Italy – გვერდი 3 – Fanebi.Com – ფეხბურთი, კალათბურთი, რაგბი, სხვა

იტალიისა და პორტუგალიის ნაკრებები ერთმანეთს ამხანაგურად გაეჯიბრებიან

Posted on თებერვალი 14, 2015 by ბექა დოგრაშვილი

იტალიისა და პორტუგალიის ეროვნული ნაკრებების ერთმანეთს ამხანაგურად გაეჯიბრებიან. მატჩი 2015 წლის 16 ივნისს, ყატარში გაიმართება.

კერძოდ, შეხვედრა ქალაქ დოჰაში შედგება, სადაც ტურინის “იუვენტუსსა” და “ნაპოლის” შორის იტალიის 2014 წლის სუპერთასის მატჩი გაიმართა.

აქვე აღსანიშნავია ისიც, რომ იტალიისა და პორტუგალიის ნაკრებებს ერთმანეთში უკანასკნელი შვიდი წლის განმავლობაში არ უთამაშიათ.

ამ გუნდებს შორის მატჩი უკანასკნელად 2008 წლის 6 თებერვალს, შვეიცარიის ქალაქ ციურიხში ჩატარდა, რომელიც “სკუადრა აძურას” გამარჯვებით, ანგარიშით 3:1 დასრულდა.

სერია A-ს პირველი წრის საუკეთესო და ყველაზე ცუდი გუნდები

Posted on დეკემბერი 29, 2014დეკემბერი 29, 2014 by ბექა დოგრაშვილი

“სქაიმ” იტალიის სერია A-ს მიმდინარე გათამაშების პირველი წრის საუკეთესო და ყველაზე ცუდი გუნდები შეადგინა.

საუკეთესო გუნდი ასე დაკომპლექტდა:

მეკარე: სამირ ჰანდანოვიჩი (“ინტერი”);
მცველები: დანიელე რუგანი (“ემპოლი”), ლეონარდო ბონუჩი (“იუვენტუსი”), ალესიო რომანიოლი (“სამპდორია”);
ნახევარმცველები: მირკო ვალდიფიორი (“ემპოლი”), სტეფანო სტურარო (“ჯენოა”), კლაუდიო მარკიზიო (“იუვენტუსი”), რაჯა ნაინგოლანი (“რომა”);
თავდამსხმელები: ჟერემი მენეზი (“მილანი”), კარლოს ტევესი (“იუვენტუსი”), მანოლო გაბიადინი (“სამპდორია”).

გათამაშების პირველი წრის ყველაზე ცუდი გუნდი კი ასე გამოიყურება:

მეკარე: მორგან დე სანკტისი (“რომა”);
მცველები: ეშლი კოული (“რომა”), რაფა მარკესი (“ვერონა”), ნემანია ვიდიჩი (“ინტერი”), დანიელე ბონერა (“მილანი”);
ნახევარმცველები: დავიდ ლოპესი (“ნაპოლი”), ფრანჩესკო ლოდი (“პარმა”), პანაიოტის კონე (“უდინეზე”);
თავდამსხმელები: ხერმან დენისი (“ატალანტა”), ფერნანდო ტორესი (“მილანი”), როდრიგო პალასიო (“ინტერი”).

პირლო წლის ფეხბურთელად დასახელდა

Posted on დეკემბერი 16, 2014დეკემბერი 16, 2014 by Alix

გუშნ 2014 წლის საუკეთესო ფეხბურთელად ტურინის „იუვენტუსის“ ნახევარმცველი ანდრეა პირლო, ხოლო საუკეთესი მწვღთნელად ნაკრების თავკაცი ანტონიო კონტე დასახელდა.

სერია ა-ს საუკეთესო ცენტრალური თავდამსხმელის პრიზი გონსალო იგუაინს გადასცეს, თუმცა „ნაპოლის“ პრეზიდენტმა აურელიო დე ლაურენტისმა თავის გუნდის ფეხბურთელებს დაჯილდოვების ცერემონიალზე დასწრება აუკრძალა.

აქვე წარმოგიდგენთ იტალიის პირველობის 2014 წლის სიმბოლურ ნაკრებს: ჯანლუიჯი ბუფონი („იუვენტუსი“) – მატეო დარმიანი („ტორინო“), ანდრეა ბარძალი („იუვენტუსი“), მეხდი ბენატია („რომა“/„ბაიერნი“), კვანდვო ასამოა („იუვენტუსი“) – პოლ პოგბა („იუვენტუსი“), ანდრეა პირლო („იუვენტუსი“), არტურო ვიდალი („იუვენტუსი“) – ჩირო იმობილე („ტორინო“/ „ბორუსია“), კარლოს ტევესი („იუვენტუსი“), გონსალო იგუაინი („ნაპოლი“).

ტოტი: “ჩემს შვილებს სტადიონზე მისვლის ეშინიათ”

Posted on ნოემბერი 17, 2014 by ბექა დოგრაშვილი

იტალიის ნაკრების ყოფილმა ფეხბურთელმა ფრანჩესკო ტოტიმ გუშინ “სკუადრა აძურასა” და ხორვატიის ეროვნულ გუნდს შორის გამართული მატჩის (1:1) მიმდინარეობისას მომხდარი ინციდენტი შეაფასა. შეგახსენებთ, რომ შეხვედრის მეორე ტაიმში ხორვატმა ქომაგებმა მოედანზე მაშხალები ისროლეს.

“სტადიონზე შვილებითა და ოჯახებით ვეღარ დავდივართ. ჩემს შვილებს ფეხბურთზე დასწრების ეშინიათ. მსოფლიოს 2006 წლის ჩემპიონატის შემდეგ იტალიურ ფეხბურთში დასწრების მხრივ კლება შეინიშნება. თუმცა, სიტუაციის გამოსწორება შეგვიძლია, რადგან ჩვენი ფეხბურთი და ჩვენი კლუბების ისტორია ამას იმსახურებს”, – ციტირებს ტოტის სიტყვებს “სქაი სპორტსი”.

ძაძა: “ბალოტელისგან საფრთხეს არ მოველი”

Posted on ოქტომბერი 9, 2014 by ბექა დოგრაშვილი

იტალიის ნაკრების თავდამსხმელმა სიმონე ძაძამ მარიო ბალოტელი მის ერთ-ერთ საყვარელ ფეხბურთელად მოიხსენია. ძაძამ იქვე აღნიშნა, რომ “ლივერპულის” შემტევი მის სანაკრებო კარიერას ვერას დააკლებს.

“სასუოლოს” ფორვარდს იტალიის ეროვნული გუნდის რიგებში დებიუტი ამა წლის სექტემბერში, ჰოლანდიის ნაკრების წინააღმდეგ გამართულ მატჩში (2:0) ჰქონდა. რაც შეეხება ბალოტელის, “სკუადრა აძურას” მთავარმა მწვრთნელმა ანტონიო კონტემ ის არც სექტემბერში და არც ოქტომბერში არ გამოიძახა.

“ბალოტელისგან საფრთხეს არ ველი. ყოველთვის ვამბობდი, რომ ის ჩემი ერთ-ერთი საყვარელი თავდამსხმელია. მისი გაცნობის შესაძლებლობა არასდროს მქონია და მოხარული ვიქნები, თუ ოდესმე პირადად გავიცნობ. ვფიქრობ, მარიო ნებისმიერ ნაკრებს გააძლიერდებდა, თუმცა არა მგონია, მისი დაბრუნების შემთხვევაში, მე ჩრდილში მოვექცე”, – ციტირებს ძაძას სიტყვებს kickoff-ი.

ბალოტელი ნაკრებში არ გამოიძახეს — “სკუადრა აძურას” განაცხადი

Posted on ოქტომბერი 5, 2014 by ბექა დოგრაშვილი

იტალიის ნაკრები ევროპის ჩემპიონატის საკვალიფიკაციო ეტაპის ორ უახლოეს მატჩს აზერბაიჯანისა და მალტის ეროვნული გუნდების წინააღმდეგ ჩაატარებს. ანტონიო კონტეს ნაკრები 10 ოქტომბერს, პალერმოში აზერბაიჯანს შეხვდება. 13 ოქტომბერს კი მალტას ეწვევა. ოფიციალური მატჩებისთვის ეროვნული ნაკრების მთავარმა მწვრთნელმა 26 ფეხბურთელი გამოიძახა.

მეკარეები: ბუფონი (“იუვენტუსი”), პერინი (“ჯენოა”), სირიგუ (“პსჟ”);
მცველები: ბონუჩი, კიელინი, ოგბონა (ყველა – “იუვენტუსი”), რანოკია (“ინტერი”), რუგანი (“ემპოლი”);
ნახევარმცველები: აკვილანი, პასკუალი (ორივე – “ფიორენტინა”), ბონავენტურა, დე შილიო, პოლი (ყველა – “მილანი”), კანდრევა, პაროლო (ორივე – “ლაციო”), დარმიანი (“ტორინო”), ფლორენცი (“რომა”), მარკიზიო (“იუვენტუსი”), მოტა, ვერატი (ორივე – “პსჟ”);
თავდამსხმელები: დესტრო (“რომა”), ჯოვინკო (“იუვენტუსი”), იმობილე (“დორტმუნდი”), ოსვალდო (“ინტერი”), პელე (“საუთჰემპტონი”), ძაძა (“სასუოლო”).

აღსანიშნავია, რომ განაცხადს მიღმა დარჩა “ლივერპულის” თავდამსხმელი მარიო ბალოტელი, რომელსაც მერსისაიდულ გუნდში მხოლოდ ერთი გოლი აქვს გატანილი.

ინგლისი და იტალია ერთმანეთის წინააღმდეგ

Posted on ოქტომბერი 3, 2014 by ბექა დოგრაშვილი

ინგლისისა და იტალიის ნაკრებებმა ერთმანეთში ორი ამხანაგური მატჩის გამართვა დაგეგმეს.

პირველი შეხვედრა 2015 წლის 31 მარტს, იტალიაში გაიმართება, მეორე მატჩი კი – 2016-დან 2018 წლამდე პერიოდში, ხოლო ზუსტი თარიღი ფიფას კალენდრის გამოქვეყნების შემდეგ დადგინდება.

ინგლისისა და იტალიის ეროვნული გუნდები ერთმანეთს უკანასკნელად ბრაზილიაში წელს გამართული მსოფლიო ჩემპიონატის ჯგუფურ ეტაპზე შეხვდნენ. მატჩი “სკუადრა აძურას” გამარჯვებით, ანგარიშით 2:1 დასრულდა.

ბალოტელის 17 სურათი, რომელიც აუცილებლად უნდა ნახოთ

Posted on სექტემბერი 30, 2014სექტემბერი 30, 2014 by Alix

წარმოგიდგენთ „ლივერპულისა“ და იტალიის ნაკრების თავდამსხმელის მარიო ბალოტელის ჩვიდმეტ ყველაზე გამორჩეულ სურათს.

სინიშა მიხაელოვიჩს თავს დაესხნენ

Posted on სექტემბერი 21, 2014სექტემბერი 21, 2014 by ბექა დოგრაშვილი

“კორიერე დელო სპორტის” ცნობით, უსიამოვნო შემთხვევა მოხდა ჯენოაში, სადაც “სამპდორიას” მთავარ მწვრთნელ სინიშა მიხაელოვიჩს უცნობი პირი თავს დაესხა.

ფეხბურთის სერბი სპეციალისტი გუნდის ავტობუსში ადიოდა, როდესაც მასთან უცხო პიროვნება მივიდა, სიტყვიერი შეურაცხყოფა მიაყენა, შემდეგ დაარტყა კიდეც და მზის სათვალე გაუტეხა. მიხაელოვიჩი შეეცადა, ხულიგნისთვის პასუხი გაეცა, თუმცა ფეხბურთელებმა მთავარი მწვრთნელი დააკავეს. კლუბმა სასამართლოში სარჩელი უკვე შეიტანა.

“სამპდორია” დღეს “სასუოლოს” ესტუმრება. მატჩი თბილისის დროით 17:00 საათზე დაიწყება.

დი ბიაჯო იტალიის ნაკრების ჩაბარებისთვის მზადაა

Posted on აგვისტო 13, 2014 by ბექა დოგრაშვილი

იტალიის ფეხბურთის ფედერაციას ახალი ხელმძღვანელი ჰყავს. საპრეზიდენტო არჩევნებში 71 წლის კარლო ტავეკიომ გაიმარჯვა. იტალიის ახალგაზრდული ნაკრების მთავარმა მწვრთნელმა ლუიჯი დი ბიაჯომ ქვეყნის ფეხბურთის ახალი ხელმძღვანელობის გასაგონად მიანიშნა, რომ იტალიის ეროვნული გუნდის ჩაბარების წინააღმდეგი არ არის.

“უკვე ხუთი წელიწადია, იტალიის სხვადასხვა ასაკობრივ ნაკრებებში ვმუშაობ. მე ფედერაციის მიერ ვარ დასაქმებული, ქვეყნის ფეხბურთის მმართველ ორგანოს ახალი პრეზიდენტი ჰყავს. ასე რომ, შესაძლოა, ახალი საქმე ჩამაბარონ. ნებისმიერი შემოთავაზების მოსასმენად მზად ვარ”, – დი ბიაჯოს სიტყვებს Football-italia ციტირებს.

შეგახსენებთ, რომ 2014 წლის მსოფლიოს ჩემპიონატის შემდეგ ჩეზარე პრანდელიმ “სკუადრა აძურას” თავკაცის პოსტი დატოვა. აღნიშნული თანამდებობა ამ დრომდე ვაკანტურია.

ნედვედი: „კიელინი ბავშვივით მოიქცა“

Posted on ივლისი 21, 2014 by ბექა დოგრაშვილი

ტურინის „იუვენტუსის“ დირექტორმა პაველ ნედვედმა „ბარსელონას“ თავდამსხმელ ლუის სუარესის შესახებ ისაუბრა.

„სუარესი შესანიშნავი ფეხბურთელია. მე მას ბევრი ფიქრის გარეშე დავიმატებდი „იუვენტუსში“.

საერთოდაც, ორი წლის წინათ ძალიან ახლოს ვიყავით სუარესის შეძენასთან. ის ჩემპიონია და ამით ყველაფერი ნათქვამია“, – ნედვედის სიტყვებს Football Italia ციტირებს.

ჩეხმა სუარესსა და ჯორჯო კიელინის შორის მომხდარი ინციდენტის შესახებაც ისაუბრა და იტალიელ მცველს საქციელი დაუწუნა.

„სუარესის რეაქციას არ ვამართლებ, თუმცა ჯორჯოს საქციელმა აღმაშფოთა. კიელინი ბავშვივით მოიქცა. მსაჯს ნაკბენ ადგილს უჩვენებდა. საბედნიეროდ, როდესაც სუარესმა ბოდიში მოიხადა, კიელინიმ გონივრულად უპასუხა და ფიფას დისკვალიფიკაციის შემცირებაც სთხოვა“, – აღნიშნა ნედვედმა.

პაოლო მალდინი იტალიის ფეხბურთის ფედერაციაში იმუშავებს?

Posted on ივნისი 30, 2014 by ბექა დოგრაშვილი

„ლა გაძეტა დელო სპორტის“ ცნობით, იტალიის ფეხბურთის ფედერაციის ვიცე-პრეზიდენტის პოსტზე დანიშვნის კანდიდატთა შორის „მილანის“ ყოფილი კაპიტანი პაოლო მალდინიც არის.

აღნიშნულ თანამდებობაზე უკანასკნელად ასევე „როსონერის“ ყოფილი ფეხბურთელი დემეტრიო ალბერტინი მუშაობდა. მან პოსტი საკუთარი გადაწყვეტილებით დატოვა.

შეგახსენებთ, რომ 2014 წლის მსოფლიოს ჩემპიონატზე იტალიის ნაკრების წარუმატებელი გამოსვლის შემდეგ თანამდებობა დატოვა ქვეყნის ფეხბურთის ფედერაციის პრეზიდენტმა ჯანკარლო აბეტემაც.