აიაქსი – გვერდი 4 – Fanebi.Com – ფეხბურთი, კალათბურთი, რაგბი, სხვა

მატეის დე ლიგტი ჰოლანდიის ნაკრების ისტორიაში შევიდა

Posted on მარტი 25, 2017მარტი 25, 2017 by იაკობ კაპანაძე

ამსტერდამის “აიაქსის” ახალგაზრდა ფეხბურთელმა, მატეის დე ლიგტმა 86-წლიანი რეკორდი დაამხო და ჰოლანდიური ფეხბურთის ისტორიაში შევიდა.

საქმე ისაა, რომ ჰოლანდიის ნაკრების მთავარმა მწვრთნელმა, დენი ბლინდმა ეს უკანასკნელი ბულგარეთის ნაკრებთან გამართული მატჩის სასტარტო შემადგენლობაში გაამწესა.

შედეგად, მატეის დე ლიგტი ყველაზე ახალგაზრდა ფეხბურთელი (17 წელი და 225 დღე) გახდა (1931 წლის შემდეგ), რომელმაც ნიდერლანდელ ფეხბურთელთა რჩეულ გუნდში ითამაშა.

ნაკრების ისტორიაში ყველაზე ახალგაზრდა ფეხბურთელის სტატუსი კი მაუკ ვებერს ეკუთვნის, რომელმაც “ნარინჯისფერთა” მაისური პირველად 1931 წელს მოირგო (17 წელი და 222 დღე).

17y 225d – Matthijs de Ligt becomes the youngest player to play for the Netherlands since 1931 (Mauk Weber, 17y 222d). Rookie.

— OptaJohan (@OptaJohan) March 25, 2017

“აიაქსის” ახალგაზრდა ფეხბურთელი მანჩესტერში ჩაფრინდა

Posted on დეკემბერი 16, 2016 by იაკობ კაპანაძე

ამსტერდამის “აიაქსის” ახალგაზრდა ფეხბურთელმა, დაიშოუნ რედანმა კიდევ ერთი ნაბიჯი გადადგა “მანჩესტერ იუნაიტედში” გადაბარგებისკენ.

Daily Mail-ის მიერ გავრცელებული უახლესი ინფორმაციის თანახმად, 15 წლის ფეხბურთელი უკვე მანჩესტერში იმყოფება, სადაც მან შეხვედრა უნდა გამართოს “წითელი ეშმაკების” წარმომადგენლებთან.

მიუხედავად ახალგაზრდული ასაკისა (თებერვლის თვეში გახდება 16 წლის), რედანმა უკვე დაიმკვიდრა ადგილი ჰოლანდიის 17-წლამდელთა ნაკრებსა და “აიაქსის” ახალგაზრდულ გუნდში, სადაც ის რვა წლის ასაკიდან ასპარეზობს.

ცენტრალური თავდამსხმელის, ან ვინგერის პოზიციაზე თამაშით რედანმა საკმაოდ დიდი რაოდენობის გოლების გატანა მოახერხა. სწორედ ამით მიიქცია მან პრემიერ ლიგელი გიგანტების ყურადღება.

De Telegraaf: “ბარსელონა” სილესენს უახლოვდება

Posted on აგვისტო 18, 2016 by იაკობ კაპანაძე

De Telegraaf-ის მიერ გავრცელებული ინფორმაციის თანახმად, კატალონიური “ბარსელონას” ხელმძღვანელები გუნდსი “აიაქსის” მეკარის, ჟასპერ სილესენის დამატებით არიან დაინტერესებულნი.

როგორც იცით, “ბარსელონას” ამჟამინდელი ძირითადი მეკარე, კლაუდიო ბრავოს ტრანსფერი “მანჩესტერ სიტიში” თითქმის დასრულებულია, კატალონიელებს კი მისი შემცვლელი ესაჭიროებათ.

ცნობილი გახდა ისიც, რომ კატალონიელები 27 წლის ჰოლანდიელი კარის დარაჯის სანაცვლოდ 10-12 მილიონი ევროს გადახდას აპირებენ.

“სილესენი” “აიაქსს” 2011 წელს შეუერთდა. მას შემდეგ, ჰოლანდიელმა ჰოლანდიურ გრანდში 100 მატჩზე მეტი ჩაატარა.

ოფიციალურად: “ნაპოლიმ” არკადიუშ მილიკი 32 მილიონის სანაცვლოდ გაიფორმა

Posted on აგვისტო 2, 2016 by იაკობ კაპანაძე

ნეაპოლელებმა ახლახან დაადასტურეს, რომ არკადიუშ მილიკი ამიერიდან “ნაპოლის” ღირსებას დაიცავს.

მას შემდეგ, რაც ნეაპოლელთა რიგები გონსალო იგუაინმა დატოვა, იტალიელები აქტიურად ცდილობდნენ მისი ჩამნაცვლებლის პოვნას. შედეგად, ლაურენტისმა პოლონელი შემტევი დაიმატა, რომლის სანაცვლოდაც კლუბმა 32 მილიონი ევრო გადაიხადა.

მილიკს გერმანიაშიც აქვს ნათამაშები, ის “ბაიერ ლევერკუზენისა” და “აუგსბურგის” ღირსებას იცავდა მანამ, სანამ “აიაქსს” შეუერთდებოდა (2014 წელს).

მილიკი, რომელმაც 32 გოლის გატანა მოახერხა ერედივიზიონის 52 მატჩში, “ნაპოლის” რიგით მესამე შენაძენი გახდა. აქამდე, იტალიელებმა ლორენცო ტონელი და ემანუელე ჯაკერინი გადაიბირეს.

2016/17 წლების სეზონის საუკეთესო ფორმები

Posted on ივლისი 16, 2016ივლისი 16, 2016 by იაკობ კაპანაძე

ევროპის წამყვანმა კლუბებმა უკვე წარმოადგინეს ის ფორმები, რომლებსსაც მათი ფეხბურთელები 2016/17 წლების სეზონის მიმდინარეობისას მოირგებენ. გთავაზობთ მათგან საუკეთესოებს:

“ინტერი”; 16/17 საშინაო ფორმა; Nike

“მილანი”; 16/17 საშინაო ფორმა; Adidas

“ბორუსია დორტმუნდი”; 16/17 საშინაო ფორმა; Puma

“პსჟ”; 16/17 საშინაო ფორმა; Nike

“რომა”; 16/17 საშინაო ფორმა; Nike

“ატლეტიკო მადრიდი”; 16/17 საშინაო ფორმა; Nike

“ბარსელონა”; 16/17 საშინაო ფორმა; Nike

“იუვენტუსი”; 16/17 საშინაო ფორმა; Adidas

“ბენფიკა”; 16/17 საშინაო ფორმა; Adidas

“ბარსელონა”; 16/17 გასვლითი ფორმა; Nike

“რეალ მადრიდი”; 16/17 საშინაო ფორმა; Adidas

“მონაკო”; 16/17 საშინაო ფორმა; Nike

“მარსელი”; 16/17 საშინაო ფორმა; Adidas

“ბაიერნ მიუნხენი”; 16/17 საშინაო ფორმა; Adidas

“აიაქსი”; 16/17 საშინაო ფორმა; Adidas

“რეალი”; 16/17 გასვლითი ფორმა; Adidas

“ლაციო”; 16/17 საშინაო ფორმა; Macron

ოფიციალურად: “მიდლსბრომ” “აიაქსიდან” ფიშერი დაიმატა

Posted on მაისი 27, 2016 by იაკობ კაპანაძე

ინგლისური “მიდლსბრო” ჰოლანდიურ “აიაქსს” დანიელი ვინგერის, ვიქტორ ფიშერის ტრანსფერის თაობაზე შეუთანხმდა. ინფორმაციას ამის შესახებ ბრიტანელთა ოფიციალური გვერდი ავრცელებს.

21 წლის ფეხბურთელი კარანკას გუნდს, რომელმაც პრემიერ ლიგაში ასპარეზობის უფლება მოიპოვა (2016-17 წლების სეზონში), 9 ივნისს შეუერთდება, როცა სატრანსფერო ფანჯარა გაიხსნება.

ფიშერმა “მიდლსბროსთან” 3-წლიან კონტრაქტს მოაწერა ხელი. მან ამსტერდამული კლუბი მას შემდეგ დატოვა, რაც 100-ზე მეტ მატჩში დაიცვა მათი ღირსება.

აქვე გეტყვით იმასაც, რომ ფიშერი კარანკას პირველი შენაძენია.

“ევერტონმა” ფრანკ დე ბურთან მოლაპარაკებები წამოიწყო

Posted on მაისი 14, 2016 by იაკობ კაპანაძე

ფრანკ დე ბური “ევერტონში” რობერტო მარტინესის ჩანაცვლების მთავარ კანდიდატად განიხილება. ამას ის ფაქტიც ადასტურებს, რომ “გუდისონ პარკის” ოფიციალურმა მხარემ უკვე წამოიწყო მოლაპარაკებები ჰოლანდიელ სპეციალისტთან.

Daily Mail-ის მიერ მოპოვებული ინფორმაციის თანახმად, “ევერტონის” შტაბის ერთ-ერთი წევრი პარასკევს “აიაქსის” ყოფილი თავკაცის აგენტს, გვიდო ალბერს შეხვდა.

აქვე გეტყვით იმასაც, რომ ალბერსი “საუთჰემპტონის” მთავარ მწვრთნელთან, რონალდ კუმანთანაც თანამშრომლობს, რომელიც მარტინესის ჩანაცვლების ერთ-ერთ კანდიდატურადაც განიხილება.

ამჟამინდელ სიტუაციასთან დაკავშირებით კომენტარი დე ბურის ტყუპისცალმა, რონალდმა გააკეთა:”ფრანკი სამწვრთნელო კარიერას დიდ მნიშვნელობას ანიჭებს. ის ნაბიჯ-ნაბიჯ ვითარდებოდა და ეხლა მზად არის შემდეგი სვლის გასაკეთებლად.”

ოფიციალურად: დე ბური “აიაქსს” სეზონის ბოლოს დატოვებს

Posted on მაისი 12, 2016 by იაკობ კაპანაძე

ამსტერდამის “აიაქსის” მიერ გავრცელებული ოფიციალური ცნობის თანახმად, ფრანკ დე ბური “ამსტერდამ არენასთან” არსებულ კონტრაქტს გაწყვეტს.

45 წლის სპეციალისტი ჰოლანდიურ კლუბს 5 წელიწად-ნახევრიანი თანამშრომლობის შემდეგ დატოვებს. ის კლუბში 2010 წლის დეკემბერში მოვიდა და მარტინ იოლი ჩაანაცვლა.

დე ბურმა ამსტერდამის “აიაქსს” ზედიზედ 4-ჯერ მოაგებინა ჰოლანდიის ერედივიზიონი, თუმცა ბოლო ორ სეზონში მისმა გუნდმა “პსვ-ს” სათანადო წინააღმდეგობა ვერ გაუწია.

აქვე შეგახსენებთ, რომ ამ საკითხთან დაკავშირებით კომენტარი ჰოლანდიელი სპეციალისტის აგენტმა, გვიდო ალბერსმაც გააკეთა, რომლის თქმითაც დე ბური დიდი სიამოვნებით გააგრძელებდა კარიერას “ევერტონში” ან “ვალენსიაში”.

აგენტი: “დე ბური სიამოვნებით შეუერთდება “ევერტონს” ან “ვალენსიას”

Posted on მაისი 8, 2016მაისი 8, 2016 by იაკობ კაპანაძე

“აიაქსის” ამჟამინდელი მთავარი მწვრთნელის აგენტის თქმით, თუ ფრენკ დე ბურს შესაძლებლობა მიეცემა, ის ამსტერდამული გუნდის “ევერტონში” ან “ვალენსიაში” გაცვლაზე სერიოზულად დაფიქრდება.

“ის დიდი სიამოვნებით შეუერთდებოდა ისეთ კლუბებს, როგორიც “ვალენსია” და “ევერტონია”. ყველაფერი მათ ფილოსოფიაზე და თამაშის სტილზეა დამოკიდებული. სწორედ ეს სჭირდება ფრენკს.

თუმცა, როგორც “აიაქსის” ხელმძღვანელობას ვუთხარი, ჯერჯერობით მოლაპარაკებებისთვის არავის არ მოუმართავს. ფრენკის თქმით ამჟამად ის მხოლოდ ჩემპიონობაზე ფიქრობს, არ მინდა მას პრობლემები შევუქმნა.”

TOP 10: საუკეთესო ფეხბურთელები, რომლებიც ამსტერდამის “აიაქსმა” აღზარდა

Posted on აპრილი 18, 2016აპრილი 18, 2016 by -

საფეხბურთო პორტალმა Euro Football Daily-მ დაასახელა ათი საუკეთესო ფეხბურთელი, რომლებიც ამსტერდამის “აიაქსმა” აღზარდა.

ელ გაზიმ „მილანში“ გადასვლა იუარა

Posted on იანვარი 28, 2016 by Alix

ამსტერდამის „აიაქსის“ თავდამსხმელმა ანვარ ელ-გაზიმ „მილანში“ გადასვლა იაურა.

„კარგია იმის გაგება, რომ შენით „მილანი“ ინტერესდება, თუმცა „აიაქსში“ ბედნიერი ვარ.

ახლა წასვლა საუკეთესო გადაწყვეტილება არ იქნება. ჩემ გარშემო მცოდნე ხალხია და მათთან ერთად ჩემი თამაშის გაუმჯობესებაზე ვმუშაობ.

ვნახოთ, მომავალში რა იქნება. რა თქმა უნდა, ახალ წინადადებებს გავეცნობი, მაგრამ ამ ეტაპზე ჰოლანდიის ჩემპიონატის დასატოვებლად მზად არ ვარ“, – ციტირებს ელ-გაზის Goal.com-ი.

იორდი კლასიმ ველოსიპედის გამოცვლა მოითხოვა

Posted on ივლისი 24, 2015 by ბექა დოგრაშვილი

“ფეინოორდიდან” “საუთჰემპტონში” გადაბარგებული იორდი კლასი კვლავაც აგრძელებს როტერდამული კლუბის ტრადიციის დაცვას.

ინგლისური კლუბი შეკრებაზე ჰოლანდიაში იმყოფება და ტრადიციის მიხედვით, ფეხბურთელები სავარჯიშო მოედნიდან სასტუმროში ველოსიპედებით ბრუნდებიან. განზრახ თუ შემთხვევით, კლასის ველოსიპედზე “ფეინოორდის” მთავარი მეტოქის, ამსტერდამის “აიაქსის” სიმბოლო იყო გამოსახული. მართალია, საკმაოდ პატარა ზომის სტიკერი იყო მიკრული, თუმცა იორდი კლასიმ ველოსიპედის გამოცვლა მაინც მოითხოვა.

შეგახსენებთ, რომ 24 წლის ჰოლანდიელი ნახევარმცველი “საუთჰემპტონში” 15 ივლისს, 8 მილიონი ფუნტ სტერლინგის სანაცვლოდ გადავიდა. მხარეებს შორის ხუთწლიანი კონტრაქტი გაფორმდა.