Daily Mail-ის ინფორმაციით, ჩინური სუპერ ლიგის კიდევ ერთი სამიზნე ჟოზე მოურინიოა, რომლითაც “მანჩესტერ იუნაიტედიც” ინტერესდება.
როგორც იცით, ბოლო დროს ჩინური კლუბები ძალზედ გააქტიურდნენ, გადაიბირეს რა ალექს ტეიშეირა, ჯექსონ მარტინესი და რამირესი.
პორტუგალიელის ძირითადი მიზანი ჩინეთში არსებული სიტუაციის გაანალიზება და ჩემპიონატის გაუმჯობესება იქნება, რათა ჩინური სუპერ ლიგა ოდნავ მაინც მიუახლოვდეს ევროპულ ჩემპიონატებს.
„ჩელსის“ ყოფილმა მთავარმა მწვრთნელმა ჟოზე მოურინიომ ფიფა-ს საპრეზიდენტო არჩევნებზე კანდიდატ ჯანი ინფანტინოს მხარდაჭერა განუცხადა.
„ინფანტინოს დიდი ხანი ვიცნობ. ვიცი, რომ მას ბევრი შეუძლია, ეს გამოცდილი ადამიანია, რომელსაც ფეხბურთისთვისა და ფიფა-სთვის ყველა საჭირო ცოდნა გააჩნია.
ვფიქრობ, ის ორგანიზაციას სჭირდება. ინფანტინოს მხარს ვუჭერ. მჯერა, რომ ის დაკისრებულ მოვალეობებს შეასრულებს“, – ციტირებს მოურინიოს Goal.com-ი.
შეგახსენებთ, რომ წინა კვირას ინფანტინომ საფრანგეთსა და გერმანიის ფეხბურთის ფედერაციების მხარდაჭერაც მიიღო.
მიუნხენის “ბაიერნის” ნახევარმცველმა ჩაბი ალონსომ გუნდის მთავარი მწვრთნელი ხოსეპ გვარდიოლა ჟოზე მოურინიოს შეადარა, რომლის თავკაცობითაც მადრიდის “რეალში” თამაშობდა.
“ორივე მათგანი ნამდვილი ლიდერია. ორივენი ქარიზმატული პიროვნებები არიან, რომლებსაც ადამიანების დარწმუნება შეუძლიათ.
მათ განსხვავებული თვისებები ახასიათებთ, თუმც საერთოც ბევრი აქვთ. ორივე მათგანი საკმაოდ ემოციურია.
ძალზედ რთულია, თუმცა აუცილებელია, რომ გუნდი შენთვის აბრძოლო. მნიშვნელობა არ აქვს, რას აკეთებ ვარჯიშებზე, თუ ფეხბურთელები გვერდით არ გიდგანან”, – ალონსოს კომენტარი Goal.com-მა გამოაქვეყნა.
ბრაზილიური კლუბი „იბისი“, რომელიც 1980 წელს თავისი ანტირეკორდით (55 ვერმოგებული მატჩით) არის ცნობილი, თურმე „ჩელსიდან“ გაშვებული ჟოზე მოურინიოს გადაბირებას ცდილობდა.
ჩემპიონთა ლიგის ორგზის გამარჯვებულს ეს კლუბი ორწლიან კონტრაქტს სთავაზობდა, რომლის თანახმად, თვეში ერთხელ მოურინიოს საჭმლით მოამარაგებდნენ, ყოველი წაგებული მატჩის შემდეგ კი ის ბონუსებს მიიღებდა, ხოლო ჩემპიონატის მოგების შემთხვევაში, მას ავტომატურად გაათავისუფლებდნენ.
ბოლოსთვის, გეტყვით, რომ ეს წინადადება „იბისმა“ მოურინიოს 28 დეკემბრისთვის შესთავაზა, რომელიც სამხრეთ ამერიკაში პირველ აპრილს უდრის.
„ჩელსის“ ლეგენდა ფრენკ ლამპარდი, რომელიც ამჟამად „ნიუ-იორკ სიტის“ რიგებში თამაშობს, არ ფიქრობს, რომ ლონდონური კლუბისდ ფეხბურთელები მოურინიოს გასაშვებად სპეციალურ გარიგებაში იღებდნენ მონაწილეობას.
„ვფიქრობ, გარიგების შემთხვევაში, კლუბში საჭირო ხალხი შეკრები არ არის. „ჩელსის“ მოთამაშეებსა და თვითონ კლუბს ვიცნობ, ეს გარიგება არ იყო.
უბრალოდ, ფეხბურთელებმა სათანადოდ ვერ ითამაშეს. ასეთ შემთხვევაში ყოველთვის ეჭვებს ეძებენ, მაგრამ პასუხი საფეხბურთ მინდორზეა“, – ციტირებს პორტუგალიელს „დეილი მეილი“.
როგორც ბრიტანული გამოცემა „მირორი“ იტყობინება, ცოტა ხნის წინ „ჩელსიდან“ გაშვებულ ჯოზე მოურინიოს ინგლისის ნაკრების გაწვრთნის სურვილი აქვს.
თუ პორტუგალიელი „მანჩესტერ იუნაიტედის“ თავკაცი ვერ გახდება, ის ევრო 2016-ს შემდეგ, შეეცდება, სწორედ როი ჰოჯსონის ადგილი დაიკავოს. მეტიც, ამავე წყაროს მიხედვით, მოურინიომ თავის აგენტ ჟორჟე მენდეშს ამის შესახებ უკვე შეატყობინა.
სხვათაშორის, ინგლისის ფეხბურთის ასოციაციას ჰოჯსონისთვის კონტრაქტის გახანგრძლივება ჯერ არ შესთავაზა.
ესპანურმა გამოცემა “მარკამ” მადრიდის “რეალის” ქომაგებისთვის გამოკითხვა მოაწყო, რომლის მიზანსაც წარმოადგენდა იმის გარკვევა, სურთ თუ არა “სამეფო კლუბის” ფანებს კლუბის მთავარი მწვრთნელის პოსტზე ჟოზე მოურინიოს დაბრუნება.
გამოკითხულთა 52 პროცენტი პორტუგალიელი სპეციალისტის დაბრუნების წინააღმდეგი, 48 პოცენტი კი – მომხრეა.
შეგახსენებთ, რომ ჟოზე მოურინიო ლონდონის “ჩელსიდან” სულ ახლახან დაითხოვეს და ახლა პორტუგალიელი მწვრთნელი სამუშაოს გარეშეა.
„არსენალის“ ექს-თავდამსხმელის ტიერი ანრის აზრით, „მანჩესტერ იუნაიტედს“ „ჩელსის“ ყოფილი თავკაცი ჟოზე მოურინიო მოუხდებოდა.
„ჩელსიში“ პირველი მოსვლისას მოურინიო შეტევაში ფლანგებზე დაფითა და რობენით, წინ კი გუდიონსენთან და დროგბასთან ერთად კარგად თამაშობდა. მაშინ გუნდი ბევრს იტანდა და კარგ კონტრშეტევებს იწყებდა. ესპანეთში „რეალთან“ ერთად მოურინიომ ჩემპიონატი მოიგო და გვარდიოლას „ბარსელონაზე“ მეტი გოლი გაიტანა. ამიტომ, ვფიქრობ, „მანჩესტერ იუანტედისთვის“ ეს კარგი არჩევანი იქნებოდა“, – განაცხადა ანრიმ.
ჟოზე მოურინიო აგენტი ჟორჟოზე მენდეში უარყოფს ინფორმაციას, რომლის თანახმად, მისმა კლიენტმა ჟოზე მოურინიომ, რომელიც რამდენიმე დღის წინ ლონდონის „ჩელსიდან“ გაუშვეს, „მანჩესტერ იუნაიტედთან“ მოლაპარაკება დაიწყო.
„არ ვიცით, მომავალში რა იქნება. ამჟამად არც კლუბის წინადადება და არც შეთანხმება გვაქვს. ეს ინფორმაცია სინამდვილეს არ შეესაბამება“ , -ციტირებს მენდეშს „Globoesporte“.
როგორც ცნობილი იტალიური გამოცემის „Calciomercato“-ს ჟურნალისტი ფაბრიციო რომანო იტყობინება, ჟოზე მოურინიოს ლონდონის „ჩელსის“ მთავარი მწვრთნელის პოსტიდან გათავისფულებაში დიდი როლი გუნდის ექს-ფეხბურთელმა ანდრეი შევჩენკომ ითამაშა.
წყაროს ცნობით, უკრაინელს რომან აბრამოვიჩთან ახლო ურთიერთობა აქვს და მას ნებისმიერ დროს კლუბში რომელიმე თანამდებობის დაკავება შეუძლია. რომანო ასევე იმის შესახებ წერს, რომ შევჩენკომ, შესაძლოა, რამდენიმე „ჩელსის“ ფეხბურთელს მოურინიოს გაშვებასთან დაკავშირებით შეტყობინება გაუზაგვანა, რის შესახებაც თავად პორტუგალიელმა არც კი იცის.
აღნიშნული ინფორმაცია ჯერ არ დადასტურებულა, თუმცა სათქმელია, რომ შევჩენკო აბრამოვიჩთან ერთად აქამდეც უანხავთ.
როგორც ცნობილი გამოცემა „The Times“-ი წერს, ჟოზე მოურინიოს „ჩელსის“ მთავარი მწვრთნელის პოსტიდან გათავისუფლებამდე ერთი დრით ადრე ლონდონური კლუბის მოთამაშეებმა ვარჯიშზე იჩხუბეს.
წყაროს ცნობით, ნახევარმცველი სესკ ფაბრეგასი ახალგაზრდული გუნდის ერთ-ერთ ფეხბურთელს ფეხებში ჩაუვარდა, რის შემდეგაც მათ შორის შელაპარაკება დაიწყო და საქმეში კლუბის წარმოამდგენლების ჩარევა გახდა საჭირო.
შელაპარაკებაში უშუალოდ მოურნიოს მონაწილეობის შესახებ წყაროს არაფერი დაუწერია.
„მანჩესტერ სიტის“ მთავარი მწვრთნელი მანუელ პელეგრინი ლონდონის „ჩელსის“ მთავარი მწვრთნელის პოსტიდან ჟოზე მოურინიოს გათავისუფლებას გამოეხმაურა.
„ეს მძიმე სიტუაციიაა. პრემიერლიგამ ძლიერი მწვრთნელი დაკარგა. შესაძლოა, მას ბევრ რამეში არ ეთანხმებიან, თუმცა მოურინიო ჩემი მტერი არ იყო. მისი წასვლა ინგლისის ჩემპიოანტისთვის ცუდი მოვლენაა. პრემიერლიგას ჟოზე მოენატრება. მასთან ერთად ჩემპიონატი უფრო საინტერესო და დაძაბული იყო. რთულია იმის წარმოდგენა, ასეთმა ტიტულოვანმა მწვრთნელმა სამსახური როგორ დაკარგა“, – განაცხადა ფეხბურთის ჩილელმა სპეციალისტმა.
