უკრაინის ჩემპიონატის მე-19 ტურში ჯაბა კანკავს “დნიპრომ” საკუთარ მოედანეზ ხარკოვის “მეტალისტს” უმასპინძლა. შეხვედრა, რომელშიც საქართველოს ნაკრების კაპიტანმა მოედანზე 90 წუთი გაატარა, გატანილი გოლების გარეშე დასრულდა.
ამ შედეგის გათვალისწინებით “დნიპრო” მესამე პოზიციაზე კი დარჩა, მაგრამ კონკურენტ “შახტართა” სხვაობა უკვე სამ ქულას შეადგენს.
დონეცკელები მე-19 ტურში გიორგი გადრანის გარეშე მოთამაშე ოდესის “ჩერნომორეცს” დაუპირისპირდნენ და მეტოქეს 5 უპასუხო გოლი გაუტანეს.
1 მარტს, უკრაინის ჩემპიონატში, ჯაბა კანკავას “დნიპრომ” საკუთარ მოედანზე ალექსანდრე კობახიძის “ვიოლინი” მიიღო და მეტოქე ანგარიშით 5:0 დაამარცხა.
შეხვედრაში ერთ-ერთი გოლი ევგენი კონოპლიანკამ გაიტანა.
19 თებერვალს, ევროპის ლიგის გათამაშებაში, უკრაინულმა “დნიპრომ” საკუთარ მოედანზე ბერძნული “ოლიმპიაკოსი” მიიღო.
შეხვედრაში ანგარიში 50-ე წუთზე, ქართველმა ნახევარმცველმა ჯაბა კანკავამ გახსნა.
სპორტულმა პორტალმა Eurosport-მა დაასახელა ხუთი საუკეთესო ფეხბურთელი, რომლებსაც სეზონის ბოლოს თავიანთ კლუბებთან კონტრაქტები ამოეწურებათ და თავისუფალი აგენტები გახდებიან.
5. დანი ალვეში (“ბარსელონა”) – 31 წლის
4. ანდრე აიუ (მარსელის “ოლიმპიკი”) – 25 წლის
3. სტეფან ლიხტშტაინერი (“იუვენტუსი”) – 30 წლის
2. ევგენი კონოპლიანკა (“დნიპრო”) – 25 წლის
1. სამი ხედირა (მადრიდის “რეალი”) – 27 წლის
სპორტულმა პორტალმა Sportskeeda-მ 2014 წლის განმავლობაში ფეხბურთში მომხდარი შვიდი ყველაზე დასამახსოვრებელი მომენტი დაასახელა.
1. ფრენკ ლამპარდის გოლი “ჩელსის” კარში”
2014 წლის ზაფხულში ფრენკ ლამპარდმა ლონდონის “ჩელსი” დატოვა და “ნიუ იორკ სიტისთან” კონტრაქტი გააფორმა. ბევრისათვის მოულოდნელად, ინგლისელი ნახევარმცველი იჯარით “მანჩესტერ სიტიში” გადავიდა, შემდეგ კი ისე მოხდა, რომ ახალ კლუბის მაისურით სადებიუტო გოლი ყოფილი გუნდის, “ჩელსის” კარში გაიტანა.
2. სერხიო რამოსის გოლი მადრიის “ატლეტიკოს” კარში
გასული სეზონის ჩემპიონთა ლიგის ფინალში, სერხიო რამოსმა “ატლეტიკოს” კარში გოლი 93-ე წუთზე გაიტანა და ანგარიში 1:1 გახადა. ამ გოლის შემდეგ დამატებითი ტაიმები დაინიშნა, სადაც “სამეფო კლუბმა” წარმატებას მიაღწია და საბოლოოდ, თასსაც ანჩელოტის შეგირდები დაეუფლნენ.
“ეს გოლი ჩემს კარიერაში ყველაზე მნიშვნელოვანი იყო”, – თქვა რამოსმა.
3. პირლოს გამარჯვების მომტანი გოლი ტურინულ დერბიში
30 ნოემბერს, იტალიის სერია A-ში ტურინული დერბი გაიმართა. 93-ე წუთზე, როცა ანგარიში 1:1 იყო, ანდრეა პირლომ შორეული დარტყმით მეტოქის კარი დალაშქრა და თავის გუნდს გამარჯვება მოუტანა.
4. მესიმ ტელმო სარას რეკორდი დაამხო
2014 წელს მესისთვის არაერთი მნიშნველოვანი რამ მოხდა, მაგრამ ყველაზე გამორჩეული ის იყო, რომ არგენტინელმა სუპერვარსკვლავმა ტელმო სარას რეკორდი დაამხო და ლა ლიგის ყველა დროის საუკეთესო მეგოლე გახდა.
5. ბრაზილიის ნაკრების დამწუხრებული გულშემატკივარი
მსოფლიოს 2014 წლის ჩემპიონატის ნახევარფინალში ბრაზილიის ნაკრები გერმანელებთან ანგარიშით 1:7 დამარცხდა. კამერებმა კი ემოციური კადრის დაფიქსირებაც მოახერხეს.
6. დანი ალვეშის პასუხი რასიზმს
“ვილიარეალის” წინააღმდეგ გამართულ შეხვედრაში კატალონიის “ბარსელონას” ბრაზილიელ ფეხბურთელს დანი ალვეშს ტრიბუნიდან ბანანი ესროლეს, პასუხი კი ასეთი იყო:
7. ჯაბა კანკავამ ოლეგ გუსევი გადაარჩინა
2014 წელს უკრაინის ჩემპიონატში “დნიპროსა” და კიევის “დინამოს” შორის გამართულ შეხვედრაში ქართველმა ნახევარმცველმა ჯაბა კანკავამ კიეველთა ფეხბურთელის ოლეგ გუსევის გადარჩენა შეძლო.
საქართველოს ნაკრების კაპიტანმა ჯაბა კანკავამ ტრავმა მიიღო და სეზონის ბოლომდე ვერ ითამაშებს. ამ ინფორმაციას დნეპროპეტროვსკის “დნიპროს” მთავარი მწვრთნელი მირონ მარკევიჩი ავრცელებს.
უკრაინული კლუბის თავკაცმა ევროპის ლიგის ჯგუფურ ეტაპზე მილანის “ინტერის” წინააღმდეგ გასამართ მატჩამდე საკადრო პრობლემებზე ისაუბრა და კანკავაც ახსენა.
“სან სიროზე” “ინტერის” წინააღმდეგ თამაში საინტერესოა როგორც ფეხბურთელებისთვის, ასევე ჩემთვის. თუმცა, ვფიქრობ, რომ ყველაფერი ბოლო ტურში გადაწყდება. რაც შეეხება დამდეგ შეხვედრას, ვიმეორებ, რომ ის ძალზედ პრესტიჟულია. გვინდა, კარგი თამაში ვაჩვენოთ. არა მგონია, ამ მატჩისთვის ფეხბურთელებს საგანგებოდ სჭირდებოდეთ განწყობის შექმნა, რადგან ასეთ სტადიონზე ასეთი დონის გუნდის წინააღმდეგ თამაში ბევრ რამედ ღირს.
შემადგენლობასთან დაკავშირებით პრობლემები გვაქვს: სტრინიჩი ვერ ითამაშებს, მატჩს გამოტოვებს ზოზულიაც. რაც შეეხება კანკავას, ის სეზონის ბოლომდე ვერ დაგვეხმარება.
მათეუს ლეიტა ოპტიმალურ ფორმაში არ არის, თუმცა 18-კაციან განაცხადში შეყვანილია და შესაძლოა, შეცვლაზე შემოვიდეს. ვისურვებდი, რომ “მეტალურგის” წინააღმდეგ გასამართ მატჩში სასტარტო წუთებიდანვე შეძლოს თამაში”, – აღნიშნა მარკევიჩმა.
“დნიპროს” ოფიციალური ვებგვერდის ცნობით, ჯაბა კანკავამ ვარჯიშზე კუნთი დაიშავა, რის გამოც მიმდინარე წელს თამაშს ვეღარ შეძლებს. როგორც ხედავთ, კლუბის თავკაცის მიერ მოწოდებული ინფორმაცია უფრო საგანგაშოა, რადგან მან კანკავას მოედანზე გასვლა მიმდინარე სეზონში გამორიცხა.
ევროპა ლიგის ჯგუფური ეტაპის მეოთხე ტურში უკრაინული “დნიპრო” ბაქოში “ყარაბახს” ესტუმრა და საკუთარ მოედანზე განცდილი მარცხის გამო რევანშიც აიღო.
დნეპროპეროსვკელებმა კალინიჩის დუბლით მოიგეს. მასპინძელთა მხიდან კი ერთადერთი გოლის ავტორი ჰოლანდიელი ლეროი ჯორჯი გახდა.
საქართველოს ნაკრების კაპიტანმა ჯაბა კანკავამ შეხვედრა სათადარიგოთა სკამზე დაიწყო მოედანზე კი მეორე ტაიმიდან გავიდა და ყვითელი ბარათის მიღებაც მოასწრო.
4 ტურის შემდეგ 8 ქულით ჯგუფს “ინტერი” ლიდერობს. “სენტ-ეტიენის”, “ყარაბახის” და “დნიპროს” ანგარიშზე კი 4 ქულაა.
ევროპა ლიგის ჯგუფური ეტაპის მესამე ტურის შეხვედრაში “დნიპრომ” კიევში აზერჯბაიჯანულ “ყარაბახს” უმასპინძლა და მინიმალური ანგარიშით დამარცხდა.
აზერბაიჯანელებმა 21-ე წუთზე მუარემის მიერ გატანილი გოლით მოიპოვეს გამარჯვება, რომელიც ქვეყნისთვის და კლუბისთვის ისტორიული გახდა. “ყარაბახი” პირველი აზერბაიჯანული გუნდია, რომელმაც ევროტურნირის ძირითად ბადეში შესძლო გამარჯვების მოპოვება.
საქართველოს ნაკრების კაპიტანი, ჯაბა კანკავა, მთელი შეხვედრის განმავლობაში სათადარიგოთა სკამზე იმყოფებოდა.
უკრანული “დნიპროსთვის” გასულ სეზონში დაკავებული მე-2 ადგილისთვის განკუთვნილი ვერცხლის მედლების გადაცემის ცერემონიალის დროს, დნეპროტეროვსკის გუნდის ფეხბურთელმა რომან ზოზულიამ რუსეთის პრეზიდენტი, ვლადიმერ პუტინი “მოიკითხა”.
საქართველოს ნაკრების ნახევარმცველი ჯაბა კანკანა დნეპროპეტროვსკის „დნიპროში“ რჩება. 28 წლის ფეხბურთელმა კლუბთან კონტრაქტი ოთხი წლით გაახანგრძლივა.
აღნიშნული ინფორმაცია „დნიპროს“ გენერალურმა დირექტორმა ანდრეი სტეცენკომ დაადასტურა. წინა შეთანხმება მხარეებს მიმდინარე წლის ზამთრამდე აკავშირებდათ.
განვლილ სეზონში თავისი კლუბის მაისურით ჯაბამ 25 მატჩი ჩაატარა.
უკრაინული “დნიპრო”, რომლის რიგებში ორი ქართველი ფეხბურთელი ჯაბა კანაკავა და სანდრო კობახიძე ირიცხებიან შეკრებაზე გაემგზავრა.
მირონ მარკევიჩის შეგირდები მოსამზადებელ ეტაპს გერმანულ დიუსელდორფში გაივლიან და 7 ივლისს ამხანაგურად თბილისის “დინამოსაც” დაუპირისპირდებიან.
აღსანიშანვაი, რომ აღნიშნულ შეკრებაზე მხოლოდ ერთი ქართველი, ჯაბა კანაკავა გაემგზავრა. ალექსანდე კობახიძე კი მწვრთნელმა 24-კაციან სიაში არ შეიყვანა.
ჯერჯერობით უცნობია, თუ როგორ გაგარძელდება კობახიძის კარიერა.
უჩა ლობჟანიძე დნეპროპეტროვსკის “დნიპროს” ტოვებს. უკრაინული კლუბის ხელმძღვანელობამ ქართველ ფეხბურთელთან კონტრაქტის გახანგრძლივება აღარ ისეურვა.
“დნიპროს” ოფიციალური ვებ-გვერდის ცნობით ლობჟანიძემ თავისუფალი აგენტის სტატუსი მიიღო.
გასულ სეზონში უკრაინული ჩემპიონატის ფარგლებში ლობჟანიძემ მხოლოდ ერთ მატჩში მიიღო მონაწილეობა.
