დასრულდა უეფას ჩემპიონთა ლიგის მე-4 ტურის რვა შეხვედრა.
ყველაზე დიდ ინტერესს, რა თქმა უნდა, B ჯგუფის მატჩი იწვევდა – ტურინში ერთმანეთს „იუვენტუსი“ და მადრიდის „რეალი“ დაუპირისპირდნენ. „ბებერი ქალბატონის“ აქტივში ამ შეხვედრამდე მხოლოდ ორი ქულა იყო, შესაბამისად, გამარჯვება ანტონიო კონტეს გუნდს ჰაერივით სჭირდებოდა. თანაც, ეს „გალათასარაის“ ფონზე, რომელსაც ოთხი ქულა ჰქონდა და ამასთან ერთად, დანიის „კოპენჰაგენთან“ უნდა ეთამაშა.
ამის მიუხედავად, მატჩი მადრიდელთა უპირატესობით დაიწყო. მასპინძლებმა მდგომარეობა ტაიმის შუა ნაწილში გააუმჯობესეს, რამაც თავისი შედეგი გამოიღო. ჯერ კლაუდიო მარკიზიოს თავური დარტყმა იკერ კასილასმა ფეხით მოიგერია, ხოლო მოგვიანებით გაშვებულ გოლს საკუთარი გუნდი პეპემ გადაარჩინა. პირველი ნახევრის დასრულებამდე ოთხი წუთით ადრე პოგბას წაქცევისთვის „ბლანკოსის“ მცველმა რაფაელ ვარანმა ყვითელი ბარათი მიიღო, „შავ-თეთრებს“ კი პენალტის დარტყმის უფლება მიეცათ, რომელიც არტურო ვიდალმა გამოიყენა – 1:0.
როგორც პირველი ტაიმი, შეხვედრის მეორე ნახევარი ასევე მადრიდელთა უპირატესობით დაიწყო, რამაც 52-ე წუთზე შედეგი გამოიღო – კრიშტიანუ რონალდუმ ზუსტი დარტყმის განხორციელება მოახერხა, რომლის მოგერიებაც ბუფონმა ვერ შეძლო. რვა წუთში კარლო ანჩელოტის გუნდმა მეორე გოლის გატანაც მოახერხა, რომლის ავტორი გარეთ ბეილი გახდა. ამის მიუხედავად, „ბლანკოსის“ სიხარული დიდხანს არ გაგრძელებულა – თავური დარტყმით წონასწორობის აღდგენა ფერნანდო ლიორენტემ შეძლო.
საბოლოოდ, 2:2 და ჯერჯერობით უცნობია, მოახერხებენ თუ არა „იუვეს“ მოთამაშეები ევროპის ყველაზე პრესტიჟული საკლუბო ტურნირის პლეი-ოფის საგზურის მოპოვებას.
„იუვენტუსი“ – „რეალი“ 2:2
გოლები: ვიდალი 42′ (პენ), ლიორენტე 65′ – რონალდუ 52′, ბეილი 60′
„იუვენტუსი“: ბუფონი კასერესი, ბარძალი, ბონუჩი, მარკიზიო, პოგბა, პირლო, ვიდალი, ასამოა, ტევესი (კუალიარელა 82′), ლიორენტე (ჯოვინკო 88′)
„რეალი“: კასილასი, რამოსი, ვარანი, პეპე, მარსელი, ხედირა, ჩაბი ალონსო (ილარამენდი 71′), მოდრიჩი, ბეილი (დი მარია 75′), ბენზემა (ხესე 81′), რონალდუ
გაფრთხილებები: პირლო, ბონუჩო – მოდრიჩი, ვარანი,
მოულოდნელი შედეგით დასრულდა ამავე ჯგუფის მეორე შეხვედრა. კოპენჰაგენში ადგილობრივმა კლუბმა თურქულ „გალათასარაის“ უმასპინძლა, რომელიც მოუდლონელად ანგარიშით 1:0 დამარცხდა. ერთადერთი გოლი მატჩის მე-6 წუთზე ბრაატენმა გაიტანა.
„კოპენჰაგენი“ – „გალთასარაი“ 1:0
გოლი: ბრაატენი 6′
„კოპენჰაგენი“: ვილანდი, იაკობსენი, მელბერგი, სიგურდსონი, ბენგტსონი, გისლასონი (ბოლანიოსი 56′), კლაუდემირი (მარგრაიტერი 87′), დელეინი, იორგენსენი, ბრაატენი, ტუტუ (კრისტენსენი 75′)
„გალათასარაი“: იშჟანი, ებუე, შეიჯუ, კაია (ბულუტი 76′), რიერა, მელო, აიდინ ილმაზი (გიულსელამი 76′), ინანი, ბრუმა, დროგბა, ბურაკ ილმაზი (ამრაბატი 86′)
გაფრთხილება: რიერა
სატურნირო მდგომარეობა:
„რეალი“ – 10 ქ.
„გალათასარაი“ – 4
„კოპენჰაგენი“ – 4
„იუვენტუსი“ – 3
ალექსანდრე მატევოსოვი
„გალათასარაის“ იტალიელმა დამრიგებელმა რობერტო მანჩინიმ მატჩისწინა პრესკონფერენციაზე განაცხადა, რომ თურქი „ლომები“ მოსაგებად ძალ-ღონეს არ დაიშურებენ.
