კროოსი – Fanebi.Com – ფეხბურთი, კალათბურთი, რაგბი, სხვა

კროოსი: “კორეას 90 წუთის მანძილზე გოლს თუ ვერ გაუტან, გავარდნას იმსახურებ”

Posted on ივნისი 27, 2018ივნისი 27, 2018 by იაკობ კაპანაძე

გერმანიის საფეხბურთო ნაკრების ნახევარმცველმა, ტონი კროოსმა, მსოფლიო 2018 წლის ჩემპიონატზე ისაუბრა. შეგახსენებთ, რომ ისტორიაში პირველად “ბუნდესნაკრები” მუნდიალის ჯგუფში ჩარჩა.

“არავის ეგონა, რომ დღეს ჩვენ ასპარეზობას გამოვეთიშებოდით. ნორმალურია, სწრაფად დასკვნების გამოტანას რომ არ ვცდილობთ. გვინდა რომ მომხდარი კარგად გავაანალიზოთ.

დიახ, ვაანალიზებ, რომ გამოვვარდით. ტურნირის მსველობისას ვხვდებოდით, რომ საუკეთესო ფორმაში ვერ ვიყავით. ბოლო თამაშებმა ეს ნამდვილად დაამტკიცა.

კორეას 90 წუთის მანძილზე გოლს თუ ვერ გაუტან, გავარდნას იმსახურებ. რა თქმა უნდა, უკეთესია, როდესაც კარგად თამაშობ, მაგრამ რთულია ტურნირის მოგება ასეთი ზეწოლის ფონზე,” – აცხადებს კროოსი.

კროოსი: “ჩემპიონთა ლიგის კიდევ ერთხელ მოგება გვინდა!”

Posted on აპრილი 26, 2018 by კახა ყიფიანი

დღეს ჩემოპიონთა ლიგის ნახევარფინალური შეხვედრის პირველი მატჩი შედგა: მიიუნხენის “ბაიერნმა” საკუთარ მოედანზე მადრიდის “რეალი” მიიღო. დაპირისპირება ესპანელთა გამარჯვებით, ანგარიშით, 2-1 დასრულდა.

თამაშის შემდეგ ჟურნალისტებს მადრიდის “რეალის” ნახევარმცველი, ტონი კროოსი ესაუბრა.

“რონალდუ წინ ძალიან ბევრს მუშაობდა. ვიცოდით, რომ “ბაიერნი” პრესინგით ითამაშებდა. გვინდა, ეს ტურნირი კიდევ ერთხელ მოვიგოთ. ეს დაუჯერებელი იქნება. მე იუპ ჰაინკესთან ძალიან კარგი ურთიერთობა მაქვს. ხშირად ვკონტაქტობთ. ყველაფერს საუკეთესოს ვუსურვებ,” – ამბობს კროოსი.

“რეალს” “ლას პალმასთან” შეხვედრაში რონალდუ და კიდევ ხუთი ვარსკვლავი დააკლდება

Posted on მარტი 30, 2018 by კახა ყიფიანი

ხვალ “რეალი” ლა ლიგა სანტანდერის 30-ე ტურში “ლას პალმასს” ესტუმრება. საგულისხმოა, რომ ზინედინ ზიდანმა განაცხადში, ტრავმების გამო, ორი მოთამაშე ვერ შეიყვანა. პირველი მათგანი სერხიო რამოსია, რომელმაც არგენტინასთან დაპირისპირებაში მიიღო დაზიანება. რაც შეეხება ისკოს, მანაც სამხრეთამერიკელებთან ჩატარებული შესანიშნავი შეხვედრის შემდეგ, იგრძნო დისკომფორტი.

გარდა ესპანელებისა, “რეალს” კრიშტიანუ რონალდუ, მარსელო და ტონი კროოსი დააკლდებიან. “ზიზუმ” გადაწყვიტა, ბიჭები დაასვენოს. ეს რომ “იუვენტუსთან” გასამართი მატჩისთვის ხდება, გასაგებია. ხოლო, დანი კარვახალს დისკვალიფიკაცია აქვს და ისიც ვერ გაჰყვება გუნდს.

ზიდანი: “რონალდუ სხვა გალაქტიკიდანაა”

Posted on მარტი 10, 2018მარტი 10, 2018 by კახა ყიფიანი

დღეს მადრიდის “რეალმა” ლა ლიგა სანტანდერის 28-ე ტურში “ეიბარი” სტუმრად, კრიშტიანუ რონალდუს დუბლით, 2-1 დაამარცხა.

დაპირისპირების შემდეგ ზინედინ ზიდანმა ჟურნალისტებთან ისაუბრა.

“რონალდუ სხვა გალაქტიკიდანაა. მან იცის, როგორ უნდა გაიტანო საჭირო მომენტში. ის უნიკალური და განსაკუთრებულია. პორტუგალიელის სტატისტიკა აჩვენებს, რას წარმოადგენს იგი. კრიშტიანუს შემართება ხაზგასასმელია. თუ ორს გაიტანს, უნდა მესამეც! ისკო და ბეილიც კარგად გაისარჯნენ, თუმცა ჰქონდათ ხარვეზები. ეს გასაკვირი არაა, რადგან ბურთს დიდ ხანს ვერ ვფლობდით და ეს ყველა მოთამაშეს დაეტყო. მათ იბრძოლეს და გაისარჯნენ, რაც დასაფასებელია. მოდრიჩს კარგი მატჩი ჰქონდა. ის ერთ-ერთი საკვანძო ფიგურაა,” – ამბობს “ზიზუ”.

კროოსი: “პსჟ”-სთან წარსულის გამოცდილება და ამჟამინდელი ძალა დაგვეხმარება!”

Posted on თებერვალი 13, 2018 by კახა ყიფიანი

ჩემპიონთა ლიგის მერვედფინალში მადრიდის “რეალი” და “პარი სენ-ჟერმენი” ერთმანეთს დაუპირისპირდებიან. პირველი თამაში 14 თებერვალს, “სანტიაგო ბერნაბეუზე” შედგება.

მნიშვნელოვანი მატჩის წინ “ბლანკოსის” ნახევარმცველმა, ტონი კროოსმა ჟურნალისტებთან ისაუბრა.

“ჩვენს მიმართ იგივე შეკითხვები და ეჭვებია, რაც შარშან იყო. წინა წელსაც ჩემპიონთა ლიგის მოქმედი გამარჯვებულები ვიყავით და ბევრს არ სჯეროდა, იმავეს ზედიზედ მეორედ მოვახერხებდით. ეს ძალიან რთულია. კარგად მახსოვს ურთულესი დაპირისპირებები მიუნხენის “ბაიერნთან”, მადრიდის “ატლეტიკოსთან” და ტურინის “იუვენტუსთან”. ეს არ იყო ადვილი და ვფიქრობ.

“ახლა, წარსულის გამოცდილებიდან და ამჟამინდელი ძალიდან გამომდინარე, მატჩებს ოპტიმისტურად ვხვდებით. ეს არ იქნება იოლი, რადგან “პსჟ” მშვენიერი გუნდია. თუმცა, ჩვენც არ ვართ ნაკლები. ერთი სული მაქვს, როდის მოვა დაპირისპირების დრო. ჩვენ ვხვდებით ერთ-ერთ საუკეთესო მეკარეს, ოთხ შესანიშნავ მცველს, სამ გამორჩეულ ნახევარმცველსა და სამ საოცარ თავდამსმხელს. ამით ყველაფერი ნათქვამია. ისინი ერთიანნი არიან, კარგად ითვისებენ სივრცეებს და სწრაფად უტევენ. მთავარია, ჩვენი თავის და მოთამაშეების ვირწმუნოთ. ეს უმთავრეის რამაა,” – აცხადებს კროოსი.

კროოსი: “ზიდანმა იცის, რომ ნებისმიერ დროს შეუძლია მენდოს”

Posted on ნოემბერი 17, 2017ნოემბერი 17, 2017 by კახა ყიფიანი

მადრიდის “რეალის” ნახევარმცველმა, ტონი კროოსმა თავის მწვრთნელზე, ზინედინ ზიდანზე ისაუბრა.

“პირველ რიგში, ზიდანმა ჩემი თავის რწმენა მომცა. თავდაჯერებულობა ძალიან მეხმარება ყველა წამს. იმ ორი წლის მანძილზე, რომლის განმავლობაშიც ერთად ვიმუშავეთ, მან, ფაქტობრივად, ყველა თამაშში გამომიყენა. განსაკუთრებით, მნიშვნელოვან შეხვედრებში დიდი მისიები მქონდა. ვფიქრობ, მათ კარგად გავართვი თავი. ახლა კი, ზინედინმა იცის, ნებისმიერ დროს შეუძლია ჩემი ნდობა.”

“ჩვენ შესანიშნავი ურთიერთობა გვაქვს. ვგონებ, ეს ნებისმიერი სპორტსმენისა თუ ხელმძღვანელისთვის აუცილებელია.”

ტონის გერმანიის ნაკრებზეც ჰკითხეს.

“გვინდა, მსოფლიოს ჩემპიონატი კიდევ ერთხელ მოვიგოთ. ვიცი, რომ ნაკრებისთვისაც ჩემი თამაში ბევრს ნიშნავს, ამიტომ დიდი მონდომებით ვემზადები. მინდა, კარგი სეზონი მქონდეს, იმის მიუხედავად, მივაღწევთ თუ არა ჩემპიონთა ლიგის ფინალს. მიზანი ისაა, რომ მუნდიალისთვის ფიზიკურად მზად ვიყო,” – ამბობს კროოსი.

ტონი კროოსმა ბავშვთა ორ ჰოსპიტალს 600 000 ევრო გადაურიცხა

Posted on ივნისი 10, 2017 by კახა ყიფიანი

ტონი კროოსმა ჩემპიონთა ლიგის მოგების შემდეგ აუქციონი მოაწყო, რომელზე გატანილ ნივთებს შორის ის მაისურიც იყო, რომელიც გერმანელს “იუვენტუსთან” ფინალში ეცვა. კროოსმა აუქციონიდან მიღებული თანხა მთლიანად გადარიცხა კიოლნისა და დიუსელდორფის ბავშვთა ჰოსპიტალებში. იგი პატარებს, საერთო ჯამში, 642,041 ევროთი და 11 ცენტით დაეხმარა.

“ბლანკოსის” ნახევარმცველმა კიოლნში გალა საღამო მოაწყო, რომელსაც გერმანული ფეხბურთის წარმომადგენლები ესწრებოდნენ. სწორედ აქ მოხდა მისი ჩეკის პრეზენტაციაც.

აქვე გეტყვით, რომ კროოსის ფონდი ორი წელია ბავშვებს ეხმარება.

კროოსი: “ბაიერნში აღარასდროს დავბრუნდები”

Posted on მაისი 19, 2017 by კახა ყიფიანი

ტონი კროოსმა მიუნხენის “ბაიერნში” რამდენიმე წელი გაატარა. იგი სწორედ გერმანულ გრანდში დაიხვეწა და უმაღლესი დონის ფეხბურთელად ჩამოყალიბდა. 2014 წლის ზაფხულზე ტონიმ მადრიდის “რეალს” მიაშურა და პირველივე სეზონიდან გუნდის ნახევარდაცვის ერთ-ერთი წამყვანი ფიგურაა. მას კონტრაქტი 2022 წლამდე აკავშირებს კლუბთან.

27 წლის ფეხბურთელს ჰკითხეს, დაბრუნდებოდა თუ არა ოდესმე ყოფილ კლუბში.

“წარმოდგენაც კი არ შემიძლია, რომ “ბაიერნში” ვბრუნდები. ეს არ მოხდება. ზოგადად, გერმანიაში არანაირი არჩევანი არ მაქვს. ამ ეტაპზე მხოლოდ ჩემს გუნდზე ვარ კონცენტრირებული. არ ვიცი, რა მოხდება ხუთ წელში, თუმცა ახლა ძალიან მინდა, “რეალში” დავრჩე და საუკეთესო წლები აქ მქონდეს.”

“მწვრთნელობა? ალბათ, კარიერის დასრულების შემდეგ ამ საქმეს ხელ არ მივყოფ. არა იმიტომ, რომ საკუთარ თავში თავდაჯერებული არ ვარ და ეს არ შემიძლია. უბრალოდ, მწვრთნელობას ფეხბურთელობაზე უფრო დიდი დრო და ძალისხმევა სჭირდება,” – განაცხადა ტონიმ.

“რეალმა” “სელტა” დაამარცხა – ერთი ნაბიჯი ესპანეთის ჩემპიონობამდე (ვიდეო)

Posted on მაისი 18, 2017 by კახა ყიფიანი

დღეს ესპანეთის ლა ლიგის გადადებული შეხვედრა შედგა. ვიგოს “სელტამ” მადრიდის “რეალი” მიიღო

შეხვედრა მადრიდელთა უპირატესობით წარიმართა. კრიშტიანუ რონალდუმ ანგარიშ მეათე წუთზე გახსნა, ხოლო 48-ე წუთზე დუბლი შეასრულა.

14 წუთში საკამათო ეპიზოდს ჰქონდა ადდგილი. “ბლანკოსსი” საჯარიმოში შესულ იაგო ასპასს სერხიო რამოსი დაეჯახა, ასპასი წაიქცა – მსაჯმა ეს უკანასკნელი სიმულაციისთვის მეორე ყვითელი ბარათით “დააჯილდოვა” და მოედანი დაატოვებინა. ათკაციანმა “სელტამ” “რეალს” მაინც გაუტანა – 69-ეზე ჯონ გუიდეტიმ მინიმუმამდე შეამცირა სხვაობა. დაძაბულობა ბენზემას გოლით ერთ წუთში განიმუხტა. ხოლო, 88-ეზე ტონი კროოსმა ყველაფერს წერტილი დაუსვა. საბოლოოდ, 1-4.

ამ გამარჯვების შემდეგ “რეალს” 90 ქულა დაუგროვდა და პირველ ადგილს იკავებს. იგგი სამი ქულით უსრებს “ბარსელონას”. შესაბამისად, სამეფო კლუბს ბოლო ტურში “მალაგასთან” ფრეც ჰყოფნით, რათა ჩემპიონები გახდნენ. “სელტა” 44 ქულით მეცამეტე პოზიციაზეა.

მადრიდის “რეალმა” ბილბაოს “ატლეტიკი” სტუმრად დაამარცხა (ვიდეო)

Posted on მარტი 18, 2017 by კახა ყიფიანი

დღეს ესპანეთის ჩემპიონატის 27-ე ტურის მატჩები გაიმართა.

ერთ-ერთ შეხვედრაში ბილბაოს “ატლეტიკმა” მადრიდის “რეალი” მიიღო. მატჩი ძალიან დაძაბული გამოვიდა. მას არ აკლდა ფიზიკური ორთაბრძოლები და ფეხბურთელებს შორის კამათი.

ანგარიშის გახსნა 25-ე წუთზე კარიმ ბენზემამ მოახერხა. მან კრიშტიანუ რონალდუს პასის შემდეგ აიღო ბასკების კარი.

მეორე ნახევარში, 65-ე წუთზე არიც ადურისმა გაათანაბრა. გამარჯვების გოლის გატანა კაზემირომ შეძლო. “რეალის” ბრაზილიელმა საყრდენმა ზუსტად 68-ე წუთზე მოახერხა ბილბაოელების დამწუხრება.

საბოლოოდ, ზინედინ ზიდანის შეგირდებმა ანგარიშით, 2-1 იმარჯვეს და “ლა ლიგას” ერთპიროვნულად ლიდერობენ (65 ქულა). რაც შეეხება “ატლეტიკს”, ამ გუნდს 44 ქულა აქვს და მეშვიდე პოზიციას იკავებს.

იხილეთ შეხვედრის მიმოხილვა

ოქროს ბურთისთვის ჰუგო ლორისი, ჯეიმი ვარდი, კოკე და კიდევ 27 სხვა ფეხბურთელი იბრძოლებს

Posted on ოქტომბერი 24, 2016ოქტომბერი 24, 2016 by იაკობ კაპანაძე

France Football-მა იმ 30 ფეხბურთელის სია დაასახელა, რომელიც წლის საუკეთესო ფეხბურთელის პრიზისთვის იბრძოლებს, რომლის მფლობელსაც ოქროს ბურთი გადაეცემა.

როგორც იცით, გასულ წელს აღნიშნული პრიზი ლიონელ მესის გადაეცა. არგენტინელი გოლეადორი ოქროს ბურთისთვის წელსაც იბრძოლებს, ნეიმართან, ლუის სუარესთან, გარეთ ბეილთან და კრიშტიანუ რონალდუსთან ერთად.

პრემიერ ლიგას კი აღნიშნულ სიაში “მანჩესტერ იუნაიტედის” ფორვარდი, ზლატან იბრაჰიმოვიჩი და “მანჩესტერ სიტის” შემტევები, სერხიო აგუერო და კევინ დე ბრუინი წარმოადგენენ.

2016 წლის ოქროს ბურთისთვის მებრძოლთა სია

სერხიო აგუერო (“მანჩესტერ სიტი”)

პიერ-ემერიკ ობამეიანგი (“ბორუსია დორტმუნდი”)

გარეთ ბეილი (“რეალი”)

ჯანლუიჯი ბუფონი (“იუვენტუსი”)

კრიშტიანუ რონალდუ (“რეალი”)

კევინ დე ბრუინი (“მანჩესტერ სიტი”)

პაულო დიბალა (“იუვენტუსი”)

დიეგო გოდინი (“ატლეტიკო”)

ანტუან გრიზმანი (“ატლეტიკო”)

გონსალო იგუაინი (“იუვენტუსი”)

ზლატან იბრაჰიმოვიჩი (“მანჩესტერ იუნაიტედი”)

ანდრეს ინიესტა (“ბარსელონა”)

კოკე (“ატლეტიკო”)

ტონი კროოსი (“რეალი”)

რობერტ ლევანდოვსკი (“ბაიერნი”)

ტომას მიულერი (“ბაიერნი”)

ლუკა მოდრიჩი (“რეალი”)

რიად მაჰრეზი (“ლესტერი”)

ლეო მესი (“ბარსელონა”)

ჰუგო ლორისი (“ტოტენჰემი”)

დიმიტრი პაიეტი (“ვესტ ჰემი”)

პოლ პოგბა (“მანჩესტერ იუნაიტედი”

მანუელ ნოიერი (“ბაიერნი”)

პეპე (“რეალი”)

ნეიმარი (“ბარსელონა”)

რუი პატრისიო (“სპორტინგი”)

სერხიო რამოსი (“რეალი”)

ლუის სუარესი (“ბარსელონა”)

ჯეიმი ვარდი (“ლესტერი”)

არტურო ვიდალი (“ბაიერნი”)

გეტყვით იმასაც, რომ წელს ოქროს ბურთის დაჯილდოების ორგანიზატორად მხოლოდ France Football გვევლინება, ამიტომაც არის, რომ ამ პრიზის მფლობელს მხოლოდ ჟურნალისტები აირჩევენ.

“რეალმა” ანტირეკორდი გაიმეორა

Posted on ოქტომბერი 2, 2016 by კახა ყიფიანი

დღეს პრიმერა დივიზიონის მეშვიდე ტურის მატჩები გაიმართა.

ერთ-ერთ შეხვდრაში მადრიდის “რეალმა” საკუთარ მოედანზე “ეიბარი” მიიღო. გუნდებმა თითო-თითო გოლი გაცვალეს და, საბოლოოდ, ანგარიში 1-1 დააფიქსირეს. ეს ფრე ზედიზედ მეოთხეა ზიდანის “რეალისთვის”.

საგულისხმოა, რომ “ბლანკოსმა” დღეს ანტირეკორდი გაიმეორა, რადგან ზედიზედ ოთხი ფრე ბოლოს მას “ზიზუს” ფეხბურთელობის ბოლო სეზონში (2005/2006), კონკრეტულად, მარტში ჰქონდა.