Fans – გვერდი 2 – Fanebi.Com – ფეხბურთი, კალათბურთი, რაგბი, სხვა

ბაქოში ქართველი გულშემატკივრები დააკავეს

Posted on ივლისი 31, 2014ივლისი 31, 2014 by ბექა დოგრაშვილი

azerisport-ის ცნობით, ევროპის ლიგის მესამე საკვალიფიკაციო ეტაპზე ბაქოს “ნეფთჩისა” და საჩხერის “ჩიხურას” შორის გამართული მატჩის (0:0) დასრულების შემდეგ ქართველი გულშემატკივრები დააკავეს.

წყაროს ცნობით, შეხვედრის დასრულებისთანავე “ჩიხურას” ქომაგებსა და ადგილობრივი სამართალდამცავი ორგანოს წარმომადგენლებს შორის შეხლა-შემოხლა მოხდა, რაც ქართველი გულშემატკივრების დაკავებით დასრულდა.

შეგახსენებთ, რომ კონფლიქტი უშუალოდ მატჩის დროსაც მოხდა. სტადიონზე დამსწრე “ჩიხურას” გულშემატკივრებმა პირველი ტაიმის ბოლოს ტრიბუნაზე გამოფინეს რუკა, რომელზედაც ქალაქები კახი და ზაქათალა საქართველოს შემადგენლობაში იყვნენ შეყვანილნი, რასაც “ნეფთჩის” ქომაგთა მხრიდან აგრესია და ბოთლების სროლა მოჰყვა.

გულშემატკივართა დასწრების მხრივ საუკეთესო ევროპული კლუბები

Posted on ივლისი 22, 2014 by ბექა დოგრაშვილი

Footballeconomy-მ იმ ევროპულ კლუბთა სია გამოქვეყნა, რომელთა სტადიონებსაც 2013/14 წლების სეზონში ყველაზე მეტი მაყურებელი სტუმრობდა.

რეიტინგს სათავეში უდგას დორტმუნდის „ბორუსია“. მათ მატჩებს საშუალოდ 80 ათასი (!) გულშემატკივარი ესწრებოდა. საერთოდაც, წინა წელთან შედარებით პირველი ხუთეული არ შეცვლილა: „მანჩესტერ იუნაიტედი“, „ბარსელონა“, „რეალი“ და „ბაიერნი“.

აღსანიშნავია, რომ 25-ე ადგილზე გავიდა გლაზგოს „რეინჯერსი“, რომელიც შოტლანდიის რანგით მესამე დივიზიონში გამოდიოდა.

სათქმელია ისიც, რომ „მილანი“ სიაში 32-ე ადგილზეა, „იუვენტუსი“ კი — 34-ე. პირველ 30-ეულში ვერ მოხვდნენ ისეთი კლუბები, როგორებიცაა: „ლილი“ (33); „მარსელი“ (35); „ევერტონი“ (36); „ვალენსია“ (37); „ტოტენჰემი“ (39); „ლიონი“ (41); „ვესტ ჰემი“ (42), „გალათასარაი“ (47), „ბილბაო“ (48); „ფიორენტინა“ (49), „ლაციო“ (50), „სევილია“ (54), „პორტუ“ (60); „ლევერკუზენი“ (61).

სიის პირველი 30-ეული ასე გამოიყურება:

2013/14	2012/13	კლუბი	ქვეყანა	საშუალო დასწრება
1	1	„დორტმუნდი“	გერმანია	80 295
2	2	„მანჩესტერ იუნაიტედი“	ინგლისი	75 205
3	3	„ბარსელონა“	ესპანეთი	72 115
4	5	„რეალი“	ესპანეთი	71 565
5	4	„ბაიერნი“	გერმანია	71 000
6	6	„შალკე“	გერმანია	61 750
7	7	„არსენალი“	ინგლისი	60 015
8	12	„მიუნხენგლადბახი“	გერმანია	52 240
9	36	„ჰერტა“	გერმანია	51 890
10	8	„ჰამბურგი“	გერმანია	51 825
11	10	„აიაქსი“	ჰოლანდია	50 905
12	11	„შტუტგარტი“	გერმანია	50 500
13	9	„ნიუკასლი“	ინგლისი	50 395
14	14	„მანჩესტერ სიტი“	ინგლისი	47 074
15	13	„აინტრახტი“ (ფრანკფურტი)	გერმანია	47 055
16	15	„სელტიკი“	შოტლანდია	46 810
17	16	„ინტერი“	იტალია	46 245
17	22	„ატლეტიკო“	ესპანეთი	46 245
19	30	„კიოლნი“	გერმანია	46 235
20	19	„ფეინოორდი“	ჰოლანდია	45 755
21	21	„ჰანოვერი“	გერმანია	45 635
22	24	„პარი სენ-ჟერმენი“	საფრანგეთი	45 420
23	20	„ლივერპული“	ინგლისი	44 670
24	26	„ბენფიკა“	პორტუგალია	43 615
25	18	„რეინჯერსი“	შოტლანდია	42 935
26	28	„ჩელსი“	ინგლისი	41 480
27	33	„სანდერლენდი“	ინგლისი	41 090
28	31	„ვერდერი“	გერმანია	40 655
29	37	„ნაპოლი“	იტალია	40 630
30	35	„რომა“	იტალია	40 435

„ჩელსი“ მადრიდში წამსვლელ ქომაგებს ფინანსურად დაეხმარება

Posted on აპრილი 15, 2014 by ბექა დოგრაშვილი

ლონდონის „ჩელსი“ კლუბის იმ ქომაგებს, რომლებიც უეფას ჩემპიონთა ლიგის ნახევარფინალურ ეტაპზე მადრიდში, „ატლეტიკოს“ წინააღმდეგ გასამართ შეხვედრას დაესწრებიან, ფინანსურად დაეხმარება. დასავლეთლონდონური კლუბი მატჩზე დასასწრები თითოეული ბილეთის ღირებულებიდან 24 ევროს თავად დაფარავს.

„ჩელსის“ „ვისენტე კალდერონზე“ გასამართ მატჩზე 3 071 ბილეთი გამოუყვეს. ბილეთების ღირებულება კლუბის მიერ შეთავაზებული ფასდაკლების გათვალისწინებით 45-დან 96 ევრომდე მერყეობს.

მატჩი „ატლეტიკოსა“ და „ჩელსის“ შორის 22 აპრილს, ჩვენი დროით 22:45 საათზე დაიწყება.

ბექა დოგრაშვილი

Fanebi.com-ი და REDARMY.GE პარტნიორები გახდნენ

Posted on აპრილი 1, 2014 by ბექა დოგრაშვილი

სპორტული ინტერნეტ-პორტალი Fanebi.com-ი და „მანჩესტერ იუნაიტედის“ ქართული ფან-კლუბის ვებ-გვერდი REDARMY.GE პარტნიორები გახდნენ.

ჩვენს შორის იგეგმება ურთიერთსასარგებლო თანამშრომლობის ვარიანტების განხილვა. REDARMY.GE-ს სიახლეები გამოქვეყნდება Fanebi.com-ის „მანჩესტერ იუნაიტედის“ გვერდზე. გარდა ამისა, ჩვენი სტატიების გაცნობა REDARMY.GE-ზეც შეგეძლებათ. ეს ჩვენი თანამშრომლობის მხოლოდ დასაწყისია, მომავალში კი ერთობლივად სხვადასხვა საინტერესო პროექტებს შემოგთავაზებთ.

ეწვიეთ „მანჩესტერ იუნაიტედის“ საკმაოდ დახვეწილი დიზაინის მქონე ვებ-გვერდს, რომლის მეშვეობითაც „წითელი ეშმაკების“ ირგვლივ მიმდინარე მოვლენების შესახებ მუდამ საქმის კურსში იქნებით.

საუკეთესო კლუბების, ჩემპიონატების და ფეხბურთელების რეიტინგი (Fanebi.com-ის სტატისტიკა)

Posted on იანვარი 4, 2014აგვისტო 15, 2014 by ბექა დოგრაშვილი

როგორც მოგეხსენებათ, სპორტულ პორტალ Fanebi.com-ზე დარეგისტრირებისას მომხმარებელი ირჩევს თავის საყვარელ კლუბს, ჩემპიონატსა და ფეხბურთელს, რაც ვებ-საიტის სტატისტიკაში ფიქსირდება და დგება საერთო რეიტინგი. დღეისთვის ჩვენს პორტალზე ოთხი ათასამდე დარეგისტრირებული მომხმარებელია, უმეტეს მათგანს მითითებული აქვს საყვარელი კლუბი, ჩემპიონატი და ფეხბურთელი. ჩვენ პრეტენზია არ გვაქვს იმაზე, რომ აღნიშნული სტატისტიკა ზუსტად შეესატყვისება საქართველოში ფეხბურთის მოყვარულთა შეხედულებას, თუმცა გარკვეულწილად საერთო შედეგთან მიახლოებულია.

გთავაზობთ Fanebi.com-ის სტატისტიკაზე დაფუძნებულ საუკეთესო კლუბების, ჩემპიონატებისა და ფეხბურთელების რეიტინგს.

კლუბთა რეიტინგი (საუკეთესო ათეული)
1.	„ბარსელონა“	1060
2.	„რეალი“	829
3.	„მილანი“	305
4.	„მანჩესტერ იუნაიტედი“	196
5.	„ჩელსი“	134
6.	„არსენალი“	123
7.	„ბაიერნი“	108
8.	„ლივერპული“	91
9-10.	„იუვენტუსი“	62
9-10.	„ინტერი“	62

ვრცლად იხილეთ: კლუბთა რეიტინგი

ჩემპიონატების რეიტინგი (საუკეთესო სამეული)
1.	პრიმერადივიზიონი	1555
2.	პრემიერლიგა	1019
3.	სერია A	431

ვრცლად იხილეთ: ჩემპიონატების რეიტინგი

ფეხბურთელების რეიტინგი (საუკეთესო ხუთეული)
1.	ლიონელ მესი	708
2.	კრიშტიანუ რონალდუ	517
3.	იკერ კასილასი	177
4.	რიკარდო კაკა	119
5.	ანდრეს ინიესტა	111

ვრცლად იხილეთ: ფეხბურთელების რეიტინგი

კიევში ინგლისელ ქომაგებს თავს დაესხნენ

Posted on სექტემბერი 9, 2013 by ბექა დოგრაშვილი

როგორც მოგეხსენებათ, 10 სექტემბერს მსოფლიოს ჩემპიონატის საკვალიფიკაციო ეტაპის მორიგი ტურის მატჩები შედგება. კიევში უკრაინის ნაკრები ინგლისს უმასპინძლებს. „სამი ლომის“ საქომაგოდ უკრაინის დედაქალაქში უკვე ჩავიდა ინგლისელ გულშემატკივართა გარკვეული ნაწილი, რომელთაც არასასიამოვნო ამბავი უკვე შეემთხვათ. უკრაინელი ჟურნალისტების ცნობით, კიევში მყოფ ათ ინგლისელს დაახლოებით 30 ადამიანი დაესხა თავს.

„უკრაინისა და ინგლისის ნაკრებებს შორის გასამართ მატჩზე დასასწრებად ჩამოვედით. იმ კაფეს ვესტუმრეთ, რომელსაც 2012 წლის ევროპის ჩემპიონატის მიმდინარეობისას ხშირად ვაკითხავდით ხოლმე. ერთ-ერთი ჩვენგანი მოსაწევად გავიდა. მას თავს ბრბო დაესხა და ჩხუბიც დაიწყო. ჩვენ მის საშველად გავიქეცით“, – აღნიშნა ერთ-ერთმა მსხვერპლმა.

სამი ინგლისელი საავადმყოფოში გადაიყვანეს. ერთ-ერთ მათგანს დანით ჭრილობა აქვს მიყენებული, მეორეს თავი გაუტეხეს, მესამეს კი ძლიერი დაზიანებები აღენიშნება. თავდამსხმელთა დაკავება ვერ მოხერხდა.

ბექა დოგრაშვილი