ესპანურ პრესაში გავრცელებული უახლესი ცნობების თანახმად, მადრიდის “რეალის” ხელმძღვანელები ყველაფრის გაკეთებას აპირებენ გუნდის ხორვატი ლიდერის, ლუკა მოდრიჩის შესანარჩუნებლად.
როგორც ცნობილი ხდება, “ნერაძურიმ” ლუკა მოდრიჩთან შეთანხმებას უკვე მიაღწია და ახლა ჯერი მადრიდის “რეალზეა”. თუმცაღა, მადრიდელებმა რამდენიმე დღის წინ განაცხადეს, რომ მოდრიჩს მხოლოდ 750 მილიონი ევროს შეთავაზების შემთხვევაში დათმობდნენ.
Sport Mediaset ადასტურებს ინფორმაციას, რომლის თანახმადაც ხორვატ ფეხბურთელს “რეალი” გაორმაგებულ ხელფასს სთავაზობს, რაც 13 მილიონ ევროს უდრის.
თავის მხრივ, “ნერაძური” მოდრიჩს თანამემამულეებთან თამაშის შანსის გარდა 10 მილიონ ევროსა და კარიერის ჩინურ კლუბში დასრულების შესაძლებლობას სთავაზობს.
