“რომაელთა” ერთ-ერთმა ლიდერმა, დანიელე დე როსიმ “ჩელსისთან” გამართულ მატჩზე ისაუბრა (3-0). მისი თქმით, ეს საღამო დიდი ხნის მანძილზე ემახსოვრებათ იტალიელ გულშემატკივრებს.
“რომში ხშირი არაა ასეთი საღამოები. ჩემპიონთა ლიგაზე მოპოვებული გამარჯვებებით განებივრებულები არ ვართ. ფანებს ჯერ კიდევ ახსოვთ “ჩელსისთან” მოგებული წინა მატჩი და ისიც, თუ ვინ გაიტანა გოლები. მათ ასევე დაამახსოვრდებათ ჩვენი სახელებიც.
ჩვენი წარმატების ძალიან ცოტას სჯეროდა. დღეს ჯგუფის სათავეში ვიმყოფებით, თუმცა, საუბედუროდ, ჯერ არაფერი დასრულებულა. წინ ორი ძალიან რთული მატჩი გველის.
მწვრთნელმა შეტევითი ხედვები შეგვაცვლევინა, რასაც ყველა ამჩნევს. ახლა გაცილებით უფრო აგრესიულები ვართ ისევე როგორც შეტევაში, ასევე დაცვაშიც. წინ მივიწევთ, ნაბიჯ-ნაბიჯ,” -აცხადებს დე როსი.
