“მანჩესტერ იუნაიტედისა” და ინგლისის ეროვნული ნაკრების ლიდერმა უეინ რუნიმ ლიონელ მესისა და დიეგო მარადონას შესახებ ისაუბრა და მათ შორის უკეთესი გამოარჩია.
“ორიოდე წლის წინათ ხალხი ამბობდა, რომ მესი მარადონა არ არის, რადგან მას მსოფლიოს ჩემპიონატი მოგებული არ აქვს. ჩემი აზრით, მესი მარადონაზე უკეთესი ფეხბურთელია”, – ციტირებს რუნის სიტყვებს Sportsmole-ი.
შეგახსენებთ, რომ ლეო მესის “ოქროს ბურთი” ოთხჯერ აქვს მოგებული, რაც საუკეთესო მაჩვენებელია.
ჩემპიონთა საერთაშორისო თასის ეგიდით ჩატარებულ მატჩში “მანჩესტერ იუნაიტედმა” “ბარსელონა” ანგარიშით 3:1 დაამარცხა.
პირველ ტაიმში გოლი უეინ რუნიმ გაიტანა. მეორე ნახევრის შუაწელს შეცვლაზე შემოსულმა ჯესი ლინგორმა “წითელი ეშმაკების” უპირატესობა გაზარდა. შეხვედრის ბოლოს ჯერ რაფინიამ გაიტანა, შემდეგ კი ადნან იანუზაიმ.
გთავაზობთ მატჩის ვიდეომიმოხილვას.
“მანჩესტერ იუნაიტედის” კაპიტანი უეინ რუნი ლივერპულის “ევერტონის” რიგებში ამხანაგურ მატჩს ჩაატარებს.
რუნი “კანფეტების” ყოფილი თავდამსხმელის დანკან ფერგიუსონის გამოსათხოვარ შეხვედრაში ითამაშებს. “ევერტონი” ამ მატჩში “ვილიარეალს” დაუპირისპირდება.
“ჩემთვის, როგორც ლივერპულის გარეუბანში გაზრდილი ბიჭისთვის, დანკან ფერგიუსონი ნამდვილი გმირი იყო. იგი გახლდათ ჩემი შთაგონების წყარო, როდესაც “ევერტონის” ახალგაზრდულ გუნდში ვთამაშობდი. როცა პირველ გუნდს შევუერთდი, იგი ჩემზე ზრუნავდა და მეხმარებოდა”, – რუნის სიტყვები “მანჩესტერ იუნაიტედის” ოფიციალურ ვებგვერდზე გამოქვეყნდა.
მატჩი 2 აგვისტოს, “გუდისონ პარკზე” შედგება.
ინგლისის პრემიერლიგის 33-ე ტურში ლონდონის “ჩელსიმ” შინ “მანჩესტერ იუნაიტედი” ანგარიშით 1:0 დაამარცხა. “წითელი ეშმაკების” კაპიტანმა უეინ რუნიმ მატჩის შემდეგ აღნიშნა, რომ “ჩელსის” ჩემპიონობაში ეჭვი აღარ ეპარება. სეზონის დასრულებამდე ხუთი ტურით ადრე ჟოზე მოურინიოს გუნდი მადევარ “არსენალს” 10 ქულით უსწრებს.
“კარგი მატჩი იყო. ბურთს უფრო მეტად ჩვენ ვაკონტროლებდით, მომენტებიც შევქმენით, მაგრამ ვერ გამოვიყენეთ, რის გამოც დავისაჯეთ კიდეც. სხვა დღეს ასეთ თამაშში სამ-ოთხ გოლს გავიტანდით.
“ჩელსიმ” იცის, როგორ დააგდო თამაშის ტემპი, როგორ მიიმხროს მსაჯი, რაც დღესაც კარგად გამოუვიდა. მათ გაიმარჯვეს და დარწმუნებული ვარ, ჩემპიონებიც გახდებიან”, – რუნის სიტყვები “დეილი ექსპრესმა” გამოაქვეყნა.
“მანჩესტერ იუნაიტედის” თავდამსხმელი უეინ რუნი საკუთარ სამზარეულოში ნოკაუტში ჩააგდეს. ინგლისელი ფეხბურთელი “სტოკ სიტის” მცველ ფილ ბარდსლისთან კრივში სპარინგობდა. მეტოქემ რუნი ნოკაუტში ჩააგდო. ფაქტის ამსახველი ვიდეომასალა ინტერნეტსივრცეში დღეს გამოჩნდა, თუმცა თავად რუნიმ განაცხადა, რომ ინციდენტი 22 თებერვალს მოხდა.
“მანჩესტერ იუნაიტედის” მთავარი მწვრთნელი ლუი ვან გაალი უეინ რუნის მსოფლიოს მასშტაბით ერთ-ერთ საუკეთესო თავდამსხმელად თვლის, თუმცა მის გამოყენებას კვლავ ნახევარდაცვის ხაზში აპირებს. ფეხბურთის ჰოლანდიელმა სპეციალისტმა ამ გადაწყვეტილების შესახებ ისაუბრა.
“რუნი, ალბათ, საუკეთესო ფორვარდია, თუმცა უკვე რამდენჯერმე აღვნიშნე, რომ ზოგიერთ პოზიციაზე საკმარისად ძლიერი ფეხბურთელები არ მყავს. როტაციას მივმართავ, რათა გავარკვიო, მოედნის ამა თუ იმ მონაკვეთზე ვის შეუძლია საკუთარი თავის საუკეთესოდ წარმოჩენა. ინგლისის ნაკრების თავკაცი რომ ვიყო, რუნის თავდამსხმელის პოზიციაზე ვათამაშებდი. ჩემთვის გუნდის წყობა უფრო მნიშვნელოვანია, ვიდრე რომელიმე ცალკეული მოთამაშე”, – ციტირებს ვან გაალის სიტყვებს ESPN-ი.
ლეგენდარული ინგლისელი ფეხბურთელი, “ნიუკასლ იუნაიტედის” ყოფილი ფორვარდი ალან შირერი გამოტყდა, რომ არ სურს, “მანჩესტერ იუნაიტედის” თავდამსხმელმა უეინ რუნიმ პრემიერლიგაში გატანილი გოლების რაოდენობით მისი რეკორდი დაამხოს.
ცნობისთვის, შირერმა თავის დროზე 260 გოლის გატანა შეძლო, რუნის ამ მაჩვენებლამდე 79 გოლი აკლია.
“იმედი მაქვს, რუნი ჩემს რეკორდს ვერ დაამხობს. მომწონს, რომ ეს რეკორდი მე მეკუთვნის. თუ რუნი ფორმაში იქნება, მას, რა თქმა უნდა, ამ რეკორდის დამყარება შეუძლია. ეს იმაზეც არის დამოკიდებული, თუ რა პოზიციაზე გამოიყენებს გუნდის მთავარი მწვრთნელი მას. ამასთანავე, უნდა ვთქვა, რომ რუნის გულმხურვალე გულშემატკივარი ვარ. ის მხოლოდ 29 წლის არის და ჩემი რეკორდის დამხობა მართლაც შეუძლია”, – შირერის სიტყვები ჟურნალმა Fourfourtwo-მ გამოაქვეყნა.
“მანჩესტერ იუნაიტედის” მთავარმა მწვრთნელმა ლუი ვან გაალმა განაცხადა, რომ გუნდის ახალი ვიცეკაპიტანი მაიკლ კერიკი იქნება.
შეგახსენებთ, რომ ჰოლანდიელმა სპეციალისტმა სეზონის დასაწყისში “წითელი ეშმაკების” ვიცეკაპიტნად დარენ ფლეტჩერი გაამწესა, თუმცა როგორ ჩანს, ვან გაალმა გადაწყვეტილება შეცვალა და ახლა ეს პასუხისმგებლობა კერიკს დაავალა.
“სამი კაპიტანი მყავს, თუმცა, რა თქმა უნდა, გარკვეული თანმიმდევრობა მაქვს დაწესებული: პირველი კაპიტანი უეინ რუნია, მეორე მაიკლ კერიკი, მესამე კი – დარენ ფლეტჩერი. ძალიან მნიშვნელოვანია, რომ სხვადასხვა ხაზის კაპიტნები მყავს.
კერიკი გამოცდილი და მშვიდია. კარგია, რომ მისი გამოყენება სხვადასხვა პოზიციებზე შემიძლია. კაპიტნის რანგში მას მოედანზე ჩემი სათამაშო ფილოსოფიის შეცვლა შეუძლია”, – ციტირებს ვან გაალის სიტყვებს sportsmole-ი.
“მანჩესტერ იუნაიტედის” მთავარმა მწვრთნელმა ლუი ვან გაალმა უეინ რუნის მიმართ საქებარი სიტყვები არ დაიშურა.
“უეინის რეპუტაციის შესახებ “მანჩესტერ იუნაიტედში” გადმოსვლამდეც ვიცოდი, თუმცა აქ სულ სხვანაირი რუნი დავინახე. ვარჯიშებზე მუშაობით ის სხვებს მაგალითს აძლევს. რუნი კარგი კაპიტანია. ვხედავ, რომ მას კაპიტნის სამკლავურის ტარება მოსწონს. მე მისით კმაყოფილი ვარ”, – ციტირებს ვან გაალის სიტყვებს “მირორი”.
უეინ რუნის ინგლისის პრემიერლიგის მიმდინარე გათამაშებაში ჩატარებულ ათ შეხვედრაში ხუთი გოლი აქვს გატანილი.
“მანჩესტერ იუნაიტედის” თავდამსხმელი უეინ რუნი თვლის, რომ მადრიდის “რეალის” ლიდერი კრიშტიანუ რონალდუ დღესდღეობით უფრო ძლიერია, ვიდრე “ბარსელონას” თავდამსხმელი ლიონელ მესი და “ოქროს ბურთიც” სწორედ პორტუგალიელმა ფეხბურთელმა უნდა მიიღოს.
“ვფიქრობ, რომ “ოქროს ბურთს” კვლავ რონალდუ მიიღებს. კრიშტიანუმ ბოლო ორი-სამი წელიწადი შესანიშნავად განვლო და მგონია, რომ იგი მესის მსოფლიოს საუკეთესო ფეხბურთელის წოდებისთვის ბრძოლაში აჯობებს. რთული იქნება, ამ ჯილდოს მოპოვებაში მას ვინმე შეეცილოს”, – განაცხადა რუნიმ “მანჩესტერ იუნაიტედის” სატელევიზიო ეთერში.
შეგახსენებთ, რომ უეინ რუნი ინგლისის ეროვნული ნაკრების კაპიტანია. ასე რომ, რონალდუს მისგან ერთი ხმა გარანტირებული აქვს.
“ოქროს ბურთის” დაჯილდოების საზეიმო ცერემონიალი 2015 წლის 12 იანვარს, შვეიცარიის ქალაქ ციურიხში ჩატარდება.
ინგლისის ნაკრებისა და “მანჩესტერ იუნაიტედის” კაპიტანი უეინ რუნი პრემიერლიგის პირველი ფეხბურთელია, რომელმაც სოციალურ ქსელ “ტვიტერზე” 10 მილიონი მიმდევარი შეიძინა. ამ მაჩვენებლით ინგლისელი თავდამსხმელი ფეხბურთელებს შორის მეხუთე ადგილს იკავებს და ჩამორჩება რონალდინიოს (10,8 მილიონი), ნეიმარს (14,6 მილიონი), კაკას (21 მილიონი) და კრიშტიანუ რონალდუს (30,3 მილიონი).
“10 მილიონ მიმდევარს მივაღწიე. მსოფლიოს მასშტაბით მყოფ ჩემს ფანებს მადლობა ვუხდი”, – დაწერა მიკრობლოგზე რუნიმ.
“მანჩესტერ იუნაიტედის” თავდამსხმელი უეინ რუნი, რომელმაც “ვესტ ჰემის” წინააღმდეგ გამართულ მატჩში წითელი ბარათი მიიღო, დისკვალიფიკაციის გამო სამ მატჩს გამოტოვებს. ამრიგად, “წითელი ეშმაკების” კაპიტანი “ევერტონთან” (5 ოქტომბერი) და “ჩელსისთან” (26 ოქტომბერი) გასამართ საშინაო და “ვესტ ბრომვიჩთან” (20 ოქტომბერი) გასამართ გასვლით შეხვედრებში ვერ ითამაშებს.
შეგახსენებთ, რომ რუნი “ვესტ ჰემის” წინააღმდეგ გამართულ მატჩში მოედნიდან 59-ე წუთზე გააძევეს. კუთხურის მოწოდების შემდეგ “მანჩესტერ იუნაიტედმა” ბურთი დაკარგა და მეტოქე გუნდის სწრაფი კონტრშეტევის ჩასაშლელად ინგლისელმა თავდამსხმელმა “ვესტ ჰემის” ფეხბურთელს მუხლში ფეხი ჩაარტყა. მთავარი არბიტრი იქვე იდგა და რუნის უხეში თამაში არ გამოპარვია.
აღნიშნული შეხვედრა “მანჩესტერ იუნაიტედის” გამარჯვებით, ანგარიშით 2:1 დასრულდა. ანგარიში მე-5 წუთზე სწორედ რუნიმ გახსნა.
ინგლსის პრემიერლიგის VI ტურის შემდეგ “მანჩესტერ იუნატედს” სატურნირო ცხრილში მეშვიდე პოზიცია აქვს დაკავებული.
სრული სატურნირო ცხრილის სანახავად გადადთ ბმულზე: ცხრილები
