ტურინის „იუვენტუსის“ ნახევარმცველის სებასტიან ჯოვინკოს აგენტმა გუნდში თავისი კლიენტის სიტუაციაზე ისაუბრა.
„როდესაც სებასტიანი სასტარტო შემადგენლობაში გამოდიოდა, იგი ჩინებულად თამაშობდა, ისევე, როგორც ნაკრებში. თუმცა, სამწუხაროდ, იგი „იუვენტუსის“ სათადარიგოთა სკამზე დაბრუნდა.
რისი თქმა შეიძლება მოთამაშეზე, რომელსაც გამოცდილება, ტექნიკა და კლასი არ აკლია?
ბოლო სიტყვა ალეგრის ეკუთვნის. ეს ნორმალურია, რომ ჯოვინკოს დონის ფეხბურთელს მეტი პრეტენზია აქვს. იგი „იუვენტუსში“ თავისი როლით უკმაყოფილოა. ნებისმიერ შემთხვევაში, მისი კონტრაქტი ზაფხულში იწურება და უკვე იანვრიდან სხვა კლუბებთან მოლაპარაკება შეგვეძლება“, – განაცხადა აგენტმა.
