ჭდე: u-20

დღეს საკალათბურთო აკადემიაში გამართული 20-წლამდელთა ჩემპიონატის 2 მატჩიდან ერთი საინტერესო და დაძაბული გამოდგა, მეორეში კი გამარჯვებულის ვინაობა თავიდანვე გაირკვა.  გათამაშების ლიდერმა „ოლიმპმა“ 55 ქულის სხვაობით – 115:60 დაამარცხა „მაკაბი“, „მგზავრები-არმიასა“ და „ქუთაისის“ დაპირისპირება კი მოულოდნელი შედეგით დასრულდა.

ბოლო ადგილზე მყოფ ქუთაისელებს ამ შეხვედრამდე მხოლოდ 2 მატჩი ჰქონდათ მოგებული, „მგზავრები-არმია“ კი 6 მოგებით ცხრილის შუაში იყო განთავსებული და იმერულ კლუბთან ფავორიტადაც მიიჩნეოდა. ამ სტატუსს არმიელები წარმატებით ამართლებდნენ მესამე პერიოდამდე, რომლის დასაწყისში 13 ქულით – 46:33 იგებდნენ.

სწორედ მესამე პერიოდი გამოდგა გარდამტეხი, რომელშიც ქუთაისელებმა ყველა კომპონენტში დაჯაბნეს მასპინძლები. დემეტრე ნანობაშვილის, რატი ნუცუბიძის, ლადო ფურცხვანიძის და ირაკლი მაცაბერიძის შედეგიანი თამაშის წყალობით „ქუთაისმა“ პერიოდი 16 ქულით მოიგო, რითაც არმიელთა წინააღმდეგობა გატეხა.

ბოლო პერიოდში ქუთაისელებმა მოპოვებული უპირტაესობა შეინარჩუნეს და მიმდინარე სეზონში მე-3 გამარჯვებას მიაღწიეს. ქუთაისის გუნდში 19 ქულით ბომბარდირი ირაკლი მაცაბერიძე გახდა, ხოლო 18-18 ქულა რატი ნუცუბიძემ და ლადო ფურცხვანიძემ მიითვალეს. ამ უკანასკნელმა პირად ანგარიშზე 15 მოხსნაც ჩაიწერა.

მგზავრები-არმია – ქუთაისი 74:80 

მეორე მატჩის შედეგიდან ყველაფერი ნათლად ჩანს. „მაკაბიმ“ ვერანაირი წინააღმდეგობა ვერ გაუწია ლიდერ „ოლიმპს“. ოლიმპელთა მწვრთნელმა სათამაშო დრო გუნდის ყველა წევრზე თითქმის თანაბრად გადაანაწილა. შვიდმა მათგანმა 10-ქულიან ზღვარს მიაღწია, თუმცა არც ერთი არ აცდენილა 17 ქულას. სწორედ ამდენი მოაგროვეს დავით ლომიძემ და არჩილ პულუზაშვილმა, შოთა ნარჩომაშვილმა კი მატჩის ერთადერთი ორმაგი დუბლი დააფიქსირა – 15 ქულა, 12 მოხსნა.

20-წლამდელთა ჩემპიონატის მომდევნო მატჩს 27 თებერვალს ქუთაისი უმასპინძლებს, სადაც სათამაშოდ ,,სოხუმი’’ ჩავა.

ოლიმპი – მაკაბი 115:60 

u-20.ge

საქართველოს 20-წლამდელთა ჩემპიონატის 1 მატჩს უმასპინძლა საკალათბურთო აკადემიამ, სადაც ერთმანეთს გათამაშების ერთ-ერთი ლიდერი „ოლიმპი“ და „მაკაბი“ შეხვდნენ. მაკაბელებს ისევ აკლიათ გუნდის ლიდერი მაიზერ რევაზაშვილი, ასევე, მთავარი მწვრთნელი მიხეილ ხუხაშვილი, რის გამოც ნებისმიერ მეტოქესთან თამაში უჭირთ.

ასე იყო დღევანდელ შეხვედრაშიც. „მაკაბი“ პერიოდულად ათამაშდებოდა ხოლმე, თუმცა ეს იმ ლიდერობის ფონზე ხდებოდა, რომელიც „ოლიმპმა“ მატჩის დასაწყისშივე მოიპოვა და თამაშის ბოლომდე შეინარჩუნა. მაკაბელთა გამონათება მხოლოდ ჩამორჩენის შემცირებას სწვდებოდა და საქმე თამაშის დაძაბვამდე არ მიდიოდა.

პირველი ტაიმის შემდეგ, მესამე მეოთხედში „ოლიმპის“ ლიდერობამ 20 ქულას გადააჭარბა, რასაც ბოლო მეოთხედში ლიდერის მოდუნება მოჰყვა. „მაკაბიმ“ 30:20 მოიგო ბოლო პერიოდი და ღირსეული ანგარიშით – 74:84 დამარცხდა.

გამარჯვებულთაგან საუკეთესო შედეგი არჩილ პულუზაშვილმა დააფიქსირა, რომელმაც „ოლიმპს“ 19 ქულა და 12 მოხსნა შესძინა. სამმაგ დუბლამდე მცირედი დააკლდა გიორგი გუგეშაშვილს, რომელმაც 12 ქულა, 9 მოხსნა და 9 პასი მიითვალა. „მაკაბიში“ ორი ორმაგი დუბლი დაფიქსირდა: დავით ქარციძემ 20 ქულა და 11 მოხსნა მიითვა, ხოლო თორნიკე გოგელაშვილმა – 19 ქულა და 10 მოხსნა.

20-წლამდელთა ჩემპიონატში მორიგი მატჩები ხვალ, საკალათბურთო აკადემიაში გაიმართება.

მატჩისშემდგომი კომენტარები

ლაშა ელბაქიძე(,,მაქაბის’’ მწვრთნელი): სამწუხაროდ, დავმარცხდით, თუმცა კარგი თამაში გამოვიდა. შეგვეძლო ამ შეხვედრის მოგება, მაგრამ ძალიან ბევრი შეცდომა დავუშვით როგორც დაცვაში, ისე თავდასხმაში. პერიმეტრიდანაც არ წაგვივიდა სროლები, თუმცა ამას მომავალში გამოვასწორებთ. მივულოცავ ,,ოლიმპს’’ დამსახურებულ გამარჯვებას.

ირაკლი მაისურაძე(,,ოლიმპის’’ მწვრთნელი): დღევანდელ თამაშში დაშვებულ შეცდომებს ჩემს თავზე ვიღებ, გუნდი ვერ განვაწყვე ისე, როგორც საჭირო იყო და სათანადო მითითებები ვერ მივეცი. ,,მაქაბი’’ სწრაფი და ხისტი გუნდია, როგორც აღმოჩნდა, არ ვიყავით ბოლომდე მზად და ამის გამო სტაბილურად დიდ უპირატესობას ვერ ვინარჩუნებდით. გვინდოდა, რომ იოლად მოგვეგო, რადგან ხვალ ,,აკადემიასთან’’ თამაშისთვის ძალებს ვინახავთ.  ეს არ გამოგვივიდა და ცოტა დაღლილები ვართ, მაგრამ იმედია ხვალაც მოვიგებთ.

u-20.ge

20-წლამდელთა ჩემპიონატის ერთი შეხვედრა გაიმართა დღეს ქუთაისში, სადაც სათამაშოდ ,,რუსთავი’’ ჩავიდა.  რეგიონის გუნდებს შორის დაპირისპირება სტუმრების იოლი გამარჯვებით დასრულდა – 58:81 რუსთაველთა სასარგებლოდ.

სტუმრებმა თამაში თავიდანვე კარგად დაიწყეს და სოლიდური უპირატესობა პირველივე პერიოდში მოიპოვეს – 25:11. ქიტოშვილის და ლორთქიფანიძის შედეგიანობის წყალობით მეორე პერიოდის შუაწელში  რუსთაველთა ლიდერობამ 30 ქულას გადააჭარბა – 14:45.

ქუთაისლები რთული ამოცანის წინაშე დადგნენ. მართალია, მეორე ნახევარში მასპინძლებმა უკეთესი თამაში აჩვენეს და მესამე პერიოდის მოგებაც მოახერხეს, თუმცა ეს საკმარისი არ აღმოჩნდა. რუსთაველებს სოლიდური უპირატესობა ხელიდან თამაშის ბოლომდე არ გაუშვიათ და სეზონის მე-3 გამარჯვებამდე მშვიდად და ყოველგვარი გართულებების გარეშე მივიდნენ.

რუსთაველებს ქიტოშვილმა და ლორთქიფანიძემ 21-21ქულით ულიდერეს.

ქუთაისელთა რიგებში კი 12 ქულით ლადო ფურცხვანიძე გამოირჩა, 10-10 ქულა დემეტრე ნანობაშვილმა და გუჯა ბირკაიამ მიითვალეს. ამ უკანასკნელმა 15 მოხსნაც მოაგროვა და მატჩის ერთადერთი ორმაგი დუბლი შეასრულა.

20-წლამდელთა ჩემპიონატის მორიგი მატჩები 23 დეკემბერს საკალათბურთო აკადემიის დარბაზში გაიმართება.

მატჩისშემდგომი კომენტარები

მედეა მხეიძე(,,ქუთაისის’’ მთავარი მწვრთნელი): საშინლად ვითამაშეთ. გუნდი, ფაქტობრივად, დღეს შევიკრიბეთ, ძალიან ბევრი ტრავმირებული მოთამაშე გვყავს. მიუხედავად ბევრი მცდელობისა, ვერაფრით მოვახერხეთ ჩვენი თამაში გვეპოვა. ,,რუსთავი’’ ძალიან კარგი გუნდია, ძლიერი უკანახაზი ჰყავთ და დაცვაში წინააღმდეგობა ვერ გავუწიეთ, თავდასხმაში კი ჩემმა მოთამაშეებმა ვერ შეასრულეს მითითებები და დავალებები. ნუცუბიძე ტრავმირებულია და როგორც შეძლო, ითამაშა, ანალოგიურად არის მაცაბერიძეც. როცა ორი ძირითადი მოთამაშე ვერ გეხმარება ისე, როგორც საჭიროა, თამაში, ბუნებრივია, ირევა. ყველაზე სამწუხარო ის არის, რომ ვერ ვიპოვეთ ჩვენი თამაში, მეორე შემადგენლობით ვეცადეთ წინააღმდეგობა გაგვეწია, თუმცა ,,რუსთავმა’’ გამოცდილების და სიძლიერის ხარჯზე გვაჯობა. მივულოცავ მათ გამარჯვებას, ჩვენთვის კი ეს შეხვედრა იქნება სასწავლი, რათა მინიმუმამდე დავიყვანოთ შეცდომები.

ოთარ ხმელიძე(,,რუსთავის’’ მთავარი მწვრთნელი): თავიდანვე წაგვივიდა თამაში და ლიდერობა მალევე მოვიპოვეთ. მეტოქეს პირიქით, არ წაუვიდა თამაში და ჩვენც არ გაგვიჭირდა გამარჯვების მოპოვება. ბიჭებმა ძალიან კარგად იასპარეზეს და მადლობას ვეტყვი მათ.

u-20.ge

20-წლამდელთა ჩემპიონატი გრძელდება. საკალათბურთო აკადემიის დარბაზში დღეს 3 შეხვედრა გაიმართა.

დღის პირველ მატჩში ,,აკადემიამ’’ ,,რუსთავი’’ 92:75 დაამარცხა და ზედიზედ მე-3 გამარჯვება მოიპოვა. ,,რუსთავისთვის’’ კი ამ თამაშით წარუმატებელი სერია გრძელდება – მათ 4-ვე ჩატარებულ თამაშში მარცხი განიცადეს.

პირველი პერიოდი თანაბარი გამოდგა – 19:19. მეორე პერიოდში კი დარახველიძის, ღურწკაიას და გიორგაძის შედეგიანი თამაშის წყალობით აკადემიელებმა სოლიდური უპირატესობა მოიპოვეს და დიდ შესვენებაზე 19-ქულიანი ლიდერობით გავიდნენ – 50:31.

მესამე ათწუთეულში უკვე სტუმრები გააქტიურდნენ, დვალის და ქიტოშვილის ზუსტ თამაშს აკადემიელთა შეცდომები დაემატა და მასპინძელთა ლიდერობა 6 ქულამდე შემცირდა – 65:59. თუმცა, რუსთაველთა აქტიურობა დიდხანს არ გაგრძელდა, აკადემიელებმა მალევე დაიბრუნეს უპირატესობა და თამაში ისე ჩამთავრდა, ვითარება არ დაძაბულა.

გამარჯვებულებს 24 ქულით და 8 მოხსნით ბექა დარახველიძემ ულიდერა, ორმაგი დუბლი გაიფორმა ნიკა ღურწკაიამ – 19ქულა, 10მოხსნა; ლუკა გიორგაძის ანგარიშზე კი 14 ქულა და 7მოხსნა დაგროვდა.

რუსთაველთა რიგებში 24 ქულით საუკეთესო გიორგი დვალი იყო, 11 ქულასთან ერთად 7 შედეგიანი გადაცემა მიითვალა თორნიკე ქიტოშვილმა, ერეკლე ლორთქიფანიძემ კი შეხვედრა 10 ქულით დაასრულა.

 

მატჩისშემდგომი კომენტარები

აკადემია – რუსთავი  92:75

გელა წულაძე(,,აკადემიის’’ მთავარი მწვრთნელი): მთლიანობაში კარგი თამაში იყო, თუმცა მესამე პერიოდში ვითამაშეთ ძალიან ცუდად, ბევრი შეცდომა დავუშვით როგორც დაცვაში, ისე თავდასხმაში. საბოლოოდ, გამარჯვება მაინც მოვახერხეთ და უკმაყოფილო არ ვარ, ჯერ კიდევ გვაქვს დრო ხარვეზების გამოსწორებაზე ვიმუშაოთ, ამ ეტაპზე კი მოგებები ძალიან მნიშვნელოვანია.

ოთარ ხმელიძე(,,რუსთავის’’ მთავარი მწვრთნელი): ძალიან სუსტი გუნდი ვართ, ასეთი სუსტი გუნდი 20-წლამდელებში, ფაქტობრივად, არასდროს გვყოლია. ძირითადად, სიმაღლის პრობლემა გვაქვს და ამ კომპონენტში ძალიან გვიჭირს. რეხვიაშვილმა წელის ტრავმა მიიღო, ურიდია ჯარიმების გამო გავარდა. იძულებულები ვართ გარედან ვითამაშოთ, თუმცა სროლები ყოველთვის არ მიგვდის და თანაც, მოთამაშეები ხშირად ბევრს იღებენ თავის თავზე. გუნდში ბევრი პრობლემა გვაქვს, ჯერჯერობით ვერ დავლაგდით, ასე რომ, ,,აკადემიამ’’ დამსახურებულად გაიმარჯვა და მივულოცავ მათ მოგებას.

დღის მეორე შეხვედრაშიც ერთმანეთს თბილისის და რეგიონის გუნდი დაუპირისპირდნენ. ,,მაქაბმა’’ 91:74 დაამარცხა სტუმრად ჩამოსული ,,ქუთაისი’’.

შეხვედრის პირველი ნახევარი გარდამავალი უპირატესობით წარიმართა. პირველ პერიოდში ,,მაქაბი’’ დაწინაურდა – 21-17, მეორე პერიოდში კი ქუთაისლები უფრო შედეგიანად ათამაშდნენ და დიდი შესვენებისთვის 4-ქულიანი ლიდერობაც მოიპოვეს – 46:42.  სტუმრებმა ტემპი მესამე პერიოდშიც შეინარჩუნეს და სხვაობა 8 ქულამდე გაზარდეს.

მეოთხე პერიოდში კი მაყურებელმა დიდი გარდატეხა იხილა. ქუთაისლები 72:68 ლიდერობდნენ, როცა ,,მაქაბმა’’ რევაზაშვილის, მეტრეველის და სხვათა ზუსტი თამაშის წყალობით 19:0 გაქცევა მოაწყო და 87:72 გალიდერდა. დარჩენილ 1,22 წუთში  ქუთაისლებმა თამაშის შემობრუნება ვერ შეძლეს. მათ მეოთხე პერიოდში მხოლოდ 6(!) ქულა მიითვალეს და ბოლო ათწუთეულში დაშვებული შეცდომების გამო თამაში უშანსოდ დათმეს.

,,მაქაბის’’ 5-მა კალათბურთელმა 10-ქულიანი ზღვარი დაძლია. საუკეთესო, ტრადიციულად, მაიზერ რევაზაშვილი იყო 24ქულით და 11 მოხსნით, 19 ქულა ჰქონდა დიმიტრი მეტრეველს, 16 ქულა-12მოხსნით ორმაგი დუბლი გაიფორმა დავით ქარციძემ, 14ქულა და 7 მოხსნა მიითვალა თორნიკე გოგელაშვილმა, რევაზ მაღლაფერიძემ კი 12 ქულასთან ერთად თავი 8 მოხსნას და 6 ჩაჭრას მოუყარა.

ქუთაისლებს 17 ქულა-13 მოხსნით ლადო ფურცხვანიძემ ულიდერა, რატი ნუცუბიძემ 16 ქულა და 8 მოხსნა დააგროვა, 12 ქულა ჰქონდა ირაკლი მაცაბერიძეს, გუჯა ბირკაიამ კი შეხვედრა ორმაგი დუბლით – 10 ქულა-15 მოხნით დაასრულა.

მატჩისშემდგომი კომენტარები

მაქაბი – ქუთაისი  91:74

მიხეილ ხუხაშვილი(,,მაქაბის’’ მთავარი მწვრთნელი): გავიმარჯვეთ და კმაყოფილი ვარ, ბიჭებმა ძალიან კარგად და გუნდურად ითამაშეს და ეს შედეგზეც აისახა. იღბალიც ჩვენს მხარეს იყო და ეს დღეს ძალიან დაგვეხმარა.

მედეა მხეძე(,,ქუთაისის’’ მთავარი მწვრთნელი): ბოლო პერიოდი საშინლად ჩავატარეთ. როცა მოთამაშეები ინიციატივას მხოლოდ საკუთარ თავზე იღებენ და მწვრთნელის მითითებებს არ აქცევენ სათანადო ყურადღებას, ეს მწვრთნელის ბრალია, ამიტომ, პირველ რიგში, ჩემს თავს ვსაყვედურობ, ამის უფლება არ უნდა მისცე, დისციპლინა სათანადო დონეზე არ გვაქვს და ეს უნდა გამოვასწოროთ. როცა ერთ პერიოდში 31 ქულას მიიღებ, ფაქტობრივად, ცალ ფარში მიდის თამაში. დღეს მეტოქე ყველა კომპონენტში ერთი თავით მაღლა იდგა ჩვენზე,ძალიან კარგი თამაში ჩაატარეს და დამსახურებულად გაიმარჯვეს, მივულოცავ მათ ამ შედეგს.

 

საკალათბურთო აკადემიაში 20-წლამდელთა მორიგი დღე ,,მგზავრები-არმიასა’’ და ,,ოლიმპს’’ შორის დაპირისპირებით დასრულდა. დღის ბოლო შეხვედრა საინტერესო გამოდგა და გამარჯვება ,,მგზავრებს’’ დარჩათ – 82:73.

,,მგზავრები-არმიამ’’ საკმაოდ კარგად დაიწყო თამაში და პირველივე პერიოდში 10-ქულიანი უპირატესობა მოიპოვა, მეორე მეოთხედში უფრო თანაბარი ბრძოლა მიმდინარეობდა, თუმცა არმიელებმა ლიდერობის შენარჩუნება მოახერხეს და მეორე ნახევარს 9-ქულიანი ლიდერობით შეხვდნენ – 42:33.

,,ოლიმპმა’’ თამაშში გარდატეხის შეტანა მესამე პერიოდში მოახერხა. არჩილ პულუზაშვილის და კახა ტომარაძის გამორჩეულად კარგი თამაშის წყალობით ოლიმპელემბმა ჯერ ჩამორჩენა აღმოფხვრეს, ათწუთეულის ბოლოს კი უკვე ლიდერობდნენ – 55:53.

მაყურებელი საინტერესო ბოლო პერიოდის მოლოდინში იყო, რაც ნაწილობრივ გამართლდა. ,,მგზავრებმა’’ დაიბრუნეს ლიდერობა, თუმცა უმნიშვნელო და ,,ოლიმპი’’ თამაშის გადარჩენის შანსს ბოლო წუთებამდე ინარჩუნებდა. განსაკუთრებით დაიძაბა შეხვედრა, როცა თამაშის დასრულებამდე 1,30 წთ-ით ადრე სხვაობა 4-ქულამდე დავიდა – 74:70.  თუმცა დარჩენილ დროში ,,მგზავრებმა’’ ზუსტად შეასრულეს 6-ვე საჯარიმო და ,,ოლიმპს’’ მოგების ყველა შანსი წაართვა.

გამარჯვებულთა რიგებში საუკეთესო სანდრო სანაძე იყო 22 ქულით, 12ქულა და 8 მოხსნა ჰქონდა მამუკა ბაზუაშვილს, 7 მოხსნა, 5 პასი და 12 ქულა დაგროვდა ლუკა ზაქრაძის ანგარიშზე, ამდენივე ქულას მოუყარა თავი სანდრო ბოლქვაძემ, დავით ლომიძემ კი შეხვედრა 10 ქულით დაასრულა.

,,ოლიმპს’’ არჩილ პულუზაშვილმა ულიდერა, რომელმაც 18 მოხსნასთან ერთად 24ქულა მიითვალა და მატჩის ბომბარდირი გახდა. ორმაგი დუბლი შეასრულა უჩა გამრეკლიძემაც – 10ქულა, 13მოხსნა, 11 ქულა ჰქონდა კახა ტომარაძეს, სოსო გოგნაძეს კი – 10.

20-წლამდელთა ჩემპიონატის ერთი შეხვედრა ხვალ, ისევ აკადემიის დარბაზში გაიმართება. 11:30 წთ-ზე ერთმანეთს ,,სოხუმი’’ და ,,მგზავრები-არმია’’ დაუპირისპირდებიან.

მგზავრები  არმია – ოლიმპი  82:73

დიმიტრი ჟაკობოვი: კარგი მატჩი იყო. ჩვენი მოწინააღმდეგე  ჩემპიონატის ერთ-ერთი ფავორიტია და მადლობა მას ასეთი კარგი თამაშისთვის.  მადლობა ჩემს ბიჭებს, რომლებმაც თავი არ დაზოგეს და ყველაფერი გააკეთეს დღევანდელი გამარჯვების მოსაპოვებლად. მადლობა მათ შრომისთვის, თავდადებისთვის და ბრძოლისთვის.  ჩვენმა ხუთეულმა თავიდან აგრესიულად და აქტიურად დაიწყო თამაში, რაც სათადარიგოთა სკამის მოთამაშეებმა წარმატებით გააგრძელეს და მეტოქე გავტეხეთ. თამაშის დიდი ნაწილს ჩვენ ვაკონტროლებდით, რაც საბოლოოდ ჩვენი წარმატებით დაგვირგვინდა. აღსანიშნავია, რომ ბოლო მეოთხედშიც არ მოვდუნებულვართ. ბიჭებმა შეინარჩუნეს ის  შემართება და მოტივაცია, რაც დასაწყისში ჰქონდათ. დღევანდელი მატჩი უკვე ისტორიაა და ვემზადებით მომდევნო შეხვედრისთვის, სადაც არანაკლებ ძლიერი მოწინააღმდეგე,  აკადემია გვეყოლება.

 ლევან ქარაბაქი (ოლიმპის მთავარი მწვრთნელი): მივულოცავ „მგზავრებს“ გამარჯვებას, დამსახურებულად მოგვიგეს. როგორც ჩანს მეტოქე დღეს ჩვენზე მოტივირებული და მონდომებული აღმოჩნდა. სამწუხაროდ, ჩვენ ძალიან ბევრი შეცდომა დავუშვით.  გასაანალიზებლად საკმარისი დრო გვაქვს და  და იმედია სამომავლოდ გამოვასწორებთ ხარვეზებს.

u-20.ge

20-წლამდელთა ჩემპიონატის 2 მატჩს უმასინძლა დღეს საკალათბურთო აკადემიამ. ორივე მატჩში გამარჯვებულის ვინაობა ზედმეტი დაძაბულობის გარეშე გაირკვა. „მგზავრები-არმიამ“ „სოხუმი“ დაამარცხა, ხოლო „აკადემიამ“ „ქუთაისს“ შანსი არ დაუტოვა.

ანგარიშში სხვაობა არც ერთ მატჩში დიდი არაა, თუმცა ორივე შეხვედრაში მდევარმა ჩამორჩენა ბოლო წუთებზე აღმოფხვრა. „მგზავრები-არმიის“ კალათბურთელებმა თანაბარი პირველი მეოთხედის (22:21) შემდეგ მეტოქის დაცვას სუსტი წერტილი უპოვეს და ქულებს იოლად იხვეჭდნენ. დიდი შესვენებისთვის არმიელთა 9-ქულიანი ლიდერობა დაფიქსირდა და ვითარება არც მეორე ტაიმში შეცვლილა. გუნდური თამაშის წყალობით დიმიტრი ჟაკობოვის გაწვრთნილმა არმიელებმა მესამე პერიოდი 24:17 მოიგეს და ბოლო პერიოდის წინ მეტოქესთვის მიუწვდომელნი გახდნენ.

საბოლოოდ „მგზავრები-არმიამ“ 85:72 იმარჯვა, რაშიც ლომის წილი მამუკა ბაზუაშვილს (20 ქულა, 15 მოხსნა) მიუძღვის. 19 ქულა და 7 მოხსნა მიითვალა სანდრო ბოლქვაძემ, ხოლო ლუკა ზაქრაძემ პირად ანგარიშზე 15 ქულა, 5 მოხსნა და 5 პასი მიითვალა. დამარცხებულთაგან 20 ქულითა და 14 მოხსნით ირაკლი ჯანხოთელი გამოირჩა, 18 ქულა მოაგროვა ვიტალი ცქიფურიშვილმა.

მეორე მატჩში გათამაშების ერთ-ერთმა ლიდერმა ლიდერმა „აკადემიამ“ 77:67 დაამარცხა „ქუთაისი“. მატჩის ბედი ფაქტობრივად პირველსავე ტაიმში გადაწყდა, რომელიც აკადემიელებმა 49:28 მოიგეს. ირაკლი ტომარაძის გაწვრთნილ გუნდს ტრადიციულად ბექა დარახველიძე წინამძღოლობდა, რომელმაც ამჯერად 23 ქულა მიითვალა. 15 ქულა მოაგროვა ნიკა ღურწკაიამ, ხოლო ნიკა მირხანაშვილი გამარჯვებულებს 13 ქულითა და 4 პასით შეეხიდა.

20-წლამდელთა ჩემპიონატის მორიგი მატჩები ხვალ, საკალათბურთო აკადემიის დარბაზში გაიმართება.

მატჩისშემდგომი კომენტარები

მგზავრები-არმია – სოხუმი 85:72

დიმიტრი ჟაკობოვი(,,მგზავრები-არმიის’’ მთავარი მწვრთნელი): პირველ რიგში, მადლობას ვეტყვი მოწინააღმდეგე გუნდს საინტერესო თამაშისთვის. ჩემს გუნდს კი მივულოცავ გამარჯვებას ძალიან ძლიერი მეტოქის წინააღმდეგ. მიუხედავად პრობლემების და ხარვეზებისა, მოვახერხეთ გამარჯვება. თავიდან ნერვიულად დავიწყეთ, დაცვაში შეცდომები დავუშვით, თუმცა ლიდერთა კარგი თამაშის წყალობით უპირატესობა მოვიპოვეთ, უფრო თავდაჯერებულად, ზუსტად და ხისტად დავიწყეთ თამაში დაცვაშიც და შეტევაშიც. ამის ხარჯზე მივაღწიეთ წარმატებას, თუმცა ეს უკვე ისტორიაა. ხვალ მომდევნო რთული თამაში გველის და სრული პასუხისმგებლობით მოვეკიდებით ამ მატჩსაც.

თემურ კანკია(,,სოხუმის’’ მთავარი მწვრთნელი):  ვულოცავ მეტოქეს გამარჯვებას, ნამდვილად კარგად ითამაშეს, გვაჯობეს, ბევრად დალაგებული თამაში აჩვენეს. ჩვენ ვეცდებით გამოვასწოროთ ეს დროებითი შეცდომები, ხარვეზები და უკეთესი შედეგი ვაჩვენოთ.

აკადემია – ქუთაისი 77:67

ირაკლი ტომარაძე(,,აკადემიის’’ მწვრთნელი): მივულოცავ ჩემს ბიჭებს გამარჯვებას. გვქონდა შეცდომები, თუმცა საბოლოო ჯამში კმაყოფილი ვარ, დამსახურებულად მოვიგეთ.

მედეა მხეიძე(,,ქუთაისის” მთავარი მწვრთნელი): პირველ რიგში, ვულოცავ ,,აკადემიას” გამარჯვებას და წარმატებულ თამაშს. ჩვენ ისევ დანაკლისით ვთამაშობდით, რატი ნუცუბიძე არ გვყავდა, 2 გამთამაშებელიც გამოგვაკლდა და, ბუნებრივია, გაგვიჭირდა. ვფიქრობ, საკმარისად ვერ გამოვიყენეთ მაღალი მოთამაშეები.

u-20.ge 

დღეს რუსთავსა და ქუთაისში 20-წლამდელთა ჩემპიონატის მატჩები გაიმართა. დაგეგმილი გამარჯვება მოიპოვა გათამაშების ერთ-ერთმა ლიდერმა „ოლიმპმა“, რომელმაც ქუთაისელებს შანში არ დაუტოვა. მეორე შეხვედრაში მოულოდნელი შედეგი დაფიქსირდა: პირველი გამარჯვება მოიპოვა „რუსთავმა“, რომელმაც 4 მოგების მქონე „სოხუმი“ 89:61 გაანადგურა.

ქუთაისში ოლიმპელებმა პირველი მეოთხედი 20:10 მოიგეს, თუმცა მასპინძლებმა დიდი შესვენებისთვის ჩამორჩენა 7-მდე შეამცირეს. მეორე ნახევარში თბილისელებმა შესანიშნავად ითამაშეს. ნუგზარ აბულაძისა და კახა ტომარაძის შედეგიანობით „ოლიმპმა“ მესამე ათწუთეული 28:21 მოიგო, ბოლო პერიოდში კი უპირატესობა 27 ქულამდე გაზარდა და საბოლოოდ 97:70 გაიმარჯვა.

„ოლიმპში“ 20 ქულით და 6 პასით საუკეთესო აბულაძე გახლდათ, 16 ქულა და 8 მოხსნა ტომარაძემ მიითვალა, უჩა გამრეკლიძეს კი ორმაგ დუბლამდე 1 მოხსნა დააკლდა – 14 ქულა და 9 მოხსნა მიითვალა. მასპინძელთაგან 22 ქულითა და 11 მოხსნით საუკეთესო ლადო ფურცხვანიძე გახლდათ.

რუსთავში გამართულ მატჩს 2 გამორჩეული მოთამაშე ჰყავდა: თორნიკე ქიტოშვილი და გიორგი დვალი. პირველმა რუსთაველებს 27 ქულა და 7 პასი შესძინა, მეორემ კი პირად ანგარიშზე 24 ქულა ჩაიწერა.  მთლიანობაში რუსთაველებმა გუნდურად ითამაშეს და ღირსეული გამარჯვება იზეიმეს.

მასპინძლებმა ყველა მეოთხედი მოიგეს და საბოლოოდ სეზონის პირველ გამარჯვებას შთამბეჭდავი ელფერი მისცეს. სოხუმელთაგან რუსთავული საკალათბურთო სკოლის აღზრდილი კოსტანტინე ბიწაძე გამოირჩა, რომელმაც 21 ქულა და 9 მოხსნა მიითვალა.

მატჩისშემდგომი კომენტარები

ქუთაისი – ოლიმპი  70:97

ირაკლი მაისურაძე(,,ოლიმპის’’ მწვრთნელი): თამაში გარდამავალი უპირატესობით წარიმართა, 2-ჯერ დაგვეწია მეტოქე. საკმაოდ თამამი და კარგი კალათბურთი აჩვენეს. ჩვენზე იმოქმედა მგზავრობამ, დაღლილობამ იჩინა თავი და უფრო მოდუნებულები ვთამაშობდით. თუმცა, ბოლოს მაინც ვიპოვეთ ძალები და საკმაოდ დიდი სხვაობით გავიმარჯვეთ.

შოთა ჯავახიშვილი(,,ქუთაისის’’ მწვრთნელი): საკუთარ მოედანზე 27 ქულით დავმარცხდით. ,,ოლიმპი’’ ძალიან ძლიერი გუნდია, ერთი თავით მაღლა დგანან ჩვენზე. ბიჭებმა როგორც შეძლეს, იბრძოლეს. თუმცა მეტოქის დასამარცხებლად ძალა არ ეყოთ.

 

რუსთავი – სოხუმი  89:61

ოთარ ხმელიძე(,,რუსთავის’’ მთავარი მწრთნელი): დღეს ყველამ კარგად ითამაშა, გუნდური თამაში ვაჩვენეთ და გავიმარჯვეთ. ნელ-ნელა ვპოულობთ ჩვენს თამაშს და ვლაგდებით, იმედია, ასე გავაგრძელებთ. სამწუხაროა, რომ ერთი მაღალი მოთამაშე გვყავს და მანაც ტრავმა მიიღო დღეს.

თემურ კანკია(,,სოხუმის’’ მთავარი მწვრთნელი): მივულოცავ ,,რუსთავის’’ გუნდს დამსახურებულ გამარჯვებას. რაც შეგვეხება ჩვენ, საერთოდ არ იყვნენ ბიჭები ფორმაში, ვერ ითამაშეს და ეს ხარისხზეც და შედეგზეც აისახა.

u-20.ge

საინტერესო და დაძაბული მატჩი გაიმართა დღეს საკალათბურთო აკადემიაში. „რუსთავმა“, რომელიც „მგზავრები-არმიასთან“ პირველი ტაიმის შემდეგ 21 ქულას აგებდა, მატჩი შემოაბრუნა და დასრულებამდე 5 წუთით ადრე ანგარიში გაათანაბრა. ცოტაც რომ მოენდომებინათ, რუსთაველები მოიგებდნენ კიდეც, თუიმცა ბოლო წუთებზე „მგზავრები“ გამოერკვნენ და მარცხი თავიდან აიცილეს.

მატჩის შემოტრიალების წერტილი გიგი გოგობერიშვილი გახლდათ, რომელსაც პირველ ტაიმში ქულა არ ჰქონდა მოპოვებული და მესამე პერიოდში 14 ქულა ჩააგდო. აღნიშნული მეოთხედი რუსთაველებმა 228:19 მოიგეს და გადამწყვეტ ათწუთეულს 12-ქულიანი დეფიციტით შეხვდნენ.

ბოლო მეოთხედში რუსთაველებმა შედეგიანი თამაში განაგრძეს და როგორც ზემოთ აღვნიშნეთ, ანგარიში გაათანაბრეს. არმიელები გამოფხიზლდნენ, რაშიც ლომის წილი ლუკა ზაქრაძეს მიუძღვის. ბოლო წუთებზე ქულა-ქულაში მიმდინარე თამაში „მგზავრები-არმიამ“ 78:75 მოიგო. გადამწყვეტ მომენტში მნიშვნელოვანი ბურთები ჩააგდო მამუკა ბაზუაშვილმა, რომელმაც მთლიანობაში ორმაგი დუბლი – 13 ქულა და 10 მოხსნა მიითვალა.

ბომბარდირი 18 ქულით ზაქრაძე გახდა, ხოლო რუსთაველმა გიორგი ტურძელაძემ 15 ქულა მიითვალა. რუსთაველთა გუნდში 21 ქულით გიგი გოგობერიშვილი გამოირჩა, 17 ქულა და 8 პასი პირად ანგარიშზე თორნიკე ქიტოშვილმა ჩაიწერა.

ამ მატჩამდე გაიმართა „სოხუმისა“ და „მაკაბის“ დაპირისპირება, რომელიც ბოლო მეოთხედამდე საკმაოდ დაძაბულად მიმდინარეობდა. ხან ერთი გუნდი გალიდერდებოდა, ხან – მეორე. პირველი ტაიმი მაკაბელებმა 29:27 მოიგეს, თუმცა მესამე პერიოდის 12:18 წაგებით, გადამწყვეტი ათწუთეულის წინ 4 ქულით ჩამორჩნენ.

ბოლო პერიოდში სოხუმელებმა გააზრებულად ითამაშეს, რაც გამარჯვებით დაუფასდათ – 64:51. საუკეთესო დიმა ბობილევი გახდა, რომელმაც 19 ქულასთან ერთად 12 მოხსნა მიითვალა. ორმაგ დუბლამდე 1 მოხსნა დააკლდა 18 ქულისა და 9 მომხსნის მომგროვებელ ირაკლი ჯანხოთელს. 11 ქულა და ამდენივე მოხსნა გაიფორმა კოტე ბიწაძემ. მაკაბელთაგან 24 ქულა-14 მოხსნით საუკეთესო დავით ქარციძე გახლდათ, ხოლო თორნიკე გოგელაშვილმა ორმაგი დუბლისთვის აუცილებელი მაჩვენებლები დააფიქსირა – 10 ქულა, 10 მოხსნა.

ჩემპიონატის მომდევნო მატჩები 12 დეკემბერს – ქუთაისსა და რუსთავში გაიმართება.

მატჩისშემდგომი კომენტარები

სოხუმი – მაქაბი  64:51

თემურ კანკია („სოხუმის“ მთავარი მწვრთნელი):  დაძაბული მატჩი გამოდგა, იმის მუხედავად, რომ არცერთ გუნდს არ გამოუვიდა დალაგებული და კონსტრუქციული თამაში. საბედნიეროდ, ბოლოს მოვახერხეთ გარდატეხის შეტანა, მობილიზება და გამარჯვება მოვიპოვეთ.

ლაშა ელბაქიძე („მაქაბის“ მთავარი მწვრთნელის ასისტენტი): თავიდან კარგად დავიწყეთ თამაში, თუმცა ბოლო მეოთხედში ავირიეთ და მარცხი განვიცადეთ. მიუხედავად წაგებისა, მაინც კმაყოფილი ვარ ჩემი გუნდის თამაშით. მადლობა ბიჭებს ბრძოლისთვის და მადლობა მოწინააღმდეგე გუნდს. ვივარჯიშებთ და  მომავალი მატჩებისთვის შეცდომებს გამოვასწორებთ.

მგზავრები არმია – რუსთავი  78:75

ოთარ ხმელიძე (რუსთავის მთავარი მწვრთნელი): მატჩის 1-ელი ტაიმი ძალიან სუსტად ჩავატარეთ. მეორე ნახევარში უფრო გუნდურად ვიასპარეზეთ და თამაშიც გამოგვივიდა, თუმცა საბოლოოდ დავმარცხდით. არ გვყავს  ტანმაღალი კალათბურთელები და გვიჭირს ფარზე მუშაობა, თუმცა ნიჭიერი ახალგაზრდები გვაყავს და დიდი იმედი მაქვს მოუმატებენ.

 

დიმიტრი ჟაკობოვი („მგზავრები-არმიის“ მთავარი მწვრთნელი): პირველ რიგში მადლობა მოწინააღმდგეს კარგი თამაშისთვის და  მივულოცავ ჩემს ბიჭებს გამარჯვებას. ჩვენ ჩავატარეთ ორი  განსხვავებული ტაიმი. თავიდან თამაში შესანიშნავად დავიწყეთ და  წინ დიდი სხვაობით გავედით, თუმცა დიდი შესვენების შემდეგ ზედმეტი თავდაჯერებულობის გამო დავკარგეთ მოტივაცია და  კონცენტრაცია. შედეგად მეტოქემ ჯერ ანგარიში შეამცირა, შემდეგ გაათანაბრა და  სანერვიულოდ გაგვიხადა საქმე. გადამწყვეტ მომენტში უბრალოდ გაგვიმართლა და გამარჯვება ჩვვენ დაგვრჩა. უკვე ვემზადებით მომდევნო თამაშისთვის. გავაანალიზებთ დღევანდელ შეხვედრას, რათა მომდევნო მატჩი მსგავსი შეცდომები აღარ დავუშვათ.

u-20.ge

20-წლამდელთა ჩემპიონატში დღეს 2 მატჩი გაიმართა. „აკადემიამ“ დაძაბულ ბრძოლაში შესუსტებულ „მაკაბის“ სძლია, ხოლო ჩემპიონატის ერთ-ერთმა ლიდერმა „ოლიმპმა“ „ქუთაისს“ იოლად მოუგო.

„მაკაბს“ აკლდა გამორჩეული ლიდერი, მაიზერ რევაზაშვილი. გუნდს არ ახლდნენ არც პრეზიდენტი და მთავარი მწვრთნელი – ჯამლეტ ხუხაშვილი და მიხეილ ხუხაშვილი. „მაკაბი“  ტურნირის ერთ-ერთ ლიდერთან სათამაშოდ ახალგაზრდა ლაშა ელბაქიძემ გამოიყვანა და ცოტაც რომ გამართლებოდა, გაიმარჯვებდა კიდეც.

„მაკაბის“ მოთამაშეები სამაგალითოდ იბრძოდნენ და მთელი თამაშის მანძილზე ლიდერობდნენ კიდეც. იყო ეპიზოდი, როცა მაკაბელები 13 ქულით დაწინაურდნენ – ეს მესამე პერიოდის მე-3 წუთზე მოხდა, როცა ელბაქიძის გუნდი 47:34 გალიდერდა. შესანიშნავად თამაშობდა მაკაბელი თორნიკე გოგელაშვილი, რომელმაც საბოლოოდ 21 ქულა, 13 მოხსნა და 4 ჩაჭრა მოაგროვა.

ბოლო პერიოდი მაკაბელთა 8-ქულიანი უპირატესობით დაიწყო და „აკადემიაც“ ამოქმედდა. საიმედო დაცვითი თამაშითა და სწრაფი შეტევებით აკადემიელებმა უპირატესობა მოიპოვეს და ჯერ ანგარიში გაათანაბრეს, შემდეგ კი წინაც გავიდნენ. გელა წულაძის გუნდმა 15:0 გაქცევა მოაწყო და 7 ქულით ჩამორჩენა 8-ქულიან ლიდერობად აქცია. „მაკაბი“ გატყდა და გამარჯვებაც აკადემიელებს დარჩათ.

აკადემიელებს 30 ქულითა და 12 მოხსნით ბექა დარახველიძემ ულიდერა, 18 ქულა და 8 მოხსნა ჰქონდა ნიკა ღურწკაიამ, ხოლო თენგო ხუციშვილმა პირად ანგარიშზე 11 ქულა და 10 მოხსნა ჩაიწერა.

მეორე მატჩში ბრძოლა არ შედგა. „ოლიმპმა“ 40 ქულის სხვაობით დაამარცხა „ქუთაისი“. შეხვედრის ბედი პირველსავე ტაიმში გადაწყდა, რომელიც ლევან ქარაბაკისა და ირაკლი მაისურაძის გაწვრთნილმა „ოლიმპელებმა 59:40 მოიგო.

გამარჯვებულებს 20 ქულით და 11 მოხსნით არჩილ პულუზაშვილმა ულიდერა. 19 ქულა მიითვალა ქუთაისის საკალათბურთო სკოლის აღზრდილმა უჩა გამრეკლიძემ, კახა ტომარაძის ანგარიშზე კი 13 ქულა დაგროვდა. ქუთაისელთაგან 16 ქულით ბომბარდირი გიორგი გუმბერიძე გახდა, რატი ნუცუბიძეს კი ორმაგ დუბლამდე 1 მოხსნა დააკლდა – 13 ქულა და 9 მოხსნა მოაგროვა.

ჩემპიონატის კიდევ 2 მატჩს უმასპინძლებს ხვალ საკალათბურთო აკადემია. „სოხუმი’’ „მაკაბის“ შეხვდება, ხოლო „მგზავრები-არმია“ – „რუსთავს’’.

მატჩისშემდგომი კომენტარები

მაქაბი – აკადემია  76:83

გელა წულაძე(,,აკადემიის’’ მთავარი მწვრთნელი): ძალიან მოკლე პერიოდში მოგვიწია შეუსვენებლად თამაშები, ვარჯიშები და გადაღლილები ვართ. ეს დღესაც გამოჩნდა, თუმცა კლასის ხარჯზე, საბოლოოდ, მაინც მოვახერხეთ მოგება. ძალიან ბევრი შეცდომები იყო და ამას დაღლილობას ვაბრალებ. გამარჯვება ყველა შემთხვევაში სასიხარულოა და მეტნაკლებად კმაყოფილი ვარ.

 

ოლიმპი – ქუთაისი  106:66

ირაკლი მაისურაძე(,,ოლიმპის’’  მწვრთნელი): იოლ გამარჯვებას არ ველოდით, რადგან ,,ქუთაისს’’ ყოველთვის მებრძოლი გუნდი ჰყავს. სასიხარულოა, რომ მოვიგეთ, თუმცა ბოლომდე კმაყოფილი არ ვარ, სხვა გეგმები და მონახაზები მქონდა. პარასკევს გასვლითი თამაში გვაქვს ისევ ,,ქუთაისთან’’ და იმედია, ჩვენი ბიჭები შეძლებენ და იმავე შედეგს აჩვენებენ.

მედეა მხეიძე(,,ქუთაისის’’ მთავარი მწვრთნელი): საწყენია, რომ ასეთი დიდი ანგარიშით დავმარცხდით, თუმცა ,,ოლიმპი’’ ძალიან ძლიერი გუნდია, ძირითადი მოთამაშეები სუპერლიგაშიც ასპარეზობენ და ჩვენზე უკეთესი შემადგენლობა ჰყავს. იმ მდგომარეობაში, როგორშიც ჩვენი გუნდია, 66 ქულის ჩაგდება ასეთი მოწინააღმდეგისთვის მაინც კარგი რეზულტატია. გვაკლია მოთამაშეები, 2 მოთამაშე ტრავმის შემდეგ დღეს პირველად გამოვიდა მოედანზე. მე, როგორც მწვრთნელი, ვხედავ ჩემს გუნდში პოტენციალს და მინდა, რომ უკეთესი თამაში ვაჩვენოთ. 2 დღეში საპასუხო შეხვედრას ვითამაშებთ ქუთაისში და შევეცდებით, ბევრად კარგად ვიასპარეზოთ.

u-20.ge

დღეს საკალათბურთო აკადემიამ 20-წლამდელთა ჩემპიონატის ერთ მატჩს უმასპინძლა. მეორე შეხვედრა, „მგზავრები-არმია“ – „აკადემია“ გადაიდო და მომავალ კვირას, 19:45 საათზე გაიმართება.

 

რაც შეეხება გამართულ მატჩს, ის დიდად საინტერესო ვერ გამოდგა. მიზეზი ერთი გუნდის სოლიდური უპირატესობა გახლდათ. „ოლიმპმა“ „სოხუმს“ იოლად სძლია – 101:53.

პირველი ტაიმის შემდეგ არაფერი მოასწავებდა, რომ საბოლოოდ ასე დიდი სხვაობა დაფიქსირდებოდა. საწყისი პერიოდის 9:19 წაგების შემდეგ სოხუმელებმა თამაში გამოაკეთეს და დიდი შესვენებისთვის ჩამორჩენა ოდნავ შეამცირეს – 29:38. მესამე პერიოდში ყველაფერს წერტილი დაესვა. „ოლიმპმა“ შედეგიანად ითამაშა და ათწუთეულის 38:7 მოგებით შეხვედრაში გამარჯვებულის ვინაობა გაარკვია.

„ოლიმპში“ 24 ქულით ბომბარდირი არჩილ პულუზაშვილი გახდა, 16 ქულა დააგროვა კახა ტომარაძემ, ხოლო ფარქვეშ გამორჩეული სოსო გოგნაძემ 9 ქულა და 17 მოხსნა მიითვალა. სოხუმელთაგან 15 ქულით ვიტალი ცქიფურიშვილი გამოირჩა, ხოლო დიმიტრი ბობილევმა ორმაგი დუბლი – 13 ქულა და 10 მოხსნა დააგროვა.

20-წლამდელთა ჩემპიონატის მომდევნო მატჩი 5 დეკემბერს ქუთაისში გაიმართება, სადაც სათამაშოდ „აკადემია“ ჩავა.

 

მატჩისშემდგომი კომენტარები

 ლევან ქარაბაქი (“ოლიმპის” მთავარი მწვრთნელი): თავდაპირველად თამაში საკმაოდ გაგვიჭირდა. მოწინააღმდეგემ ზონური დაცვა დაგვიყენა და ბევრი ბური დავკარგეთ. მაგრამ შემდგომ ყველაფერი ჩვენს სასიკეთოდ წარიმართა. მოგვეცა საშუალება ყველა მოთამაშე გამოგვეყენებინა, რომლებმაც დავალებებს თავი კარგად  გაართვეს და მსურს ბიჭებს მადლობა გადავუხადო.

თემურ კანკია (“სოხუმის” მთავარი მწვრთნელი): მზად არ აღმოვჩნდით დღევანდელი თამაშისთვის. ძლიერი მეტოქე გვყავდა. თამაშში ვერ ჩავერთეთ  და შედეგიც სახეზეა – დიდი სხვაობით დავმარცხდით. მივულოცავ მეტოქეს  გამარჯვებას.

u-20.ge

20-წლამდელთა ჩემპიონატის მორიგ 2 შეხვედრას  საკალათბურთო აკადემიის დარბაზმა უმასპინძლა.

დღის პირველ მატჩში ,,მგზავრები-არმიამ’’ ყოველგვარი გართულებების გარეშე დიდი სხვაობით – 104:49 დაამარცხა ,,მაქაბი’’ და მეორე გამარჯვება მოიპოვა.

შეხვედრის ბედი პირველივე ტაიმში გადაწყდა, როცა დიდ შესვენებაზე არმიელები უკვე 20-ქულიანი ლიდერობით გავიდნენ. არადა, პირველ პერიოდში თანაბარი ბრძოლა მიმდინარეობდა და ,,მგზავრებს’’ მინიმალური უპირატესობა ჰქონდათ – 21:20. მეორე მეოთხედიდან კი ბოლქვაძის, სანაძის, გოგალაძის და ზაქრაძის შედეგიანი თამაშის წყალობით ,,მგზავრები-არმიამ’’ სერიოზული ლიდერობა მოიპოვა.

მეორე ნახევარში თამაშს აზრი დაეკარგა, მგზავრებიდან ყველას მიეცა თავის გამოჩენის საშუალება. მატჩის ბოლო ხუთწუთეულში ,,მგზავრებმა’’ ,,მაქაბს’’ 27:0 (!) გაქცევა მოუწყო და გამანადგურებელი ანგარიშით – 104:49 იმარჯვა.

გამარჯვებულებს 23ქულით სანდრო სანაძემ ულიდერა, 17 ქულა მიითვალა ლევან გოგალაძე, ლუკა ზაქრაძეს კი 13 ქულა დაუგროვდა.

,,მაქაბის’’ რიგებში თამაშის ერთადერთი ორმაგი დუბლი შეასრულა დავით ქარციძემ – 18ქულა, 12მოხსნა, მაიზერ რევაზაშვილმა კი შეხვედრა 11 ქულით დაასრულა.

მატჩისშემდგომი კომენტარები

მაქაბი – მგზავრები-არმია 49:104

მიხეილ ხუხაშვილი(,,მაქაბის’’ მთავარი მწვრთნელი): მივულოცავ მეტოქეს გამარჯვებას, ძალიან კარგად იასპარეზეს და ყველაფერი სწორად გააკეთეს. რაც შეეხება ჩემს გუნდს, არც ერთ მოთამაშეს არ წაუვიდა თამაში და ვერ მოვახერხე გუნდის დალაგება, ბიჭები არ იყვნენ მზად იმ პრესინგისთვის გაეძლოთ, რასაც მოწინააღმდეგე თამაშობდა. ამიტომ, ჩემს თავზე ვიღებ პასუხისმგებლობას.

დიმიტრი ჟაკობოვი(,,მგზავრები-არმიის’’ მთავარი მწვრთნელი): პირველ რიგში, მინდა მადლობა გადავუხადო მოწინააღმდეგეს თამაშისთვის და მივულოცო ჩემს გუნდს, რომელმაც მორიგი კარგი შეხვედრა ჩაატარა საკმაოდ კარგი გუნდის წინააღმდეგ. რაც მთავარია, ბიჭებმა გამოავლინეს საქმის მიმართ სერიოზული მიდგომა, ძალიან კარგად იასპარეზეს დაცვაში. თამაში დიდი მოტივაციით და კონცენტრაციით დავიწყეთ. დაცვაში საკმაოდ მტკიცედ და აგრესიულად ვითამაშეთ და მეტოქის მოთამაშეებს არ ვაძლევდით ზუსტი შეტევების განხორციელების საშუალებას, განსაკუთრებით, ,,მაქაბის’’ ლიდერს, მაიზერ რევაზაშვილს. ამან საშუალება მოგვცა შეტევაში უფრო თავისუფლად და თავდაჯერებულად გვეასპარეზა. კიდევ ერთხელ ვულოცავ ჩემს ბიჭებს და მადლობას ვეუბნები ენთუზიაზმის, თავდადების და შრომისმოყვარეობისთვის. ეს გამარჯვება უკვე წარსულია, მოვემზადებით შემდეგი შეხვედრისთვის, რომელშიც ძალიან სერიოზული მეტოქე გვყავს. თამაშს აუცილებლად მეტოქის მიმართ პატივისცემით და დიდი პასუხისმგებლობით მივუდგებით.

 

მეორე შეხვედრა შედარებით საინტერესო გამოდგა, თუმცა  ეს უფრო მატჩის პირველ ნახევარზე ითქმის.  ,,ოლიმპმა 88:65 დაამარცხა ,,აკადემია’’, რომელსაც აქამდე ჩატარებული არც ერთი შეხვედრა არ წაუგია.

პირველ პერიოდში მცირე უპირატესობას აკადემიელები ფლობდნენ, თუმცა ოლიმპელებმა მათ გაქცევის საშუალება არ მისცეს და ,,აკადემიამ’’ მეოთხედი მხოლოდ 3-ქულით – 21:18 მოიგო. მეორე პერიოდში კვლავ თანაბარი ბრძოლა გაგრძელდა და ტაიმის მიწურულს სხვაობა არ შეცვლილა – 39:36.

მეორე ნახევარში ,,ოლიმპმა’’ ბევრად სწრაფი,ზუსტი და ეფექტური თამაში აჩვენა, გარდამტეხი აღმოჩნდა მესამე პერიოდი, როცა აბულაძის, პულუზაშვილის და გამრეკლიძის ლიდერობით ოლიმპელებმა ,,აკადემიას’’ 19:0 გაქცევა მოუწყვეს და 57:43 დაწინაურდნენ. ამის შემდეგ ,,ოლიმპს’’ მეტოქისთვის წინ გასვლის საშუალება აღარ მიუცია, ვითარება არც ბოლო ათწუთეულში დაძაბულა, პირიქით,  ,,აკადემია’’ 20 ქულით ჩამორჩა და თამაშის გადარჩენის ყველა შანსი დაკარგა. ,,ოლიმპი’’ მშვიდად მივიდა სეზონის მე-3 გამარჯვებამდე.

,,ოლიმპი’’ მომდევნო შეხვედრას ხვალ, აკადემიის დარბაზში ,,სოხუმის’’ წინააღმდეგ 13:30 წუთზე გამართავს.

მატჩისშემდგომი კომენტარები

აკადემია – ოლიმპი  65:88

ლევან ქარაბაკი(,,ოლიმპის’’ მთავარი მწვრთნელი): ,,აკადემია’’ ერთ-ერთი ყველაზე შეთამაშებული გუნდია, ბავშვობიდან ერთად მოდიან და პირველი ორი პერიოდი ძალიან გაგვიჭირდა. საბედნიეროდ, მეორე ნახევარში მოვახერხეთ კონცენტრირება, ინდივიდუალიზმის და მაღალი მოთამაშეების ხარჯზე უპირატესობა მოვიპოვეთ და გავიმარჯვეთ. ხვალაც საკმაოდ დაძაბული თამაში გვაქვს და ვეცდებით, მომზადებულები შევხვდეთ.

ირაკლი ტომარაძე(,,აკადემიის’’ მწვრთნელი):  მივულოცავ ,,ოლიმპს’’ გამარჯვებას, დამსახურებულად მოიგეს. პირველ ტაიმში ვიბრძოლეთ, თუმცა შემდეგ ,,ოლიმპი’’ ძალიან კარგად ათამაშდა, იგრძნეს თამაში და ჩვენც ძალები აღარ გვეყო. შევეცდებით ჩვენი შეცდომები გამოვასწოროთ და გავაანალიზოთ. ვფიქრობ, არ ვართ უშანსოდ ისეთ ძლიერ გუნდთან, როგორიც ,,ოლიმპია’’.

http://u-20.ge/

დღეს საკალათბურთო აკადემიამ 20-წლამდელთა ჩემპიონატის ერთ მატჩს უმასპინძლა. ერთმანეთს  „სოხუმი“-„მგზავრები არმია“ დაუპირისპირდნენ, სადაც გამარჯვება სოხუმელებმა მოიპოვეს – 66:63.

დაძაბული და საინტერესო მატჩი თავდაპირველად  „სოხუმის“ სასარგებლოდ წარიმართა, რომელიც პირველი პერიოდის შემდეგ წინ 21:8, ხოლო დიდი შესვენებისთვის – 33:36 გავიდა. მესამე მეოთხედში „მგზავრები არმიას“ მოთამაშეები აქტიურად ათამაშდნენ და პერიოდის მიწურულს სხვაობა 2 ქულამდე შეამცირეს. მიუხედავად ამისა, მეოთხე მეოთხედის პირველ ნახევარში სოხუმელებმა მაინც მოახერხეს  უპირატესობის შენარჩუნება.   დასკვნითი მეოთხედის მიწურულს კი ვითარება ისევ  დაიძაბა და თამაშის დასრულებამდე 1.18 წუთის ადრე სხვაობა მინიმუმამდე დავიდა – 60:59.   საბოლოოდ გადამწყვეტ მომენტში სოხუმელებმა შეძლეს მობილიზება, თამაშის ბოლო წუთები თავდაპირველი შემართებით ჩაამთავრეს და შეხვედრა თავის სასარგებლოდ დაასრულეს.

გამარჯვებულთა მხრიდან 21 ქულით კონსტანტინე ბიწაძე გამორჩა, 12 ქულითა და 18 მოხსნით ორმაგი დუბლი დიმა ბობილევის ანგარიშზე, 10 ქულა კი ირაკლი ჯანხოთელმა მიითვალა.

მგზავრები-არმიის შემადენლობაში 21 ქულა ლუკა ზაქრაძემ დააგროვა, ორმაგი დუბლი კი ერთბაშად ორმა მოთამაშემ -მამუკა ბაზუაშვილმა (12 ქულა, 10 მოხნა) და სანდრო სანაძემ შეასრულა  (10 ქულა, 11 მოხსნა).

20-წლამდელთა მორიგი ტური 2 დეკემბერს გაიმართება, რომელსაც ტრადიციიულად საკალათბურთო აკადემია უმაპინძლებს.

 მატჩისშემდგომი კომენტარები

თემურ კანკია (სოხუმის მთავარი მწვრთნელი): დაძაბული თამაში გამოვიდა, თავიდან ძალიან კარგად დავიწყეთ, თუმცა მერე გაგვიჭირდა და  ბევრი ბურთი დავკარგეთ. მთლიანიბაში შეხვედრით კმაყოფილი ვარ, რადგან  რაზეც ვარჯიშებზე ვმუშაობთ, დღეს შედეგი დავინახეთ. კმაყოფილი ვარ, იქედან გამომდინარე, რომ თამაშიდან თამაშამდე გუნდი აშკარად უმატებს.

დიმიტრი ჟაკობოვი (მგზავრები-არმიას მთავარი მწვრთნელი): დღეს ჩვენ კიდევ ერთი თამაში ჩავატარეთ ძლიერ მეტოქესთან. მივულოცავ „სოხუმს“ დამსახურებულ გამარჯვებას და მადლობას გადავუხდი ასეთი კარგი თამაშისთვის. დღეს მეტოქე ჩვენზე კონცენტრირებული და მოტივირებული აღმოჩნდა, პირველივე წუთებიდან „სოხუმმა“ მოიპოვა უპირატესობა და თამაშს ის აკონტროლებდა. გვაჯობა ყველა კომპონენტში. გუშინდელ მატჩში დიდი ენერგია დავხარჯეთ, რისი აღდგენაც ვერ მოვახერხეთ. ვერ მოვამზადე გუნდი სათანადოდ დღევანდელი თამაშისთვის. ხვალიდან ვიწყებთ მომზადებას შემდეგი შეხვედრისთვის, გავაანალიზებთ ჩვენს შეცდომებს  და მომავალ მატჩს დიდი პასუხისმგებლობით შევხდებით.

u-20.ge

20-წლამდელთა ჩემპიონატი გრძელდება. საკალათბურთო აკადემიის დარბაზში დღეს 3 შეხვედრა გაიმართა.

დღის პირველ მატჩში ,,აკადემიამ’’ ,,რუსთავი’’ 92:75 დაამარცხა და ზედიზედ მე-3 გამარჯვება მოიპოვა. ,,რუსთავისთვის’’ კი ამ თამაშით წარუმატებელი სერია გრძელდება – მათ 4-ვე ჩატარებულ თამაშში მარცხი განიცადეს.

პირველი პერიოდი თანაბარი გამოდგა – 19:19. მეორე პერიოდში კი დარახველიძის, ღურწკაიას და გიორგაძის შედეგიანი თამაშის წყალობით აკადემიელებმა სოლიდური უპირატესობა მოიპოვეს და დიდ შესვენებაზე 19-ქულიანი ლიდერობით გავიდნენ – 50:31.

მესამე ათწუთეულში უკვე სტუმრები გააქტიურდნენ, დვალის და ქიტოშვილის ზუსტ თამაშს აკადემიელთა შეცდომები დაემატა და მასპინძელთა ლიდერობა 6 ქულამდე შემცირდა – 65:59. თუმცა, რუსთაველთა აქტიურობა დიდხანს არ გაგრძელდა, აკადემიელებმა მალევე დაიბრუნეს უპირატესობა და თამაში ისე ჩამთავრდა, ვითარება არ დაძაბულა.

გამარჯვებულებს 24 ქულით და 8 მოხსნით ბექა დარახველიძემ ულიდერა, ორმაგი დუბლი გაიფორმა ნიკა ღურწკაიამ – 19ქულა, 10მოხსნა; ლუკა გიორგაძის ანგარიშზე კი 14 ქულა და 7მოხსნა დაგროვდა.

რუსთაველთა რიგებში 24 ქულით საუკეთესო გიორგი დვალი იყო, 11 ქულასთან ერთად 7 შედეგიანი გადაცემა მიითვალა თორნიკე ქიტოშვილმა, ერეკლე ლორთქიფანიძემ კი შეხვედრა 10 ქულით დაასრულა.

 

მატჩისშემდგომი კომენტარები

აკადემია – რუსთავი  92:75

გელა წულაძე(,,აკადემიის’’ მთავარი მწვრთნელი): მთლიანობაში კარგი თამაში იყო, თუმცა მესამე პერიოდში ვითამაშეთ ძალიან ცუდად, ბევრი შეცდომა დავუშვით როგორც დაცვაში, ისე თავდასხმაში. საბოლოოდ, გამარჯვება მაინც მოვახერხეთ და უკმაყოფილო არ ვარ, ჯერ კიდევ გვაქვს დრო ხარვეზების გამოსწორებაზე ვიმუშაოთ, ამ ეტაპზე კი მოგებები ძალიან მნიშვნელოვანია.

ოთარ ხმელიძე(,,რუსთავის’’ მთავარი მწვრთნელი): ძალიან სუსტი გუნდი ვართ, ასეთი სუსტი გუნდი 20-წლამდელებში, ფაქტობრივად, არასდროს გვყოლია. ძირითადად, სიმაღლის პრობლემა გვაქვს და ამ კომპონენტში ძალიან გვიჭირს. რეხვიაშვილმა წელის ტრავმა მიიღო, ურიდია ჯარიმების გამო გავარდა. იძულებულები ვართ გარედან ვითამაშოთ, თუმცა სროლები ყოველთვის არ მიგვდის და თანაც, მოთამაშეები ხშირად ბევრს იღებენ თავის თავზე. გუნდში ბევრი პრობლემა გვაქვს, ჯერჯერობით ვერ დავლაგდით, ასე რომ, ,,აკადემიამ’’ დამსახურებულად გაიმარჯვა და მივულოცავ მათ მოგებას.

დღის მეორე შეხვედრაშიც ერთმანეთს თბილისის და რეგიონის გუნდი დაუპირისპირდნენ. ,,მაქაბმა’’ 91:74 დაამარცხა სტუმრად ჩამოსული ,,ქუთაისი’’.

შეხვედრის პირველი ნახევარი გარდამავალი უპირატესობით წარიმართა. პირველ პერიოდში ,,მაქაბი’’ დაწინაურდა – 21-17, მეორე პერიოდში კი ქუთაისლები უფრო შედეგიანად ათამაშდნენ და დიდი შესვენებისთვის 4-ქულიანი ლიდერობაც მოიპოვეს – 46:42.  სტუმრებმა ტემპი მესამე პერიოდშიც შეინარჩუნეს და სხვაობა 8 ქულამდე გაზარდეს.

მეოთხე პერიოდში კი მაყურებელმა დიდი გარდატეხა იხილა. ქუთაისლები 72:68 ლიდერობდნენ, როცა ,,მაქაბმა’’ რევაზაშვილის, მეტრეველის და სხვათა ზუსტი თამაშის წყალობით 19:0 გაქცევა მოაწყო და 87:72 გალიდერდა. დარჩენილ 1,22 წუთში  ქუთაისლებმა თამაშის შემობრუნება ვერ შეძლეს. მათ მეოთხე პერიოდში მხოლოდ 6(!) ქულა მიითვალეს და ბოლო ათწუთეულში დაშვებული შეცდომების გამო თამაში უშანსოდ დათმეს.

,,მაქაბის’’ 5-მა კალათბურთელმა 10-ქულიანი ზღვარი დაძლია. საუკეთესო, ტრადიციულად, მაიზერ რევაზაშვილი იყო 24ქულით და 11 მოხსნით, 19 ქულა ჰქონდა დიმიტრი მეტრეველს, 16 ქულა-12მოხსნით ორმაგი დუბლი გაიფორმა დავით ქარციძემ, 14ქულა და 7 მოხსნა მიითვალა თორნიკე გოგელაშვილმა, რევაზ მაღლაფერიძემ კი 12 ქულასთან ერთად თავი 8 მოხსნას და 6 ჩაჭრას მოუყარა.

ქუთაისლებს 17 ქულა-13 მოხსნით ლადო ფურცხვანიძემ ულიდერა, რატი ნუცუბიძემ 16 ქულა და 8 მოხსნა დააგროვა, 12 ქულა ჰქონდა ირაკლი მაცაბერიძეს, გუჯა ბირკაიამ კი შეხვედრა ორმაგი დუბლით – 10 ქულა-15 მოხნით დაასრულა.

მატჩისშემდგომი კომენტარები

მაქაბი – ქუთაისი  91:74

მიხეილ ხუხაშვილი(,,მაქაბის’’ მთავარი მწვრთნელი): გავიმარჯვეთ და კმაყოფილი ვარ, ბიჭებმა ძალიან კარგად და გუნდურად ითამაშეს და ეს შედეგზეც აისახა. იღბალიც ჩვენს მხარეს იყო და ეს დღეს ძალიან დაგვეხმარა.

მედეა მხეძე(,,ქუთაისის’’ მთავარი მწვრთნელი): ბოლო პერიოდი საშინლად ჩავატარეთ. როცა მოთამაშეები ინიციატივას მხოლოდ საკუთარ თავზე იღებენ და მწვრთნელის მითითებებს არ აქცევენ სათანადო ყურადღებას, ეს მწვრთნელის ბრალია, ამიტომ, პირველ რიგში, ჩემს თავს ვსაყვედურობ, ამის უფლება არ უნდა მისცე, დისციპლინა სათანადო დონეზე არ გვაქვს და ეს უნდა გამოვასწოროთ. როცა ერთ პერიოდში 31 ქულას მიიღებ, ფაქტობრივად, ცალ ფარში მიდის თამაში. დღეს მეტოქე ყველა კომპონენტში ერთი თავით მაღლა იდგა ჩვენზე,ძალიან კარგი თამაში ჩაატარეს და დამსახურებულად გაიმარჯვეს, მივულოცავ მათ ამ შედეგს.

 

საკალათბურთო აკადემიაში 20-წლამდელთა მორიგი დღე ,,მგზავრები-არმიასა’’ და ,,ოლიმპს’’ შორის დაპირისპირებით დასრულდა. დღის ბოლო შეხვედრა საინტერესო გამოდგა და გამარჯვება ,,მგზავრებს’’ დარჩათ – 82:73.

,,მგზავრები-არმიამ’’ საკმაოდ კარგად დაიწყო თამაში და პირველივე პერიოდში 10-ქულიანი უპირატესობა მოიპოვა, მეორე მეოთხედში უფრო თანაბარი ბრძოლა მიმდინარეობდა, თუმცა არმიელებმა ლიდერობის შენარჩუნება მოახერხეს და მეორე ნახევარს 9-ქულიანი ლიდერობით შეხვდნენ – 42:33.

,,ოლიმპმა’’ თამაშში გარდატეხის შეტანა მესამე პერიოდში მოახერხა. არჩილ პულუზაშვილის და კახა ტომარაძის გამორჩეულად კარგი თამაშის წყალობით ოლიმპელემბმა ჯერ ჩამორჩენა აღმოფხვრეს, ათწუთეულის ბოლოს კი უკვე ლიდერობდნენ – 55:53.

მაყურებელი საინტერესო ბოლო პერიოდის მოლოდინში იყო, რაც ნაწილობრივ გამართლდა. ,,მგზავრებმა’’ დაიბრუნეს ლიდერობა, თუმცა უმნიშვნელო და ,,ოლიმპი’’ თამაშის გადარჩენის შანსს ბოლო წუთებამდე ინარჩუნებდა. განსაკუთრებით დაიძაბა შეხვედრა, როცა თამაშის დასრულებამდე 1,30 წთ-ით ადრე სხვაობა 4-ქულამდე დავიდა – 74:70.  თუმცა დარჩენილ დროში ,,მგზავრებმა’’ ზუსტად შეასრულეს 6-ვე საჯარიმო და ,,ოლიმპს’’ მოგების ყველა შანსი წაართვა.

გამარჯვებულთა რიგებში საუკეთესო სანდრო სანაძე იყო 22 ქულით, 12ქულა და 8 მოხსნა ჰქონდა მამუკა ბაზუაშვილს, 7 მოხსნა, 5 პასი და 12 ქულა დაგროვდა ლუკა ზაქრაძის ანგარიშზე, ამდენივე ქულას მოუყარა თავი სანდრო ბოლქვაძემ, დავით ლომიძემ კი შეხვედრა 10 ქულით დაასრულა.

,,ოლიმპს’’ არჩილ პულუზაშვილმა ულიდერა, რომელმაც 18 მოხსნასთან ერთად 24ქულა მიითვალა და მატჩის ბომბარდირი გახდა. ორმაგი დუბლი შეასრულა უჩა გამრეკლიძემაც – 10ქულა, 13მოხსნა, 11 ქულა ჰქონდა კახა ტომარაძეს, სოსო გოგნაძეს კი – 10.

20-წლამდელთა ჩემპიონატის ერთი შეხვედრა ხვალ, ისევ აკადემიის დარბაზში გაიმართება. 11:30 წთ-ზე ერთმანეთს ,,სოხუმი’’ და ,,მგზავრები-არმია’’ დაუპირისპირდებიან.

მგზავრები  არმია – ოლიმპი  82:73

დიმიტრი ჟაკობოვი: კარგი მატჩი იყო. ჩვენი მოწინააღმდეგე  ჩემპიონატის ერთ-ერთი ფავორიტია და მადლობა მას ასეთი კარგი თამაშისთვის.  მადლობა ჩემს ბიჭებს, რომლებმაც თავი არ დაზოგეს და ყველაფერი გააკეთეს დღევანდელი გამარჯვების მოსაპოვებლად. მადლობა მათ შრომისთვის, თავდადებისთვის და ბრძოლისთვის.  ჩვენმა ხუთეულმა თავიდან აგრესიულად და აქტიურად დაიწყო თამაში, რაც სათადარიგოთა სკამის მოთამაშეებმა წარმატებით გააგრძელეს და მეტოქე გავტეხეთ. თამაშის დიდი ნაწილს ჩვენ ვაკონტროლებდით, რაც საბოლოოდ ჩვენი წარმატებით დაგვირგვინდა. აღსანიშნავია, რომ ბოლო მეოთხედშიც არ მოვდუნებულვართ. ბიჭებმა შეინარჩუნეს ის  შემართება და მოტივაცია, რაც დასაწყისში ჰქონდათ. დღევანდელი მატჩი უკვე ისტორიაა და ვემზადებით მომდევნო შეხვედრისთვის, სადაც არანაკლებ ძლიერი მოწინააღმდეგე,  აკადემია გვეყოლება.

 ლევან ქარაბაქი (ოლიმპის მთავარი მწვრთნელი): მივულოცავ „მგზავრებს“ გამარჯვებას, დამსახურებულად მოგვიგეს. როგორც ჩანს მეტოქე დღეს ჩვენზე მოტივირებული და მონდომებული აღმოჩნდა. სამწუხაროდ, ჩვენ ძალიან ბევრი შეცდომა დავუშვით.  გასაანალიზებლად საკმარისი დრო გვაქვს და  და იმედია სამომავლოდ გამოვასწორებთ ხარვეზებს.

http://u-20.ge/