“ბარსელონას” მცველი ჟერარ პიკე საფეხბურთო კლუბ “ანდორას” მფლობელი გახდა, რომელიც ესპანეთის ჩემპიონატის რანგით მეხუთე დივიზიონში ასპარეზობს.
პიკეს კომპანია Kosmos-მა “ანდორას” 200 ათასი ევროს ღირებულების ვალდებულება დაფარა. დღეს გამართულ ასამბლეაზე კლუბის წევრებმა ჟერარ პიკე ხმათა 99,9 პროცენტით “ანდორას” ხელმძღვანელად დაამტკიცეს.
თურქი ფეხბურთელი “შატალოზე” წავიდა. “გალათასარაის” მცველმა სერდარ აზიზმა ავადმყოფობა მოიმიზეზა და კლუბის ხელმძღვანელობას სატელეფონო კავშირით ამცნო, რომ “სივასპორთან” გასამართ მატჩზე ვერ გამოცხადდებოდა.
სინამდვილეში აზიზი მალდივის კუნძულებზე ისვენებდა, თუმცა ფეხბურთელს მეუღლის გაფრთხილება დაავიწყდა, რომელმაც სოციალურ ქსელში ამის ამსახველი ფოტო გამოაქვეყნა.
კლუბში სერდარ აზიზის საქციელით ძალზედ აღშფოთებულან და მის წინააღმდეგ დაუყოვნებლივ მიუღიათ სანქცია – “გალათასარაიმ” 28 წლის ფეხბურთელი ტრანსფერზე დააყენა.
“გალათასარაიმ” თურქეთის ჩემპიონატის 34-ე ტურში “გეზტეპე” დაამარცხა, უშუალო მდევარ “ფენერბაჰჩეს” გაუსწრო და სუპერ ლიგა კლუბის არსებობის მანძილზე 21-ჯერ მოიგო.
“სტამბულელებმა” ჩემპიონატში გამოსვლა 75 ქულით დაასრულეს (24 მოგება, 3 ფრე, 7 წაგება) და “ფენერბაჰჩეს” (72 ქულა) სულ რაღაც სამი ქულით გაუსწრეს.
გათამაშების საუკეთესო მეგოლე “გალათასარაის” თავდამსხმელი, ბაფეტიმბი გომისი გახდა, რომელმაც ჩატარებულ 33 მატჩში 29 გოლის გატანა შეძლო.
თბილისის ოთხთა საერთაშორისო ტურნირი 15-წლამდე ნაკრებებს შორის თურქეთის გამარჯვებით დასრულდა. საქართველოს ნაკრები კი 6 ქულით მეორე ადგილზე გავიდა.
მესამე ტურის მატჩები „ბენდელას“ სტადიონზე ჩატარდა. ლიტვამ 1:0 დაამარცხა ბელარუსი და 3 ქულით მესამე ადგილი დაიკავა, ბელარუსი კი 0 ქულით მეოთხეზე დარჩა.
გადამწყვეტ მატჩში თურქეთმა საქართველოსთან 5:0 მოიგო და 9 ქულით ლიდერობა არავის დაუთმო, ხოლო გიორგი ჩიტაურის გუნდი, რომელმაც იქამდე ლიტვას (6:0) და ბელარუსს (2:1) სძლია, ვერცხლს დასჯერდა.
Gff.Ge
5-8 დეკემბერს საქართველოს ფეხბურთის ფედერაციისა და ქართული ფეხბურთის განვითარების ფონდის ორგანიზებით თბილისი ოთხთა საერთაშორისო ტურნირს უმასპინძლებს 15-წლამდე ნაკრებებს შორის.
მატჩები 5, 6 და 8 დეკემბერს გაიმართება. მონაწილეები კი საქართველოს 15-წლამდე ნაკრების გარდა, თურქეთი, ბელარუსი და ლიტვა იქნებიან.
ტურნირის განრიგს და დამატებით დეტალებს მოგვიანებით შეგატყობინებთ.
რამდენად გასაკვირიც არ უნდა იყოს, ევრო-2024-ის მასპინძლობის სურვილი ევროპის მხოლოდ ორმა ქვეყანამ, გერმანიამ და თურქეთმა გამოთქვა.
აღნიშნული ტურნირის მასპინძლობაზე განაცხადის შეტანას დანიის, ნორვეგიის, შვედეთისა და ფინეთის საფეხბურთო ფედერაციებიც აპირებდნენ, თუმცა საბოლოო ჯამში არაფერი გამოუვიდათ.
ასე რომ, აღნიშნულ ტურნირს ამ ორი ქვეყნიდან ერთ-ერთი უმასპინძლებს.
აღსანიშნავია, რომ გერმანიაში მხოლოდ სამჯერ ჩატარდა მნიშვნელოვანი ევროპული ტურნირი, თურქეთს კი მსგავსი მასშტაბის ღონისძიებისთვის ჯერ არ უმასპინძლია.
თურქული “ანტალიასპორის” ვარსკვლავმა, სამუელ ეტო’ომ კლუბის ერთ-ერთ გულშემატკივართან ძალზედ საინტერესო სანაძლეო “დადო”, რომლის თანახმადაც ეტო’ომ ფანს 100 000 ევრო უნდა გადაუხადოს, მისი გუნდი სეზონს ათეულში თუ არ დაამთავრებს.
საქმე იმაშია, რომ თურქული გუნდი ახალ სეზონს საშინელ ფორმაში შეხვდა. “ანტალიასპორმა” პირველი 7 მატჩიდან მხოლოდ 3 ქულის მოპოვება მოახერხა, ისიც 3 ფრედ დასრულებული მატჩის წყალობით. მათი მომდევნო მეტოქე კი “ბეშიქთაში”, ჩემპიონატის ერთ-ერთი ლიდერი გახლავთ.
Samuel Eto'o, 1-1 biten maç sonrası tepki gösteren taraftara: "Bu sezon ligi ilk 10'da tamamlamazsak sana 100 bin euro vereceğim." pic.twitter.com/wIu6tLa49M
— Spor Artı ⚽️ (@Spor_Art) October 18, 2016
როდესაც აუტსაიდერ “რიზესპორთან” ფრედ დასრულებული მატჩის შემდეგ თურქული გუნდის ფანმა, მეჰმედ აქდენიზმა ეტო’ოს კლუბის ცუდ ფორმაზე შესჩივლა, სამუელმა განაცხადა: “სეზონის ბოლოს ათეულში ვიქნებით. ასე თუ არ იქნა, 100 000 ევროს მოგცემ, დამიჯერე.”
დღეს გამთენიისას დასრულდა რიოს 2016 წლის ოლიმპიადა. აღნიშნული სპორტული ღონისძიება საქართველოსთვის ნამდვილად წარმატებული აღმოჩნდა. ჩვენმა დელეგაციამ 7 მედალი – 2 ოქრო, 1 ვერცხლი და 4 ბრინჯაო – მოიპოვა. საგულისხმოა, რომ ამ შედეგით საქართველო მედლების საერთო ჩათვლის რეიტინგში 38 პოზიციას იკავებს.
რაც შეეხება, პირველ ათეულს, ეს სია ასე გამოიყურება…
როგორც ხედავთ, ჩვენმა მეზობელმა რუსეთმა მეოთხე ადგილი დაიკავა. ვახსენოთ საქართველოსთან ახლოს მყოფი სხვა ქვეყნებიც. მაგალითად, სომხეთი 4 მედლით 42-ე პოზიციაზეა. თურქეთის სპორტსმენებმა 8 მედალი მოაგროვეს და 41-ე ადგილს დასჯერდნენ. ხოლო, აზერბაიჯანის დელეგაციის ანგარიშზე 18 მედალია და ეს ქვეყანა რეიტინგის 39-ე საფეხურს იკავებს.
კატალონიური გრანდის მიერ გავრცელებული ინფორმაციის თანახმად, ლიონელ მესი და ანდრეს ინიესტა თურქეთში აღარ გაემგზავრებიან. აღნიშნული გადაწყვეტილება ფეხბურთელებმა თურქეთში მიმდინარე არეულობის გამო მიიღეს.
შეგახსენებთ, რომ თურქეთში, კერძოდ კი ანტალიაში, უნდა ჩატარებულიყო საქველმოქმედო საფეხბურთო მატჩი, რომელიც სამუელ ეტოს მიერ იყო ორგანიზებული.
“ბარსელონა” ადასტურებს იმ ინფორმაციასაც, რომ ამ დროისთვის თურქეთში იმყოფებიან: კარლეს პუიოლი, ერიკ აბიდალი, დეკუ და არდა თურანი. თუმცა, ისინი მოვლენების ეპიცენტრისგან შორს იმყოფებიან და მათ საფრთხე არ ემუქრებათ.
Official announcement pic.twitter.com/snFyiWLmH8
— FC Barcelona (@FCBarcelona) July 15, 2016
22 ივნისს, ევროპის 2016 წლის ჩემპიონატის მესამე ტურის ეგიდით გამართულ მატში ერთმანეთს D ჯგუფის ბინადრები, თურქეთისა და ჩეხეთის ეროვნული ნაკრებები დაუპირისპირდნენ.
პირველ ორ მატჩში დამარცხების შემდეგ თურქეთის ნაკრებმა რეპუტაციის აღდგენა და ჩეხეთის ეროვნული ნაკრების დამარცხება შეძლო.
D ჯგუფი
ჩეხეთი – თურქეთი 0-2 (0-1)/strong>
ჩეხეთი:ჩეხი; პუდილი, ჰუბრნიკი, სივოკი, კადერბეკი; პლასილი (კოლარი 90′), პაველკა (შკოდა 57′); დოკალი, დარიდა, კრეიჩი; ნეჩიდი.
თურქეთი: ბაბაჯანი; კოიბასი, ბალტა, ტოპალი, გონული; ტუფანი, ინანი; სენი (ოზიაკუპი 61′), თურანი, მორი (საჰანი 69′); ილმაზი (ტოსუნი 90′).
გოლი: ილმაზი 10′, ტუფანი 67′.
მატჩის მთავარი არბიტრი: კოლუმი (შოტლანდია)
19 მაისს, თურქეთის ჩემპიონატში, “სივასპორმა” საკუთარ მოედანზე “ფენერბაღჩე” მიიღო და ფრედ 2:2 ითამაშა.
მატჩის 67-ე წუთზე, სტუმართა გუნდის ნახევარმცველმა, რაულ მეირელეშმა ულამაზესი გოლი გაიტანა.
“მანჩესტერ იუნაიტედის” ყოფილი ვინგერი, პორტუგალიელი ნანი პრემიერ ლიგაში აპირებს დაბრუნდებას. ამ ინფორმაციას transfermarketweb ავრცელებს.
პორტუგალიელის “ფენერბახჩეში” გატარებულმა სეზონმა (სადაც ზაფხულში გადავიდა) ყველა გააკვირვა, მათ შორის “ევერტონის” ხელმძღვანელობაც, რომელიც უკვე განიხილავს მისი დამატების შესაძლებლობას.
“კამფეტების” ბოსებს პორტუგალიის ეროვნული ნაკრების წევრის გადაბირება 8 მილიონ ევროდ სურს, რაც გუნდში მომავალი ცვლილებების დასაწყისი იქნება.
