მადრიდის „რეალის“ ლიდერის კრიშტიანუ რონალდუს ერთ-ერთი ბოლო ინტერვიუს შემდეგ, რომელშიც მან განაცხადა, რომ ერთ მშვენიერ დღეს „მანჩესტერ იუნაიტედში“ სიამოვნებით დაბრუნდებოდა, უცხოურ პრესაში სხვადასხვა ჭორები ვრცელდება.
აქედან გამომდინარე, „იუნაიტედის“ მენეჯმენტი იმედოვნებს, რომ გუნდის ყოფილი თავკაცი სერ ალექს ფერგიუსონი, რომელიც ამჟამად კლუბის დირექტორთა საბჭოს წევრია, „წითელ ეშმაკებს“ კრიშტიანუს „ოლდ ტრაფორდზე“ დაბრუნებაში დაეხმარება.
ამავდროულად, როგორც „Daily Express“-ი წერს, მანკუნიალელებს საამისოდ საჭირო რაოდენობის თანხა გააჩნიათ და უახლოეს მომავალში ისინი ამ ტრანსფერის განხორციელებაზეც იფიქრებენ.
