ხორვატიისა და არგენტინის საფეხბურთო ნაკრებებს შორის გამართულ მატჩს (3-0) ანტე რებიჩი დამცინავად გამოეხმაურა. შეგახსენებთ, რომ მსოფლიო ჩემპიონატის ორი ტურის შემდეგ ხორვატია ჯგუფში პირველზეა, არგენტინა – მეოთხეზე.
“სიმართლე გითხრათ, მესისთვის მაისურის თხოვნა მინდოდა ჩემი მეგობრისთვის, ის ლეოს დიდი ფანია. მაგრამ არგენტინელებმა იმდენად ცუდად ითამაშეს, რომ მისთვის მაისურის თხოვნა გადავიფიქრე.
მათგან გაცილებით უფრო მეტს ველოდი. განსაკუთრებით კი პრემიერ ლიგაში მოთამაშე ფეხბურთელებისგან, ისინი ხომ მიჩვეულები არიან მაღალ რიტმს. ნიკოლას ოტამენდი კი მეოთხე წუთზე, როდესაც მანჯუკიჩთან იბრძოდა, გაზონზე დაეცა.
ძალიან იმედგაცრუებული ვარ მათი დამოკიდებულებით, ფეირ-პლეის წესებს აიგნოებდნენ, რომ არაფერი ვთქვათ პროვოკაციებზე. სპორტსმენებს წაგებაც უნდა შეეძლოთ,” – აცხადებს ხორვატი თავდამსხმელი.
