ფეხბურთის ცოცხალი ლეგენდა,ზინედინ იაზიდ ზიდანი დაიბადა მარსელში (საფრანგეთი) 1972 წელს. იგი წარმოშობით ალჟირელი გახლავთ. ბავშვობა ერთ-ერთ ღარიბ უბანში,კასტელანში გაატარა. თანატოლების მსგავსად, ,,ზიზუსაც’’ ასფალტზე უწევდა ფეხბურთის თამაში.
მისი მშობლები გახლავთ ისმაელი და მალიკა. მამა მუშაობდა უნივერმაგში დამფასოებლად. ზიდანის ბავშვობამ მარსელის ქუჩებში გაიარა. ,,ზიზუს’’ ჰყავს და ლილა, ძმები — ჯამელი, ფარიდი და ნურიედი. გაჭირვების მიუხედავად, წარმოშობით ალჟირელ ბიჭუნას ყოველთვის სურდა ეთამაშა დიდი ფეხბურთი.
,,კანი’’
14 წლის ასაკში მან პირველად მიიპყრო საზოგადოების ყურადღება. პირველი სწორედ, საფეხბურთო კლუბ ,,კანის’’ ხელმძღვანელობამ შეამჩნია ახალგაზრდა ბიჭუნა. მათ დაარწმუნეს ზიზუს მშობლები, რომ მათ შვილს, მართლაც, ჰქონდა დიდი ნიჭი. წარმატებული მოლაპარაკებების შემდეგ საფრანგეთის ჩემპიონატში ზიდანის დებიუტი 1989 წლის 20 მაისს შედგა. გასამჯელოს სახით ზიზუ კლუბისგან 800 ფრანკს იღებდა ხელფასის სახით. იგი კლუბის ბაზაზე ცხვორობდა. ძირითად დროს კი ფეხბურთის თამაში ატარებდა.
საბოლოო სტატისტიკა ,,კანში’’: თამაში – 61, გოლი – 6.
,,ბორდოდან’’ ,,იუვენტუსში’’
1992 წელს ზიზუ ,,ბორდოში’’ აღმოჩნდა. ეს გუნდი აღმოჩნა მისი პროფესიული კარიერის დასაწყისი. ფრანგულ გუნდში ზიზუმ 139 თამაში ჩაატარა. მან 28 გოლის გატანა მოახერხა.
საბოლოო სტატისტიკა ,,ბორდოში’’ : თამაში – 139, გოლი – 28
„რა მისცა იტალიამ ზიდანს? ის საბოლოოდ გამელოტდა.
დირიჟორს თავიდან გაუჭირდა იტალიურ ფეხბურთთან შეგუება, მაგრამ უდიდესი ნიჭის პატრონმა ამ წინააღმდეგობის დაძლევა მალე მოახერხა. ასევე იგი მალევე იქცა ,,ბებერი ქალბატონის’’ ერთ-ერთ წამყვან ფიგურად. ზიზუს კარგი თამაშის დროს, ,,იუვენტუსის’’ შეჩერება პრაქტიკულად შეუძლებელი იყო. ზიდანმა თავის გამოჩენა იტალიაში შეძლო და ამასთან ერთად, მან მრავალრიცხოვანი გულშემატკივარის სიყვარული მოიპოვა.
საბოლოო სტატისტიკა ,,იუვენტუსში’’: თამაში 151, გოლი – 24.
ოქროს წლები – მადრიდის ,,რეალი’’
2001 წლის 9 ივლისი. ეს თარიღი ზიზუს საფეხბურთო ისტორიაში სწორედ ,,ოქროს ხანის’’ დასაწყისად ითვლება. ეს პერიოდი მადრიდის ,,რეალისთვისაც’’ აღზევების დრო იყო. ზიდანთან ერთად, გუნდის შემადგენლობაში ირიცხებოდნენ: რაულ გონსალესი, რონალდო, კარლოსი, ბექჰემი, ლუის ფიგუ. ,,მადრიდისტების’’ უდიდესი ნაწილი სწორედ ამ შემადგენლობას მიიჩნევს გუნდის არსობობის ისტორიაში საუკეთესოდ.
გვერდს ვერ ავუვლით ზიდანზე საუბრისას 2002 წლის ,,ჩემპიონთა ლიგის’’ ფინალს. საფეხბურთო კარიერის მანძილზე მან ულამაზესი გოლი გაიტანა ,,ლევერკუზენის’’ კარში. მატჩი საკმაოდ დაძაბული გამოდგა. საბოოლოო შედეგი სწორედ რობერტო კარლოსის ჩაწოდებული ბურთის შემდეგ დაფიქსირდა თამაში. ,,თეთრებმა’’ ფინალი 1-2 მოიგეს. ზიზუმ 5 წელი გაატარა მადრიდელთა შემადგენლობაში.
საბოლოო სტატისტიკა ,,რეალში’’: თამაში – 155, გოლი – 37.
სანაკრებო კარიერა
რა თქმა უნდა, ამ დონის ფეხბურთელს წარმატებული სანაკრებო კარიერაც ჰქონდა. რა საკვირველია, იგი საფრანგეთის ეროვნული ნაკრების ღირსებას იცავდა. დებიუტი ნაკრებიში 1994 წლის 14 აგვისტოს შედგა. საფრანგეთის ნაკრები ჩეხეთს მასპინძლობდა საკუთარ კედლებში. ასეთ სანაკრებო დებიუტს ვერცერთი ფეხბურთელი ინატრებს. ზიზუმ საფრანგეთის ნაკრები მარცხისაგან იხსნა. მან მატჩი ორი გატანილი გოლით დაამთავრა, ანგარიშით: 2-2.
ფეხბურთელის საფეხბურთო ისტორიაში იყო კიდევ ერთი დასამახსოვრებელი თარიღი: 2006 წელი. ამ წლის მსოფლიო ჩემპიონატზე საფრანგეთის ნაკრებს საუკეთესო შემადგენლობა ჰყავდა. მათ ნახევარფინალში მოახერხეს უძლიერესი ბრაზილიის ეროვნული ნაკრების დამარცხება. ფინალში კი ფრანგები იტალიელებს დაუპირისპირდნენ. სამწუხაროდ, ფრანგებმა ეს თამაში თერთმეტმეტრიანების სერიაში დათმეს.ფინალში ზიდანი შესანიშნავად თამაშობდა. მის შესანიშნავ თამაშს გატანილი გოლიც კი მოყვა. ალბათ, ყველას გემახსოვრებათ ის არასასიამოვნო ფაქტი, რომელიც ზიზუს მსოფლიო ჩემპიონატის ფინალში შეექმნა მარკო მატერაცისთან შეექმნა. ეს ბოლო თამაში იყო ზინედინ ზიდანის კარიერაში.
სამწვრთნელო კარიერა
ამჟამად, ზინედინ ზიდანი სამწვრთნელო კარიერითაა დაკავებული. იგი ,,კასტილიას’’ მთავარი მწვრთნელი გახდა. იმედია, მისი სამწვრთნელო კარიერაც წარმატებული იქნება.
საკლუბო კარიერა
,,ბორდო”
ინტერტოტოს თასი
,,იუვენტუსი”
იტალიის ჩემპიონი: 1997, 1998
იტალიის სუპერ თასი: 1997
ევროპის სუპერ თასი: 1996
საკონტინენტთაშორისო თასი:1996
,,რეალი”
ესპანეთის ჩემპიონი: 2003
ესპანეთის სუპერ თასი: 2001, 2003
ჩემპიონთა ლიგა: 2002
ევროპის სუპერ თასი: 2002
საკონტინენტთაშორისო თასი: 2002
სანაკრებო კარიერა
მსოფლიოს ჩემპიონი: 1998
მსოფლიო ვიცე-ჩემპიონი:2006
ევროპის ჩემპიონი: 2000
პირადი მიღწევები
1993 – საფრანგეთის საუკეთესო ახალგაზრდა ნახევარმცველი
1998, 2000, 2003 – ფიფას ვერსიით მსოფლიოს საუკეთესო ფეხბურთელი
1998 – ევროპის საუკეთესო ფეხბურთელი
2006 – მსოფლიო ჩემპიონატის საუკეთესო ფეხბურთელი
1998 – ჟურნალ მსოფლიო ფეხბურთის ვერსიით წლის საუკეთესო ფეხბურთელი
2000 – ევროპის ჩემპიონატის საუკეთესო ფეხბურთელი
2002 – ჩემპიონთა ლიგის საუკეთესო ფეხბურთელი
1998 – ჩემპიონთა ლიგის საუკეთესო ნახევარმცველი
1997, 2000, 2001 – იტალიის ჩემპიონატის საუკეთესო უცხოელი ფეხბურთელი
1998, 2002 – წლის საუკეთესო ფრანგი ფეხბურთელი
2004 – უეფას ოქროს საიუბილეო გამოკითხვა (ბოლო 50 წლის საუკეთესო ფეხბურთელი)
