ხვიჩა კვარაცხელიამ გადაცემაში “ნოესთან” მის საყვარელ გუნდზე და ფეხბურთელზე ისაუბრა.

“ერთ-ერთი მეოცნებე ბიჭია, რომელმაც ბავშვობიდან დაიწყო ოცნება და ამ ოცნებისკენ მიისწრაფვის.  ჩემ თავზე არ მიყვარს დიდად საუბარი, მაგრამ ხვიჩა არის მშრომელი ადამიანი, რომელიც თავის საქმისთვის და ოჯახისთვის აკეთებს ყველაფერს”

“ჩემი ყველაზე დიდი ოცნებაა ჩემპიონთა ლიგა მოვიგო. მთლი ცხოვრების განმავლობაში ჩემ ოჯახთან ერთად მადრიდის “რეალს” ვგულშემატკივრობ. ბავშვობიდან ვუყურებდი “რეალის” თამაშებს და ფეხბურთი გუტიმ შემაყვარა. ძალიან მომწონდა 14 რიცხვიც. ძაან მაგარი პასი ჰქონდა, ყველას უყვარს ისეთი ფეხბურთელი, რომელიც გოლს იტანს. გუტი იყო ის ფეხბურთელი, რომელიც ჭკვიანურად თამაშობდა და სასწრაულ რამეებს აკეთებდა ნელი თამაშით”, – თქვა კვარამ.

 

საქართველოს ეროვნული ნაკრებისა და ყაზანის “რუბინის” ლიდერმა ხვიჩა კვარაცხელიამ გადაცემაში “ნოესთან” მამუკა ჯუღელზე ისაუბრა.

“ჩემი ოჯახის წევრია, მამაჩემის ძალიან ახლო მეგობარია. 13-14 წლის ასაკიდან ერთად მოვდივართ. ის მაქცევდა საფეხბურთო ყურადღებას. მარტივ რამეს გეტყვით. აგენტთან როცა მიდიხართ და ის შენი აგენტი ხდება, ყველა ფეხბურთელი კონტრაქტს აწერს ხელს. მე არ ვიცი ერთი მოთამაშეც კი, რომელიც მამუკასთან არის, კონტრაქტი გაფორმებული ჰქონდეს. იმდენად მეგობრული ურთიერთობა და ნდობაა, ეს ჩვენთვის უბრალო ფურცელია”

“ყველა ხედავს, რომ “ლოკომოტივიდან” წამოსვლა სწორი გადაწყვეტილება იყო. მხოლოდ მე, მამუკა და ჩემი ოჯახი ვიყავით ამ გადაწყვეტილების მხარეს, უდიდესი ზეწოლაც, მაგრამ ფაქტია, სწორად ვქენით. შესაძლოა სხვა შემთხვევაში, ამდენად არ გამოვჩენილყიავი და ამდენი სათამაშო დრო არ მქონოდა”

“კარიერული თვალსაზრისით, მთავარი ადამიანი ჩემს წარმატებაში მამუკა ჯუღელია”

“ბოლოს მამუკას ყველაზე მეტად “იუვენტუსთან” ჰქონდა მოლაპარაკებები, თუმცა “იუვენტუსში” ხელმძღვანელობა შეიცვალა და არ გამოვიდა”

“ბოლო დროს აღარც ვეკითხები რომელიმე გუნდის ინტერესის შესახებ, რადგან ამან ჩემზე უარყოფითი გავლენა მოახდინა და ვიცი, რომ მამუკა ჩემთვის ყოველთვის საუკეთესოს იზამს”

ამ ინტერვიუდან 5 თვეში კვარა “ნაპოლიში” წავიდა.