ველომრბოლელი რუი კოშტა ზედიზედ მესამედ პორტუგალიის წლის საუკეთესო სპორტსმენად დასახელდა.
აღსანიშნავია, რომ გაფართოებულ 32-კაციან სიაში მადრიდის „რეალის“ თავდამსხმელი კრიშტიანუ რონალდუ ვერ მოხვდა. თუმცა, კანდიდატთა შორის არც სხვა პორტუგალიელი ფეხბურთელები იყვნენ.
ცნობისთვის, 2011, 2012 და 2013 წელს კრიშტიანუ ნომინანტების ფინალურ ხუთეულში გავიდა, მაგრამ პირველი ადგილი არასდროს დაუკავებია.
გეტყვით იმასაც, რომ ხსენებული ტიტული 2005 წლიდან არსებობს და ამ პერიოდში იგი ფეხბურთელს არასდროს მიუღია.
მადრიდის „რეალის“ ყოფილმა პრეზიდენტმა რამონ კალდერონმა კრიშტიანუ რონალდუს ტრანსფერის ისტორია მოჰყვა.
„როდესაც ფლორენტინო პერესი პრეზიდენტი გახდა და „რეალში“ მუშაობა დაიწყო, მას რონალდუსთან მოლაპარაკების ჩაშლა სურდა. მისი აზრით, კრიშტიანუს სატრანსფერო ფასი საკმაოდ მაღალი იყო.
მან იცოდა, რომ რონალდუ კარგი ფეხბურთელია. ამავდროულად იგი ფიქრობდა, რომ ასეთი თანხის გადახდა მის სანაცვლოდ არ ღირდა. თავიდანვე მათ ამის გამო მცირე კონფლიქტიც კი ჰქონდათ, რადგან კრიშტიანუმ ამ ისტორიის შესახებ იცოდა.
მოლაპარაკება ორი წლის განმავლობაში მიმდინარეობდა“, – განაცხადა კალდერონმა.
“მანჩესტერ იუნაიტედის” თავდამსხმელი უეინ რუნი თვლის, რომ მადრიდის “რეალის” ლიდერი კრიშტიანუ რონალდუ დღესდღეობით უფრო ძლიერია, ვიდრე “ბარსელონას” თავდამსხმელი ლიონელ მესი და “ოქროს ბურთიც” სწორედ პორტუგალიელმა ფეხბურთელმა უნდა მიიღოს.
“ვფიქრობ, რომ “ოქროს ბურთს” კვლავ რონალდუ მიიღებს. კრიშტიანუმ ბოლო ორი-სამი წელიწადი შესანიშნავად განვლო და მგონია, რომ იგი მესის მსოფლიოს საუკეთესო ფეხბურთელის წოდებისთვის ბრძოლაში აჯობებს. რთული იქნება, ამ ჯილდოს მოპოვებაში მას ვინმე შეეცილოს”, – განაცხადა რუნიმ “მანჩესტერ იუნაიტედის” სატელევიზიო ეთერში.
შეგახსენებთ, რომ უეინ რუნი ინგლისის ეროვნული ნაკრების კაპიტანია. ასე რომ, რონალდუს მისგან ერთი ხმა გარანტირებული აქვს.
“ოქროს ბურთის” დაჯილდოების საზეიმო ცერემონიალი 2015 წლის 12 იანვარს, შვეიცარიის ქალაქ ციურიხში ჩატარდება.
მადრიდის “რეალის” თავდამსხმელმა კრიშტიანუ რონალდუმ განაცხადა, რომ “სამეფო კლუბში” ასპარეზობა მიმდინარე კონტრაქტის დასრულების შემდეგაც სურს.
“ძალიან კმაყოფილი ვარ. ახლა გუნდი შესანიშნავი ფორმაშია. ამიტომ, მეც ბოლომდე ვცდილობ დახარჯვას და გამარჯვებების მოპოვებას, რაც მე ყველაზე მეტად მიყვარს. “რეალში” 33 წლამდე, ჩემი კონტრაქტის დასრულებამდე მსურს თამაში. მერე კი ვნახოთ, მოინდომებს თუ არა პერესი ხელშეკრულების გახანგრძლივებას” – განაცხადა რონალდუმ.
შეგახსენებთ, 5 ნოემბერს რონალდუმ გასული სეზონის საუკეთესო ბომბარდისრისთვის განკუთვნილი “ოქროს ბუცი” მიიღო.
ლუის სუარესის შემდეგ ოქროს ბუცი მადრიდის “რეალის” შემტევმა, კრიშტიანუ რონალდუმაც მიიღო. შეგახსენებთ, გასულ სეზონში ორივე ფეხბურთელმა თანაბარი რაოდენობის გოლები გაიტანეს საკუთარ ჩემპიონატებში.
ურუგვაელმა კუთვნილი ოქროს ბუცი ოქტომბრის შუა რიცხვებში მიიღო, ახლა კი პორტუგალიელის ჯერიც დადგა.
აღნიშნული ჯილდო რონალდუმ უკვე მესამედ მოიგო. აქამდე კრიშტიანუს ოქროს ბუცი 2008 და 2011 წლებში აქვს მოგებული.
მადრიდის “რეალის” შემტევმა კრიშტანუ რონალდუმ საკუთარი საფეხბურთო კარიერის მთავარ მიზანზე ისაუბრა.
“გავხდები თუ არა ფეხბურთის ისტორიაში საუკეთესო მოთამაშე? ეს ჯერ არ ვიცი. ამის შესახებ ყველას თავისი აზრი აქვს, თუმცა პირადად მე მსურს, რომ ყველა დროის საუკეთესო ფეხბურთელი გავხდე და ამისთვის ყველაფერს ვაკეთებ. ჩემს ისტორიას ეტაპობრივად ვწერ და კარიერის დასრულების შემდეგ გავიგებ, მოვხვვდი თუ არა საუკეთესოთა შორის. დარწმუნებული ვარ, ეს ასეც იქნება” – განაცხადა რონალდუმ.
მადრიდის “რეალის” შემტევმა კრიშტიანუ რონალუდუმ ჩემპიონთა ლიგის ჯგუფური ეტაპი მეოთხე ტურის მატჩში 13-მეტჩიანი შედეგიანი სერია შეწყვიტა. შეგახსენებთ, “ლივერპულთან” გამართული მატჩი მადრიდელთა მინიმალური გამარჯვებით, 1:0 დასრულდა, გამარჯვების გოლის ავტორი კი კარიმ ბენზემა გახდა.
მოედნიდან გატანილის გოლის გარეშე რონალდუ ბოლოს 23 აგვისტოს, ესპანეთის სუპერთასის მატჩის შემდეგ გავიდა. მას შემდეგ კი პორტუგალიელს რეგულარულად გაჰქონდა გოლები და მეტოქეთა დამწუხრება 21-ჯერ შესძლო.
მადრიდის “რეალის” შემტევმა კრიშტიანუ რონალდუმ “გრანადასთან” მოგებულ პრიმერას მეათე ტურის შეხვედრაში მორიგი რკორდი დაამყარა.
მეტოქის კარში მატჩის მეორე წუთზე გატანილი გოლი რონალდუსთვის ათ ტურში მე-17 აღმოჩნდა, რაც სარეკორდო მაჩვენებელია. წინა რეკორდი ისიდრო ლანგარას ეკუთვნოდა, რომელმაც 10 ტურში 16 გოლის გატანა შესძლო. თუმცა, აღსანიშნავია, რომ პორტუგალიელამ 9 მატჩში მიიღო მონაწილეობა.
შეგახსენებთ, ანჩელოტის შეგირდებმა “გრანადას” ოთხი უპასუხო გოლი გაუტანეს.
„ლივერპულის“ ნახევარმცველმა სტივენ ჯერარდმა ყოფილი თანაგუნდელის ლუის სუარესის „ოქროს ბურთს“ მოგების კანდიდატთა შორის არყოფნაზე ისაუბრა.
„ამის უბრალოდ არ მჯერა. ნუთუ ფეხბურთში პოლიტიკა ჩაერთო?
მან 31 გოლი გაიტანა და მსოფლიოს უძლიერესი საფეხბურთო ლიგის საუკეთესო მოთამაშედ დასახელდა, იგი კი „ოქროს ბურთის“ კანდიდატთა შორის არ შეიყვანეს. ეს რაღაც საოცრებაა.
ფაქტია, სუარესი კრიშტიანუ რონალდუსთან „ოქროს ბურთისთვის“ უნდა იბრძოდეს“, – განაცხადა ჯერარდმა.
მადრიდის „რეალის“ მთავარი მწვრთნელი კარლო ანჩელოტი ფიფა-ს პრეზიდენტის იოზეფ ბლატერის სიტყვებს გამოეხმაურა. შეგახსენებთ, რომ ბლატერმა 2014 წლის „ოქროს ბურთის“ ყველაზე დამსახურებულ კანდიდატად მეკარე მანუელ ნოიერი მოიხსენია.
„ბლატერის კომენტარები ძალიან მაკვირვებენ. ისეთი შთაბეჭდილებაა, რომ ფიფა-ს პრეზიდენტის პირი უბრალოდ არ იხურება. „ოქროს ბურთის“ თემაზე რეგულარულად საუბრობენ. თუ შარშან კრიშტიანუ რონალდუს კონკურენტები მესის დონის მოთამაშეები იყვნენ, ამჯერად, ყველაფერი უფრო ნათელია.
ეს წელი კრიშტიანუსი იყო: იგი ბევრ გოლს იტანდა და ტიტულებიც მოიგო. „ოქროს ბურთი“ მას უნდა გადაეცეს. ბლატერის სიტყვებში აზრს ვერ ვხედავ.
იმოქმედებს თუ არა ჩემი ეს კომენტარი წლის საუკეთესო მწვრთნელის ნომინაციის შედეგებზე? რა თქმა უნდა, ამ პრიზის მიღებაზე უარს არ ვიტყოდი, თუმცა მასზე გაცილებით მნიშვნელოვანი ტიტული – ჩემპიონთა ლიგა მოვიპოვე. თუ კიდევ ერთ პრიზს მივიღებ, ოთახის გაფართოვება მომიწევს“, – განაცხადა ფეხბურთს იტალიელმა სპეციალისტმა.
მადრიდის “რეალის” შემტევი კრიშტიანუ რონალდუ დარმუწნებულია, რომ 2013/14 წლების ინდივიდუალური ჯილდოები დამსახურებულად მოიგო.
29 წლის პორტუგალიელი პრიმერას საუკეთესო მოთამაშე და საუკეთესო თავდამსხმელი გახდა. გარდა ამისა, მის ანგარიშზე ჩემპიონატის საუკეთესო გოლია. 6 ნოემბერს კი კრიშტიანუ “ოქროს ბუცსაც” მიიღებს.
“საუკეთესო თავდამსხმელის წოდება ძალიან მახარებს. ამ ჯილდომ ბედნიერ ადამიანად მაქცია. მადლობა ყველას, ვინც მე მომცა ხმა. აღნიშნული ჯილდო დავიმსახურე და მისთვის მომავალ წელსაც ვიბრძოლებ” – განაცხადა რონალდუმ.
“რეალის” შემტევმა კრიშტიანუ რონალდუმ, რომელიც წარსულში “მანჩესტერ იუნაიტედის” ღირსებას იცავდა, განაცხადა, რომ უახლოეს მომავალში “წითელ ეშმაკებს” ინგლისის ჩემპიონატის მოგება შეუძლიათ.
მიმდინარე გათამაშების რვა ტურის შემდეგ მანჩესტერელები 12 ქულით მერვე პოზიციაზე იმყოფებიან.
“ვან გაალი შესანიშნავი მწვრთნელია. დარწმუნებული ვარ, რომ უახლოეს მომავალში “მანჩესტერი” ჩემპიონობას დაიბრუნებს. წელს თუ არა, მომავალს წელს ეს სავსებით რეალური იქნება.
სერ ალექს ფერგიუსონმა განაცხადა, რომ ვან გაალს დრო სჭირდება და ის მართალიც არის. თავად სერ ალექსმაც “იუნაიტედში” ტიტულების გარეშე დაიწყო. კარგი გუნდის ასაშენებლად დრო არის საჭირო” – განაცხადა რონალდუმ.
