თურქული წყაროების ცნობით, ტურინის „იუვენტუსმა“ „გალათასარაის“ თავდამსხმელ დიდიე დროგბასთან შეთანხმებას მიაღწია. კოტ დივუარელი ფეხბურთელი თურქულ კლუბს თავისუფალი აგენტის სტატუსით მიმდინარე წლის 30 ივნისს დატოვებს.
თურქული პრესის თანახმად, დროგბა „ბებერ ქალბატონთან“ ორწლიან კონტრაქტს მოაწერს ხელს. ამ დროის განმავლობაში 36 წლის ფეხბურთელი 4,5 მილიონ ევროს მიიღებს.
ცნობისთვის, დროგბამ თურქეთის ჩემპიონატის დასრულებულ გათამაშებაში 24 მატჩი ჩაატარა და 10 გოლი გაიტანა.
ბექა დოგრაშვილი
თურქული „გალათასარაის“ თავდამსხმელი დიდიე დროგბა ლონდონის „ჩელსიში“ დაბრუნდება. ამ ინფორმაციას ბრიტანული „დეილი მირორი“ აქვეყნებს.
როგორც მოგეხსენებათ, 30 ივნისს კოტ დივუარელ ფეხბურთელს თურქულ კლუბთან კონტრაქტი ეწურება და თავისუფალი აგენტის სტატუსს იღებს. წყაროს თანახმად, დროგბა „ჩელსის“ მსოფლიოს ჩემპიონატის შემდეგ შეუერთდება.
შეგახსენებთ, რომ კოტ დივუარელი ფეხბურთელი დასავლეთლონდონური კლუბის ღირსებას 2004 -დან 2012 წლამდე იცავდა. დროგბამ „ჩელსის“ რიგებში ჩატარებულ 341 მატჩში 157 გოლი გაიტანა. მან ინგლისურ კლუბთან ერთად სამჯერ მოიგო ინგლისის პრემიერლიგა, ოთხჯერ დაეუფლა ასოციაციის თასს, დაისაკუთრა ჩემპიონთა ლიგის თასიც.
ბექა დოგრაშვილი
“ბაიერნის” ფორვარდი მარიო მაჯუკიჩი სტამბოლი “გალათარასაის” ინტერესთა სფეროში მოხვდა.
ზაფხულის სატრანსფერო ფანჯრის დროს თურქული კლუბის შეტევის გაძლიერებას აპირებს. პრიორიტეტული სწროედ 28 წლის მარიო მანჯუკიჩის გადაბირებაა.
არის ალბათობა, რომ ტრასნფერი მსოფლიო ჩემპიონატის დაწყებამდე განხორციელდება, რასაც ფეხბურთელის აგენტიც ადასტურებს.
ბუნდესლიგის გასულ გათამაშებაში მანჯუკიჩმა 30 შეხვედრაში მიიღო მონაწილეობა და 18 გოლის გატანა მოახერხა.
“გალათასარაის” ფეხბურთელებმა ფერნანდო მუსლერამ და ბურაკ ილმაზმა თურქულ კლუბთან ახალი კონტრაქტები გააფორმეს.
27 წლის მეკარის ახალი ხელშეკრულება ოთხწლიანია, რომლის თანახმად მუსლერა 13 მილიონ ევროს მიიღებს. მუსლერა გალათასარაის ღირსებას 2011 წლიდან იცავს.
ბურაკ ილმაზმა კი, თავისი მომავალი “გალათასარაის” კიდევ 5 წლით დაუკავშირა. კლუბის ოფიციალური ვებ-გვერდი შეტანხმების ფინანსურ დეტალებს არ ახმაურებს.
„კორინთიანსის“ თავდამსხმელი ალეშანდრე პატო, რომელიც ჯარით „სან-პაულუში“ თამაშობს, შესაძლოა, ზაფხულს „გალათასარაიში“ გადავიდეს.
თურქული კლუბი მზადაა, პატოს პირველ სეზონში ყოველთვიურად 2 მილიონი ბრაზილიური რეალი (660 ევრო) გადაუხადოს.
აღსანიშნავია, რომ მსგავს თანხაზე მეტს ბრაზილიელთაგან ყოველკვირეულად მხოლოდ „პარი სენ-ჟერმენის“ მცველს ტიაგო სილვასა (992 ათასი ევრო) და „ბარსელონას“ ფორვარდს ნეიმარს უხდიან.
იმ შემთხვევაში, თუ ალეშანდრე „გალას“ წინადადებას მიიღებს, მომდევნო ხუთ წელიწაში იგი 820 ათას ევროს მიიღებს.
სათქმელია ისიც, რომ თურქები „კორინთიანსს“ ალეშანდრეს სანაცვლოდ 12 მილიონ ევროს სთავაზობენ, თუმცა, „სან-პაულუსთან“ არსებული ხელშეკრულებით, კლუბს შეუძლია, ნებისმიერ წინადადებაზე უარი თქვას, რომლის ფასიც 15 მილიონზე ნაკლები იქნება.
24 წლის ფორვარდის შეძენის სურვილი ასევე სხვა თურქულ გრანდს, კერძოდ კი „ფენერბაჰჩეს“ აქვს.
ალექსანდრე მატევოსოვი
11 მაისს, თურქეთის ჩემპიონატში, “ტრაბზონსპორსა” და “გალათასარაის” შორის გამართულ მატჩში (1:4), უესლი სნეიდერმა ულამაზესი გოლი გაიტანა.
9 მაისს, თურქეთის ჩემპიონატში “ფენერბახჩემ” საკუთარ მოედანზე “კარაბიუკსპორი” მიიღო და მეტოქე ანგარიშით 4:0 დაამარცხა. ამ გამარჯვების შემდეგ, “ფენერბახჩემ” თურქეთის ჩემპიონობა გაიანაღდა, ხოლო “გალათასარაის” პირველი ადგილის დაკავების ყველანაირი შანსი ამოეწურა.
თამაშის მიმდინარეობისას, “ფენერებახჩეს” სათადარიგოთა სკამიდან მოედანზე მყოფ ფეხბურთელებს ქაღალდი შეუგზავნეს, რომელზეც ასეთი რამ ეწერა: “ფენერბახჩე” ჩემპიონ”. ყველასათვის მოულოდნელად კი, გუნდის კარის დარაჯმა ქაღალდი ყველას დაანახა.
დნეპროპეტროვსკის „დნიპროს“ მთავარმა მწვრთნელმა ხუანდე რამოსმა შემდეგ სეზონში, შესაძლოა, სტამბულის „გალათასარაი“ ჩაიბაროს.
დიდი ალბათობით, სეზონის დასრულების შემდეგ რობერტო მანჩინი თურქულ კლუბს დატოვებს. მიმდინარე სეზონში „გალათასარაიმ“ თურქეთის თასი მოიგო, თუმცა ჩემპიონატში ამჟამად მეორე ადგილზე იმყოფება და უკვე გამარჯვებულ „ფენერბაჰჩეს“ ათზე მეტი ქულით ჩამორჩება. ჩემპიონთა ლიგაზე კი იტალიელი სპეციალისტის გუნდმა 1/8 ფინალამდე მაიღწია, სადაც „ჩელსისთან“ დამარცხდა.
აქამდე გავრცელებული ინფორმაციით, „გალათასარაის“ მენეჯერები ასევე დონეცკის „შახტარის“ თავკაცის მირჩი ლუჩესკუს კანდიდატურასაც განიხლავდნენ.
ალექსანდრე მატევოსოვი
ამერიკულმა ფინანსურ-ეკონომიკურმა ჟურნალმა “ფორბსმა” მსოფლიოს ოცი ყველაზე ძვირადღირებული კლუბი დაასახელა.
* თანხა მოცემულია დოლარის სახით
20. “ნაპოლი” – 296 მილიონი
19. “რომა” – 307 მილიონი
18. “ჰამბურგი” – 326 მილიონი
17. მადრიდის “ატლეტიკო” – 328 მილიონი
16. “გალათასარაი” – 347 მილიონი
15. “პარი სენ-ჟერმენი” – 415 მილიონი
14. “ინტერი” – 484 მილიონი
13. “ტოტენჰემი” – 513 მილიონი
12. “შალკე” – 580 მილიონი
11. დორტმუნდის “ბორუსია” – 600 მილიონი
10. “ლივერპული” – 691 მილიონი
9. “იუვენტუსი” – 850 მილიონი
8. “მილანი” – 856 მილიონი
7. “მანჩესტერ სიტი” – 863 მილიონი
6. “ჩელსი” – 868 მილიონი
5. “არსენალი” – 1.33 მილიარდი
4. “ბაიერნი” – 1.85 მილიარდი
3. “მანჩესტერ იუნაიტედი” – 2.81 მილიარდი
2. “ბარსელონა” – 3.2 მილიარდი
1. მადრიდის “რეალი” – 3.44 მილიარდი
გუშინ, საღამოს, ევროლიგის 1/4-ფინალური ეტაპის სერიის მესამე მატჩში ერთმანეთს „გალათასარაი“ და „ბარსელონა“ დაუპირისპირდნენ.
იქედან გამომდინარე, რომ კატალონიელებმა სერიის პირველი ორი მატჩი მოიგეს, თურქულ კლუბს „ოთხთა ფინალში“ გასვლის შანსის შესანარჩუნებლად აუცილებლად უნდა მოეგო, რისი გაკეთებაც, საბოლოო ჯამში, „გალათასარაიმ“ ვერ მოახერხა – „ბლაუგრანასის“ კალათბურთელებმა მეტოქეს სამი ქულით აჯობეს.
„გალათასარაი“ – „ბარსელონა“ 75:78 (23:15, 17:20, 12:18, 23:25)
„გალათასარაი“: აროიო (21 ქ. 4 პ.), ერცეგი (19), მაჩვანი (11), მარკოიშვილი (8), ალდემირი (7), ჰეირსტონი (5 ქ. 7 მ.)
„ბარსელონა“: უერტასი (16), ალესონი (13), ლორბეკი (9), ნაჰბარი (9), პულენი (7), სავა (6)
ანგარიში სერიაში: 0:3
თურქეთის სუპერლიგის 30-ე ტურში შოთა არველაძის „ქასიმფაშა“ რობერტო მანჩინის „გალათასარაის“ ესტუმრა და მრისხანე მეტოქე ანგარიშით 4:0 გაანადგურა.
მასპინძლები მე-7 წუთიდან კაცნაკლული თამაშობდნენ. მოედნიდან „გალათასარაის“ მცველი ჰაქან ბალთა გააძევეს, რომელმაც საკუთარ საჯარიმო მოედანზე მეტოქე გუნდის ფეხბურთელი წააქცია. პენალტი „ქასიმფაშას“ არგენტინელმა ნახევარმცველმა ეზეკიელ სკარიონემ გაიტანა. პირველი ტაიმი სტუმრების მინიმალური უპირატესობით დასრულდა, თუმცა შოთა არველაძის გუნდმა შეხვედრის მეორე ნახევარში მეტოქეს წირვა გამოუყვანა. 51-ე წუთზე „გალათასარაის“ მცველების უხეირო თამაშით სტუმრების ურუგვაელმა თავდამსხმელმა ტაბარე ვიუდესმა ისარგებლა და ანგარიშში სხვაობა გაზარდა. შემდეგ სკარიონემ გაახერხა დუბლი. მასპინძელთა ტანჯვას წერტილი იალჯინ აიჰანმა დაუსვა, რომელმაც კუთხურის მოწოდების შემდეგ ბურთს თავი შეაგება და ფერნანდო მუსლერას კარის ბადე მეოთხედ შეარხია.
მატჩის შემდეგ გამართულ პრესკონფერენციაზე შოთა არველაძემ იმედი გამოთქვა, რომ დარჩენილ 4 ტურში მისი გუნდი მაქსიმუმს გაიღებს და 12 ქულას მოიპოვებს.
ამ გამარჯვების შემდეგ არველაძის „ქასიმფაშამ“ სატურნირო ცხრილში მეხუთე ადგილზე გადაინაცვლა და ახლა გუნდს ევროთასებზე მოხვედრის კარგი შანსიც გაუჩნდა.
ბექა დოგრაშვილი
16 აპრილს, თურქეთის თასის ნახევარფინალური ეტაპის განმეორებით შეხვედრაში, “ბურსასპორმა” საკუთარ მოედანზე “გალათასარაი” მიიღო და მეტოქესთან ანგარიშით 2:5 დამარცხდა. ორი მატჩის ჯამში კი (7:4), “გალათასარაი” თასის ფინალში გავიდა.
