“ჩელსის” წარმომადგენლები ლიონელ მესის მამას შეხვდნენ და არგენტინელი ფეხბურთელის ლონდონის გადაბარგებაზე ესაუბრნენ. RAC 1-ის ცნობით ინგლისელებმა მესის მამას განუცხადეს, რომ მზად არიან “ბარსელონას” 250 მილიონი ევრო გადაუხადონ.
მესის “ჩელსიში” გადასვლაზე, შესაძლოა, ლონდონურ კლუბში მისი მეგობრის, სესკ ფაბრეგასის ყოფნის ფაქტობრმა და ლუის ენრიკესთან კონფლიქტმაც იმოქმედოს.
უკვე ორი დღეა, რაც წამყვანი გამოცემები „ბარსელონაში“ არსებული პრობლემის შესახებ წერენ. კვირას კატალონიელები „რეალ სოსიედადთან“ ანგარიშით 0:1 დამარცხდნენ. ხსენებულ შეხვედრაში გუნდის მთავარი მწვრთნელის ლუის ენრიკეს გადაწყვეტილებებით ლიონელ მესი უკმაყოფილო დარჩა.
როგორც ცნობილია, ხვალ კატალონიური კლუბის სამი მოთამაშე ჩავი, ანდრეს ინიესტა და სერხიო ბუსკეტსი მესის პირადად შეხვდება და არსებულ სიტუაციას განიხილავს. მხარეები ამით კონფლიქტის მოგვარებას შეეცდებიან.
შეგახსენებთ, რომ „ბარსას“ ხელმძღვანელობამ ლუის ენრიკეს უკვე ულტიმატუმიც წაუყენა და იმ შემთხვევაში, თუ გუნდი მომდევნო მატჩსაც წააგებს, შესაძლო, გუნდს ახალი თავკაცი ჰყავდეს.
“მილანისა” და უკრაინის ნაკრების ყოფილმა თავდამსხმელმა ანდრეი შევჩენკომ “ოქროს ბურთის” ჯილდოზე წარდგენილ ფეხბურთელთა შესახებ ისაუბრა და ფავორიტიც დაასახელა. შეგახსენებთ, რომ თავად შევჩენკომ ეს ჯილდო 2004 წელს მოიგო.
“ოქროს ბურთის” მოგება ბევრ რამეს ნიშნავს. ეს ფეხბურთში მთავარი ინდივიდუალური ჯილდოა. ახალგაზრდობაში მის მოპოვებაზე ბევრი მიოცნებია, რამდენჯერმე მიზანთან ძალიან ახლოსაც ვიყავი. უბედნიერესი გახლდით, როდესაც “ოქროს ბურთი” მოვიგე. ვიგრძენი, როგორ ახდა ჩემი ერთ-ერთი ოცნება.
ჯილდოსთვის ბრძოლაში ფავორიტად მანუელ ნოიერს დავასახელებ. ბრაზილიაში გამართულ მსოფლიოს ჩემპიონატს თვალყური მივადევნე. ნოიერი მუნდიალის მომგები გუნდიდანაა და ტურნირზე ყველა ეპიზოდში თავი ფანტასტიურად წარმოაჩინა. იგი თამაშობდა როგორც მეკარედ, ასევე მცველადაც, რითაც დიდად დაეხმარა დაცვის ხაზს.
თუმცა, ვფიქრობ, კრიშტიანუ რონალდუსა და ლიონელ მესის მაინც აქვთ ჯილდოს მოპოვების შანსი. “რეალი” ჩემპიონთა ლიგის გამარჯვებული გახდა, რონალდუ კი კლუბის მთავარი ვარსკვლავი იყო. მსოფლიოს ჩემპიონატზე გერმანიისა და არგენტინის ნაკრებებმა საოცარი ფინალი გვიჩვენეს. მესისთვის იოლი არ ყოფილა, თუმცა მაინც ვფიქრობ, რომ მან ტურნირზე შესანიშნავად იასპარეზა. შესაძლოა, ლეო ინდივიდუალური თვალსაზრისით საუკეთესო არ იყო, თუმცა მან გუნდისთვის ძალიან დიდი სამუშაო გასწია.
სამივე მათგანი დიდებული ფეხბურთელია, თუმცა მე არჩევანს ნოიერზე ვაკეთებ. ის მართლაც გამორჩეული იყო გერმანიისა და მიუნხენის “ბაიერნის” შემადგენლობაში. მან ეს წელიწადი ფანტასტიურად განვლო”, – შევჩენკოს სიტყვები ფიფას ოფიციალურმა ვებგვერდმა გამოაქვეყნა.
შეგახსენებთ, რომ “ოქროს ბურთის” დაჯილდოების საზეიმო ცერემონია 12 იანვარს, შვეიცარიის ქალაქ ციურიხში გაიმართება.
„ბარსელონას“ თავდამსხმელი ლიონელ მესი „რეალ სოსიედადთან“ შეხვედრაში გუნდის მთავარი მწვრთნელის ლუის ენრიკეს გადაწყვეტილებით უკმაყოფილო დარჩა.
რამდენიმე გამოცემის ვარაუდით, არგენტინელს არ სჯერა, რომ ლუის ენრიკეს არსებული სიტუაციის უკეთესობისკენ შეცვლა შეუძლია.
ლეოს უკმაყოფილება იმ ფაქტმა გამოიწვია, რომ პრიმერას 17 შეხვედრაში ენრიკემ 17 სხვადასხვა სასტარტო შემადგენლობა გაიყვანა.
აღსანიშნავია, რომ „რეალ სოსიედადთან“ გუშინ ანგარიშით 0:1 წაგებულ მატჩში მესი, ნეიმარი, პიკა, დანი ალვესი და რაკიტიჩი სათადარიგოთა სკამზე დარჩნენ.
კატალონიის “ბარსელონას” ფეხბურთელმა ლიონელ მესიმ იაპონურ სატელევიზიო გადაცემაში მიიღო მონაწილეობა. არგენტინელ სუპერვარსკვლავს ბურთი 18 მეტრის სიმაღლეზე მყოფ ბარიერის მეორე მხარეს გადაეგდო და შემდეგ ის ისე უნდა დაეჭირა, რომ მიწაზე არ დავადრდნილიყო.
„ბარსელონას“ თავდამსხმელი ლუის სუარესი შეტევაში თავისი თანაგუნდელებით კმაყოფილია
„ნეიმართან და მესისთან ერთად თამაში მიადვილდება. ისინი ჩინებულ ფეხბურთს აჩვენებენ. მოედანზე ვერც კი წარმოიდგენ, თუ რას გააკეთებენ ისინი რამდენიმე წამში.
ნეიმარი თავისი თამაშის მანერით მაოგნებს. კარგი იგი იმითაცაა, რომ მას საოცარი სისწრაფე გააჩნია. ამის შესახებ ადრეც ვიცოდი, მაგრამ როდესაც ამას ცოცხლად ხედავ, ხვდები, რომ იგი შეუჩერებელია. რაც შეეხება მესის, მას ერთბაშად 3-4 ფეხბურთელის მოტყუება ძალიან ადვილად შეუძლია“, – განაცხადა ურუგვაელმა.
2014 წელს ლიონელ მესიმ ოფიციალურ მატჩებში 58 გოლი გაიტანა. გთავაზობთ ამ გოლებს შორის ათი ყველაზე გამორჩეულის ამსახველ ვიდეოს.
კატალონიის “ბარსელონას” არგენტინელმა თავდამსხმელმა ლიონელ მესიმ მარცხენა ფეხზე ახალი ტატუ გაიკეთა.
„ოქროს ბურთის“ მოგების ერთ-ერთმა კანდიდატმა, მიუნხენის „ბაიერნის“ მეკარე მანუელ ნოიერმა განაცხადა, რომ მას მადრიდის „რეალისა“ და „ბარსელონას“ ლიდერებთან, კრიშტიანუ რონალდუსთან და ლიონელ მესისთან შედარებით, წლის საუკეთესო ფეხბურთელის ტიტულის მოგების ნაკლები შანსი მათი პოპულარობის გამოც აქვს.
„ამ პრიზის მოგების კანდიდატთა შორის ყოფნის გამო ვამაყობ. ჩემი ორივე მეტოქე მსოფლიო ბრენდს წარმოადგენს და, შესაძლოა, მათ მოგების უფრო მეტი შანსი ამის გამოც ჰქონდეთ“, – ციტირებს ნოიერს „Suddeutsche Zeitung“-ი.
„ნიუ-იორკ სიტის“ თავდამსხმელმა დავიდ ვილიამ ყოფილ თანაგუნდელ ლიონელ მესის მხარი დაუჭირა.
„მესიზე დიდი ხნის განმავლობაში ვსაუბრობ და ამას მომავალშიც გავაკეთებ. ლეო მსოფლიოში საუკეთესოა. მნიშვნელობა არ აქვს, იგი ბევრ გოლს იტანს თუ არა, რადგან არასდროს მინახავს ფეხბურთელი, რომელიც მის მსგავსად თამაშობდეს. ვფიქრობ, ისტორიაში იგი საუკეთესო მოთამაშეა, რადგან მესი უნიკალურია.
რაც შეეხება „ოქროს ბურთს“, არ ვიცი, როგორ ავლენენ გამარჯვებულს. ზოგჯერ მსოფლიო ჩემპიონატს ითვალისწინებენ, ზოგჯერ – არა. ვნახოთ, ყველაზე მეტ ხმას ვინ მიიღებს. პირადად მე, ვიცი, თუ ვინ იყო საუკეთესო ამ წლების განმავლობაში“, – განაცხადა ვილიამ.
მადრიდის „რეალის“ ლიდერის კრიშტიანუ რონალდუს წლის ყველა გოლის წარდგენის შემდეგ, გთავაზობთ „ბარსელონას“ თავდამსხმელის ლიონელ მესის 2014 წლის ყველა გოლის ამსახველ ვიდეოს.
ბრაზილიის ნაკრებისა და მადრიდის „რეალის“ ექს-ფეხბურთელმა რობერტო კარლოსმა ერთანეთს „ოქროს ბურთის“ მოგების მთავარი კანდიდატები კრიშტიანუ რონალდუ და ლიონელ მესი შეადარა.
„კრიშტიანუ მსოფლიოში საუკეთესოა, მესი კი იმას აკეთებს, რისი გაკეთებაც სხვებს ვერ გამოუვიდათ. იგი რეკორდებს ამყარებს, თუმცა რონალდუ მას საბოლოო მოქმედებებში სჯობს“, – განაცხადა კარლოსმა.
გარდა ამისა, ბრაზილიელმა მსოფლიოს საკლუბო ჩემპიონატის ფინალურ მატჩზეც ისაუბრა, რომელშიც „რეალი“ არგენტინულ „სან-ლორენცოს“ შეხვდება.
„სამხრეთამერიკელთათვის აღნიშნული ტიტული ჩემპიონთა ლიგას უდგრის. რაც შეეხება „რეალს“, ეს მსოფლიოს საუკეთესო გუნდია“, – დაასრულა კარლოსმა.
