გუშინ ჩემპიონთა ლიგის ნახევარფინალს განმეორებით შეხვედრაში მადრიდის “რეალი” მიუნხენის “ბაიერნს” შეხვდა და მეტოქესთან ფრე, 2-2 ითამაშა. ერთ-ერთ მომენტში გერმანელთა მეკარემ, სვენ ულრაიხმა მიუტევებელი შეცდომა დაუშვა, რის შემდეგაც კარიმ ბენზემამ ცარიელ კარში გაიტანა გოლი.
აღნიშნულ მომენტზე ომარ მომანი კარიკატურას გვთავაზობს.
მადრიდის “რეალისა” და ტურინის “იუვენტუსის” მეოთხედფინალური მატჩის დროს, სერხიო რამოსი, რომელიც მატჩს თვალს VIP ლოჟიდან ადევნებდა, მეორე ტაიმში გვირაბის შესასვლელთან ჩავიდა. ესპანელი სწორედ იქედან ამხნევებდა თანაგუნდელებს. ეს შეუმჩნეველი არ დარჩენიათ მსაჯებს, რომლებმაც მატჩის შემდეგ UEFA-ს გადასცეს აღნიშნული ინფორმაცია.
UEFA-მ განიხილა რამოსის შემთხვევა და გადაწყვიტა, რომ ის არ დაისჯება. როგორც განცხადებაში წერია, ესპანელი მცველი “მოედნის დონეზე” არ მდგარა. შესაბამისად, ის ორივე ნახევარფინალურ მატჩში იქნება.
“რეალი” ჩემპიონთა ლიგაზე” მიუნხენის “ბაიერნს” დაუპირისპირდება. პირველი მატჩი გერმანიაში 24 აპრილს, ხოლო მეორე დაპირისპირება უკვე ესპანეთში, პირველ მაისს შედგება.
მსოფლიო ჩემპიონატზე განცდილი სამარცხვინო მარცხის შემდეგ (7:1) ბრაზილიის ნაკრები პირველად დაუპირისპირდა გერმანიის გუნდს. მატჩი ბერლინში გაიმართა და სამხრეთ ამერიკელთა გამარჯვებით დასრულდა.
მატჩი გარდამავალი უპირატესობიტ მიმდინარეობდა. აღსანიშნავია ისიც, რომ ბრაზილიელები ამ მატჩს სერიოზულად მოეკიდნენ და მხოლოდ ერთი შეცვლა განახორციელეს. გამარჯვების მომტანი გოლი კი გაბრიელ ჟეზუსის ანგარიშზეა (37′).
ცნობისთვის გეტყვით იმასაც, რომ წინა მატჩში გერმანიის ნაკრებმა ესპანელებთან ფრე ითამაშა (2:2), ბრაზილიამ კი რუსეთი გაანადგურა (0:3).
გერმანია: ტრაპი; პლატენჰარდტი, რუდიგერი, ბოატენგი (სულე 68′), კიმიხი; კროოსი, გიუნდოგანი, სანე (შტინდლი 61′), დრაქსლერი, გორეცკა (ბრანდტი 61′); გომესი (ვაგნერი 62′)
მთავარი მწვრთნელი: იოაჰიმ ლიოვი
ბრაზილია: ალისონი; ალვეში, ტიაგო სილვა, მირანდა; მარსელო; ფერნანდინიო, კაზემირო, პაულინიო; უილიანი, გაბრიელ ჟეზუსი, კოუტინიო (დიეგო კოშტა 73′)
მთავარი მწვრთნელი: ტიტე
“პსჟ”-ს შემტევმა, ნეიმარმა სერიოზული დაზიანება ძალიან მნიშვნელოვანი მატჩის წინ მიიღო: მოგეხსენებათ, ფრანგები ექვს მარტს მადრიდის “რეალს” ჩემპიონთა ლიგის განმეორებით შეხვედრაში დაუპირისპირდებიან. დაახლოებით იგივე, ბრაზილიელს ოთხი წლის წინ, მუნდიალზე, გერმანიასთან გასამართი ნახევარფინალური თამაშის წინ დაემართა.
ომარ მომანი ამასთან დაკავშირებით კარიკატურას გვთავაზობს.
ალექსის სანჩესმა ლონდონის “არსენალი” დატოვა, თუმცა, როგორც ჩანს, ამას არ აპირებს გუნდს მეორე ლიდერი, მესუთ იოზილი. როგორც გერმანული და ინგლისური პრესა წერს, გამთამაშებელი კლუბთან კონტრაქტს გაახანგრძლივებს.
ახალი ხელშეკრულება იოზილს “მეთოფეებთან” 2021 წლის ზაფხულამდე დააკავშირებს. მისი ანაზღაურება კი წელიწადში 18 მილიონი ევრო იქნება. სწორედ ასეთ, საერთო იფნორმაციას იუწყება გერმანული გამოცემა, Bild-იც.
გეტყვით, რომ მესუთი 2013 წლის ზაფხულში გადავიდა მადრიდის “რეალიდან” ლონდონის “არსენალში” და მას შემდეგ შემადგენლობის შეუცვლელი წევრია.
მიუნხენის “ბაიერნმა” ზანსჰაიმის “ჰოფენჰაიმიდან” სანდრო ვაგნერი გაიფრომა. ამის შესახებ ბავარიელთა ოფიციალური გვერდი იტყობინება. 30 წლის თავდამსხმელმა ორ-ნახევარ წლიან კონტრაქტს მოაწერა ხელი. შესაბამისად, ის კლუბს იანვარში შეუერთდება და 2020 წლის ივნისამდე დარჩება. ტრანსფერის ღირებულება 13 მილიონი ევროა.
გეტყვით, რომ სანდრო ვაგნერი “რეკორდმაისტერის” აღზრდილია. მისი დებიუტი მთავარ გუნდში 2007 წლის 11 აგვისტოს ბუნდესლიგის მატჩში, როსტოკის “ჰანსას” წინააღმდეგ შედგა, სადაც ბავარიელებმა ანგარიშით, 3:0 იმარჯვეს. ამის შემდეგ ვაგნერს გამოვლილი აქვს ისეთი გერმანული კლუბები, როგორებიცაა: დიუსბურგის “მსვ”, ბრემენის “ვერდერი 2”, ბრემენის “ვერდერი”, ბერლინის “ჰერტა”, “დარმშტადტ 98” და, როგორც უკვე ვთქვით, ზანსჰაიმის “ჰოფენჰაიმი”.
“სანდრო ვაგნერის სახით, ჩვენ კიდევ ერთი გერმანელი დავიმატეთ. გვჯერა, რომ ის დააკმაყოფილებს გუნდის სათამაშო დონეს. მას ამის კლასი და გამოცდილება გააჩნია,” – აცხადებს გუნდის სპორტული დირექტორი, ჰასან სალიჰამიჯიჩი.
გუშინ ჩემპიონთა ლიგის ჯგუფური ეტაპის მეექვსე ტურის შეხვედრაში მიუნხენის “ბაიერნმა” “პსჟ” მიიღო და მეტოქე ანგარიშით, 3-1 დაამარცხა.
მატჩის შემდეგ ჟურნალისტებს ფრანგთა ნახევარმცველი, ადრიენ რაბიო ესაუბრა.
“ჯგუფი პირველ ადგილზე დავასრულეთ და ამიტომ ძალიან ბედნიერები ვართ. ჩვენ მთავარ მიზანს მივაღწიეთ და ყველა მეტოქეს ვაჯობეთ. თუმცა, ისიც მართალია, რომ მეტი მუშაობა გვმართებს, რათა ასეთი ტიპის შეხვედრებში უკეთესად ვიასპარეზოთ.”
“ბევრი კარგი რამ გავაკეთეთ, თუმცა შეცდომებიც დავუშვით. ამიტომ, აუცილებელია, მათ აღმოფხვრაზე ვიფიქროთ. წინ გაცილებით მნიშვნელოვანი თამაშებია. რაც უფრო მალე გავშლით თამაშს, გავაკეთებთ უკეთეს გრძელ პასებს, ეს ხარვეზები უფრო მალე აღმოიფხვრება,” – აცხადებს რაბიო.
ხუთშაბათს “კიოლნმა” ევროპის ლიგის ჯგუფური ეტაპის მეხუთე ტურის შეხვედრაში ლონდონის “არსენალი” მინიმალური ანგარიშით დაამარცხა. რა თქმა უნდა, ეს გამარჯვება იზეიმა გერმანელთა ამჟამინდელმა და ინგლისელთა ყოფილმა შემტევმა, ლუკაშ პოდოლსკიმ.
ამასთან დაკავშირებით ომარ მომანი ასეთ კარიკატურას გვთავაზობს.
დღეს ჩემპიონთა ლიგის ჯგუფური ეტაპის მეხუთე ტურის შეხვედრაში ლონდონის “ტოტენჰემი” დორტმუნდის “ბორუსიას” ესტუმრა და მეტოქე ანაგრიშით, 2-1 დაამარცხა. ამ სამი ქულით ლონდონელებმა ჯგუფიდან პირველი ადგილით გასვლა გაინაღდეს.
პრინციპული შეხვედრის შემდგე, ჟურნალისტებს “სპურსების” ფორვარდი, ჰარი კეინი ესაუბრა.
“ეს დაუჯერებელი ღამეა ჩვენთვის, ფანებისთვის, კლუბისთვის. საკმაოდ რთულ ჯგუფში პირველი ადგილი დავიკავეთ. ლიგის დაწყების წინ, ყველამ ჩამოგვწერა. მათ ეგონათ, რომ მერვედფინალში ვერც მეორე ადიგლიდან გავიდოდით. თუმცა, ჩვენი რეალური ძალა ვაჩვენეთ.”
“როცა გოლი გაგვიტანეს, საკმაოდ რთულ სიტუაციაში აღმოვჩნიდთ. თუმცა, ვიცოდით, რომ მომენტები გამოგვიჩნდებოდა და თუ ერთს მაინც გამოვიყენებდით, შემდეგ იქნებოდა იმის შანსი, რომ ლიდერის სტატუსით დაგვემთავრებინა ჯგუფში ასპარეზობა. საბოლოოდ, შეხვედრას საოცარი დასადრული ჰქონდა. ძალიან ბედნიერი ვარ!” – აცხადებს კეინი.
ხვალ გერმანიისა და საფრანგეთის ეროვნული გუნდები ამხანაგურ შეხვედრაში ერთმანეთს დაუპირისპირდებიან.
მატჩის წინ გერმანელების ნახევარმცველმა, ტონი კროოსმა პრესკონფერენცია გამართა, სადაც ერთმანეთს აღნიშნული ორი ქვეყნის ჩემპიონატები შეადარა.
“საფრანგეთის ლიგა სულაც არაა ცუდი, თუმცა დასაწყისშივე ცნობილია, ვინ მოიგებს მას. წახვალ თუ არა “პსჟ”-ში, შენ ზუსტად იცი, ვინ იქნება ბოლოს გამარჯვებული. ბუნდესლიგა ლიგა 1-ზე ძლიერი ჩემპიონატია. ჩემი აზრით, იქ წასვლა ფეხბურთელს უნდა სურდეს. თუ ერთის არჩევა მოუწევს ვინმეს, მე ბუნდესლიგას ვურჩევ,” – აცხადებს ტონი.
მარიო გიოტცეს 2014 წლის მსოფლიო ჩემპიონატის ფინალში გატანილი გოლის შემდეგ, ფაქტობრივად, ნაკრებში ღირებული აღარაფერი შეუქმნია. ახლა კი, მეტაბოლიზმის პრობლემის მოგვარებას, გერმანელის როგორც საკლუბო, ისევე სანაკრებო ფეხბურთში დაბრუნება მოჰყვა. მისი ნაკრები 10 და 14 ნოემბერს ინგლისისა და საფრანგეთის ეროვნულ გუნდებს დაუპირისპირდება.
25 წლის მოთამაშემ დღეს ნაკრებში გამოძახების ფაქტზე ისაუბრა.
“კონფედერაციის თასზე ასეთი ასპარეზობისა და საკვალიფიკაციო ეტაპის წარმატებით დაძლევის შემდეგ, შემიძლია ვთქვა, რომ ნაკრები სწორ გზას ადგას. იგი მუდმივად ვითარდება. ახლა წინ ორი რთული შეხვედრა გველის ძლიერ მოწინააღდეგეებთან. ჩემთვის მნიშვნელოვანია, კარგად ვითამაშო, როგორც კლუბში, ასევე ნაკრებში. ახალ წელს დიდი იმედებით ვხვდები.”
გიოტცემ შარშან ბუნდესლიგაში 11 შეხვედრა ჩაატარა და, შემდეგ, მეტაბოლიზმის პრობელის გამო გამოაკლდა გუნდს.
“ეს ჩემი პირველი ტრავმა და ფეხბურთიდან პირველი შესვენება არ ყოფილა. რეაბილიტაციას საკმაო ხანს გავდიოდი. შევიცვალე ფიზიკური ფორმა და, ჩემი აზრით, აქედან გამომდინარე, სათამაშო სტილიც. ამ დროს არ უნდა დანებდე და მხოლოდ პოზიტივზე იფიქრო. ჩემი მიზანი ამ საფხულში პრე-სეზონზე დაბრუნება იყო და ეს შევძელი!” – აცხადებს მარიო.
ათ და თოთხმეტ ნოემბერს ინგლისის ნაკრები ამხანაგურ შეხვედრებს, შესაბამისად, გერმანიასთან და ბრაზილიასთან ითამაშებს. აღნიშნულ ორ მატჩს ბრიტანელები დანაკლისით ხვდებიან.
გარეთ საუთგეიტის განკარგულებაში არ იქნებიან ჯორდან ჰენდერსონი, რაჰიმ სტერლინგი და ფაბიან დელფი. როგორც “ლივერპულის” კაპიტანს, ასევე “მანჩსტერ სიტის” დუეტს ტრავმები აწუხებთ. ისინი ლაზარეთში შეუერთდნენ “ტოტენჰემურ” ტრიოს, დელე ალის, ჰარი ვინკსსა და ჰარი კეინს.
საუთგეიტმა დიდი დანაკლისის რაღაც დონეზე ამოსავსებად გამოიძახა “ვესტ ბრომვიჩ ალბიონის” ფეხბურთელი, ჯეიკ ლივერმორი. ასევე, მან “ევერტონის” მცველს, მაიკლ კინსაც უხმო.
აქვე გეტყვით, რომ ორივე მატჩი “უემბლიზე”, თბილისის დროით, 00:00 საათზე დაიწყება.
