ესპანელმა თავდამსხმელმა ფერნანდო ტორესმა, რომელიც მშობლიური „ატლეტიკოს“ რიგებში დაბრუნდა, სოციალურ ქსელ ტვიტერზე აღნიშნულ სიახლესთან დაკავშირებით დაწერა და აღნიშნა, რომ მადრიდულ კლუბში გადასვლით ბედნიერია.
„როგორც იქნა, სახლში დავბრუნდი. დიდი მადლობა ყველას, ვინც ოცნების ასრულებაში დამეხმარა. წინ „ატლეტიკო“!“, – დაწერა ტორესმა.
შეგახსენებთ, რომ მიმდინარე სეზონის წინ ტორესი იჯარით „მილანში“ გადავიდა, თუმცა „როსონერიში“ თავის გამოჩენა ვერ შეძლო და ჯამში მხოლოდ ერთი გოლი გაიტანა. „ატლეტიკოში“ ელ ნინიო 2001 წლიდან 2007 წლამდე გამოდიოდა.
