ინგლისის პრემიერლიგის 31-ე ტურის ცენტრალური მატჩი „ჩელსისა“ და „არსენალს“ შორის დღეს გაიმართება. შეხვედრა ჩვენი დროით 16:45 საათზე დაიწყება. გუნდების სასტარტო შემადგენლობები უკვე ცნობილია.
„ჩელსი“: ჩეხი, კეჰილი, ტერი, ივანოვიჩი, ასპილიკუეტა, დავიდ ლუისი, მატიჩი, ოსკარი, შიურლე, აზარი, ეტოო.
„არსენალი“: შჩესნი, სანია, მერტეზაკერი, კოსელნი, გიბსი, არტეტა, როსიცკი, კაზორლა, ოქსლეიდ-ჩემბერლენი, პოდოლსკი, ჟირუ.
შვეიცარიის ქალაქ ნიონში მდებარე უეფას შტაბ-ბინაში დასრულდა ჩემპიონთა ლიგის მეოთხედფინალური ეტაპის წილისყრა. მატჩები 1-2 და 8-9 აპრილს შედგება.
გუნდები შემდეგნაირად დაწყვილდნენ.
 |
„ბარსელონა“ — „ატლეტიკო“ |  |
 |
„რეალი“ — „ბორუსია“ |  |
 |
„პარი სენ-ჟერმენი“ — „ჩელსი“ |  |
 |
„მანჩესტერ იუნაიტედი“ — „ბაიერნი“ |  |
უეფას ჩემპიონთა ლიგის მერვედფინალურ ეტაპზე ლონდონის „ჩელსისა“ და სტამბულის „გალათასარაის“ შორის განმეორებითი მატჩი შედგა. „სტემფორდ ბრიჯზე“ გამართული შეხვედრა მასპინძელთა გამარჯვებით, ანგარიშით 2:0 დასრულდა.
ლონდონელებმა გოლები პირველი ტაიმის დასაწყისში და დასასრულში გაიტანეს. ანგარიში მე-4 წუთზე სამუელ ეტოომ გახსნა. 42-ე წუთზე გარი კეჰილმა „პენსიონერთა“ უპირატესობა განამტკიცა — 2:0.
ამრიგად, „ჩელსიმ“ „გალათასარაი“ ორი მატჩის ჯამში ანგარიშით 3:1 დაამარცხა და ტურნირის მეოთხედფინალურ ეტაპზე ტამასის უფლება მოიპოვა.
უეფას ჩემპიონთა ლიგა
მერვედფინალი (მეორე მატჩი)
„ჩელსი“ — „გალათასარაი“ 2:0 (2:0)
„ჩელსი“: ჩეხი, ტერი, კეჰილი, ივანოვიჩი, ასპილიკუეტა, ლამპარდი, ვილიანი (კალასი 90+2′), რამირესი, აზარი, ოსკარი (შიურლე 81′), ეტოო (ტორესი 85′).
მთავარი მწვრთნელი: ჟოზე მოურინიო.
„გალათასარაი“: მუსლერა, ებუე (ჰაიროვიჩი 77′), შეჯუ, კაია, ალექს ტელესი, სნეიდერი, ფელიპე მელო, ინანი, კურტულუში (ბალთა 64′), დროგბა, ილმაზი (ბულუთი 54′).
მთავარი მწვრთნელი: რობერტო მანჩინი.
გოლები: ეტოო 4′, კეჰილი 42′.
გაფრთხილებები: ოსკარი 40′, ივანოვიჩი 58′ — ფელიპე მელო 19′, დროგბა 67′, ინანი 90+1′.
მთავარი მსაჯი: ფელიქს ბრიხი (გერმანია).
ბექა დოგრაშვილი
დღეს ჩემპიონთა ლიგის მერვედფინალურ ეტაპზე ლონდონის „ჩელსისა“ და „გალათასარაის“ შორის განმეორებითი შეხვედრა გაიმართება. როგორც მოგხსენებათ, პირველი მატჩი ფრედ, ანგარიშით 1:1 დასრულდა, რაც უპირატესობას „პენსიონერებს“ აძლევთ.
„გალათასარაის“ თავდამსხმელ დიდიე დროგბას „სტემფორდ ბრიჯზე“ უკვე სტუმრის რანგში მოუწევს თამაში. კოტ დივუარელი ფეხბურთელი ამბობს, რომ მას „ჩელსისთვის“ დასამტკიცებელი არაფერი აქვს.
„ჩელსისთვის“ დასამტკიცებელი არაფერი მაქვს. აქ ჩამოვედი, როგორც ჩემი გუნდის მოთამაშე. მინდა, რომ მომდევნო ეტაპზე გავიდეთ. „ჩელსისთან“ რაიმე პირადი დაპირისპირება არ მაქვს“, – ციტირებს დროგბას სიტყვებს უეფას ოფიციალური ვებ-გვერდი.
ცნობისთვის, მატჩი „ჩელსისა“ და „გალათასარაის“ შორის დღეს, ჩვენი დროით 23:45 საათზე დაიწყება და მას გერმანელი არბიტრი ფელიქს ბრიხი მოემსახურება.
ბექა დოგრაშვილი
ლონდონის „ჩელსი“ მზად არის, ტიბო კურტუა, რომელიც იჯარის წესით მადრიდის „ატლეტიკოში“ თამაშობს, გაყიდოს. ინფორმაციას ამის შესახებ ესპანური გამოცემა „ასი“ ავრცელებს.
„პენსიონერები“ 21 წლის ბელგიელი კიპერის სანაცვლოდ 30 მილიონ ევროს ითხოვენ. თუ რომელიმე კლუბი ამ თანხას გაიღებს, არ არის გამორიცხული, ტრანსფერი დამდეგ ზაფხულს განხორციელდეს.
როგორც ცნობილია, „ჩელსის“ მთავარი მწვრთნელი ჟოზე მოურინიო პეტრ ჩეხს ენდობა და კურტუას ძირითად მეკარედ გამოცხადებას არ აპირებს.
ესპანეთის ჩემპიონატის მიმდინარე გათამაშებაში ბელგიელმა კიპერმა 19 გოლი გაუშვა, 13 შეხვედრაში კი კარი მშრალად შეინახა.
ბექა დოგრაშვილი
ინგლისის პრემიერლიგის 29-ე ტურში ლონდონის „ჩელსიმ“ თანაქალაქელი „ტოტენჰემ ჰოთსპური“ ანგარიშით 4:0 გაანადგურა და სატურნირო ცხრილში კიდევ უფრო დაწინაურდა, თუმცა „პენსიონერთა“ მთავარი მწვრთნელი ჟოზე მოურინიო ჯიუტად აცხადებს, რომ მისი გუნდი საჩემპიონო პერსპექტივებს არ განიხილავს.
„ტოტენჰემს“ 13 ქულით გავუსწარით. ამ სხვაობის აღმოფხვრა დარჩენილ 9 ტურში თითქმის შეუძლებელია. აქედან გამომდინარე, მიმდინარე სეზონში ჩვენი ძირითადი მიზანი მიღწეულია. ჩვენი მომდევნო მიზანი საუკეთესო სამეულში მოხვედრა იქნება, რაც ჩემპიონთა ლიგის ჯგუფურ ეტაპზე პირდაპირ მოხვედრის უფლებას მოგვანიჭებს. თუ ჩვენსა და მეოთხეადგილოსან გუნდს შორის სხვაობა დიდი იქნება, მაშინ თავს უფლებას მივცემთ, უფრო მნიშვნელოვან წარმატებაზეც ვიფიქროთ. თუ „მანჩესტერ სიტი“ რეზერვში არსებულ სამივე მატჩს მოიგებს, მაშინ „ქალაქელები“ გალიდერდებიან“, – მოურინიოს სიტყვები „სქაი სპორტსმა“ გამოაქვეყნა.
ბექა დოგრაშვილი
ერთი კვირის წინათ ჟოზე მოურინიოთი დაწყებული გულშემატკივრებით დამთავრებული ყველა სამუელ ეტოოზე ხუმრობდა, გუშინ კი — ლონდონის „ჩელსის“ კამერუნელმა თავდამსხმელმა მათ ხუმრობითვე უპასუხა.
რამდენიმე დღის წინათ „კანალ პლუსმა“ მოურინიოს პირადი საუბრის ჩანაწერი გამოაქვეყნა. პორტუგალიელი სპეციალისტმა მაშინ ეტოოზე ასეთი რამ თქვა:
„ჩელსის“ პრობლემა იმაში მდგომარეობს, რომ ჩვენ გოლის გამტანი არ გვყავს. მხოლოდ სამუელ ეტოოა, რომელიც 32… ან ვინ იცის, იქნებ 35 წლისაც კია“.
მოგვიანებით მოურინიომ განაცხადა, რომ ეს მხოლოდ ხუმრობა იყო, თუმცა ცეცხლზე ნავთი ეტოოს ყოფილმა მეუღლემ დაასხა, რომელმაც აღნიშნა, კამერუნელი ფეხბურთელი არც 32 და არც 35 წლის არ არის, ის 39 წლისააო.
სამუელ ეტოოზე ხუმრობა არც ბრიტანულმა „სანმა“ არ ითაკილა და კომპიუტერული პროგრამის დახმარებით ასეთი ფოტოსურათი შექმნა.
„ჩელსისა“ და „ტოტენჰემს“ შორის გამართულ მატჩში (4:0) ეტოომ გაიტანა და ხუმრობას ხუმრობითვე უპასუხა — გოლის აღნიშვნისას მოხუცი განასახიერა.
ბექა დოგრაშვილი
ლონდონის „ჩელსის“ მთავარმა მწვრთნელმა ჟოზე მოურინიომ „მილანის“ ფორვარდ მარიო ბალოტელისადმი ინტერესზე ისაუბრა.
„ბალოტელი დიდ გუნდში თამაშობს, თუმცა ფეხბურთში არასდროს იცი, რა მოხდება მომავალში.
მესმის, რომ „მილანს“ საუკეთესო ფეხბურთელების შენარჩუნება სურს, მით უფრო იტალიელი მოთამაშეების, თუმცა მარიო კარგად იცნობს ინგლისურ ფეხბურთს, ის აქ თამაშობდა.
არ ვაპირებ, რომ „მილანის“ ან იტალიის ნაკრების თავკაცი გავხდე, თუმცა ბალოტელი შესანიშნავი ფეხბურთელია, რომელთან ერთადაც კიდევ ვიმუშავებდი“, – მოურინიოს სიტყვებს „სქაი სპორტსი“ აქვეყნებს.
შეგახსენბეთ, რომ პორტუგალიელი სპეციალისტი ბალოტელის მილანის „ინტერში“ თავკაცობდა.
ბექა დოგრაშვილი
ლონდონის „ჩელსიმ“ ანიმაციურ სერიალ „სიმპსონებთან“ თანამშრომლობა დაიწყო. კლუბის ხუთი ფეხბურთელი „სიმპსონების“ გმირიც გახდა: პეტრ ჩეხი, ედენ აზარი, ფრენ ლამპარდი, ჯონ ტერი და ფერნანდო ტორესი.
„კარგია საკუთარი თავის და სხვა ფეხბურთელების ხილვა სიმპსონების რიგებში. „სიმპსონები“ ყოველთვის იყო და რჩება ჩემს საყვარელ შოუდ. ახლა ამ სერიალს ჩემი შვილებიც შეიყვარებენ. მოუთმენლად ველი იმ მომენტს, როდესაც ბარტსა და ჰომერს („სიმპსონების“ მთავარი გმირები) „ჩელსის“ ფეხბურთელებად ვიხილავ“, – განაცხადა ტერიმ.
აღსანიშნავია, რომ „სიმპსონები“ ტელევიზიის ისტორიაში დღემდე ყველაზე ხანგრძლივ მულტსერიალად რჩება. სერიალი 26 სეზონს ითვლის. ჟურნალ Time Magazine-ის ვერსიით, „სიმპსონები“ XX საუკუნის საუკეთესო შოუდ დასახელდა.
ბექა დოგრაშვილი
უეფას ჩემპიონთა ლიგის მერვედფინალურ ეტაპზე სტამბულის „გალათასარაისა“
და ლონდონის „ჩელსის“ შორის გამართული პირველი შეხვედრა ფრედ, ანგარიშით 1:1 დასრულდა. ანგარიში სტუმრებმა მე-9 წუთზე გახსნეს, როცა სესარ აპილიკუეტას გადაცემა ფერნანდო ტორესმა შეირგო და ახლო მანძილიდან დარტყმით შეარხია თურქთა კარის ბადე. მასპინძლებმა ანგარიშის გათანაბრება 65-ე წუთზე მოახერხეს — უესლი სნეიდერის მიერ კუთხურის მოწოდების შემდეგ ჯონ ტერის ორელენ შეჯუ გაექცა და ბურთს ლონდონელთა კარში მიუჩინა ადგილი.
გუნდებს შორის განმეორებითი მატჩი „სტემფორდ ბრიჯზე“, 18 მარტს გაიმართება.
უეფას ჩემპიონთა ლიგა
მერვედფინალი (პირველი მატჩი)
„გალათასარაი“ — „ჩელსი“ 1:1 (0:1)
„გალათასარაი“: მუსლერა, ებუე, ბალთა (კაია 46′), შეჯუ, ალექს ტელესი, სნეიდერი, ფელიპე მელო, ინანი, ჰაიროვიჩი (კურტულუში 31′), დროგბა (ბულუთი 80′), ილმაზი.
მთავარი მწვრთნელი: რობერტო მანჩინი.
„ჩელსი“: ჩეხი, ტერი, კეჰილი, ივანოვიჩი, ასპილიკუეტა, ლამპარდი, ვილიანი, რამირესი, აზარი (ოსკარი 90+2′), ტორესი (ეტოო 68′), შიურლე (ობი მიკელი 66′).
მთავარი მწვრთნელი: ჟოზე მოურინიო.
გოლები: შეჯუ 65′ — ტორესი 9′.
გაფრთხილებები: ინანი 57′ — ტერი 42′, შიურლე 57′, რამირესი 58′, ჩეხი 61′.
მთავარი მსაჯი: კარლოს ველასკო კარბალიო (ესპანეთი).
ბექა დოგრაშვილი
ლონდონის „ჩელსის“ მთავარმა მწვრთნელმა ჟოზე მოურინიომ მის მიერ სამუელ ეტოოს მიმართ გაკეთებული კომენტარის შესახებ ისაუბრა.
„ჟურნალისტი, რომელმაც ეს სიტყვები გამოაქვეყნა, თავს უხერხულად უნდა გრძნობდეს, რადგან ეს არაეთიკური საქციელია.
პირადი საუბრის ჩაწერა და მისი საჯარო სივრცეში გამოქვეყნება ეს თქვენი პროფესიის ეთიკას ეწინააღმდეგება. ეთიკური თვალსაზრისით, ეს ნამდვილი სირცხვილია.
ამ ჟურნალისტმა თავისი საშინელი თვისებები წარმოაჩინა და ისიც გაირკვა, რომ ჟურნალისტის პროფესიის შესახებ არაფერი არ იცის. ეს კომენტარი არც სერიოზული საუბრის დროს და არც ოფიციალურ ინტერვიუში არ გამიკეთებია.
ეს იყო ხუმრობით წარმართული დიალოგი ჩემსა და იმ ადამიანს შორის, რომელიც საფეხბურთო სამყაროს არ ეკუთვნის. საუბრისას ვიცინით კიდეც. ჩვენი დიალოგი ვიღაცამ ისე ჩაწერა, რომ ამის შესახებ არაფერი არ ვიცოდით, ეს ნამდვილი სირცხვილია.
პირველ რიგში, ვიტყვი იმას, რომ საჯაროდ ასე არ ვხუმრობ. მეორე რიგში, თუ მსოფლიოში არსებობენ მწვრთნელები, რომლებიც საკუთარ ფეხბურთელებს იცავენ, ერთ-ერთი მათგანი მეც გახლავართ. და მესამე, სამუელ ეტოო არის სამუელ ეტოო. ის ჩემპიონთა ლიგის ოთხგზის გამარჯვებულია. ხალხს ჰგონია, რომ მან ეს ტიტული სამჯერ მოიგო, მაგრამ ასე არ არის: ეს თასი მან ერთხელ „რეალში“, ორჯერ „ბარსელონაში“ და ერთხელ „ინტერში“ დაისაკუთრა.
ის იმ გუნდის ღირსებას იცავდა, რომელთან ერთადაც ჩემი კარიერის საუკეთესო წლები გავატარე. ეტოო იმ მცირეოდენ ფეხბურთელთა შორისაა, ვისთან ერთადაც მეორე გუნდში ვმუშაობ.
მწვრთნელი იმ ფეხბურთელთან ერთად არ იმუშავებდა, რომელიც არ მოსწონს არც როგორც პროფესიონალი და არც როგორც ადამიანი“, – განაცხადა მოურინიომ დღევანდელ პრესკონფერენციაზე.
ბექა დოგრაშვილი
„გალათასარაის“ მთავარმა მწვრთნელმა რობერტო მანჩინიმ, რომელიც რამდენიმე წლის წინათ მილანის „ინტერს“ თავკაცობდა, განაცხადა, რომ ჟოზე მოურინიომ 2010 წელს ჩემპიონთა ლიგა სწორედ მისი აშენებული გუნდით მოიგო.
„მოურინიომ ჩემპიონთა ლიგა იმიტომ მოიგო, რომ მას კარგი გუნდი ჰყავდა. მან ჩემი აშენებული გუნდი ჩაიბარა. გუნდი ფსიქოლოგიურად მე მოვაძლიერე. „მანჩესტერ სიტიც“ მე ავაშენე.
როდესაც „ინტერში“ მივედი, გუნდი ძალიან ცუდ ფეხბურთს თამაშობდა, მე ეს შევცვალე.
„გალათასარაის“ „ჩელსის“ წინააღმდეგ მცირე შანსი აქვს, შინაურ კედლებშიც კი. ლონდონური გუნდი ევროპის მასშტაბით ერთ-ერთი საუკეთესო კლუბია.
„ჩელსის“ წინააღმდეგ მატჩი ჩვენთვის ძალიან მნიშვნელოვანია. უნდა გავიდეთ მოედანზე და ჩვენი საქმე გავაკეთოთ“, – მანჩინის სიტყვები Evening Standard-მა გამოაქვეყნა.
ჩემპიონთა ლიგის მერვეფინალურ ეტაპზე „გალათასარაისა“ და „ჩელსის“ შორის მატჩი ოთხშაბათს, ჩვენი დროით 23:45 საათზე დაიწყება და მას ესპანელი არბიტრი კარლოს ველასკო კარბალიო განსჯის.
ბექა დოგრაშვილი
