“მილანის” ვიცე-პრეზიდენტმა ადრიანო გალიანიმ მიმდინარე სეზონში კლუბის მიზნების შესახებ ისაუბრა.
“სეზონის დაწყებიდანვე ჩვენი მიზანი ჩემპიონთა ლიგაზე მოხვედრაა. უნდა გვეყოს ძალა და გამბედაობა, რომ ამ მიზანს მივაღწიოთ. ეს არის ამოცანა, რისთვისაც შევკრიბეთ ეს გუნდი”, – ციტირებს გალიანის სიტყვებს Football Italia.
ცნობისთვის, ცოტა ხნის წინათ “მილანის” ყოფილმა ნახევარმცველმა ჯენარო გატუზომ განაცხადა, რომ “როსონერის” დიდი მიზნების მისაღწევად საკმარისად ძლიერი გუნდი არ ჰყავს.
“მილანის” მთავარმა მწვრთნელმა სინიშა მიხაილოვიჩმა გუნდში “პარი სენ-ჟერმენის” თავდამსხმელ ზლატან იბრაჰიმოვიჩის შესაძლო დაბრუნებაზე ისაუბრა.
“არ ვიცი, რა გითხრათ იბრაჰიმოვიჩის შესახებ. ის განსაკუთრებული მოთამაშეა და მისი დამატება ნამდვილად ფენომენალური მოვლენა იქნება. იგი კიდევ უფრო გაგვაძლიერებს. თუ იბრაჰიმოვიჩი ჩვენთან გადმოვა, “მილანის” სკუდეტოს მოპოვების სერიოზული კანდიდატი იქნება”, – ციტირებს მიხაილოვიჩის სიტყვებს ESPN.
თავის მხრივ, “მილანის” მთავარი აღმასრულებელი დირექტორი ადრიანო გალიანი აცხადებს, რომ ზლატან იბრაჰიმოვიჩს “პარი სენ-ჟერმენთან” მოქმედი კონტრაქტი აკავშირებს, თუმცა “როსონერი” მოვლენების განვითარებას დაელოდება.
შეგახსენებთ, რომ ზლატან იბრაჰიმოვიჩი მილანში” 2010/12 წლებში თამაშობდა. ამ დროის განმავლობაში შვედმა თავდამსხმელმა “როსონერის” რიგებში ჩატარებულ 85 მატჩში 56 გოლი გაიტანა. მან გუნდთან ერთად იტალიის ჩემპიონატი და ქვეყნის სუპერთასი მოიგო.
„მილანის“ ფანთა გაერთიანება „კურვა სუდმა“ გუშინ განცხადება გამოაქვეყნა, რომელშიც კლუბის ამჟამინდელ პრობლემებზე ისაუბრა და ვიცე-პრეზიდენტ ადრიანო გალიანის გადადგომა მოითხოვა.
„ამჟამინდელი სიტუაცია კლუბის სატრანსფერო სტრატეგიამ და იმ თავისუფალი აგენტების მოყვანამ გამოიწვია, რომელთაც მაღალი ხელფასები აქვთ, სანაცვლოდ კი, მათ სათანადო შედეგს ვერ მიაღწიეს. წავიკითხეთ, რომ „ლაციოსთან“ სათასო მატჩი, შესაძლოა, ფილიპო ინძაგისთვის ბოლო აღმოჩნდეს. სინამდვილეში, იგი მორიგი მწვრთნელია, რომელსაც კარგი შემადგენლობა არ ჰყავს.
გუნდის არქიტექტორი ბატონი გალიანია. ფეხბურთელებზე თანხას ის ანაწილებს. ბოლო დროს ბიუჯერი მატრიზე, ტორესზე და მსგავს მოთამაშეებზე დაიხარჯა. მატრის სანაცვლოდ კლუბმა იმდენივე გადაიხადა, რამდენიც „იუვენტუსს“ კარლოს ტევესის ტრანსფერი დაუჯდა. პრეზიდენტისგან „მილანში“ ფულის ჩადებას ვითხოვთ. ასევე გვსურს, რომ მან ის ადამიანი გაათავისუფლოს, რომლის გამოც ასეთ მდგომარეობაში ჩავვარდით“, – ნათქვამია განცხადებაში.
„მილანი“ ახალი ტრანსფერებისთვის ემზადება. ამის შესახებ კლუბის ვიცე-პრეზიდენტმა ადრიანო გალიანიმ ისაუბრა.
„დრო პირველ სექტემბრამდე გვაქვს. ახალი ტრანსფერებისთვის მუშაობა მიმდინარეობს და იმედი გვაქვს, რომ ძლიერ გუნდს შევკრებთ“, – ციტირებს გალიანის სიტყვებს Goal.com-ი.
გარდა ამისა, „მილანის“ ვიცე-პრეზიდენტმა განაცხადა, რომ ამხანაგურ მატჩებში დაფიქსირებულ შედეგებს დიდი ყურადღება არ უნდა მიექცეს. შეგახსენებთ, რომ „ოლიმპიაკოსთან“ გამართულ ამხანაგურ შეხვედრაში „როსონერი“ ანგარიშით 0:3 განადგურდა.
„შესამჩნევია ჩვენთან ერთად გუნდის იმ რვა ფეხბურთელის არყოფნა, რომლებმაც მსოფლიოს ჩემპიონატზე მიიღეს მონაწილეობა. მნიშვნელოვანია, რა მდგომრეობაში ვიქნებით აგვისტოს ბოლოს.
კლუბში შესანიშნავი ატმოსფეროა. პიპო ინძაგიმ ფეხბურთელებთან საერთო ენა გამონახა. ჩვენ მისი გვჯერა“, – აღნიშნა გალიანიმ.
„მილანის“ დირექტორთა საბჭომ კლუბის მართვის ახალი სტრუქტურა ოფიციალურად დაამტკიცა.
ბარბარა ბერლუსკონი „მილანის“ ვიცე-პრეზიდენტი გახდა, თუმცა ეს იმას არ ნიშნავს, რომ ადრიანო გალიანი ჩამოაქვეითეს. ეს უკანასკნელი თავის პოსტზე რჩება, ქალბატონი ბერლუსკონი კლუბის მეორე ვიცე-პრეზიდენტი იქნება. მის მოვალეობაში შევა ყველაფერი, რაც არ მოიცავს სპორტულ და ტექნიკურ საკითხებს.
შეგახსენებთ, რომ ცოტა ხნის წინათ გალიანისა და ბარბარა ბერლუსკონის შორის კონფლიქტი იყო, რის გამოც ადრიანოს დაკავებული პოსტის დატოვება ჰქონდა განზრახული, თუმცა „მილანის“ პრეზიდენტ სილვიო ბერლუსკონისთან შეხვედრის შემდეგ გადაიფიქრა. სამაგიეროდ, კლუბის მართვის სტრუქტურის შეცვლა გადაწყდა.
ბექა დოგრაშვილი
„მილანის“ გენერალურმა დირექტორმა ადრიანო გალიანიმ „როსონერის“ სატრანსფერო გეგმებზე ისაუბრა.
„სატრანსფერო ბაზარი ძალიან საინტერესოა, რთულია რაიმეს დაზუსტებით თქმა. დღეისათვის, შემიძლია, გითხრათ, რომ ერთი ტრანსფერი ნამდვილად შედგება, ხოლო მეორეზე, რუსული კლუბისადმი პატივისცემის გამო იგივეს ვერ ვიტყვი. გარდა ამისა, შესაძლოა, რამდენიმე მოთამაშე გავცვალოთ და ყველაფერთან ერთად, გულშემატკივრებს სიურპრიზი შევთავაზოთ“, – განაცხადა გალიანიმ.
ალექსანდრე მატევოსოვი
„მილანის“ ექს-მოთამაშემ და ამჟამად დამწყებმა მწვრთვნელმა ჯენარო გატუზომ „როსონერიში“ ბოლო დროს შქმნილი სიტუაცია შეაფასა.
შეგახსენებთ, გასულ კვირას გადაწყდა, რომ კლუბის გენერალური პრეზიდენტის ფუნქციებს ადრიანო გალიანისთან ერთად, სილვიო ბერლუსკონის ქალიშვილი ბარბარაც შეასრულებს, რის გამოც გალიანი „მილანელოდან“ წასვლასაც კი აპირებდა.
„კლუბში შექმნილი ვითარება? ვფიქრობ, ადრიანო გალიანი მეტ პატივისცემას იმსახურებს, რადგან წლების განმავლობაში იგი არამხოლოდ მუშაობდა, არამედ შესანიშნავ შედეგს აღწევდა“, – განაცხადა რინომ.
„ამ საკითხზე ბევრი საუბარი არ მსურს, თუმცა, ჩემი აზრით, ქალის ადგილი ფეხბურთში არ არის“, – დაასრულა მილანური კლუბის ყოფილმა ფეხბურთელმა.
ალექსანდრე მატევოსოვი
„მილანის“ ვიცე-პრეზიდენტმა ადრიანო გალიანიმ განაცხადა, რომ 27-წლიანი მუშაობის შემდეგ კლუბს ტოვებს.
„თაობათა ცვლა სწორი მიდგომაა, თუმცა არა ამ გზით. ეს გაცილებით ელეგანტურად უნდა ვაკეთოთ“, – აღნიშნა გალიანიმ „სქაი სპორტ 24“-ის ეთერში.
„არავითარ შემთხვევაში არ დავრჩები პოსტზე და ამ გადაწყვეტლებას თავისი მიზეზები აქვს. ჩემმა რეპუტაციამ სერიოზული დარტყმა მიიღო და აქ იმისთვის არ დავრჩები, რომ ნელ ცეცხლში დავიწვა“, – განაცხადა გალიანიმ, რომელიც თანამდებობას 11 დეკემბერს, ამსტერდამის „აიაქსის“ წინააღმდეგ გასამართი მატჩის შემდეგ დატოვებს.
შეგახსენებთ, მანამდე „მილანის“ პრეზიდენტ სილვიო ბერლუსკონის ქალიშვილმა ბარბარა ბერლუსკონიმ განაცხადა, რომ გუნდს ახალი ფილოსოფია სჭირდება. თუმცა, მას საკადრო ცვლილებასთან დაკავშირებით სხვა რაიმე მინიშნება არ გაუკეთებია. ამის მიუხედავად, იტალიაში თვლიან, რომ გალიანის გადაწყვტილების მიზეზი მასსა და ბარბარა ბერლუსკონის შორის გაჩაღებული კონფლიქტია.
ბექა დოგრაშვილი
„მილანის“ ვიცე-პრეზიდენტმა ადრიანო გალიანიმ განაცხადა, რომ „კიევოსთან“ იტალიის სერია A-ს უახლოესი ტურის მატჩის შედეგის მიუხედავად, მასიმილიანო ალეგრი „როსონერიში“ დარჩება.
„კიევოსთან“ თამაში ჩვენთვის მნიშვნელოვანია, რადგან სატურნირო ცხრილის ლიდერებს საგრძნობლად ჩამოვრჩებით. გეტყვით, როიმ ალეგრისთვის ეს ბოლო შანსი არ იქნება. გვსურს, რომ იგი გუნდში სეზონის ბოლომდე დარჩეს. რა თქმა უნდა, თუ ანგარიშით 0:22 მარცხდები, მწვრთვნელის შეცვლაზე ფიქრი შეიძლება, თუმცა მომავალზე საუბარი არ მიყვარს“, – განაცხადა გალიანიმ.
ალექსანდრე მატევოსოვი
„მილანის“ ვიცე-პრეზიდენტმა ადრიანო გალიანიმ განაცხადა, რომ მისი გუნდის თავდამსხმელმა მარიო ბალოტელიმ მოედანზე თავისი ემოციები უნდა აკონტროლოს.
შეგახსენებთ, რომ ორი კვირის წინ, „ნაპოლისთან“ წაგებული შეხვედრის შემდეგ, მარიომ მსაჯთან კამათის შედეგად მეორე ყვითელი ბარათი მიიღო, რასაც სამმატჩიანი დისკვალიფკაციო მოჰყვა.
„ჩვენ ბალოტელისთან ამ თემაზე არაერთხელ გვისაუბრია. მარიო ასე არ უნდა იქცეოდეს, მან კონცენტრაცია მხოლოდ თამაშზე უნდა მოახდინოს. დროა, ბალოტელიმ თავის შეკავება ისწავლოს. თუმცა ხშირად მარიო უკმაყოფილო მას შემდეგ არის, რაც მსაჯები არც ისე სწორ გადაწყვეტილებებს იღებენ“, – განაცხადა გალიანიმ.
ცნობისთვის, მიმდინარე სეზონის შვიდ ოფიციალურ შეხვედრაში „როსონერის“ მაისურით სუპერმარიომ მეტოქეთა კარი ოთხჯერ აიღო.
