Uefa Champions League – გვერდი 3 – Fanebi.Com – ფეხბურთი, კალათბურთი, რაგბი, სხვა

ჩემპიონთა ლიგა: “დილა” — “პარტიზანის” წყვილში გამარჯვებულის მეტოქე გაირკვა

Posted on ივლისი 17, 2015 by ბექა დოგრაშვილი

დღეს შვეიცარიის ქალაქ ნიონში მდებარე უეფას შტაბ-ბინაში ჩემპიონთა ლიგის მესამე საკვალიფიკაციო ეტაპის წილისყრა ჩატარდა.

გორის “დილასა” და ბელგრადის “პარტიზანის” წყვილში გამარჯვებულს მეტოქედ სლოვაკურ “ტრენჩინსა” და რუმინულ “სტიაუას” წყვილში გამარჯვებული ერგო. ამ გუნდების პირველი შეხვედრა რუმინელების გამარჯვებით, ანგარიშით 2:0 დასრულდა.

მესამე საკვალიფიკაციო ეტაპის მატჩები 28-29 ივლისსა და 4-5 აგვისტოს ჩატარდება.

შეგახსენებთ, რომ “პარტიზანსა” და “დილას” შორის გამართული პირველი მატჩი სერბების მინიმალური გამარჯვებით, ანგარიშით 1:0 დასრულდა. საპასუხო შეხვედრა გორში, 21 ივილისს ჩატარდება.

მომდევნო სეზონში ჩემპიონთა ლიგაზე ხუთი ესპანური კლუბი ითამაშებს

Posted on მაისი 28, 2015 by ბექა დოგრაშვილი

უეფას ჩემპიონთა ლიგის 2015/16 წლების გათამაშებაში ხუთი ესპანური კლუბი მიიღებს მონაწილეობას. ეს მას შემდეგ გახდა ცნობილი, რაც ევროპის ლიგის ფინალურ მატჩში “სევილიამ” უკრაინული “დნიპრო” ანგარიშით 3:2 დაამარცხა.

როგორც მოგეხსენებათ, ახალი სეზონიდან ევროპის ლიგის გამარჯვებულ გუნდს ავტომატურად ენიჭება ჩემპიონთა ლიგის საგზური. აქედან გამომდინარე, მართალია, “სევილია” ესპანეთის პრიმერადივიზიონში მეხუთე ადგილზე გავიდა, თუმცა ევროპის ლიგის მოგებისთვის ჩემპიონთა ლიგის ჯგუფურ ეტაპზე მაინც ითამაშებს.

ესპანეთიდან “სევილიას” გარდა ჩემპიონთა ლიგას ჯგუფური ეტაპიდან შეუერთდებიან “ბარსელონა”, მადრიდის “რეალი” და “ატლეტიკო”. “ვალენსია” ტურნირზე პლეიოფიდან ჩაერთვება.

ჩემპიონთა ლიგა — კვირის სიმბოლური გუნდი

Posted on აპრილი 23, 2015აპრილი 23, 2015 by ბექა დოგრაშვილი

უეფამ ჩემპიონთა ლიგის ამ კვირის სიმბოლური გუნდი შეადგინა, რომელშიც მიუნხენის “ბაიერნის” ფეხბურთელები ჭარბობენ.

სიმბოლური გუნდი ასე გამოიყურება:

მეკარე: იან ობლაკი (“ატლეტიკო”);
მცველები: ჟერომ ბოატენგი (“ბაიერნი”), ლეონარდო ბონუჩი (“იუვენტუსი”), ხუან ბერნატი (“ბაიერნი”), ჟორდი ალბა (“ბარსელონა”);
ნახევარმცველები: ხამეს როდრიგესი (“რეალი”), ჟოფრი კონდოგბია (“მონაკო”), ტიაგო ალკანტარა (“ბაიერნი”);
თავდამსხმელები: ნეიმარი (“ბარსელონა”), ხავიერ ერნანდესი (“რეალი”), ტომას მიულერი (“ბაიერნი”).

ნედვედი: “იუვეს” ნახევარფინალში გასვლის რეალური შანსი აქვს”

Posted on მარტი 21, 2015 by ბექა დოგრაშვილი

ტურინის “იუვენტუსის” დირექტორმა პაველ ნედვედმა უეფას ჩემპიონთა ლიგის მეოთხედფინალური ეტაპის წილისყრის შედეგები შეაფასა. შეგახსენებთ, რომ გუშინ გამართულ კენჭისყრაზე “ბებერ სინიორას” მეტოქედ “მონაკო” ერგო.

“მეტოქეს პატივს ვცემთ, თუმცა ნახევარფინალში გასვლის რეალურ პერსპექტივას ვხედავ. ჩვენ შანსი გვაქვს, თუმცა დაპირისპირება ანგარიშით 0:0 იწყება. საბედნიეროდ, შორს წასვლა არ მოგვიწევს. საპასუხო შეხვედრას საკუთარ სახლთან ახლოს ჩავატარებთ.

ვნახოთ, ვინ გააღწევს ნახევარფინალში. მე ყოველთვის ფრთხილი ვარ. “მონაკომ” ტურნირს “არსენალი” გამოთიშა. თუ ჩემპიონთა ლიგის მატჩს კონცენტრირებული არ შეხვდი, დიდი შანსია, რომ განზე დარჩე”, – ნედვედის კომენტარი უეფას ოფიციალურ ვებგვერდზე გამოქვეყნდა.

წყვილის პირველი მატჩი ტურინში, 14 აპრილს გაიმართება.

ჩემპიონთა ლიგის მერვედფინალის VII დღე: FANEBI.COM-ის მომხმარებელთა პროგნოზი

Posted on მარტი 17, 2015 by ბექა დოგრაშვილი

დღეს უეფას ჩემპიონთა ლიგის 2014/15 წლების გათამაშების მერვედფინალური ეტაპის მორიგი სათამაშო დღეა. Fanebi.com-ის მომხმარებლებმა თავიანთი ვარაუდი გამოთქვეს, თუ რა შედეგით დასრულდება დღევანდელი დღის ორი მატჩი. პროცენტულად გთავაზობთ, თუ როგორ გადანაწილდა ხმები.

“ატლეტიკო” (95 %)	ფრე (3 %)	“ლევერკუზენი” (2 %)
“მონაკო” (10 %)	ფრე (9 %)	“არსენალი” (81 %)

ჩემპიონთა ლიგის მერვედფინალის III დღე: FANEBI.COM-ის მომხმარებელთა პროგნოზი

Posted on თებერვალი 24, 2015თებერვალი 25, 2015 by ბექა დოგრაშვილი

“მანჩესტერ სიტი” (34 %)	ფრე (17 %)	“ბარსელონა” (49 %)
“იუვენტუსი” (73 %)	ფრე (14 %)	“დორტმუნდი” (13 %)

ჩემპიონთა ლიგის მერვედფინალის II დღე: FANEBI.COM-ის მომხმარებელთა პროგნოზი

Posted on თებერვალი 18, 2015 by ბექა დოგრაშვილი

“შალკე” (1 %)	ფრე (7 %)	“რეალი” (92 %)
“ბაზელი” (28 %)	ფრე (30 %)	“პორტუ” (42 %)

ჩემპიონთა ლიგის მერვედფინალის I დღე: FANEBI.COM-ის მომხმარებელთა პროგნოზი

Posted on თებერვალი 17, 2015 by ბექა დოგრაშვილი

დღეს სტარტს იღებს უეფას ჩემპიონთა ლიგის 2014/15 წლების გათამაშების მერვედფინალური ეტაპი. Fanebi.com-ის მომხმარებლებმა თავიანთი ვარაუდი გამოთქვეს, თუ რა შედეგით დასრულდება დღევანდელი დღის ორი მატჩი. პროცენტულად გთავაზობთ, თუ როგორ გადანაწილდა ხმები.

“პარი სენ-ჟერმენი” (39 %)	ფრე (32 %)	“ჩელსი” (29 %)
“შახტარი” (1 %)	ფრე (3 %)	“ბაიერნი” (96 %)

ჩემპიონთა ლიგის ახალი ბურთი

Posted on თებერვალი 16, 2015თებერვალი 16, 2015 by ბექა დოგრაშვილი

უეფამ ჩემპიონთა ლიგის ახალი ბურთი წარმოადგინა, რომლითაც ამ ტურნირის პლეიოფში და ფინალში ითამაშებენ.

ბურთის დიზაინი ნათელ ფერებშია გადაწყვეტილი. გარდა ამისა, ბურთზე აღბეჭდილია ბერლინის ხედები და დათვის გამოსახულება. შეგახსენებთ, რომ დათვი გერმანიის დედაქალაქის სიმბოლოდ ითვლება. სწორედ ბერლინში გაიმართება ჩემპიონთა ლიგის წლევანდელი გათამაშების ფინალური მატჩი, რომელიც 6 ივნისს ჩატარდება. პლეიოფის სტადია ხვალიდან აიღებს სტარტს.

ჩემპიონთა ლიგის ფინალური მატჩის ოფიციალური ბურთი

Posted on დეკემბერი 28, 2014 by ბექა დოგრაშვილი

გამოქვეყნდა იმ ბურთის ფოტო, რომლითაც უეფას ჩემპიონთა ლიგის მიმდინარე გათამაშების ფინალურ მატჩში ითამაშებენ.

შეგახსენებთ, რომ ტურნირის ფინალური შეხვედრა 2015 წლის 6 ივნისს, ბერლინის “ოლიმპიაშტადიონზე” გაიმართება, რომელიც 74 228 მაყურებელს იტევს.

ჩემპიონთა ლიგის ყველა 1/8-ფინალური წყვილი ცნობილია

Posted on დეკემბერი 15, 2014დეკემბერი 15, 2014 by Alix

რამდენიმე წუთის წინ დასრულდა უეფა-ს ჩემპიონთა ლიგის 1/8-ფინალური ეტაპის კენჭისყრა, რომლის მიხედვითაც, ევროპის ყველაზე პრესტიჟული საკლუბო ტურნირის პლეიოფის პირველ ეტაზე ერთმანეთს შემდეგი გუნდები შეხვდებიან:

„პარი სენ-ჟერმენი“ – „ჩელსი“
„მანჩესტერ სიტი“ – „ბარსელონა“
„ბაიერი“ – „ატლეტიკო“
„იუვენტუსი“ – „ბორუსია“
„შალკე 04“ – „რეალი“
„შახტარი“ – „ბაიერნი“
„არსენალი“ – „მონაკო“
„ბაზელი“ – „პორტუ“

ჩემპიონთა ლიგა — VI ტურის სიმბოლური გუნდი

Posted on დეკემბერი 11, 2014 by ბექა დოგრაშვილი

უეფამ ჩემპიონთა ლიგის ჯგუფური ეტაპის VI ტურის სიმბოლური გუნდი შეადგინა, რომელიც ასე გამოიყურება:

მეკარე: სილვიო პროტო (“ანდერლეხტი”);
მცველები: ალვარო არბელოა (“რეალი”), მიკელ სან ხოსე (“ატლეტიკი”), სესარი (“ბენფიკა”), აიმენ აბდენური (“მონაკო”);
ნახევარმცველები: მარკო ჰიოგერი (“შალკე”), სამირ ნასრი (“მანჩესტერ სიტი”), შკიოლზენ გაში (“ბაზელი”);
თავდამსხმელები: ლასე შიონე (“აიაქსი”), ნეიმარი (“ბარსელონა”), ლუკას პოდოლსკი (“არსენალი”).