“მანჩესტერ იუნაიტედის” მთავარი მწვრთნელი ლუი ვან გაალი დავიდ დე ხეას მადრიდის “რეალში” შესაძლო გადასვლას არ გამორიცხავს.
“ფეხბურთში ყველაფერი ხდება, თუმცა ჩვენ დავიდის შენარჩუნება გვსურს”, – აღნიშნა ვან გაალმა.
გავრცელებული ინფორმაციის თანახმად, მადრიდის “რეალი” მზად არის, 24 წლის ესპანელი მეკარის სანაცვლოდ 50 მილიონი ფუნტ სტერლინგი გაიღოს.
“სპორტ მედიასეტის” ცნობით, “მანჩესტერ იუნაიტედის” კიპერმა დავიდ დე ხეამ კლუბთან კონტრაქტი გაახანგრძლივა. ახალი შრომითი ხელშეკრულება 2020 წლამდე იქნება ძალაში.
მანამდე გავრცელებული ინფორმაციით, დე ხეას მიმართ ინტერესს მადრიდის “რეალის” იჩენდა, რომელიც მზად იყო, 24 წლის მეკარის სანაცვლოდ 50 მილიონი ფუნტ სტერლინგი გაეღო.
შეგახსენებთ, რომ ესპანელი კიპერი “ოლდ ტრაფორდზე” 2011 წელს მადრიდის “ატლეტიკოდან” გადავიდა. მაშინ ინგლისურმა კლუბმა დე ხეას სანაცვლოდ 17,8 მილიონი ფუნტ სტერლინგი გაიღო.
მადრიდის “რეალის” ხელმძღვანელობა “მანჩესტერ იუნაიტედიდან” დავიდ დე ხეას გადმობირების იმედს არ კარგავს. გავრცელებული ინფორმაციის თანახმად, ინგლისელები მზად არიან, ესპანელ მეკარეს შეელიონ, თუმცა გარიგებაში მადრიდელებმა მათი ერთ-ერთი ლიდერი გარეტ ბეილიც უნდა ჩართონ. კერძოდ, “წითელი ეშმაკები” “რეალს” ბეილის სანაცვლოდ დე ხეას და 50 მილიონ ფუნტს სთავაზობენ.
რთული სათქმელია, რა გადაწყვეტილებას მიიღებენ მადრიდში.
ესპანური პრესა კი წერს, რომ “მანჩესტერ იუნაიტედის” მეკარე ინგლისის დატოვების წინააღმდეგი სულაც არ არის.
ევროვიზია 2015-ზე ესპანეთს “მანჩესტერ იუნაიტედის” მეკარის, დავიდ დე ხეას შეყვარებული წარადგენს. ამ მუსიკალურ კონკურსს წელს ავსტრიის დედაქალაქი ვენა უმასპინძლებს.
29 წლის ედურნე გარსია ესპანეთს სიმღერით Amanecer წარადგენს. ევროვიზიის ფინალი 23 მაისს ჩატარდება, მეორე დღეს კი “ჰალ სიტისა” და “მანჩესტერ იუნაიტედს” შორის გასამართი მატჩია ჩანიშნული.
“დავიდი ვალდებულია, პრემიერლიგის მატჩზე იყოს, თუმცა იმედი მაქვს, ის ფინალზე ჩემს ოჯახთან და მეგობრებთან ერთად მოსვლას მოახერხებს”, – აღნიშნა ედურნემ.
წარმოგიდგენთ ვიდეოს, რომელშიც ასახულია მიმდინარე სეზონში „მანჩესტერ იუნაიტედის“ მეკარის დავიდ დე ხეას საუკეთესო სეივები.
“მანჩესტერ იუნაიტედის” მეკარე დავიდ დე ხეა გამოტყდა, რომ ერთხანს ინგლისური კლუბის დატოვებაზე ფიქრობდა. ესპანელი კიპერის თქმით, “ოლდ ტრაფორდზე” თამაში დიდ ფსიქოლოგიურ გამძლეობას მოითხოვს.
“ერთხანს “მანჩესტერ იუნაიტედის” დატოვებაზე ვფიქრობდი. ბევრს მაკრიტიკებდნენ, რაც ძალიან რთული ასატანი იყო. მანჩესტერში ცხოვრების პირველი რამდენიმე დღე მე და ჩემს ოჯახს ძალიან გაგვიჭირდა, თუმცა ყველაფერს დადებითად შევხედე და ამან გამაძლიერა. როდესაც ისეთი კლუბის ღირსებას იცავ, როგორიც “მანჩესტერ იუნაიტედია”, ასეთ რაღაცები ხდება ხოლმე. კრიტიკამ გამაძლიერა. მეკარეობა რთულია, შეცდომები გარდაუვალია, თუმცა ფსიქოლოგიურად ძლერი უნდა იყო, რომ პრობლემები დაძლიო”, – ციტირებს დე ხეას სიტყვებს goal.com-ი.
ვიდეოთამაშ FIFA 15-ის გამოსვლამდე სულ ცოტა დრო რჩება, მანამდე კი ვებგვერდმა Purely Football იმ მეკარეთა სავარაუდო სია გამოაქვეყნა, რომელთაც აღნიშნულ თამაშში ყველაზე მაღალი რეიტინგი ექნებათ.
Purely Football-ის ვერსიით, FIFA 15-ის ყველაზე მაღალრეიტინგული მეკარეები იქნებიან:
| ადგილი: | მეკარე: | რეიტინგი: | |
| 10. |  |
დიეგო ლოპესი (“მილანი”) | 84 |
| 9. |  |
დავიდ დე ხეა (“მანჩესტერ იუნატედი”) | 84 |
| 8. |  |
სამირ ჰანდანოვიჩი (“ინტერი”) | 84 |
| 7. |  |
სალვატორე სირიგუ (“პსჟ”) | 84 |
| 6. |  |
უგო ლორისი (“ტოტენჰემი”) | 84 |
| 5. |  |
იკერ კასილასი (“რეალი”) | 85 |
| 4. |  |
პეტრ ჩეხი (“ჩელსი”) | 85 |
| 3. |  |
ტიბო კურტუა (“ჩელსი”) | 85 |
| 2. |  |
ჯანლუიჯი ბუფონი (“იუვენტუსი”) | 86 |
| 1. |  |
მანუელ ნოიერი (“ბაიერნი”) | 87 |
„მანჩესტერ იუნაიტედის“ კიპერი დავიდ დე ხეა ამბობს, რომ ინგლისური კლუბისთვის „ბარსელონას“ ნახევარმცველ ანდრეს ინიესტას შეძენა კარგი არჩევანი იქნებოდა. ესპანელი მეკარე იქვე ამატებს, რომ ამ ტრანსფერის გაჩარხვას დიდი თანხა სჭირდება.
„მილიონები რომ მქონდეს, ინიესტას ვიყიდიდი. ის მსოფლიოს მასშტაბით ერთ-ერთი საუკეთესო ფეხბურთელია. ინიესტა ოსტატობით გამოირჩევა. მას ფეხბურთელისთვის საჭირო ყველა უნარი აქვს“, – ციტირებს დე ხეას სიტყვებს Movistar-ი.
„მანჩესტერ იუნაიტედის“ ვეტერანმა მცველმა რიო ფერდინანდმა მუშაობა, შესაძლოა, შეფ-მზარეულად გააგრძელოს.
ინგლისელი მცველის თანაკლუბელმა დავიდ დე ხეამ სოციალურ ქსელში ფერდინანდის ფოტო ატვირთა და წარწერაც გაუკეთა: „ჩვენ ახალი შეფ-მზარეული გვყავს!“
ხუმრობა იქით იყოს და რიო ფერდინანდი მართლაც ფლობს მანჩესტერში რესტორანს.
„მანჩესტერ იუნაიტედის“ ყოფილმა კიპერმა ედვინ ვან დერ სარმა „წითელი ეშმაკების“ ამჟამინდელი მეკარე დავიდ დე ხეა შეაქო.
„უბრალოდ წარმოუდგენელია: ის „მანჩესტერ იუნაიტედში“ სხვა ქვეყნის ჩემპიონატიდან გადავიდა, თანაც მაშინ მხოლოდ 20 წლის იყო. დე ხეა ინგლისში ესპანეთიდან გადაბარგდა, არც ენა იცოდა. ინგლისში სულ სხვანაირი საკვებია, სხვანაირი სათამაშო მანერაა, ვარჯიშის სხვა მეთოდია. კუთხურის დროს საჯარიმოშიც კი სხვანაირად აწვდიან. პირველ რიგში, დავიდს სწორედ ეს პრობლემები ექნებოდა.
გასული იანვრიდან საკმაოდ კარგად დაიწყო თამაში, რამაც „მანჩესტერ იუნაიტედი“ ერთიორად გააძლიერა. დავიდის თამაში გუნდის გაჩემპიონების ერთი-ერთი მიზეზია ორ-სამ მიზეზთა შორის“, – ჰოლანდიელი მეკარის სიტყვები ფიფას ოფიციალურმა ვებ-გვერდმა გამოაქვეყნა.
ბექა დოგრაშვილი
