“ვოლფსბურგის” ცენტრალური მცველი ტიმ კლოზე ამიერიდან “ნორვიჩის” ღირსებას დაიცავს. შვეიცარიელმა ფეხბურთელმა ინგლისურ კლუბთან სამწლიანი კონტრაქტი გააფორმა.
“პრემიერ ლიგაში თამაში ყოველთვის ჩემი ოცნება იყო, “ნორვიჩმა” კი ოცნების ასრულების შანსი მომცა. როცა აქ მოვედი, ბაზა და სტადიონი ვნახე – ყველაფერი მართლაც შესანიშნავია”, – ციტირებს კლოზეს სიტყვებს “ნორვიჩის” ოფიციალური ვებ-გვერდი.
უეფა-ს ოფიციალურ საიტზე ჩემპიონთა ლიგის ჯგუფური ეტაპის ბოლო ტურის სიმბოლური ნაკრები გამოქვეყნდა, რომელიც შემდეგნაირად გამოიყურება:
მეკარე: მარკ-ანდრე ტერ შტეგენი („ბარსელონა“)
მცველები: ლორენ კოშელნი („არსენალი“), ნალდო („ვოლფსბურგი“), ჯეფრი ბრუმა (პსვ), ფილიპ მლადენოვიჩი (ბატე)
ნახევარმცველები: დანიელ მილიჩევიჩი („გენტი“), სელჩუკ ინანი („გალათასარაი“), ედენ აზარი („ჩელსი“)
თავდამსხმელები: რაჰიმ სტერლინგი („მანჩესტერ სიტი“), ოლივერ ჟირუ („არსენალი“), კრიშტიანუ რონალდუ („რეალი“)
ჩემპიონთა ლიგის ჯგუფური ეტაპის ბოლო ტურში „ვოლფსბურგთან“ ანგარიშით 2:3 წაგებული მატჩი „მანჩესტერ იუნაიტედის“ მთავარმა მწვრთნელმა ლუი ვან გაალმა შეაფასა.
პირველ რიგში, ჰოლანდიელმა სპეციალისტმა ყურადღება პირველ ტაიმში მსაჯის მიერ არჩავლილ გოლზე გაამახვილა: „როდესაც სიტუაციას გვერდითი მსაჯის თვალით უყურებ, მუშაობა გიადვილდება. ალბათ, უცნაურია, როდესაც თავიდან გოლს თვლი, შემდეგ კი რამდენიმე ფეხბურთელის უკმაყოფილების შემდეგ გადაწყვეტილებას ცვლი. არამგონია, მეკარეს იმ ეპიზოდში მატასთვის ყურადღება მიექცია, რადგან ბურთი კარში მიდიოდა. რა თქმა უნდა, ის ხუანს თამაშგარე მდგომარეობაში ხედავდა და ყურადღება ამაზე გადაიტანა“.
„ძალიან მხიარია, რომ გავიტანეთ, მაგრამ უკმაყოფილო ვარ, რომ მცირე ინტერვალში ორი გოლი გავუშვით. კარგად უნდა გავაანალიზო, ასე რატომ მოხდა.
ბოლო მატჩებში გოლი არ გაგვიტანია, დღეს კი მეტოქეს ორი ან შესაძლოა მეტი გოლიც გავუტანეთ…“, – დაასრულა ვან გაალმა.
გერმანიის ბუნდესლიგის მე-15 ტურში “ვოლფსბურგსა” და დორტმუნდის “ბორუსიას” შორის გამართულ მატჩში ისტორიული ფაქტი დაფიქსირდა.
პირველად ბუნდესლიგის ისტორიაში დაწინაურებულმა გუნდმა კომპენსირებულ დროში გოლი გაუშვა და შემდეგ კვლავ დაწინაურებაც მოახერხა. პირველ დამატებულ წუთზე “მგელთა” მცველმა რიკარდო როდრიგესმა თერთმეტმეტრიანი დარტყმით ანგარიში გაათანაბრა, თუმცა ორ წუთში დორტმუნდელთა ნახევარმცველმა სინძი კაგავამ “ბორუსია” კვლავ დააწინაურა და გუნდს გამარჯვება მოუტანა.
მატჩი დორტმუნდელთა გამარჯვებით, ანგარიშით 2:1 დასრულდა.
“ვოლფსბურგის” თავდამსხმელმა ნიკლას ბენდტნერმა განაცხადა, რომ იმიჯი მას პრესამ შეუბღალა. დანიელი ფეხბურთელი ამბობს, რომ გუნდისთვის მაქსიმუმს აკეთებს.
“ყველა ინტერვიუს არ ვთანხმდები. პრესის მიერ შექმნილი იდიოტის იმიჯის ტარებით დავიღალე. იმ ჟურნალისტებსაც კი, რომელთაც ვენდობი, არ შეუძლიათ, სიტყვებით ახსნან ის, რასაც უთამაშებლობისას ვგრძნობდი. “ვოლფსბურგის” ნებისმიერ ფეხბურთელს ჰკითხეთ, რამდენს ვმუშაობ დარბაზში ვარჯიშამდე და ვარჯიშის შემდეგ. ამას ყველა დაადასტურებს. სახლში სავარჯიშოდ ველოტრენაჟორიც კი შევიძინე. მუდმივად ვმუშაობ და ყოველთვის მინდა თამაში”, – ბენდტნერის კომენტარს 11 Freunde ციტირებს.
„ვოლფსბურგი“ „მანჩესტერ იუნაიტედთან“ უეფას ჩემპიონთა ლიგის ჯგუფური ეტაპის მეორე ტურის გასვლის მატჩს დანაკლისით ხვდება. „მგლებს“ აღნიშნულ შეხვედრაში ნახევარმცველი ლუის გუსტავო ვერ დაეხმარება. ბრაზილიელ ფეხბურთელს კვლავ მუხლის ტრავმა აწუხებს.
აღსანიშნავია, რომ ჩემპიონთა ლიგის პირველი ტურის შედეგებით, გუსტავო გარბენით საუკეთესო სამეულში შევიდა.
ცნობისთვის, „მანჩესტერ იუნაიტედი“ – „ვოლფსბურგის“ თამაში ხვალ, თბილისის დროით, 22 საათსა და 45 წუთზე დაიწყება.
როგორც იცით, 22 სექტემბერს, გერმანიის ბუნდესლიგაში მიუნხენის “ბაიერნმა” საკუთარ მოედანზე “ვოლფსბურგი” მიიღო და მეტოქე გამანადგურებელი ანგარიშით 5:1 დაამარცხა.
მატჩის გმირი რობერტ ლევანდოვსკი გახდა, რომელიც თამაშში მეორე ტაიმის დაწყებისთანავე ჩაერთო. პოლონელმა თავდამსხმელმა “ვოლფსბურგს” ხუთი გოლი გაუტანა, რითაც რამდენიმე რეკორდი დაამყარა.
მიუნხენს „ბაიერნის“ თავდამსხმელმა რობერტ ლევანდოვსკიმ, რომელმაც „ვოფლსბურგთან“ მატჩში ცხრა წუთში ხუთ გოლი გაიტანა, ჟურნალისტებს მატჩის შემდგომ თავისი ემოციები გაუზიარა.
„ძალიან კმაყოფილი ვარ, ეს ფანტასტიკური იყო. უბრალოდ, კარში დარტყმა მსურდა და არც კი მიფიქრია, რა შედეგს მივიღებდი. ვაგებდით და გვესმოდა, რომ მინიმუმ ორჯერ უნდა გაგვეტანა. ხუთი გოლი რაღაც წარმოუდგენელია. გვარდიოლას ჩემთვის ასახსნელი არაფერი აქვს, ისედაც ვიცი, თუ რა გავაკეთო მოედანზე“, – განაცხადა პოლონელმა.
22 სექტემბერს, გერმანიის ბუნდესლიგაში, “ბაიერნსა” და “ვოლფსბურგს” შორის გამართულ მატჩში, მანუელ ნოიერმა საკუთარი კარი დატოვა და მეტოქის ნახევარზე გადავიდა.
„ვოლფსბურგის“ მთავარმა მწვრთნელმა დიტერ ჰეკინგმა მოსკოვის ცსკა-სთან უეფას ჩემპიონთა ლიგის ჯგუფური ეტაპის პირველი ტურის შეხვედრა შეაჯამა.
„დამსახურებულად გავიმერჯვეთ. ბოლომდე კონცენტრირებულნი ვიყავით და აქტიურად ვმოქმედებდით. თამაშის ასეთი დონე ჩემთვის მოულოდნელი იყო, რადგან ჩემპიონთა ლიგაზე 6 წელი არ გვითამაშია.
ცოტა გული დამწყდა, რომ ცსკა-ს მეორე გოლი ვერ გავუტანეთ. რაც შეეხება იულიან დრაქსლერს, უკვე დღეს ამ ფეხბურთელმა აჩვენა, რომ მის ტრანსფერში დიდი თანხა ტყუილად არ გადაგვიხდია“, – განაცხადა ჰეკინგმა.
ნახევარმცველმა იულიან დრაქსლერმა ის მიზეზი დაასახელა, რომლის გამო მან ტურინის „იუვენტუსში“ გადასვლას „ვოლფსბურგში“ ტრანსფერი ამჯობინა. 21 წლის გერმანელის თქმით, სამშობლოში მას თავისი პოტენციალის გამომჟღავნების გაცილებით დიდი შესაძლებლობა აქვს. გარდა ამისა, ფეხბურთელმა აღნიშნა, რომ კევინ დე ბრუინეს „მანჩესტერ სიტიში“ წასვლის გამო გულდაწყვეტილია.
„შალკე“ იმიტომ დავტოვე, რომ გარემოს შეცვლა მსურდა. ვფიქრობ, იტალიასთან შედარებით, გერმანიაში პროგრესის მეტი შესაძლებლობა გამაჩნია. ბუნდესლიგას კარგად ვიცნობ. ერთადერთი, რის გამოც გული დამწყდა, კევინ დე ბრუინეს „მანჩესტერ სიტიში“ ტრანსფერია. მასთან ერთ გუნდში თამაში კარგი იქნებოდა“, – განაცხადა დრაქსლერმა.
„მანჩესტერ სიტის“ მთავარმა მწვრთნელმა მანუელ პლეგერინიმ „ვოლფსბურგის“ ნახევარმცველის კევინ დე ბრუინეს ტრანსფერის შესახებ ისაუბრა.
„კევინს მივესალმებით. ეჭვიც არ მეპარება, რომ როგორც კლუბში, ისე პრემიერლიგაში, ის გამორჩეული იქნება.
გუნდის გასაძლიერებლად მოთამაშეები გვჭირდება – ვიცი, რომ კევინი ერთ-ერთი ის ფეხბურთელია, რომელსაც ეს კარგად გამოუვა.
„სიტი“ შემტევ ფეხბურთს თამაშობს და დე ბრუინეს გამოჩენა ყველა ფრონტზე გაგვაძიერებს“, – განაცხადა ფეხბურთის ჩილელმა სპეციალისტმა.
შეგახსენებთ, რომ ბელგიის ნაკრების 24 წლის ნახევარმცველმა „ქალაქელებთან“ 6-წლიანი კონტრაქტი გააფორმა, ტრანსფერის ფასმა კი 70 მილიონი ევრო შეადგინა.
