ჭდე: ბორუსია

“შალკეს” მასკოტმა მატჩის მთავარ არბიტრს წითელი ბარათი უჩვენა

Posted on by იაკობ კაპანაძე

გერმანული ბუნდესლიგის 30-ე ტურის ცენტრალურ მატჩს, “ფელტინს არენამ” უმასპინძლა, სადაც ადგილობრივ “შალკეს” დორტმუნდის “ბორუსია” დაუპირისპირდა.

პრინციპულ მეტოქეებს შორის გამართული საკმაოდ საინტერესო დაპირისპირება ფრედ, 1:1 დასრულდა.

თუმცა, გელზენკირხენული კლუბის გულშემატკივრები მიიჩნევენ, რომ ფრე უსამართლო შედეგი იყო და ფელიქს ცვაიერს წესების დაცვით რომ ემსაჯა, გამარჯვება სწორედ მათ გუნდს დარჩებოდა.

სწორედ ამიტომაც, მატჩის შემდეგ, გულშემატკივართა მიერ შეგულიანებული “შალკეს” მასკოტი მოედანზე გავიდა და მატჩის მთავარ არბიტრს წითელი ბარათი უჩვენა.

ოფიციალურად: მაჰმუდ დაუდი “გლადბახს” დატოვებს

Posted on by იაკობ კაპანაძე

მაჰმუდ დაუდმა დორტმუნდის “ბორუსიას” ხელმძღვანელობასთან შეთანხმებას მიაღწია. შედეგად, სეზონის დასრულებისთანავე, ის “სიგნალ იდუნა პარკზე” უნდა გადაბარგდეს.

როგორც ცნობილი ხდება, გერმანელმა ფეხბურთელმა “ბორუსიასთან” უკვე გააფორმა კონტრაქტი, რომელიც მათ ერთმანეთთან 2022 წლის ივნისამდე დააკავშირებს.

“მო დაუდი წარმოუდგენელი ნიჭითა და შესაძლებლობებით დაჯილდოვებული ფეხბურთელია.

მას ძალიან კარგად შეუძლია ნახევარდაცვაში თამაში. დაუდს რამდენიმე წლის მანძილზე ვაკვირდებოდით და მასში დარწმუნებულები ვართ,” – აცხადებს დორტმუნდელთა სპორტული დირექტორი, მაიკლ ცორკი.

ჯერჯერობით უცნობია, თუ რამდენი გადაიხადეს “ყვითლებმა” დაუდში, თუმცა, გერმანული პრესის ცნობით, ტრანსფერის ფასი დაახლოებით 10 მილიონს შეადგენს.

გროსკროიცი დორტმუნდის “ბორუსიას” მეორე გუნდთან ვარჯიშის უფლებას ითხოვს

Posted on by იაკობ კაპანაძე

გერმანიის ეროვნული ნაკრების ნახევარმცველი, კევინ გროსკროიცი, რომელიც რამდენიმე კვირის წინ გერმანიის რიგით მეორე დივიზიონში მოთამაშე “შტუტგარტის” ღირსებას იცავდა, ახლა უკლუბოდ არის.

როგორც გერმანული ტაბლოიდი, Bild გვატყობინებს, გერმანელი ფეხბურთელი დორტმუნდის “ბორუსიას” მეორე გუნდთან ერთად ვარჯიშის სურვილს გამოთქვამს.

მსოფლიო ჩემპიონი, რომელიც “შტუტგარტიდან” უდისციპლინობის გამო გააძევეს, უახლოეს დღეებში შეხვდება დორტმუნდელთა უფროსებს და ყველაფერი სწორედ მაშინ გადაწყდება.

შეგახსენებთ, რომ გროსკროიცი “ბორუსიაში” 2009-2015 წლებშიც თამაშობდა, სანამ “შტუტგარტში” გადავიდოდა.

ლოთარ მათეუსი: “შესაძლოა, მარიო გიოტცე ჩინეთში აღმოჩნდეს”

Posted on by იაკობ კაპანაძე

გერმანული ფეხბურთის ლეგენდამ, ლოთარ მათეუსმა მარიო გიოტცეზე ისაუბრა, რომლის მიერ 2014 წლის მუნდიალის ფინალში გატანილმა გოლმა გერმანიის ნაკრებს უდიდესი წარმატება მოუტანა.

“მჯერა, რომ თუ გიოტცეს აქ არაფერი გამოუვა, ის კარიერას ჩინეთში გააგრძელებს. რა თქმა უნდა, ფულის შოვნა მის გეგმებშიც შედის.

ის არ წავა “შალკეში”, არ წავა “ლევერკუზენში”, “გლადბახი” კი მას ვერ გასწვდება. რაც შეეხება უცხოურ გრანდებს, მათ უკვე აღარ აინტერესებთ გიოტცე.

თუ “დორტმუნდში” ყველაფერი ისე არ აეწყობა, როგორც მას უნდა, ჩინეთისკენ მოუწევს გეზის აღება, რაც 24 წლის ფეხბურთელისთვის ნამდვილად რთული გამოცდა იქნება,” – აცხადებს მათეუსი.

ტომას ტუჰელი: “წაგება დავიმსახურეთ”

Posted on by იაკობ კაპანაძე

გერმანული ბუნდესლიგის ბოლოადგილოსან “დარმშტადტთან” განცდილი მარცხის შემდეგ დორტმუნდის “ბორუსიას” თავკაცმა, ტომას ტუჰელმა პრესასთან ისაუბრა.

“მათ ეს გამარჯვება დაიმსახურეს, ჩვენ კი წაგება. თუ ასეთ დონეზე გავაგრძელებთ თამაშს, წაგებას უფრო და უფრო მივეჩვევით.

ყველაფერი მარტივადაა: იგებს ის, ვინც საკუთარ პოტენციალს მაქსიმალურად იყენებს. დღეს ჩვენ წაგება დავიმსახურეთ.

დღევანდელი მატჩის მიმდინარეობისას, ერთხელაც არ მიგრძვნია, რომ ჩვენ თამაშს ვთამაშობდით,” – აცხადებს ტუჰელი, რომლის გუნდიც 34 ქულით მეოთხე პოზიციაზე იმყოფება.

ლევანდოვსკი ობამეიანგს “ბორუსიაში” დარჩენისაკენ მოუწოდებს

Posted on by იაკობ კაპანაძე

მიუნხენის “ბაიერნის” ფორვარდმა, რობერტ ლევანდოვსკიმ მისი ყოფილი კლუბის, დორტმუნდის “ბორუსიას” ამჟამინდელ ლიდერზე, პიერ-ემერიკ ობამეიანგზე ისაუბრა.

“რამდენადაც მე ვიცი, ობამეიანგი დორტმუნდში თავს ბედნიერად გრძნობს,” – განაცხადა პოლონელმა ფორვარდმა Bild-თან საუბრისას.

“ნამდვილად არ ვიცი რას აპირებს ის და როგორ გადაწყვეტილებას მიიღებს კლუბის ხელმძღვანელობა, მისი შენარჩუნებისთვის იბრძოლებენ, თუ დიდი ფულის გაკეთებას დააპირებენ…

მაგრამ, რა თქმა უნდა, ჩვენთვის და საერთოდ ბუნდესლიგისთვის, უკეთესი იქნება, თუ ის იქ დარჩება, სადაც ახლა არის.”

კარიკატურა: როგორ ფორმაში წარსდგა ობამეიანგი აფრიკის საუკეთესო ფეხბურთელის დაჯილდოვების ცერემონიაზე? (ფოტო)

Posted on by კახა ყიფიანი

6 იანვარს აფრიკის საუკეთესო ფეხბურთელის დაჯილდოვების ცერემონია გაიმართა. საბოლოოდ, აღნიშნული პრიზი რიად მაჰრეზს ხვდა წილად, რომელმაც პრემიერ ლიგის მოგება გასულ სეზონში “ლესტერ სიტისთან:” ერთად მოახერხა.

საგულისხმოა, რომ მეორე ადგილზე გაბონელი ფეხბურთელი, პიერ-ემერიკ ობამეიანგი გავიდა, რომელიც ძალიან უცნაურად ჩაცმული მივიდა დაჯილდოვებაზე. ეს ყველაფერი მაშინ, როცა სხვები ოფიციალურად იყვნენ გამოწყობილნი. ობამეიანგმა მიზეზად ის დაასახელა, რომ ბარგი დაეკარგა და, საბოლოოდ, ასე ჩაცმა მოუწია.

ომარ მომანიმ დაჯილდოვების ცერემონია ასე დაინახა

 

ჩინელებმა ობამეიანგს რეკორდული ხელფასი შესთავაზეს

Posted on by კახა ყიფიანი

ჩინელები ამ სატრანსფერო ფანჯარაზე არ ჩერდებიან და ცდილობენ, ევროპიდან, რაც შეიძლება, მეტი ვარსკვლავი წაიყვანონ.

Gazzetta dello Sport-ი იტყობინება, რომ ჩინური გუნდის, “შანხაის” ერთ-ერთი მთავარი სამიზნე დორტმუნდის “ბორუსიას” ლიდერი, პიერ-მერიკ ობამეიანგია. აზიელები გაბონელში 150 მილიონ ევროს ჩამოდიან. ხოლო, ბუნდესლიგაში მოასპარეზე სპორტსმენს ხელფასის სახით კვირაში 800 000 ვეროს ჰპირდებიან.

ჯერჯერობით, უცნობია, რა აზრისაა ამ შემოთავაზებაზე თავად ობამეიანგი.

შეგახსენებთ, რომ გაბონელი გერმანიის ჩემპიონატის ბომბარდირთა დავას 16 გოლით ლიდერობს. მან ეს ყველაფერი 15 შეხვედრაში მოახერხა.

მათეუსი: “ობამეიანგი პოგბაზე მეტი, გაცილებით მეტი ღირს”

Posted on by იაკობ კაპანაძე

ლოთარ მათეუსი თვლის, რომ პიერ-ემერიკ ობამეიანგი, რომელმაც ბუნდესლიგის გასულ სეზონში 25 გოლი გაიტანა, უფრო მეტი ღირს, ვიდრე “ოლდ ტრაფორდელთა” ფრანგი ნახევარმცველი, პოლ პოგბა.

“თუ ისეთი ფეხბურთელი, როგორიც პოგბაა 105 მილიონ ევროდ ფასობს, მაშინ “დორტმუნდმა” ობამეიანგის სანაცვლოდ მეტი, 150 მილიონი უნდა მოითხოვოს.

ობამეიანგი ისეთი ტიპის ფეხბურთელია, რომელსაც მატჩის ბედის გადაწყვეტა შეუძლია. პოგბას კი ეს არ შეუძლია.

ობამეიანგი ბოლო დროს ძალიან განვითარდა. იმედი მაქვს, რომ მას ბუნდესლიგაში კიდევ დიდი ხნის მანძილზე ვიხილავთ.” – განაცხადა მათეუსმა.

კარიკატურა: ბენზემას გოლებმა “რეალს” ვერ მოაგებინა (ფოტო)

Posted on by კახა ყიფიანი

გუშინ ჩემპიონთა ლიგის ჯგუფური ეტაპის მეექვსე ტურის შეხვედრაში მადრიდის “რეალმა” დორტმუნდის “ბორუსია” მიიღო. თავდაპირველად, “ბლანკოსის” რიგებში ბენზემამ შეასრულა დუბლი და მისი გუნდი ორბურთიანი უპირატესობთ გაიყვანა წინ. თუმცა, ობამეიანგის და როისის გოლებით გერმანელებმა ქულის მოპოვება შეძლეს.

ომარ მომანიმ ეს სიტუაცია ასე აღიქვა

 

ობამეიანგის დედა: “ჩემი შვილი ბაბუას დაჰპირდა, რომ “რეალში” ითამაშებდა”

Posted on by კახა ყიფიანი

გაბონელ ფეხბურთელს, პიერ-ემერიკ ობამეიანგს წარსულში არაერთხელ გამოუთქვამს მადრიდის “რეალში” თამაშის სურვილი. მას “ბარსელონასაც” აკავშირებდნენ.

დორტმუნდის “ბორუსიას” ერთ-ერთი ლიდერის დედამ, მარგარიტა კრესპომ განაცხადა, რომ მისი შვილი ბავშვობაში ოჯახში მუდამ “რეალზე” საუბრობდა.

“ის მის ბაბუას დაჰპირდა, რომ მომავალში აუცილებლად ითამაშებდა მადრიდის “რელში”. სახლში ყოფნისას ის მუდამ ამ გუნდზე საუბრობდა, “ბარსელონაზე” – არასდროს.”

“ჩემი ოჯახის წევრები მუდამ “რეალს” გულშემატკივრობდნენ. მინდა, რომ ერთ დღეს პიერ-ემერიკი ესპანურ გრანდში ვიხილო.“

“დღეს კი ჩემი შვილი დორტმუნდის “ბორუსიას” ღირსებას იცავს. იგი ბევრს შრომობს და გუნდისთვის სარგებელი მოაქვს. ეს აწმყოა. საინტერესოა, რა იქნება მომავალში,” განაცხადა მარგარიტა კრესპომ.

 

ტუჰელი: “სიურეალისტური იყო, ასეთი რამ აქამდე არასდროს მინახავს”

Posted on by იაკობ კაპანაძე

დორტმუნდის “ბორუსიას” თავკაცმა, ტომას ტუჰელმა გერმანულ გრანდსა და პოლონურ “ლეგიას” შორის ჩემპიონთა ლიგაზე გათამაშებული მატჩი “სიურეალისტურად” შერაცხა, რის საშუალებასაც მეტწილად დაფიქსირებული ანგარიში (8-4) აძლევს.

“სიურეალიზმის ჟანრიდან იყო. ასეთი რამ აქამდე არასდროს მინახავს, ასე რომ რთულია ამ მატჩიდან რაიმე დასკვნა გამოიტანო. დაცვაში ძალიან ბევრი შეცდომა დავუშვით, რაც აღარ უნდა განვიმეოროთ.

მართალია, საბოლოო ჯამში გავიმარჯვეთ, მაგრამ შეცდომებს ყურადღება უნდა მივაქციოთ. ვწუხვარ რომან ვაიდენფელერის გამო, ჩვენმა შეცდომებმა, მასზე განსაკუთრებით ცუდად იმოქმედა.

რაც შეეხება მარკოს, ის ფანტასტიკური იყო. მის დაბრუნებას კარგა ხანი ველოდებოდით, ასე რომ ეს ჩვენც დავიმსახურეთ.” – განაცხადა ტუჰელმა, რომლის გუნდმაც უკვე მოიპოვა მომდევნო ეტაპის საგზური.