დღეს უეფა-ს საპრეზიდენტო არჩევნებში განაცხადების შეტანის ვადა ამოიწურა. პრეზიდენტის არჩევნები უეფა-ს XXXIX კონგრესზე გაიმართება, რომელიც 2015 წლის 24 მარტს შედგება.
საბუთის თანახმად, უეფა-ს პრეზიდენტობის კანდიდატთა სია მზად კონგრესის გახსნამდე სამი თვით ადრე უნდა იყოს.
საბოლოოდ, კანდიდატთა შორის მხოლოდ მოქმედი პრეზიდენტი მიშელ პლატინი აღმოჩნდა. იგი თავის პოსტზე დარჩენას ზედიზედ მესამედ გეგმავს და უეფა-ს პრეზიდენტად 2019 წლამდე დარჩება.
„სან ლორენცოსთან“ მსოფლიოს საკლუბო ჩემპიონატის მატჩის შემდეგ დაჯილდოვების ცერემონიალის დროს მადრიდის „რეალის“ ლიდერმა კრიშტიანუ რონალდუმ უეფა-ს პრეზიდენტ მიშელ პლატინის ხელი არ ჩამოართვა, რასაც მედიაში და გულშემატკივრებს შორის დიდი გამოხმაურება მოჰყვა.
თუმცა, მოგვიანებით, ტურნირის საუკეთესო მოთამაშეების დაჯილდოვების დროს, პორტუგალიელმა პლატინის ხელი მაინც ჩამოართვა, რითაც აგორებული სკანდალი ჩიხში შეაქცია.
შეგახსენებთ, რომ რონალდუმ განვლილ ტურნირზე საუკეთესო მოთამაშეთა შორის მეორე ადგილი დაიკავა, პირველი საფეხური კი მისმა თანაგუნდელმა სერხიო რამოსმა დაიკავა.
მადრიდის “რეალსა” და არგენტინულ “სან ლორენსოს” შორის გამართული საკლუბო მსოფლიოს ჩემპიონატის ფინალური მატჩის (2:0) შემდეგ “სამეფო კლუბის” ლიდერმა კრიშტიანუ რონალდუმ უეფას პრეზიდენტ მიშელ პლატინის ხელი არ ჩამოართვა.
შეგახსენებთ, ევროპული ფეხბურთის მმართველი ორგანოს ხელმძღვანელმა ცოტა ხნის წინათ განაცხადა, რომ რონალდუ “ოქროს ბურთს” არ იმსახურებს.
უეფას პრეზიდენტი მიშელ პლატინი თვლის, რომ ზეპ ბლატერი ფიფას მორიგ საპრეზიდენტო არჩევნებში აღარ უნდა იქნეს არჩეული.
“1998 წელს ბლატერს მხარს ვუჭერდი, რადგან ვთვლიდი, რომ მაშინ ის შესაფერისი კანდიდატურა იყო, თუმცა მოვიდა დრო, მან ადგილი სხვას დაუთმოს.
დღეს ფიფას ძალიან ცუდი იმიჯი აქვს. ასე რომ, კარგი იქნება, თუ ბლატერის მმართველობა დასრულდება, თუმცა მას წასვლა არ სურს”, – ციტირებს პლატინის სიტყვებს BBC.
ფიფას საპრეზიდენტო არჩევნები 2015 წლის 29 მაისს კონკრეტული პიროვნების არჩევით დასრულდება.
უეფა-ს პრეზიდენტმა მიშელ პლატინიმ „ოქროს ბურთისთვის“ ბრძოლაში ფავორიტების შესახებ ისაუბრა.
„მე „ოქროს ბურთის“ გადამწყვეტ გამოკითხვაში მონაწილეობას არ ვიღებ. თუმცა, ჩემი აზრით, ტიტულის მფლობელი მსოფლიოს ჩემპიონატის გამარჯვებული უნდა გახდეს.
ასე 2010 წლამდე იყო, როდესაც მუნდიალზე საშუალო დონეზე თამაშის მიუხედავად, „ოქროს ბურთი“ მესის გადაეცა.
შესაბამისად, გამარჯვებული გერმანიის ნაკრების წევრი უნდა იყოს.
ამავდროულად, არც კი ვეჭვობ, რომ მესი და რონალდუ პლანეტის ერთ-ერთ საუკეთესო ფეხბურთელთა შორის არიან“, – განაცხადა პლატინიმ.
13 ივლისს, მსოფლიოს ჩემპიონატის ფინალური მატჩის დასრულების შემდეგ, უეფას პრეზიდენტმა მიშელ პლატინიმ მესუთ იოზილს მაისური სთხოვა.
უეფას პრეზიდენტმა მიშელ პლატინიმ კიდევ ერთხელ აღნიშნა, რომ 2013 წლის „ოქროს ბურთი“ ფრანკ რიბერის უნდა გადასცემოდა.
ფრანგმა ნახევარმცველმა გამოკითხვის ბოლო ეტაპზე მხოლოდ მესამე ადგილი დაიკავა, გამარჯვებული კი კრიშტიანუ რონალდუ გახდა. აღსანიშნავია, რომ უკანასკნელი ექვსი წლის განმავლობაში ამ ჯილდოს ან „ბარსელონას“ თავდამსხმელი ლეო მესი ან „რეალის“ პორტუგალიელი ფორვარდი რონალდუ იღებს.
„არსებული სისტემით „ოქროს ბურთს“ ათი წლის შემდეგაც მესი ან რონალდუ მიიღებს. ამ წელს რონალდუმ, მესიმ და რიბერიმ დაიმსახურეს ჯილდოს მოგება, მაგრამ ფრანკმა ყველა შესაძლო ტურნირი მოიგო. აქედან გამომდინარე, მე ხმას რიბერის მივცემდი. ასეთი პროზიცია იმიტომ არ მაქვს, რომ ის ფრანგია. არა, ასეთივე სიამოვნებით მხარს არიენ რობენს ან ბასტიან შვაინშტაიგერს დავუჭერდი. ნეიმარს, მიუხედავად იმისა, რომ „ბარსელონაში“ თამაშობს, კიდევ სჭირდება დრო მესის ტახტიდან ჩამოსაგდებად“, – პლატინის სიტყვები Le Journal du Dimanche-მა გამოაქვეყნა.
ბექა დოგრაშვილი
უეფას პრეზიდენტმა მიშელ პლატინიმ დამდეგი მსოფლიოს ჩემპიონატის შესახებ ისაუბრა.
მსოფლიო ფეხბურთის ერთ-ერთი ლეგენდარული ფიგურა მიიჩნევს, რომ ბრაზილიაში გასამართ მუნდიალზე სამხრეთამერიკელებს წარმატების მეტი შანსი აქვთ, ვიდრე ევროპელებს.
„ევროპულ გუნდებს სამხრეთამერიკელების დამარცხება გაუჭირდებათ. ბრაზილიას, არგენტინას, ჩილესა და ურუგვაის საკმაოდ ძლიერი გუნდები ჰყავთ. რაც შეგვეხება ჩვენ, პირველ რიგში, ფსონს ესპანეთის, გერმანიისა და იტალიის ნაკრებებზე ჩამოვდივარ. შემდეგ შეიძლება საფრანგეთის, პორტუგალიისა და ინგლისის დასახელება“, – აღნიშნა პლატინიმ.
ბექა დოგრაშვილი
ფიფას პრეზიდენტმა იოზეფ ბლატერმა განაცხადა, რომ არ არის წინააღმდეგი, მსოფლიო ფეხბურთის მმართველი ორგანოს ხელმძღვანელის პოსტზე მუშაობა გააგრძელოს. ამის შესახებ მან შვეიცარიულ რადიოსადგურ RTS-ის ეთერში განაცხადა.
„საკმაოდ ჯანმრთელი ვარ და ვერ ვხედავ მიზეზს, რატომ უნდა ვიფიქრო წასვლაზე. თუ ფიფაში შემავალი ასოციაციები არჩევნებში მონაწილეობას მთხოვენ, მე ამაზე უარს არ განვაცხადებ“, – აღნიშნა ზეპ ბლატერმა.
ფიფას პრეზიდენტად არჩევისთვის რამდენჯერმე ასაკობრივი ცენზის შემოღების საკითხიც დაისვა, თუმცა 77 წლის ბლატერი ამბობს, რომ საერთაშორისო სპორტული ორგანიზაციის მხრიდან ასეთი ქმედება არაკორექტული იქნება.
„ადამიანის უფლებების თვალსაზრისით, რაიმე საქმიანობაზე ასაკობრივი შეზღუდვის დაწესება დისკრიმინაციის ტოლფასი იქნება“, – ამბობს ბლატერი.
აღნიშნულ საკითხზე ფიფას კონგრესმა სან-პაულუში, მიმდინარე წლის ივნისის თვეში უნდა იმსჯელოს.
შეგახსენებთ, რომ ბლატერი ფიფას 1998 წლიდან ხელმძღვანელობს, როცა ამ პოსტზე მან ჟოაო აველანჟი შეცვალა. დაძაბულ საარჩევნო ბრძოლაში უეფას მაშინდელი პრეზიდენტი ლენარტ იუჰანსონი დაამარცხა, თუმცა შემდეგ ხმა დაირხა, ბლატერმა ამომრჩეველთა ნაწილი მოისყიდა და ასე გახდა ფიფას ხელმძღვანელიო. მას ამ ხნის განმავლობაში კიდევ არაერთი სკანდალი უკავშირდება და ბევრგან აითვალწუნეს კიდეც, განსაკუთრებით კი – დასავლეთ ევროპის ქვეყნებში. რაც არ უნდა იყოს, ბლატერი იხტიბარს არ იტეხს, თავის მოღვაწეობას დადებითად აფასებს და არც საპრეზიდენტო სავარძლის დათმობის სურვილი აქვს. ცნობისთვის, ფიფას საპრეზიდენტო არჩევნებში მონაწილეობის მიღებას უეფას ამჟამინდელი ხელმძღვანელი მიშელ პლატინიც აპირებს, რომელიც ამ დრომდე ყველაზე რეალურ კანდიდატად გვევლინება.
აქვე გეტყვით, რომ ფიფას საპრეზიდენტო არჩევნები 2015 წელს გაიმართება.
ბექა დოგრაშვილი
ინტერნეტ-ჟურნალი Fanebi.Com
უეფას პრეზიდენტი მიშელ პლატინი უკმაყოფილო დარჩა იმ ფაქტით, რომ „ოქროს ბურთი“ მის თანამემამულე ფრანკ რიბერის არ გადაეცა. როგორც მოგეხსენებათ, პრიზი კრიშტიანუ რონალდუს ერგო.
„ფრანკმა 2013 წელს ყველა შესაძლო ტიტული მოიგო, თუმცა „ოქროს ბურთი“ მას არ გადაეცა. ეს იმას ნიშნავს, რომ რაღაც პრობლემა არსებობს. ანალოგიური სიტუაცია გვქონდა 2010 წელს მსოფლიოს ჩემპიონატის გამარჯვებულ ესპანელ ფეხბურთელებთან მიმართებაში.
რაღაც შეიცვალა მას შემდეგ, რაც „ოქროს ბურთს“ ფიფა ათამაშებს. 50 წლის განმავლობაში მთავარი ყურადღება შედეგებსა და ტიტულებს ექცეოდა, მაგრამ ახლა ასე აღარ არის“, – ციტირებს პლატინის სიტყვებს ფრანგული პრესა.
ბექა დოგრაშვილი
როგორც მოგეხსენებათ, 2013 წლის საუკეთესო სომეხ ფეხბურთელად დორტმუნდის „ბორუსიას“ ნახევარმცველი ჰენრიხ მხითარიანი დაასახელეს.
„რა თქმა უნდა, მოხარული ვარ, რომ წლის ფეხბურთელის ტიტული მე გადმომეცა. მადლობას ვუხდი ჩემს სანაკრებო თანაგუნდელებს, რომელთა წყალობითაც ამ წარმატებას მივაღწიე“, – მხითარიანის ეს სიტყვები სომხეთის ფეხბურთის ფედერაციამ გამოაქვეყნა.
აღსანიშნავია, რომ სომეხ ფეხბურთელს ჯილდოს მოგება უეფას პრეზიდენტმა მიშელ პლატინიმ სპეციალური ვიდეომიმართვით სომხურ ენაზე მიულოცა. მხითარიანი ამ ფაქტმა ძალიან გაახარა.
„ჩემთვისაც და დამსწრე საზოგადოებისთვის ეს დიდი სურპრიზი იყო. ყოველდღე ვერ მოისმენ უეფას პრეზიდენტისგან შენს გვარს“, – აღნიშნა მხითარიანმა.
დასასრულს, 24 წლის სომეხმა ფეხბურთელმა სამომავლო გეგმებზე ისაუბრა:
„28 დეკემბერს შვებულებაში გავდივარ. 5 იანვარს „ბორუსიას“ შევუერთდები და ვარჯიშს განვაახლებ. შემდეგ ესპანეთში რვადღიანი შეკრება გვექნება, სადაც სეზონის მეორე წრისთვის მოვემზადებით“.
აქვე გთავაზობთ პლატინის ვიდეომიმართვას.
ბექა დოგრაშვილი
უეფას პრეზიდენტი მიშელ პლატინი თვლის, რომ ფეხბურთში ყვითელი ბარათების ჩვენების ნაცვლად მსაჯებმა მოთამაშეები რამდენიმე წუთით უნდა გააძევონ.
„მსურს, რომ ფეხბურთში მოთამაშეები ისე დასაჯონ, როგორც ამას რაგბში აკეთებენ, როდესაც თამაშს წესის დამრღვევს 10-15 წუთით აძევებენ. ჯერჯერობით ეს უბრალოდ იდეაა. ვნახოთ, რამდენად შესაძლებელი იქნება მსგავსი წესის შემოღება“, – განაცხადა პლატინიმ.
ალექსანდრე მატევოსოვი
