იტალიის თასის მატჩი “ნაპოლისა” და “ატალანტას” შორის საკმაოდ კურიოზული გოლი გავიდა. აღნიშნულ შეხვედრას ნეაპლომა უმასპინძლა.
სახალისო მომენტი მატჩის 72 წუთზე მოხდა. უცნაური გოლის ავტორი კი ლორენცო ინსიგნე გახდა და საკუთარი გუნდი დააწინაურა.
შეხვედრა ნაპოლის გამარჯვებით, 3-1 დასრულდა.
15 იანვარს, იტალიის თასზე, “ნაპოლისა” და “ატალანტას” შორის გამართულ შეხვედრაში (3:1), ნეაპოლური გუნდის ესპანელმა თავდამსხმელმა, ხოსე კალეხონმა ულამაზესი გოლი გაიტანა.
არგენტინელი თავდამსხმელი, გონსალო იგუაინი აცხადებს, რომ მადრიდის “რეალიდან” იტალიურ “ნაპოლიში” გადასვლა სწორი გადაწყვეტილება იყო.
“ვფიქრობ, რომ მადრიდის “რეალიდან” “ნაპოლიში” გადმოსვლით ძალიან სწორი გადაწყვეტილება მივიღე, რითაც ვამაყობ. ნეაპოლი და ამ ქალაქში მცხოვრები ადამიანები შემიყვარდა. “სანტიაგო ბერნაბეუზე” ჩემს სახელს არასოდეს სკანდირებდნენ, აქ კი სხვა სიტუაციაა. იმედი მაქვს, “ნაპოლისთან” ერთად არაერთ წარმატებას მივაღწევ”, – ამბობს იგუაინი.
ინგლისური “ლივერპულის” მცველი, დანიელ აგერი აცხადებს, რომ ზამთრის სატრანსფერო ფანჯრის პერიოდში, ის გუნდიდან წასვლას არ აპირებს.
შეგახსენებთ, რომ დანიელი მცველი, მიმდინარე სეზონში, “ლივერპულის” ძირითად შემადგენლობაში მხოლოდ 9-ჯერ მოხვდა, რის გამოც, მას მერსესაიდული კლუბიდან წასვლას და “ნაპოლიში” გადასვლას უწინასწარმეტყველებენ.
“ამ ეტაპზე, გუნდიდან წასვლას გამოვრიცხავ. ვხედავ, რომ პრესაში ჩემზე რაღაც იწერება, მაგრამ ეს არაფერს ნიშნავს”, – ამბობს აგერი.
ჩელსის ესპანელი ნახევარმცველი, როგორც ჩანს, სერიოზულად არის დაინტერესებული კლუბის შეცვლით.
მისი უკმაყოფილება არასაკმარისი სათამაშო დროის გამოა გამოწვეული. მატას მამა, რონელიც მისი აგენტიცაა, აქტიურ მოლაპარაკებას აწარმოებს შემდეგ კლუბებთან: „ბარსელონა“, „რეალი“, „ინტერი“, „პსჟ“, „ნაპოლი“. ექსპერტების აზრით, „ნაპოლის“ ესპანელის გადაბირების ყველაზე დიდი შანსი აქვს.
იტალიური “ნაპოლი” ზამთრის სატრანსფერო ფანჯრის დროს 26 წლის მარცენა მცველი, ლუკა ანტონელის შეძენას ცდილობდა, თუმცა მოლაპარაკებები ჩაიშლ და ახლა ნეპოლელები სანკტ-პეტერბურგის “ზენიტში” მოთამაშე იტალიელ ფლანგელ დომენიკო კრიშიტოზე გადაერთვნენ.
Sport Mediaset-ის ცნობით, რუსული კლუბი 27 წლის ფეხბურთელში 16 მილიონ ევროს ითხოვს.
კრიშიტო “ზენიტში” 2011 წელს, “ჯენოადან” გადავიდა. იქამდე კი, ის “ჯენოასა” და “იუვენტუსის” რიგებში ირიცხებოდა.
იტალიური “ინტერის” მთავარი მწვრთნელი, ვოლტერ მაცარი აცხადებს, რომ მილანურ დერბიში გამარჯვება სამ ქულაზე მეტად ფასობს.
შეგახსენებთ, რომ “დელა მადონინა” 22 დეკემბერს გაიმართება, მატჩი კი თბილისის დროით 23:45 საათზე დაიწყება.
“რა თქმა უნდა, მილანურ დერბის სულ სხვა დატვირთვა აქვს. “დელა მადონინაში” გამარჯვება სამ ქულაზე მეტად ფასობს. ცხადია, ჩემი გუნდის ფეხბურთელები თავს არ დაზოგავენ, ამრიგად შევეცდებით მეტოქე დავამარცხოთ”, – ამბობს მაცარი.
იტალიური “ნაპოლის” მთავარი მწვრთნელი, რაფაელ ბენიტესი აცხადებს, რომ ნეაპოლური კლუბი ზამთრის სატრანსფერო ფანჯრის დროს იაქტიურებს.
“შემიძლია, დარწმუნებით გითხრათ, რომ ზამთრის სატრანსფერო ფანჯრის პერიოდში ვიაქტიურებთ. შესაბამისად, გუნდში ახალი ფეხბურთელის მოსვლა გასაკვირი არ უნდა იყოს. ჩვენ გვინდა, რომ მიმდინარე სეზონში რომელიმე ტიტული მოვიგოთ, ამიტომ გაძლიერება არ გვაწყენდა. არ უნდა დავნებდეთ”, – ამბობს ბენიტესი.
იტალიური “ნაპოლის” სლოვაკი ფეხბურთელი, მარეკ ჰამშიკი ახადებს, რომ მის გუნდს მიმდინარე სეზონში სკუდეტოს მოგება შეუძლია.
შეგახსენებთ, რომ ამჟამად, იტალიის ჩემპიონატში, 43 ქულით, “იუვენტუსი” პირველ ადგილზე იმყოფება. ტურინელებს ხუთი ქულით ჩამორჩება მეორე ადგილოსანი “რომა”, ხოლო “ნაპოლი” 35 ქულით, მესამე ადგილს იკავებს.
“რა თქმა უნდა, გვინდა, მიმდინარე სეზონში რომელიმე ტიტული მოვიგოთ. სკუდეტოსთვის ბრძოლა შეგვიძლია, ამიტომ შევეცდებით, “იუვენტუსსა” და “რომას” კონკურენცია გავუწიოთ”, – ამბობს ჰამშიკი.
იტალიის ფეხბურთის ფედერაციის სადისციპლინო კომიტეტმა “ინტერის” ფანები დასაჯა. გულშემატკივართა ყველაზე აქტიური სექტორი უახლოეს ორ შეხვედრას ვერ დაესწრება. ამის მიზეზი ნეაპოლის შეურაცხმყოფელი სიმღერები იყო, რომლებსაც ფანები “ნაპოლი” – “ინტერის” მატჩის დროს მღეროდნენ.
უახლოეს ორ შეხვედრას “ინტერი” “მილანთან” (22 დეკემბერს) და “კიევოსთან” (14 იანვარს) გამართავენ.
დასრულდა იტალიის სერია ა-ს XVI ტურის ბოლოსწინა მატჩი, რომელშიც „ნაპოლიმ“ საკუთარ მოედანზე „ინტერი“ მიიღო.
ანგარიში შეხვედრის უკვე მე-6 წუთზე გონსალო იგუაინმა გახსნა. 35-ე წუთზე კამბიასომ წონასწორობა აღადგინა, თუმცა სტუმართა სიხარული დიდ ხანს არ გაგრძელებულა, რადგან ოთხ წუთში თავისი გუნდი წინ მერტენსმა გაიყვანა. ორ წუთში ნეაპოლიტანელთა უპირატესობა ორ ბურთამდე გაიზარდა – გოლი თავის ანგარიშზე ძემაილიმ ჩაიწერა. „ნერაძურის“ ფეხბურთელებმა ანგარიშის შემცირება პირველი ნახევრის დამატებითი დროის მე-2 წუთზე მოახერხეს – მეკარე რაფაელის კარი იუტო ნაგატომომ აიღო.
მეორე ტაიმის პირველივე წუთზე სტუმართა ნახევარმცველმა რიკი ალვარესმა ყვითელი ბარათი მიიღო. 71-ე წუთზე მსაჯმა იგი მეორედ გააფრთხილა, შედეგად, „ინტერს“ მატჩის დასრულება უმცირესობაში მოუწია.
ალვარესის გაძევებიდან ათ წუთში ხოსე მარია კალეხონმა ზუსტად დაარტყა – ჰანდანოვიჩმა თავისი გუნდის გადარჩენა ვერ შეძლო. დამატებითი დროის მე-2 წუთზე კი შეცვლაზე შესულმა გორან პანდევმა პენალტის გამოყენება ვერ შეძლო.
საბოლოოდ, 4:2 და „ნაპოლიმ“ ამ გამარჯვებით 35 ქულა დააგროვა და მეორე ადგილზე მყოფ „რომას“ მინიმუმ ხვალამდე 2 ქულით მიუახლოვდა. რაც შეეხება „ინტერს“, მაცარის გუნდი 35 ქულით სერია ა-ს სატურნირო ცხრილის მე-5 პოზიციას იკავებს.
„ნაპოლი“ – „ინტერი“ 4:2
გოლები: იგუაინი 6′, მარტენსი 39′, ჯემაილი 41′, კალეხონი 81′ – კამბიასო 35′, ნაგატომო 45+2′
„ნაპოლი“: რაფაელი, მაჯო, ფერნანდესი, ალბიოლი, რეველიერი (პანდევი 90+1′); ინლერი, კალეხონი, ჯემაილი; ინსინიე, მერტენსი (არმერო 85′); იგუაინი (ბერამი 78′)
„ინტერი“: ჰანდანოვიჩი; რანოკია, კამპანიარო (იკარდი 82′), როლანდო; ტაიდერი (კოვაჩიჩი 61′), ალვარესი, ნაგატომო, კამბიასო, ჟონათანი; გუარინი; პალასიო
გაფრთხილებები: ინსინიე, ინლერი – ალვარესი, რანოკია
გაძევება: ალვარესი 71′
ტურის სხვა მატჩების შედეგები:
„კატანია“ – „ვერონა“ 0:0
„კიევო“ – „სამპდორია“ 0:1
„ფიორენტინა“ – „ბოლონია“ 3:0
„ჯენოა“ – „ატალანტა“ 1:1
„ლაციო“ – „ლივორნო“ 2:0
„პარმა“ – „კალიარი“ 0:0
„უდინეზე“ – „ტორინო“ 0:2
„იუვენტუსი“ – „სასუოლო“ 4:0
იტალიის პირველობის XVI ტური ხვალ, „სან-სიროზე“ დასრულდება, სადაც ერთმანეთს „მილანი“ და „რომა“ დაუპირისპირდებიან.
ალექსანდრე მატევოსოვი
მილანის “ინტერის” მთავარი მწვრთნელი, ვოლტერ მაცარი აცხადებს, რომ “ნაპოლის” ფეხბურთელებმა და გულშემატკივრებმა მას პატივი უნდა სცენ.
შეგახსენებთ, რომ 52 წლის სპეციალისტი ნეაპოლურ კლუბს 2009 წლიდან 2013 წლამდე წვრთნიდა, “ნერაძურის” კი სათავეში 2013 წელს ჩაუდგა.
“ნეაპოლში ოთხი დაუვიწყარი წელი გავატარე. “ნაპოლისთან” ერთად ბევრ წარმატებას მივაღწიე და რა თქმა უნდა, იქ გატარებული პერიოდი კარგად მახსენდება. თუმცა, ახლა რეალობა ისეთია, რომ სხვა გუნდის თავკაცი ვარ. შესაბამისად, მხოლოდ იმაზე ვფიქრობ, “ინტერმა” სამი ქულა მოიპოვოს. ჩემი აზრით, “ნაპოლის” გულშემატკივრებისა და ფეხბურთელებისგან პატივისცემას ვიმსახურებ”, – ამბობს მაცარი.
