“რეალის” ახალწვეულმა ხამეს როდრიგესმა, შესაძლოა, გუნდის შემადგენლობაში პირველი მატჩი “სევილიასთან” გამართოს. შეგახსენებთ, “რეალი” და “სევილია” 12 აგვისტოს უეფას სუპერთასისთვის იბრძოლებენ. მატჩი კარდიფში გაიმართება.
მადრიდის “რეალის” თავკაცმა კარლო ანჩელოტიმ განაცხადა, რომ ხამესის გარდა ძირითადში მოსალოდნელია კრიშტიანუ რონალდუს დაბრუნებაც.
“მანჩესტერ იუნაიტედთან” გუშინ გამართულ ამხანაგურ შეხვედრაში რონალდუ შეცვლაზე შემოვიდა.
პორტუგალიის ნაკრების და მადრიდის “რეალის” შემტევი კრიშტიანუ რონალდუ მომავალში “მანჩესტერ იუნაიტედში” დაბრუნებას არ გამორიცხავს. შეგახსენებთ, რონალდუ მანჩესტერული კლუბის ღირსებას 2009 წალამდე იცავდა.
“მანჩესტერში დაბრუნება? არავინ იცის მომავალში რა იქნება. ფეხბურთში ყველაფერი ხდება. გამორიცხული არაფერია” – განაცხადა რონალდუმ ბრიტანულ პრესასთან საუბარში.
აღსანიშნავია, რომ რონალდუს “მანჩესტერის” წინააღმდეგ თამაშის შანსი ხვალ გასამართ ამხანაგურ მატჩში ქონდა, თუმცა ამ შეხვედრას პორტუგალიელი გამოტოვებს.
მადრიდის “რეალის” მთავარმა მწვრთნელმა კარლო ანჩელოტიმ განაცხადა, რომ საერთაშორისო ამხანაგურ ტურნირზე “მანჩესტერ იუნაიტრედის” წინააღმდეგ გასამართ მატჩში კრიშტიანუ რონალდუ მონაწილეობას ვერ მიიღებს. ამის შესახებ ინფორმაციას “წითელი ეშმაკების” პრესსამსახური ავრცელებს.
როგორც მოგეხსენებათ, პორტუგალიელი ფეხბურთელი მუხლის ტრავმის შემდეგ სარეაბილიტაციო კურსს გადიოდა და და მთელი კვირის განმავლობაში ინდივიდუალური პროგრამით ვარჯიშობდა, თუმცა სასურველი ფორმის დაბრუნება ვერ მოასწრო. არადა, რონალდუსაც და ანჩელოტისაც იმედი ჰქონდათ, რომ “რეალის” ვარსკვლავი ყოფილი კლუბის წინააღმდეგ თამაშს შეძლებდა.
“რეალსა” და “მანჩესტერ იუნაიტედს” შორის მატჩი 3 აგვისტოს, თბილისის დროით 00:05 საათზე დაიწყება.
მადრიდის “რეალმა” ახალი სეზონისთვის მზადება მარცხით დაიწყო: “სამეფო კლუბი” საერთაშორისო ამხანაგურ ტურნირზე ჯერ მილანის “ინტერთან” დამარცხდა, შემდეგ კი “რომასთან”.
“ბლანკოსი” კიდევ ერთი შეხვედრას “მანჩესტერ იუნაიტედთან” გამართავს. მატჩი კვირას, მიჩიგანის 100 ათასიან სტადიონზე ჩატარდება.
აღნიშნული შეხვედრის წინ საყოველთაო ყურადღების ცენტრშია “რეალის” მთავარი ვარსკვლავი კრიშტიანუ რონალდუ, რომელიც თავის დროზე “მანჩესტერ იუნაიტედის” ღირსებას იცავდა. პორტუგალიელი ფეხბურთელი ტრავმირებული მუხლის მკურნალობას განაგრძობს და ინდივიდუალური პროგრამით ვარჯიშობს, თუმც რონალდუ “მანჩესტერ იუნაიტედის” წინააღმდეგ თამაშს აპირებს.
მატჩი 3 აგვისტოს, თბილისის დროით 00:05 საათზე დაიწყება.
მადრიდის “რეალისა” და ინგლისის ეროვნული ნაკრების ყოფილმა თავდამსხმელმა მაიკლ ოუენმა კრიშტიანუ რონალდუს მისამართით საქებარი სიტყვები არ დაიშურა და აღნიშნა, რომ პორტუგალიელი ფეხბურთელი ფეხბურთის ისტორიაში, ალბათ, ყველაზე სრულყოფილი მოთამაშეა.
“ჩემი აზრით, რონალდუ, ალბათ, ყველა დროის ყველაზე სრულყოფილი ფეხბურთელია. სწრაფია, გოლებს იტანს, ორივე ფეხით შეუძლია თამაში, თავით შესანიშნავად ურტყამს.
კრიშტიანუ ამტანია და ყველა მატჩს ატარებს. ისეთი რამ არ არსებობს, რისი გაკეთებაც მას არ შეუძლია“, – ოუენის სიტყვებს Goal.com-ი ციტირებს.
ცნობილმა საფეხბურთო საიტმა Goal.com-მა, თავისი ვერსიით, 2013/14 წლების სეზონის საუკეთესო 50 მოთამაშის ვინაობა დაასახელა.
აღსანიშნავია, რომ პირველი ადგილი ამ 50 ფეხბურთელს შორის მადრიდის „რეალისა“ და პორტუგალიის ნაკრების ლიდერმა კრიშტიანუ რონალდუმ დაიკავა. პრიზს რონალდუ საიტისგან უკვე მესამედ იღებს – აქამდე საუკეთესო ფეხბურთელად Goal.com-ის მიერ პორტუგალიელი 2008 და 2012 წლებში დასახელდა.
შარშან სეზონის საუკეთესო მოთამაშედ „ბარსელონას“ ლიდერი ლიონელ მესი დასახელდა.
მეორე ადგილი წელს მიუნხენის „ბაიერნისა“ და ჰოლანდიის ნაკრების ნახევარმცველმა არიენ რობენმა დაიკავა, ხოლო ნახსენებმა ლიონელ მესიმ სამეულში მოხვედრა შეძლო.
სეზონის საუკეთესო 50 ფეხბურთელის სრული სია Goal.com-ის ვერსიით შემდეგნაირად გამოიყურება:
1. კრიშტიანუ რონალდუ (მადრიდის „რეალი“, პორტუგალია)
2. არიენ რობენი (მიუნხენის „ბაიერნი“, ჰოლანდია)
3. ლიონელ მესი („ბარსელონა“, არგენტინა)
4. ფილიპ ლამი (მიუნხენის „ბაიერნი“, გერმანია)
5. თომას მიულერი (მიუნხენის „ბაიერნი“, გერმანია)
6. ხამეს როდრიგესი („მონაკო“, კოლუმბია)
7. ლუის სუარესი („ლივერპული“, ურუგვაი)
8. თიბო კურტუა (მადრიდის „ატლეტიკო“, ბელგია)
9. არტურო ვიდალი („იუვენტუსი“, ჩილე)
10. სერხიო რამოსი (მადრიდის „რეალი“, ესპანეთი)
11. ზლატან იბრაჰიმოვიჩი („პარი სენ-ჟერმენი, შვედეთი)
12. ივან რაკიტიჩი („სევილია“, ხორვატია)
13. ანხელ დი მარია (მადრიდის „რეალი“, არგენტინა)
14. დიეგო კოსტა (მადრიდის „ატლეტიკო“, ესპანეთი)
15. მარკო როისი (დორტმუნდის „ბორუსია“, გერმანია)
16. ტონი კროოსი (მიუნხენის „ბაიერნი“, გერმანია)
17. რობერტ ლევანდოვსკი (დორტმუნდის „ბორუსია“, პოლონეთი)
18. აარონ რემზი („არსენალი“, ინგლისი)
19. იაია ტურე („მანჩესტერ სიტი“, კოტ-დ’ივუარი)
20. მირალემ პიანიჩი („რომა“, ბოსნია და ჰერცეგოვინა)
21. მატს ჰუმელსი (დორტმუნდის „ბორუსია“, გერმანია)
22. მანუელ ნოიესი (მიუნხენის „ბაიერნი“, გერმანია)
23. კეილორ ნავასი („ლევანტე“, კოსტა რიკა)
24. დიეგო გოდინი (მადრიდის „ატლეტიკო“, ურუგვაი)
25. ხავიერ მასკერანო („ბარსელონა“, არგენტინა)
26. გარეთ ბეილი (მადრიდის „რეალი“, უელსი)
27. ვინსენ ენიეამა („ლილი“, ნიგერია)
28. ხუან კუადრადო („ფიორენტინა“ კოლუმბია)
29. ედენ აზარი („ჩელსი“, ბელგია)
30. ნეიმარი („ბარსელონა“, ბრაზილია)
31. ჯოელ კემპბელი („არსენალი“, კოსტა რიკა)
32. ბლეის მატუიდი („პარი სენ-ჟერმენი“, საფრანგეთი)
33. ენცო პერესი („ბენფიკა“, არგენტინა)
34. ჩარლზ არანგუიზი („ინტერნასიონალი“, ჩილე)
35. ასამოა ჯიანი („ალ-აინი“, განა)
36. დეილი ბლინდი („აიაქსი“, ჰოლანდია)
37. ჟერვინიო („რომა“, კოტ-დ’ივუარი)
38. პოლ პოგბა („იუვენტუსი“, საფრანგეთი)
39. რაფა მარკესი („ლეონი“, მექსიკა)
40. აბდელმუმენ ჯაბუ („კლაბ აფრიკენი“, ალჟირი)
41. რობინ ვან პერსი („მანჩესტერ იუნაიტედი“, ჰოლანდია)
42. დავიდ სილვა („მანჩესტერ სიტი“, ესპანეთი)
43. ჩირო იმობილე („ტორინო“, იტალია)
44. სერჟ ორიე („პარი სენ-ჟერმენი“, კოტ-დ’ივუარი)
45. იოშიტო ოკუბო („კავასაკი ფრონტალე“, იაპონია)
46. მეტ ბესლერი („სპორტინგ კანზას-სიტი“ აშშ)
47. ჯანერ ერკინი („ფენერბაჰჩე“, თურქეთი)
48. ნადირ ბელჰაჯი („ალ-სადი“, აჟირი)
49. კიმ შინ-იუკი („ულსან ჰიონდე“, კორეის რესპუბლიკა)
50. ტიმ კეიჰილი („ნიუ-იორკ რედ ბულსი“, ავსტრალია)
“რეალის” თავდამსხმელი კრიშტიანუ რონალდუ მადრიდულ გუნდს აშშ-ში შეურთდა, სადაც მისი კლუბი მოდევნო სეზონისთვის ემზადება.
ესპანური პრესის ცნობით, პორტუგალიელმა ფეხბურთელმა ვარჯიში ინდივიდუალური პროგრამით დაიწყო, ვინაიდან ჯერჯერობით საჭირო ფიზიკურ კონდიციაში არ არის.
რონალდუმ განაცხადა, რომ საერთო ჯგუფში დაბრუნებას რაც შეიძლება მალე აპირებს. შეგახსენებთ, 2014 წლის მუნდიალზე პორტუგალიელმა ტრავმით ითამაშა.
ჩოგბურთის „დიდი სლემის“ ტურნირების 17-გზის გამარჯვებული როჯერ ფედერერი და გოლფის 14-გზის მეიჯორჩემპიონი ტაიგერ ვუდსი „Forbes“-ის ვერსიით მსოფლიოს ყველაზე ძვირადღირებული სპორტსმენების სიას ლიდერობენ.
გამოცემის კვლევის შედეგად, 32 წლის შვეიცარელმა და 38 წლის ამერიკელმა 2013 წელს 46-46 მილიონი დოლარი გამოიმუშავეს.
ფედერერის მხოლოდ ტურნირზე დაპატიჟება ორგანიზატორებს მილიონზე მეტი დოლარი უჯდებათ, ხოლო „ნაიკთან“ ათწლიანი კონტრაქტი 100 000 000 დოლარად ფასდება.
აღნიშნული რეიტინგის ათეული კი შემდეგნაირად გამოიყუბა.
1. როჯერ ფედერერი (შვეიცარია), ჩოგბურთი – 46 მილიონი დოლარი
1. ტეიგერ ვუდსი (აშშ), გოლფი – 46 მილიონი დოლარი
2. ლებრონ ჯეიმსი (აშშ), კალათბურთი – 27 მილიონი დოლარი
3. ფილ მიკელსონი (აშშ), გოლფი – 25 მილიონი დოლარი
4. მარია შარაპოვა (რუსეთი), ჩოგბურთი – 23 მილიონი დოლარი
5. მაჰენდრა სინგჰ დჰონი (ინდოეთი), კრიკეტი – 21 მილიონი დოლარი
6. უსაინ ბოლტი (იამაიკა), სპრინტი – 20 მილიონი დოლარი
7. კობი ბრაიანტი (აშშ), კალათბურთი – 19 მილიონი დოლარი
8. ლი ნა (ჩინეთი), ჩოგბურთი – 15 მილიონი დოლარი
9. კრიშტიანუ რონალდუ (პორტუგალია), ფეხბურთი – 13 მილიონი დოლარი
10. ლიონელ მესი (არგენტინა), ფეხბურთი – 13 მილიონი დოლარი
მადრიდის “რეალის” თავდამსხმელი კრიშტიანუ რონალდუ დიდი ალბათობით საკუთარ გუნდს “სევილიასთან” გასამართ უეფას სუპერთასის მატჩში ვერ დაეხმარება. შეგახსენებთ, ჩემპიონთა და ევროპის ლიგის გამარჯვებულები ერთმანეთს 12 აგვისტოს შეხვდებიან.
რონალდუ “რეალს” ამერიკულ შეკრებაზე 26 ივლისს შეუერთდება. პორტუგალიელი ვარსკვლავი სეზონისთვის ინდივიდუალური პროგრამით მოემზადება, რათა დასკვნით ნაწილში ტრავმები აირიდოს.
ტიერი ანრიმ ლიონელ მესისა და კრიშტიანუ რონალდუს შესახებ ისაუბრა.
„მესი პლანეტის საუკეთესო ფეხბურთელია, თუმცა მე კრიშტიანუ რონალდუს შრომასაც პატივს ვცემ. მესი მართლაც საოცარი მოთამაშეა. კარგია, რომ ბავშვებს და ახალგაზრდებს მათი თამაშით ტკბობის საშუალება აქვთ. პირველ მათგანს ბუნებრივი ნიჭი აქვს, მეორემ კი ამ ყველაფერს მძიმე შრომით მიაღწია.
ლუი საას ჩემთვის ნათქვამი აქვს, რომ „მანჩესტერ იუნაიტედში“ ყველაზე მეტს სწორედ რონალდუ შრომობდა. ამით იმის თქმა არ მინდა, რომ მესი არ შრომობს, თუმცა მას ბუნებისგან აქვს ნაბოძები ეს ნიჭი. კრიშტიანუს ძალიან ბევრი მუშაობა დასჭირდა იმისთვის, რომ ამ მწვერვალისთვის მიეღწია. ორივე მათგანს გამარჯვებულის მენტალიტეტი აქვს, თუმც მათ შორის მცირე განსხვავება მაინც არის“, – განაცხადა ანრიმ.
მადრიდის „რეალის“ ლიდერის კრიშტიანუ რონალდუს დედამ დოლორეს ავეირუმ ავტობიოგრაფიაში საინტერესო ფაქტზე ისაუბრა, რომელიც „დედის სიმამაცედ“ მოიხსენია.
„მე აბორტის გაკეთება მინდოდა, თუმცა ექიმი ამის წინააღმდეგ იყო. მე გული დამწყდა, რადგან არ მჯეროდა, რომ ოთხი შვილის გაზრდას მოვახერხებდი“, – აღიარა დოლორესმა.
„ამის შემდეგ ყველაფრის გაკეთებას თვითონ ვცდილობდი: ვსვამდი ლუდს და ბევრს ვმოძრაობდი, თუმცა სასურველი შედეგი ვერ მივიღე.
როდესაც კრიშტიანუმ ეს გაიგო მან მითხრა: „დედა, შენ აბორტის გაკეთება გინდოდა, ახლა კი, მე მთელ ჩვენს ოჯახს ვარჩენ“. იგი მართალი აღმოჩნდა“, – დაასრულა კრიშტიანუს დედამ.
2014 წლის მსოფლიოს ჩემპიონატის ჯგუფურ ეტაპზე ამერიკის შეერთებული შტატებისა და პორტუგალიის ნაკრებებს შორის გამართული შეხვედრა ფრედ, ანგარიშით 2:2 დასრულდა. აღნიშნულ მატჩში პორტუგალიელთა ლიდერი კრიშტიანუ რონალდუ საზოგადოების წინაშე ახალი იმიჯით წარსდგა.
მადრიდის „რეალის“ თავდამსხმელმა თმა ზიგზაგურად გაიპარსა. ბრიტანული პრესის ცნობით, რონალდუმ ამ ფორმით მხარდაჭერა გამოუცხადა ესპანელ ბავშვს, რომელსაც მიმდინარე წლის მარტის თვეში თავის ტვინის ოპერაცია ჩაუტარდა. პორტუგალიელმა ფეხბურთელმა 10 თვის ერიკ ორტიზ კრუზის ოპერაციისთვის 60 ათასი ევრო გაიღო. სწორედ ასეთი ფორმის იარა დარჩა ოპერაციის შემდეგ ბავშვს.
თავად ფეხბურთელს საკუთარ ჟესტზე კომენტარი ჯერ არ გაუკეთებია.
