როგორც ჩანს, ცნობილმა ბარბადოსელმა მომღერალმა რიანამ 4 ივლისს, ბრაზილიისა და კოლუმბიის ნაკრებებს შორის გამართულ შეხვედრას თვალი მიადევნა.
მატჩამდე, ცნობილი იყო, რომ რიანა ბრაზილიის ნაკრებს გულშემატკივრობდა. შეხვედრის დასრულების შემდეგ კი მან კოლუმბიელთა მეათე ნომერ ხამეს როდრიგესს “ლეგენდა” უწოდა.
4 ივლისს, ბრაზილიისა და კოლუმბიის ნაკრებებს შორის გამართული მატჩის მიმდინარეობისას, ხამეს როდრიგესს გატანილი პენალტის შემდეგ ხელზე დიდი კალია აღმოჩნდა, რომელიც ვერავინ შეამჩნია.
2014 წლის მსოფლიოს ჩემპიონატის მეოთხედფინალურ ეტაპზე ბრაზილიისა და კოლუმბიის ნაკრებებს შორის გამართული შეხვედრა „სელესაოს“ გამარჯვებით, ანგარიშით 2:1 დასრულდა.
მატჩის საუკეთესო ფეხბურთელად ბრაზილიელთა მცველი დავიდ ლუისი დაასახელეს, რომელმაც შეხვედრის 69-ე წუთზე საჯარიმო დარტყმით მართლაც თვალსასეირო და რაც მთავარია, საჭირო გოლი გაიტანა.
„პარი სენ-ჟერმენის“ ახალწვეულმა მატჩი სრულად ჩაამთავრა, გააკეთა 28 გადაცემა და კარში დაარტყა ერთხელ.
ტურნირის ნახევარფინალურ ეტაპზე ბრაზილიის ნაკრები გერმანიის ეროვნულ გუნდს დაუპირისპირდება. შეხვედრა 9 ივლისს, თბილისის დროით 00:00 საათზე დაიწყება.
სანახაობრივი გამოდგა 1/4-ფინალური შეხვედრა ბრაზილიასა და კოლუმბიას შორის.
ანარიში მე-7 წუთზე ტიაგო სილვამ გახსნა. მეორე ტაიმში, 69-ე წუთზე დავიდ ლუისმა ბრაზილიელთა უპირატესობა ორბურთიანი გახადა. მალევე კოლუმბიელებს პენალტის შესრულების საშუალება მიეცათ, რომელიც გოლად ხამეს როდრიგესმა აქცია და საბოლოო ანგარიშიც დააფიქსირა – 2:1.
როგორც იცით, დღეს მსოფლიოს ჩემპიონატის მეოთხედფინალში ერთმანეთს ბრაზილიისა და კოლუმბიის ნაკრებები დაუპირისპირდებიან.
ამ გუნდებს შორის ბოლო დაპირისპირება 2012 წლის 15 ნოემბერს გაიმართა. ამ შეხვედრაში, 81-ე წუთზე ნეიმარმა პენალტი საკმაოდ ცუდად შეასრულა.
4 ივლისს, მსოფლიოს 2014 წლის ჩემპიონატის მეოთხედფინალურ ეტაპზე ერთმანეთს კოლუმბიისა და ბრაზილიის ნაკრებები დაუპირისპირდებიან. თუ კოლუმბიელები ბრაზილიელთა დამარცხებას მოახერხებენ, განსაკუთრებით გაიხარებენ პორტუგალიის ერთ-ერთი რესტორნის თანამშრომლები.
როდესაც კოლუმბიის ნაკრების ფეხბურთელი ხამეს როდრიგესი პორტუგალიაში თამაშობდა, მაშინ მან მეგობრებთან ერთად რესტორანი გახსნა, რომელსაც “Anchor Violet” დაარქვეს. ამ რესტორანში თერთმეტი ადამიანი მუშაობს. როდრიგესი კი მათ დაპირდა, რომ თუ მისი გუნდი ბრაზილიის ნაკრების დამარცხებას მოახერხებს, მაშინ ის თითო თანამშრომელს 5000 ევროს აჩუქებს.
შეგახსენებთ, რომ ბრაზილიისა და კოლუმბიის ნაკრებებს შორის მატჩი დღეს, თბილისის დროით, 23:55 საათზე დაიწყება.
მუნდიალის მასპინძლები ნახევარფინალის საგზურისთვის კოლუმბიელებთან იბრძოლებენ.
რომ არა მასპინძლის სტატუსი ბრაზილიის ფავორიტად შერაცხვა საკმაოდ რთული იქნებოდა. სელესაომ 1/4-ფინალის საგზური პირველ რიგში გამართლების ხარჯზე მოიპოვეს. სკოლარის გუნდი არც ჯგუფურ ეტაპზე ბრწყინავდა. რასაც ვერ ვიტყვით კოლუმბიის ნაკრებზე. პეკერმანის შეგირდეებმა ჯგუფური ეტაპი სამი გამარჯვებით, დამაჯერებლად გაიარეს, ხოლო 1/8 ფინლში ურუგვაელების დამარცხება მოახერხეს.
ამ გუნებს შორის გამართული მატჩების სტატისტიკა ბრაზილიელთა უპირატესობაზე მეტყველებს. უკანასკნელად კოლუმბიელებმა ბრაზილიის დამარცხება 1991 წელს მოახერხეს, თუმცა ბოლო ოთხ შეხვედრაში ოთხი ფრე დაფიქსირდა.
პეკერმანისგან განსხვავებით, რომელსაც დღეს ოპტიმალური შემადგენლობა ეყოლება, ლუის ფელიპე სკოლარის საკმაოდ სერიოზული დანაკლისი აქვს. საყრდენი ნახევარმცევლი ლუსი გუსტავო, რომელმაც ოთხივე შეხვედრა სრულად ჩაატარა, დღეს მოედანზე დისკვალიფიკაციი გამო ვერ გავა. ამის გამო, მოედნის ცენტრში მოსალოდნელია ფერნანდინიო-პაულინიოს დუეტის გამოჩენა.
კითხვები იყო ნეიმარის მდგომარეობასთან დაკავშირებითაც, თუმცა ბრაზილიელი ექიმები ირწმუნებიან, რომ სელესაოს 10-იანი მწყობრშია.
სავარაუდო შემადგენლობები:
ბრაზილია: ჟულიო სეზარი – დანი ალვეში, ტიაგო სილვა, დავიდ ლუისი, მარსელო – პაულინიო, ფერნანდინიო, ოსკარი – ჰალკი, ფრედი, ნეიმარი.
კოლუმბია: ოსპინა – სუნიგა, საპატა, იეპესი, არმერო – სანჩესი, აგილარი – კუადრადო, როდრიგესი, მარტინესი – გუტიერესი.
ევროპაბეთის კოეფიციენტები აღნიშნულ მატჩზე:
2014 წლის მსოფლიოს ჩემპიონატის მეოთხედფინალური ეტაპის მეორე მატჩი ბრაზილიისა და კოლუმბიის ნაკრებებს შორის გაიმართება. ბევრი ამ შეხვედრას ნეიმარი — ხამეს როდრიგესის მიკროდუელადაც ნათლავს და ეს სულაც არ არის გასაკვირი.
ბრაზილიის ნაკრებს მიმდინარე მსოფლიოს ჩემპიონატზე ერთი მიზანი აქვს: გამარჯვება. ნეიმარი აღნიშნული მიზნის მისაღწევად უნივერსალური საშუალებაა. სწორედ ის არის დღევანდელი „სელესაოს“ ლიდერი.
მსოფლიოს ჩემპიონატის ერთ-ერთ მთავარ აღმოჩენად უკვე იქცა კოლუმბიელი ხამეს როდრიგესი, რომელმაც მიმდინარე მუნდიალზე ჩატარებულ ოთხივე შეხვედრაში მოახერხა გოლის გატანა და ახლა ბომბარდირთა დავას 5 გატანილი ბურთით ლიდერობს.
ნეიმარი თუ ხამეს როდრიგესი? აქედან მხოლოდ ერთი გააგრძელებს ტურნირის საუკეთესო ფეხბურთელის წოდებისთვის ბრძოლას.
|
ნეიმარი |
|
ხამეს როდრიგესი |
|
ბრაზილია |
ქვეყანა |
კოლუმბია |
|
22 წლის |
ასაკი |
22 წლის |
|
„ბარსელონა“, ესპანეთი |
კლუბი |
„მონაკო“, საფრანგეთი |
|
აშშ – 2:0 (10.08.2010) |
სანაკრებო დებიუტი |
ბოლივია – 2:1 (29.09.2011) |
|
53 |
სანაკრებო მატჩების რაოდენობა |
26 |
|
35 |
სანაკრებო გოლების რაოდენობა |
10 |
|
0,67 |
საშუალო შედეგიანობა |
0,38 |
|
|
2014 წლის მსოფლიოს ჩემპიონატზე გამოსვლა: |
|
|
4 (4) |
მატჩი |
4 (3) |
|
384 |
წუთი |
324 |
|
4 |
გოლი |
5 |
|
1 |
საგოლე გადაცემა |
4 |
|
64,3% (9/14) |
ზუსტი დარტყმა |
50,0% (7/14) |
|
74,7% (121/162) |
ზუსტი გადაცემა |
80,1% (137/171) |
|
14 |
გამომუშავებული ჯარიმა |
5 |
|
10 211 მ |
მატჩში საშუალოდ დაფარული დისტანცია |
9 010 მ |
|
31,8 კმ/სთ |
მაქსიმალური სისწრაფე |
30,9 კმ/სთ |
ბრაზილიის ნაკრების ფორვარდმა კოლუმბიასთან მატჩამდე ხამეს როდრიგესზე ისაუბრა.
“მუნდიალის დაწყებამდე ვიცოდი, რომ ხამეს როდრიგესი შესანიშნავი ფეხბურთელია. ტურნირზე ის საკუთარ ნიჭს სრულყოფილად ავლენს.
კოლუმბიას შესანიშნავი გუნდი ჰყავს, რომელიც ბევრ მატჩს იგებს, როდრიგესი კი მათი ვარსკვლავია. ვულოცავ მას ასეთ თამაშს.
თუმცა, ვიმედოვნებ, რომ ბრაზილია როდრიგესს დაჩრდილავს” – განაცხადა ნეიმარმა.
კოლუმბიის ყველაზე მომხიბლავმა ჟურნალისტმა ალეხანდრა ბიტრაგო ერერამ მსოფლიოს ჩემპიონატზე გამგზავრებამდე საფეხბურთო ფრისტაილში პრაქტიკები პროფესიონალ ფეხბურთელებთან გაიარა. 26 წლის გოგონას ბურთს საკმაოდ კარგადაც ფლობს.
გთავაზობთ ვიდეოს.
ბრაზილიელი ნახევარმცველი ფერნანდინიო კოლუმბიის ნაკრებს უფრთხის. მისი თქმით, ჩილეს ნაკრებსა და კოლუმბიის ნაკრებს შორის არცთუ ისე დიდი განსხვავებაა, მაგრამ კოლუმბია უფრო შემტევ ფეხბურთს თამაშობს.
ფერნანდინიო ჟურნალისტებთან საუბრობს:
“ვფიქრობ, კოლუმბიის და ჩილეს ნაკრებები დიდად არ განსხვავდებიან, ორივე კარგ და სანახაობრივ თამაშს აჩვენებს, მაგრამ კოლუმბიის ნაკრები უფრო შეტევაზეა კონცენტრირებული. კოლუმბიელები კარგად იყენებენ ფლანგებს, რაც მეტ ხიფათს ქმნის. მათ ჰყავთ უნიჭიერესი თავდამსხმელი ხამეს როდრიგესი, რომელიც ძალიან სახიფათოა”.
როგორც მოგეხსენებათ, წინა დაპირისპირებაში კოლუმბიამ ურუგვაის 2-0 სძლია. ამ თამაშიდან გამომდინარე, კოლუმბიელთა ფორვარდს, ადრიან რამოსს სავსებით არ ეშინია ბრაზილიის. მისი თქმით, მათ შეუძლიათ, დაამარცხონ ჩემპიონატის მასპინძელი და ფავორიტი ბრაზილიის ნაკრები.
ადრიან რამოსი ჟურნალისტებთან აცხადებს:
“ჩვენ სავსებით არ გვეშინია ბრაზილიის. მეტიც, ჩვენ გამარჯვებაზე ვითამაშებთ, რადგან გვყავს ისეთი ფეხბურთელები, როგორებიც არიან ხამეს როდრიგესი და კუადრადო. უნდა გავაგრძელოთ მუშაობა რათა წარმატებას მივაღწიოთ”.
