სულ ცოტა ხნის წინ ოფიციალურად დადასტურდა, რომ “რეალ სოსიედადის” უკვე ყოფილი ფეხბურთელი, ალვარო ოდრიოსოლა მადრიდის “რეალში” ითამაშებს.
22 წლის მარჯვენა მცველმა ექვსწლიან კონტრაქტს მოაწერა ხელი. ხელშეკრულების სხვა დეტალები არაა საჯარო. ესპანეთის ნაკრების წევრი ხულენ ლოპეტეგის ერთ-ერთი საყვარელი მოთამაშეა. მადრიდელთა დამრიგებელი ახალგაზრდა სპორტსმენს დანი კარვახალის შემცვლელად გამოიყენებს.
ოდრიოსოლა ბასკური კლუბის აღზრდილია. მან წინა სეზონში ლა ლიგის 38-დან 35 შეხვედრაში მიიღო მონაწილეობა – 32 ძირითად შემადგენლობაში ითამაშა.
ხვალ ლა ლიგა სანტანდერის მე-15 ტურში მადრიდის “რეალი” ანდალუსიის “სევილიას” მიიღებს.
პრინციპული დაპირისპირების წინ, დედაქალაქელთა მთავარმა მწვრთნელმა, ზინედინ ზიდანმა პრესკონფერენცია გამართა.
“ვნახოთ, ბეილი მსოფლიოს საკლუბო ჩემპიონატის ნახევარფინალში ჩვენთან ერთად თუ იასპარეზებს (მატჩი 13 დეკემბერს შემდგება, მეტოქე, ჯერჯერობით, უცნობია, ავტ.). მან ბოლო დაზიანების შემდეგ მხოლოდ ერთი შევხერდა ითამაშა და ხვალინდელ დაპირისპირებაში, რა თქმა უნდა, მონაწილეობას ვერ მიიღებს. ახლა მთავარია, ის მსოფლიოს ჩემპიონატზე წამოგვყვეს.”
“რონალდუ? ყოველთვისაა დებატები იმაზე, არის თუ არა პორტუგალიელი ჩვენთან ბედნიერი. ის ხომ მსოფლიოს საუკეთესო გუნდში თამაშობს. შესაბამისად, ამაზე კამათი არ შეიძლება.”
“სევილიელები ჩემპიონთა ლიგაზე აგრძელებენ გამოსვლას. მათ მშვენიერი სეზონი აქვთ. რთული თამაში იქნება. ეს გუნდი ტაქტიკურად ძალიან კარგად თამაშობს. გახსოვთ, შარშან ამ მეტოქეს ფინალი მოვუგეთ. ვნახოთ, რა იქნება ახლა. ყველა ადამიანია და არ არის ადვილი, ყოველთვის გამარჯვებას მიაღწიო – ეს ცხოვრებისეული საკითხია და არა მენტალური,” – აცხადებს “ზიზუ”.
“ატლეტიკოს” დამარცხების შემდეგ, “რეალის” ნახევარმცველმა, ტონი კროოსმა ჟურნალისტებთან ისაუბრა.
“შესანიშნავი ანგარიში დავაფიქსირეთ. ეს იმაზე უკეთესია, რასაც მატჩამდე მოველოდით. თუმცა, არ უნდა დაგვავიწყდეს, რომ ეს პირველი დაპირისპირება იყო. ჯერ არაფერი დასრულებულა. ძალიან კარგი საღამო გამოვიდა. ტაქტიკურადაც სწორად ვითამაშეთ და ასევე, ნახევარდაცვაში დმატებითი ფეხბურთელი გვყავდა. ჩვეულებრივ, სამი ნახევარცმველით ვთამაშობთ ხოლმე, თუმცა დღეს მოედანზე ოთხნი ვიყავით. სწორედ ეს დაგვეხმარა იმაში, რომ თამაში გვეკონტროლებინა.”
“ძალიან ბედნიერები ვართ, რომ კრიშტიანუ რონალდუ ჩვენი თანაგუნდელია. შენ შეგიძლია დაიცვა თავი, იყო კარგი ნახევარდაცვაში, თუმცა, ასევე, გჭირდება, გუნდმა გოლები გაიტანოს. ამ მოვალეობის დიდ ნაწილს სწორედ პორტუგალიელი ასრულებს. ამას ყოველთვის აკეთებს!” – განაცხადა გერმანელმა.
დღეს მადრიდის “რეალმა” პრიმერა დივიზიონის 23-ე ტურის შეხვედრაში საკუთარ მოედანზე “ესპანიოლი” მიიღო და მეტოქე ანგარიშით, 2-0 დაამარცხა. მატჩის 71-ე წუთზე ალვარო მორატას ნაცვლად მოედნაზე გარეთ ბეილი შევიდა. უელსელს, ტრავმის გამო, ნოემბრის შემდეგ არ ჰქონდა ნათამაშები. 83-ე წუთზე მან მეორე გოლის გატანა შეძლო.
დაპირისპირების შემდეგ, გარეთმა ჟურნალისტებთან ისაუბრა.
“სამთვიანი რეაბილიტაციის კურსის შემდეგ, მოედანს დავუბრუნდი და გოლიც გავიტანე. ამ მომენტში თავს შესანიშნავად ვგრძნობ.”
“იმისათვის, რომ 100%-ით მზად ვიყო, რამდენიმე კვირა მჭირდება.”
“ამ დროის მანძილზე ლაზარეთში ყოფნა რთული იყო. თუმცა, მთავარია, რომ გუნდი იგებდა. ეს ყველაზე მნიშვნელოვანია. ჩვენ ორივე ტიტულის მოგება გვინდა და ამაში დიდი წვლილის შეტანა მსურს.”
27 წლის ფეხბურთელს ფანების მხარდაჭერაზე ჰკითხეს.
“ამ დაპირისპირებაში გულშემატკივრები დაუჯერებლად აქტიურნი იყვნენ. როცა მოედანზე შევედი, ისინი აპლოდისმენტებით შემხვდნენ. მათი მხარდაჭერა ვიგრძენი, რაც ჩემთვის ძალიან მნიშვნელოვანია,” – განაცხადა უელსელმა.
წინასაახალწლოდ, მადრიდის “რეალის” ვარსკვლავებმა, კრიშტიანუ რონალდუმ და კეილორ ნავასმა RealMadrid TV-სთან ისაუბრეს. ფეხბურთელებმა განვლილი წელი მოკლედ შეაჯამეს და უკეთესი სეზონის იმედი გამოთქვეს.
რონალდუ: “უბედნიერესი ვარ. წარმატებული წელი გვქონდა. იმედი მაქვს, 2017 წელს მინიმუმ ისე ვიასპარეზებთ, როგორც ეს შარშან იყო. მინდა, უფრო მეტი ტიტული მოვიგოთ და გულშემატკივრები გავახაროთ.”
ნავასი: “მოგებული ტიტულები არის იმის მოტივაცია, რომ გავაგრძელოთ მუშაობა… მუშაობა, რათა გაცილებით კარგი შედეგები გვქონდეს. მადლობა ღმერთს ამ სამი თასისთვის! ისინი არის სიმბოლო საოცარი მოგონებების და, ზოგადად, წარმატებული წლის.”
შეგახსნებთ, რომ “ბლანკოსი” წლის პირველ შეხვედრას 4 იანვარს “კოპა დელ რეის” ეგიდით გამართავს.
22 ნოემბერს ჩემპიონთა ლიგის ჯგუფური ეტაპის მეხუთე ტურის შეხვედრები გაიმართა. ერთ-ერთ მატჩში მადრიდის “რეალი” სტუმრად ლისაბონის “სპორტინგს” დაუპირისპირდა და მეტოქე, ანგარიშით, 2-1 დაამარცხა.
მატჩის შემდეგ ჟურნალისტებთან ისკო ალარკონმა ისაუბრა, რომელსაც კითხვა მის მომავალზეც დაუსვეს.
“გავახანგრძლივებ თუ არა კონტრაქტს? ამაზე საფიქრალად დრო მიმდინარე და მომავალ სეზონში მაქვს. გეტყვით, რომ ამის სურვილი როგორც კლუბის ხელმძღვანელობას, ასევე მეც გამაჩნია. იმედია, ორივე მხარისთვის სასურველ პირობებზე მარტივად შევთანხმდებით,” – განაცხადა ესპანელმა ნახევარმველმა.
დღეს ნორვეგიის ქალაქ ტრონჰეიმში უეფას სუპერ თასის მატჩი გაიმართება. “ლერკენდალ სთეიდიუმზე” ერთმანეთს გასული სეზონის ჩემპიონთა ლიგისა და ევროპის ლიგის გამარჯვებულები, მადრიდის “რეალი” და ანდალუსიის “სევილია” დაუპირისპირდება.
Fanebi.Com-ი გთავაზობთ აღნიშნული მატჩის პრევიუს.
მადრიდის “რეალი” – ანდალუსიის “სევილია”
მოედანი: “ლერკენდალ სთეიდიუმი”, ტრონჰეიმი
დაწყების დრო: 9 აგვისტო, 22:45 საათი
შეხვედრის მთავარი არბიტრი: მილორდ მაჟიჩი (სერბეთი)
მადრიდის “რეალმა” ბოლო სამ წელში ორჯერ მოიგო ჩემპიონთა ლიგა. ამ კლუბის წარმატების ერთ-ერთი მთვარაი მიზეზი ისაა, რომ ესპანური გიგანტი წლებია ინარჩუნებს ძირითად ბირთვს, რომელიც გუნდის მთავარი მამოძრავებელი ძალაა.
ამ შეხვედრაში “რეალს” იმ ძრითადი შემადგენლობის ოთხი მოთამაშე დააკლდება, რომელიც მთავარმა მწვრთნელმა, ზინედინ ზიდანმა გასული სეზონის ჩემპიონთა ლიგის ფინალში დააყენა. კონკრეტულად, დედაქალაქურ კლუბს მთავარი ლიდერი, კრიშტიანუ რონალდუ არ ეყოლება. 31 წლის მოთამაშემ “ევრო 2016”-ის ფინალში დიმიტრი პაიესთან შეჯახების დროს მიიღო ტრავმა და მას, გარდა აღნიშნული შეხვედრისა, პრიმერა დივიზიონის რამდენიმე მატჩის გამოტოვებაც მოუწევს. ტრავმა აწუხებს კეილორ ნავასსაც, რომელსაც ძალიან დიდი ალბათობით კიკო კასილია ჩაანაცვლებს. იგივე მიზეზით მატჩს გამოტოვებს ფაბიო კოენტრაოც. რაც შეეხება სხვა მოთამაშეებს, გარეთ ბეილი, კლეპერ პეპე და ტონი კროოსი ისევ ისვენებენ.
მიუხედავად დიდი დანაკლისისა, მადრიდის “რეალი” საკმაოდ კარგ ფორმაშია. თუმცა “ბლანკოსი” მიმდინარე ზაფხულზე პირველ ამხანაგურ შეხვედრაში დამარცხდა “პსჟ”-სთან, შემდეგ საკმაოდ ძლიერ “ბაიერნთან” და “ჩელსისთან” გამარჯვება მოახერხა.
მოკლედ, მადრიდელებს ბევრი მოთამაშე აკლიათ, მაგრამ საკმაოდ კარგ ფორმაში იმყოფებიან და, წესით, “სევილიას” დიდი პრობლემები უნდა შეუქმნან.
რაც შეეხება ანდალუსიელებს… პირველ რიგში, აუცილებლად უნდა ვთქვათ, რომ მიმდინარე სატრანსფერო ფანჯარაზე გუნდი, არც მეტი არც ნაკლები, ცამეტმა ფეხბურთელმა დატოვა; კოკე, გამეირო, კრიხოვიაკი, ნევა, ბანეგა, ნავარო, სანჩესი – ეს იმ მოთამაშეთა არასრული ჩამონათვალია, რომლებმაც ამ ზაფხულზე სხვა კლუბებს მიაშურეს. სამაგიეროდ, “სევილიაში” ახალი სპორტსმენები მოვიდნენ – სარაბია “ხეტაფედან”, ლუსიანო ვიეტო “ატლეტიკოდან”, განსო “საო პაულოდნა” და ასე შემდეგ. მოკლედ, ანდალუსიელებს რესურსი აქვთ.
ზემოთ აღნიშნულს ემატება ყველაზე მთავარი – ახალი მწვრთნელი, ხორხე სამპაოლი, რომელიც ახალი ხედვებითა და ფილოსოფიით მოვიდა გუნდში. მისი ხელმძღვანელობით “სევილიამ” ექვსი ამხანაგური შეხვედრა ჩაატარა და ყველა მათგანი მოიგო.
ორი სიტყვა ტრავმებზეც ვთქვათ… ანდალუსიელებს ბენუა ტრემულინასი და მაიკლ კრონ-დევილი ვერ დაეხმარებიან. ორივე მათგანს მუხლის ტრავმა აქვთ.
ზინედინ ზიდანი: “ფინალი იმ გუნდებს, შორის გაიმართება, რომლებსაც ძალიან უნდათ ამ ტიტულის მოგება. ჩვენ აბსოლუტურად მზად ვართ შეხვედრისთვის. წინასასეზონო მომზადება გავიარეთ და ძალიან კმაყოფილი ვარ. გვაქვს დანაკლისი: არის ტრავმები და, ასევე, ის მოთამაშეებიც არ იქნებიან, რომლებსაც დასვენება სჭირდებათ. ცალკე თემაა კარიმ ბენზემა, რომელის საკითხი თამაშამდე რამდენიმე სათით ადრე გადაწყდება. ჩვენ ყველაფერი უნდა გავაკეთოთ გამარჯვებისთვის. პირველივე წუთებიდან უნდა ვეცადოთ უპირატესობის მოპოვებასა და მეტოქის კარის აღებას. მიუხედავად ყველაფრისა, ეს ფეხბურთია და არავინ იცის რა მოხდება. შანსებს 50:50-ზე შევაფასებდი.”
ხორხე სამპაოლი: “ძალიან მიხარია, რომ ამ საფეხბურთო ზეიმის ერთ-ერთი მონაწილე მეც გავხდი. ჩვენ ახალი სტილი გვაქვს. დრო გვჭირდება, რათა ახლებური საფეხბურთო ფილოსოფია კარგად გავითავისოთ. მჯერა ჩემი მოთამაშეების. რაც შეეხება მეტოქეს, მათ შესანიშნავი მოსამზადებელი ეტაპი ჰქონდათ. მიუხედავად ამისა, რამდენიმე საკვანძო მოთამაშე აკლიათ და ეს ჩვენ ხელს გვაძლევს. უბრალოდ მინდა, ჩემი სპორტსმენები გავიდნენ მოედანზე და მაყურებელს მაღალი კლასი აჩვენონ. გეტყვით, რომ არ ვფიქრობ, რომელიმე გუნდი სერიოზულ უპირატესობას მოიპოვებს მთელი მატჩის მანძლზე.”
გასული სეზონი დიმიტრი პაიესთვის ძალიან წარმატებული აღმოჩნდა. ფრანგი ფეხბურთელი “პრემიერ ლიგაში” “ვესტ ჰემ იუნაიტედის” ერთ-ერთი ლიდერი იყო, შემდეგ კი “ევრო 2016”-ზე სასწაულები ჩაიდინა. რა თქმა უნდა, 29 წლის მოთამაშის ასეთი კარგი ასპარეზობა ყურადღების მიღმა არ დარჩენიათ ევროპულ გრანდებს. მათ შორის მადრიდის “რეალი” აქტიურობდა ყველაზე მეტად. იყო საკმაოდ მომხიბლავი შეთავაზებები, მაგრამ თავად ფეხბურთელმა სულ ცოტა ხნის წინ განაცხადა, რომ არსად წასვლას არ აპირებს.
“მივიღე რამდენიმე სერიოული წინადადება და მოვიხიბლე კიდეც, მაგრამ მე “ვესტ ჰემში” ვრჩები. მე მიყვარს ეს კლუბი და ძალიან მინდა, მალე მოვიდეს ის დღე, როცა “ოლიმპიურ სტადიონზე” გავალ და ჩემი გუნდის გამარჯვებისთვის ვიბრძოლებ. კიდევ ერთხელ გავუმეორებ “ჩაქუჩების” ფანებს, ასი პროცენტით მათთან ვრჩები!” – განაცხადა ფრანგმა შემტევმა.
“ვილიარეალის” მთავარი მწვრთნელი, მარსელინიო თვლის, რომ ზიდანის მოსვლის შემდგომ მადრიდის “რეალში” პროგრესი არ შეინიშნება. შეგახსენებთ, რომ ზიდანმა “ბლანკოსი” იანვარში ჩაიბარა.
“ზიდანს კლუბის ჩაბარება ძალიან რთულ სიტუაციაში მოუწია. არამგონია კლუბს ბენიტესის წასვლის შემდეგ რაიმე სახის პროგრესი განეცადოს.
მე ვამბობ მხოლოდ იმას, რაც “რეალის” თამაშის ყურებისას შევნიშნე. “ბერნაბეუ” ულმობელია, რამეთუ კლუბმა ლა ლიგაც დაკარგა და კოპა დელ რეიც.”
ყველაფრის მიუხედავად, მარსელინოს არ სჯერა, რომ “ვილიარეალი” მესამე ადგილზე გასვლას შეძლებს: ” ეს შეუძლებელია. დიდი გუნდები ნახევარი ძალებით ახერხებენ მოგებას, ჩვენ კი ამისთვის 200%-ით დახარჯვა გვიწევს.”
“ბარსელონას” თავდამსხმელი, ლუის სუარესი ემზადება პრიმერა დივიზიონში მნიშვნელოვანი მატჩის ჩასატარებლად.
ლა ლიგის მომდევნო, 28-ე ტურში გაიმართება ყველასთვის ცნობილი დაპირისპირება ელ კლასიკო, რომელიც ბევრის აზრით, ჩემპიონატის გამარჯვებულს 90%-ით გამოავლენს.
“ეს მატჩი ფინალივითაა, რადგან დაპირისპირების დროს ასეთი ატმოსფეროა შექმნილი. რთული მატჩი იქნება, მაგრამ ჩვენ ვიცით, რომ ლა ლიგაში ნებისმიერ მეტოქესთან თამაში ძნელია”.
“არ ვფიქრობ, რომ “რეალთან” მატჩი ჩემპიონის ბედს გადაწყვეტს. ყველამ ვიცით, თუ რას წარმოადგენს მადრიდული კლუბი. ჩვენ შესწავლილი გვაქვს “სამეფო გუნდის” სისუსტეები, რომლის გამოყენებასაც აუცილებლად ვეცდებით,”-განაცხადა სუარესმა.
“ბარსელონა” სატურნირო ცხრილში “რეალს” ერთი ქულით ასწრებს.
მადრიდის “რეალის” მთავარმა მწვრთნელმა, კარლო ანჩელოტიმ “ვილიარეალთან”(1-1) ჩატარებული მატჩი შეაფასა.
“პირველ ნახევარში ძალიან ნელა ვთამაშობდით. მეტოქის საჯარიმოში ხშირად შესვლას ვერ ვახერხებდით. მეორე ნახევარში სასურველი ტემპი დავაფიქსირეთ, მაგრამ მომენტები ვერ გამოვიყენეთ”.
“გუნდი დაღლილია? არანაირად, ფიზიკურად ბრწყინვალე ფორმაში ვართ”.
“ისკოს ცვლილება? მწვრთნელი მატჩის მიმდინარეობისას თავად ხვდება, თუ რა უფრო სარგებლიანი იქნება გუნდისთვის. თუ ეს არ ესმით გულშემატკივრებს, ბოდიში ჩემგან. ამგვარი გადაწყვეტილება მივიღე იმიტომ, რომ შემადგენლობა დაბალანსებულიყო,”-განაცხადა იტალიელმა.
მადრიდის “რეალის” მთავარმა მწვრთნელმა, კარლო ანჩელოტიმ ისაუბრა ალვარო მორატაზე, რომელმაც “სამეფო გუნდი” მიმდინარე ზაფხულს დატოვა.
“მორატამ უნდა ითამაშოს. ის ახალგაზრდა ბიჭია, რომელსაც თავისი ნიჭის გამოსავლენად სათამაშო დროს სჭირდება. ალვაროს ბევრი შეთავაზებები ჰქონდა, მაგრამ მან “იუვენტუსი” აირჩია”.
“იგი თანამედროვე სტილის თავდამსხმელია. მას გოლის გატანის კარგი ალღო აქვს”.
“მორატას იტალიაში სათამაშო დრო აქვს, ის სერია ა-ში თავს ბრწყინვალედ წარმოაჩენს. ვფიქრობ, “იუვენტუსში” დარჩება,”-განაცხადა კარლო ანჩელოტიმ.
ალვარო მორატამ მიმდინარე სეზონში სერია ა-ში “იუვენტუსის” მაისურით 19 მატჩი ჩაატარა. გაიტანა 6 გოლი, ხოლო ოთხჯერ თანაგუნდელს გაატანინა.
