ჭდე: მანჩესტერ იუნაიტედი

ცნობილი ბრიტანული გამოცემის „მირორის“ ინფორმაციით, „მანჩესტერ იუნაიტედის“ მთავარმა მწვრთნელმა ლუი ვან გაალმა ჩერიშში თავისი სახლის დასაცავად 24-საათიანი დაცვა დაიქირავა. გარდა ამისა, წყაროს ცნობით, ჰოლანდიელმა სპეციალისტმა უფრო უსაფრთხო ბინის ძებნა დაიწყო, რადგან მანჩესტერული კლუბის გულშემატვკირებისგან მუქარის წერილები მიიღო.

შეგახსენებთ, რომ ამ მომენტისთვის „წითელი ეშაკები“ პრემიერლიგის მეხუთე საფეხურზე იმყოფებიან და ჩემპიონთა ლიგის ზონამდე მათ ხუთი ქულა აშორებთ. ვან გაალს ხშირად გუნდის არც ისე სანახაობრივი თამაშის გამო აკრიტიკებენ.

„მანჩესტერ იუნაიტედის“ ყოფილი ნახევარმცველის ანდრეი კანჩელსკისის აზრით, ლუი ვან გაალს „წითელი ეშმაკების“ მთავარი მწვრთნელის პოსტი ჯერ კიდევ დიდი ხნის წინ უდნა დაეტოვებინა.

„რა ხდება „მანჩესტერ იუნაიტედის“ გარშემო”? არაფერი. ვან გაალი მწვრთნელია, რომელსაც დიდი ხანია, უნდა დაეშმვიდობონ. არამგონია, ის ზუსტად ახლა წავიდეს. ეს სეზონის ბოლოს მოხდება. თავისი სურვილით ვან გაალი არ წავა. ასე კი იქამდე ვისხდებით, სანამ კლუბის ხელმძღვანელთა მოთმინება პიკს მიაღწევს“, – განაცხადა კანჩელსკისმა.