ეს მომხიბლავი მოდელი მარტა არიანე გახლავთ. უყვარს გოლფის თამაში, ქომაგობს მადრიდის “რეალს” და აქვს ოცნება, რომ მოიპოვოს ფიფას აგენტის ლიცენზია.
ჭდე: model
მსოფლიოს ჩემპიონატი და სუპერმოდელები ქომაგის ამპლუაში
Victoria’s Secret-ის მოდელები ალესანდრა ამბროსიო და ადრიანა ლიმა მიმდინარე მსოფლიოს ჩემპიონატზე ბრაზილიის ნაკრებს გულმხურვალედ ქომაგობდნენ, თუმცა „სელესაო“ ტურნირის ნახევარფინალურ ეტაპზე გერმანიის ეროვნულ გუნდთან ანგარიშით 1:7 განადგურდა და თასის მოგების შანსი დაკარგა.
მოდელებმა შეხვედრას თვალყური ნიუ იორკის ერთ-ერთ ბარში მიადევნეს. ლიმას 2-ნომრიანი მაისური ემოსა, ზედ წარწერით „Lims“. ამბროსიოს კი – 10-ნომრიანი ფორმა, წარწერით „Alé“
„ყველაფრის მიუხედავად, ბრაზილიის ნაკრები მაინც საუკეთესოა“, – დაწერა მატჩის შემდეგ ამბროსიომ.
სამარცხვინო მარცხის მიუხედავად, ბრაზილიელი მოდელები იხტიბარს არ იტეხდნენ და მატჩის შემდეგაც იღიმოდნენ. მოგვიანებით სიგარეტის მოსაწევად გარეთ გავიდნენ, სადაც ბრაზილიის ნაკრების სხვა ქომაგებსაც გაესაუბრნენ.
სამაგიეროდ, კარგ ხასიათზე იყო გერმანელი მოდელი ჰაიდი კლუმი, რომელსაც არ სჯეროდა, რომ მისმა საყვარელმა გუნდმა ტურნირის მასპინძლები ასე იოლად გატეხა.
„თქვენ ეს გჯერათ? მე არა. 1…2…3…..4….5….6…..7…“, – წააწერა სოციალურ ქსელში გამოქვეყნებულ ფოტოს კლუმმა, რომელიც შინ მყოფი ადევნებდა მატჩს თვალყურს.
მუნდიალის წყალობით ბელგიელი გოგონა მოდელი გახდა
ბრაზილიაში მიმდინარე მსოფლიოს ჩემპიონატის წყალობით 17 წლის ბელგიელი გოგონა აქსელ დესპიგელარი იმდენად პოპულარული გახდა, რომ მას ცნობილი კომპანიები სამოდელოდ იწვევენ.
მუნდიალზე ბელგიის ნაკრების მონაწილეობით გამართულ მატჩებში აქსელ დესპიგელარი არაერთხელ მოხვდა როგორც ფოტო, ასევე ვიდეოობიექტივში. სამშობლოში დაბრუნებულმა კი აღმოაჩინა, რომ სოციალურ ქსელში მეგობრობის ათი ათასამდე თხოვნა ჰქონდა. მისმა თაყვანისმცემლებმა სპეციალური გვერდიც შექმნეს, რომელმაც მალევე მოიპოვა ვერიფიკაცია. გარდა ამისა, ფრანგულმა კოსმეტიკურმა კომპანია „ლორეალმა“ 17 წლის გოგონა სამოდელოდ მიიწვია. ცნობილმა ფირმამ აქსელს ხელსაყრელი კონტრაქტი და კომპანიის სარეკლამო რგოლში მონაწილეობა შესთავაზა, რასაც სოლიდური ანაზღაურებაც მოჰყვება.
როსანა დევისონი – „ფლეიბოის“ მოდელი და „ლივერპულის“ ფანი (+18)
„მის მსოფლიო 2003“ როსანა დევისონი თურმე „ლივერპულის“ ფანი ყოფილა და ამიერიდან კლუბის სატელევიზიო რგოლებში მიიღებს მონაწილეობას.
29 წლის მოდელი ჟურნალ „ფლეიბოის“ ფოტოსესიაში მონაწილეობდა, როსანა დევისონი ორ 30-წუთიან ფილმშიც არის გადაღებული, რომელიც „ლივერპულის“ ყოფილ ირლანდიელ ვარსკვლავებს მიეძღვნა.
„რა თქმა უნდა, მიკვირს, როცა ვამბობ, რომ „ლივერპულის“ დიდი ფანი ვარ, თუმცა მიყვარს მათ მატჩებზე დასწრება და ტელევიზორით ყურება. მათი ცქერა ოჯახთან ერთად ან „ენფილდზე“ წასვლა – ეს არის ის, რაც მსიამოვნებს“, – აცხადებს დევისონი.
მან დაამატა: „მამაჩემი დიდი ხნის მანძილზე იყო “წითლების” ფანი ისევე, როგორც ჩემი ძმა და ვფიქრობ, რომ მამამ ყველას შეგვაყვარა „ლივერპული“. ჩვენს ძაღლსაც კი წითელი საყელო აქვს და ისიც მხარს უჭერს მერსისაიდელებს. როდესაც საშუალება მაქვს, „ენფილდს“ ვსტუმრობ. არაფერი შეედრება იმ ატმოსფეროს, რაც იქ ტრიალებს, განსაკუთრებით, „კოპის“ ტრიბუნაზე“.
გეტყვით იმასაც, რომ მამამისი ცნობილი მუსიკოსი კრის დე ბურგია, რომელიც სამიოდე წლის წინათ ბათუმს ეწვია და გრანდიოზული კონცერტიც გამართა.
ჯერალდინ კასტანიედამ „ბარსას“ გოგონას“ როლი მოირგო
პერუელმა მოდელმა ჯერალდინ კასტანიედამ არაერთხელ აღნიშნა, რომ ესპანეთის ნაკრებისა და „ბარსელონას“ თავგადაკლული ქომაგია, კერძოდ კი ჩავი ერნანდესსა და ანდრეს ინიესტაზე აფანატებს.
ჯერალდინმა „ბარსას“ გოგონას“ როლი მოირგო და ფოტოსესიაში მიიღო მონაწილეობა.
26 წლის მოდელმა აღიარა, რომ ფეხბურთელების გარდა მოსწონს კაცები, რომლებსაც იუმორის გრძნობა აქვთ.
სპორტული ვარჯიშებიდან ჯერალდინ კასტანიედა სირბილს ანიჭებს უპირატესობას.
გთავაზობთ აღნიშნულ ფოტოსესიას.
