორსში”. მას არგენტინის ნაკრებში ჩატარებულ 51 მატჩში 17 გოლი აქვს გატანილი.
