მადრიდის “რეალის” მეკარე იკერ კასილასი “კრისტალ პალასსაც” მოუნდა. ამ ინფორმაციას London 24 ავრცელებს.
34 წლის კიპერმა შესაძლოა, კლუბი სათამაშო დროის ნაკლებობის გამო დატოვოს. კასილასით ევროპის რამდენიმე კლუბია დაინტერესებული.
გასულ სეზონში ესპანელმა მეკარემ “რეალის” რიგებში 45 მატჩი ჩაატარა და 46 გოლი გაუშვა.
ესპანეთის ჩემპიონატის 38-ე ტურში მადრიდის “რეალმა” “ხეტაფე” ანგარიშით 7:3 გაანადგურა.
ეს “სამეფო კლუბის” კიპერ იკერ კასილასისთვის პრიმერადივიზიონში მოპოვებული 334-ე გამარჯვებაა, რაც სარეკორდო მაჩვენებელია.
კასილასმა ამ მაჩვენებლით ანდონი სუბისარეტა ჩამოიტოვა, რომელმაც თავის დროზე ესპანეთის ჩემპიონატში 333 გამარჯვება იგემა.
ესპანეთის პრიმერადივიზიონის 37-ე ტურში “ესპანიოლსა” და მადრიდის “რეალს” შორის გამართული მატჩის მიმდინარეობისას “სამეფო კლუბის” მცველმა ფაბიო კოენტრაუმ საკუთარი გუნდის კიპერ კეილორ ნავასს დასცინა.
პორტუგალიელი ფეხბურთელი სათადარიგოთა სკამზე იკერ კასილასის გვერდით იჯდა. მატჩის 74-ე წუთზე კეილორ ნავასმა უხეში შეცდომა დაუშვა, რის შემდეგაც “რეალის” კარში გოლი გავიდა. აღნიშნულ მომენტს რეაქციის გარეშე შეჰყურებდა კასილასი, ხოლო კოენტრაუმ კეილორ ნავასს დასცინა.
შეგახსენებთ, რომ მატჩი “რეალის” გამარჯვებით, ანგარიშით 4:1 დასრულდა.
მადრიდის “რეალის” მეკარეს, იკერ კასილიასს გუნდში მანამ სურს ყოფნა, სანამ კონტრაქტის ვადა არ ამოეწურება.
ლეგენდარულ ესპანელს უკვე აქტიურად უკავშირებენ ლონდონის “არსენალს”, მაგრამ გამოცდილი კიპერი არ აპირებს ჭორებზე აყოლას და ის მხოლოდ კარლო ანჩელოტის ნება-სურვილს დაემორჩილება.
კასილიასის თქმით, მის გადაწყვეტილების მიღებაზე ზეგავლენას არ მოახდენს მადრიდელთა გულშემატკივრის უარყოფითი რეაქცია. იკერს სტადიონზე “გალაქტიკოსის” ფანები უსტვენენ.
33 წლის ვეტერანი ვერ ჰხედავს გუნდის გამოცვლის მიზეზს. მას არ აშინებს ის ფაქტი, რომ გუნდის მთავარი მეკარე შეიძლება, დავიდ დე ხეა გახდეს.
იკერ კასილიასს “რეალთან” ხელშეკრულების ვადა 2017 წლამდე აკავშირებს.
უეფას ჩემპიონთა ლიგის მეოთხედფინალური ეტაპის საპასუხო შეხვედრაში მადრიდის “რეალმა” თანაქალაქელი “ატლეტიკო” ანგარიშით 1:0 დაამარცხა და ნახევარფინალის საგზური მოიპოვა. “სამეფო კლუბის” კიპერ იკერ კასილასისთვის ეს ევროპის ყველაზე პრესტიჟულ საკლუბო ტურნირში ჩატარებული 52-ე მატჩი იყო, რომელშიც გოლი არ გაუშვია. ამ მაჩვენებლით “რეალის” მეკარე რეკორდსმენია.
კასილასმა მატჩის შემდეგ კომენტარი გააკეთა.
“ატლეტიკოსთან” თამაში ყოველთვის რთულია, მძიმე დაპირისპირება იყო. ნახევარფინალში თამაში დავიმსახურეთ.
ყველაფერი დეტალებმა გადაწყვიტა. ჩიჩარიტომ გაიტანა გოლი, რომელმაც მომდევნო ეტაპის საგზური მოგვიტანა.
ამ შეხვედრაში მხოლოდ ჩვენი ფეხბურთელები დონე საკმარისი არ იყო, უნდა გვებრძოლა. მოედნის ცენტრში მშვენივრად ვითამაშეთ.
ნახევარფინალში ოთხი წამყვანი კლუბი გავიდა. ძალზედ საინტერესო ნახევარფინალური შეხვედრები გველის, ვისაც არ უნდა ეთამაშა ამ ეტაპზე”, – კასილასის სიტყვებს Football Espana ციტირებს.
უეფას ჩემპიონთა ლიგის მეოთხედფინალურ ეტაპზე მადრიდის “ატლეტიკოსა” და “რეალს” შორის გამართული პირველი მატჩი უგოლოდ დასრულდა.
ამრიგად, “სამეფო კლუბის” კიპერმა იკერ კასილასმა რეკორდი დაამყარა. მისთვის ეს ამ ტურნირზე ჩატარებული 51-ე მატჩი გახლდათ, რომელშიც გოლი არ გაუშვია. ამ მაჩვენებლით ესპანელმა მეკარემ “მანჩესტერ იუნაიტედის” ყოფილი კიპერი ედვინ ვან დერ სარი (50 “მშრალი” მატჩი) ჩამოიტოვა და პირველი ადგილი დაიკავა.
“ბარსელონას” თავდამსხმელი ლუის სუარესი გაოცებული დარჩა იმ ფაქტით, რომ მადრიდის “რეალის” ფანებმა მიმდინარე სეზონში იკერ კასილასს არაერთხელ დაუსტვინეს. ურუგვაელი ფეხბურთელის თქმით, ესპანელი მეკარის მიმართ ასეთი საქციელი ყოვლად გაუმართლებელია.
“რეალის” ფანების არ მესმის. როგორ შეიძლება, დაუსტვინო ასეთი კარიერის მქონე ფეხბურთელს, რომელმაც საკმაოდ ბევრი ტიტული მოიგო. ამ ხალხმა სტატისტიკას ჩახედოს და ნახოს, რა მიღწევები აქვს კასილასს. სანამ ვინეს დაუსტვენ, უნდა დაფიქრდე”, – ციტირებს სუარესის სიტყვებს Cope.
ურუგვაელმა თავდამსხმელმა ისიც თქვა, რომ მისი თანაკლუბელი ლიონელ მესი “რეალის” ლიდერ კრიშტიანუ რონალდუზე ძლიერია.
“მესი რონალდუზე ძლიერია. ლეო უდიდესი ფეხბურთელი და ამავე დროს, ძალზედ თავმდაბალი ადამიანია. ბედნიერი ვარ, რომ მასთან და ნეიმართან ერთად თამაშის შესაძლებლობა მეძლევა”, – აღნიშნა სუარესმა.
5 აპრილს, ესპანეთის პრიმერა დივიზიონში, მადრიდის “რეალმა” საკუთარ მოედანზე “გრანადა” მიიღო და მეტოქე გამანადგურებელი ანგარიშით 9:1 დაამარცხა.
მატჩის მიმდინარეობისას, ტრიბუნაზე მყოფ პატარა გულშემატკივარს ბურთი თავში მოხვდა. ეს ყოველივე იკერ კასილასმაც შენიშნა და მას თავისი მაისური აჩუქა.
მადრიდის “რეალის” მეკარე იკერ კასილასსა და თავკაც კარლო ანჩელოტის კლუბისგან სამახსოვრო მაისურები გადაეცათ.
შეგახსენებთ, რომ ესპანეთის პრიმერადივიზიონის 24-ე ტურში “ელჩეს” წინააღმდეგ გამართული შეხვედრა (2:0) კასილასისთვის ლა ლიგაში “სამეფო კლუბის” რიგებში ჩატარებული მე-500 მატჩი გახლდათ. იგივე შეხვედრა ანჩელოტისთვის “რეალის” მთავარი მწვრთნელის პოსტზე მე-100 მატჩი გახლდათ.
არაა გამორიცხული, მადრიდელთა ლეგენდარულ მეკარეს ზაფხულში გუნდის დატოვება მოუწიოს.
მიმდინარე სეზონში, იკერმა მოახერხა “რეალის” მთავარი მეკარის სტატუსის მოპოვება. ესპანელ კიპერს კლუბთან ხელშეკრულების ვადა 2017 წელს გასდის.
თუმცა, მოთამაშესთვის “დეპორტივოსთან” ფანების ცუდი საქციელი უსიამოვნო სიურპრიზი იყო.
AS-ის ცნობით, კასილასი გუნდიდან აბარგებაზე ფიქრობს. “ფურია როხას” წევრს გადაწყვეტილება მიღებული არ აქვს, მაგრამ ზაფხულისთვის თავის მომავალზე გამოაცხადებს.
Wall Street Journal-თან მიცემულ ინტერვიუში, იკერ კასილასმა განაცხადა, რომ ამერიკის შეერთებულ შტატებში ასპარეზობაზე უარს არ იტყოდა.
“სამეფო გუნდი” კვლავ აქტიურად აგრძელებს მუშაობას, მეკარის პრობლემის მოგვარებაზე.
“რეალში” იკერ კასილასის მომავალი კვლავ გაურკვეველია. პრესას ლეგენდარულ მეკარეზე ახალი სალაპარაკო მიეცა. ესპანელმა მადრიდულ დერბიში მიუტევებელი შეცდომა დაუშვა.
თავდაპირველად, იკერის შემცვლელად დავიდ დე ხეას მიიჩნევდნენ, რომელსაც “მანჩესტერ იუნაიტედთან” ხელშეკრულების ვადა 18 თვეში გასდის.
Daily Star-ის ცნობით, მადრიდელთა ახალი სამიზნე 22 წლის ბელგიელი, ტიბო კურტუა გახდა, რომელმაც იჯარის წესით საკმაოდ დიდი ხანი გაატარა მადრიდის “ატლეტიკოში”. იგი მხოლოდ ზაფხულში დაბრუნდა ლონდონში და პიტერ ჩეხი სათადარიგოთა სკამზე გადასვა.
“ბლანკოსი” ეშმაკურ ხერხსაც მიმართავს. ესპანელებმა იციან, რომ ჟოზე მოურინიოს რაფაელ ვარანის წაყვანა სურს, ხოლო არაა გამორიცხული, ფრანგი სწორედ ტიბოს ტრანსფერში გამოიყენონ.
მადრიდის “რეალის” მეკარე იკერ კასილასი თვლის, რომ ესპანეთის პრიმერადივიზიონის 22-ე ტურში “ატლეტიკოს” წინააღმდეგ გამართულ მატჩში (0:4) გაშვებული პირველი გოლის ეპიზოდში მას შეცდომა არ დაუშვია. მისი თქმით, მეტოქემ “რეალს” ყველა პარამეტრში აჯობა.
“ატლეტიკომ დაგვჯაბნა. მეტოქე გუნდი შექებას იმსახურებს, ჩვენმა მოწინააღმდეგემ იდეალური მატჩი ჩაატარა. იმედგაცრუებულნი ვართ, შეცდომები უნდა გამოვასწოროთ, რათა მომავალში ასეთი რამ აღარ განმეორდეს. ქომაგებს ბოდიშს ვუხდი. მძიმე მარცხი ვიწვნიეთ. ამბობენ, რომ პირველი გოლის მომენტში შეცდომა დავუშვი? ეს შეცდომა არ ყოფილა. ბურთი ნაჩოსა და ვარანს შორის გაძვრა და ამან გავლენა იქონია. ასეთი მძიმე შეხვედრები ცოტა გვქონია. “რეალ სოსიედადთან” განცდილი მარცხი მახსენდება (2:4). მომდევნო მატჩზე უნდა ვიფიქროთ”, – კასილასის სიტყვები “მარკამ” გამოაქვეყნა.
მადრიდის “რეალი” მომდევნო შეხვედრას “დეპორტივოს” წინააღმდეგ გამართავს. მატჩი 14 თებერვალს შედგება.
