2016 წლის ევროპის ჩემპიონატის საკვალიფიკაციო ეტაპზე D ჯგუფში გერმანიის, ირლანდიის, პოლონეთის, შოტლანდიის, საქართელოსა და გიბრალტარის ნაკრებები ითამაშებენ.
ნიცაში გამართული წილისყრის შედეგები შოტლანდიის ნაკრების ყოფილმა თავდამსხმელმა და ამჟამად საფეხბურთო ექსპერტმა ენდი უოკერმა შეაფასა.
„დარწმუნებული ვარ, საქართველოს ნაკრებს შეუძლია, რომ D ჯგუფის საუკეთესო გუნდებს ქულები დააკარგვინოს. მახსოვს, როდესაც „შეფილდ იუნაიტედში“ ვთამაშობდი, „მანჩესტერ სიტის“ ღირსებას გიორგი ქინქლაძე იცავდა. მას განსაკუთრებული ნიჭი ჰქონდა.
საქართველოს ნაკრების მთავარი მწვრთნელი თემურ ქეცბაია ბრიტანულ ფეხბურთს კარგად იცნობს. მართალია, მას ქინქლაძის დონის ფეხბურთელები არ ჰყავს, თუმცა ეს ის ერია, რომელსაც მუდამ ეზრდება შესანიშნავი ტექნიკით დაჯილდოებული მოთამაშეები“, – უოკერის სიტყვები „სქაი სპორტსმა“ გამოაქვეყნა.
ბექა დოგრაშვილი