18 ოქტომბერს, ესპანეთის პრიმერა დივიზიონში კატალონიის “ბარსელონამ” საკუთარ მოედანზე “ეიბარი” მიიღო და მეტოქე 3:0 დაამარცხა.
“მარკას” ცნობით, მატჩის 73-ე წუთზე ლუის ენრიკემ თამაშში მუნირ ელ ჰადადის ჩართვა და ამისათვის ლიონელ მესის სათადარიგოთა სკამზე დასმა გადაწყვიტა. “ბლაგაურნას” მთავარმა მწვრთნელმა არგენტინელ ფეხბურთელს დაუძახა, თუმცა მესი ისე მოიქცა, თითქოს, 44 წლის სპეციალისტის ხმა სულაც არ გაუგია.
საბოლოოდ, 77-ე წუთზე მოედნის დატოვება ნეიმარს მოუხდა.
“რეალის”, “პსჟ”-ს და არგენტინის ნაკრების ყოფილი მცველი გაბრიელ ჰაინცე დარწმუნებულია, რომ ლეო მესის კარიერაში უკანასკნელი კლუბი მშობლიური “ნიუელს ოლდ ბოისი” იქნება.
“მესი კარიერას “ნიუელს ოლდ ბოისში” დაასრულებს. ვფიქრობ, ეს ძალიან რეალურია. არგენტინაში ის სხვა გუნდის მაისურით არ ითამაშებს” – განაცხადა ჰაინცემ Marca-სთან საუბრისას.
მიმდინარე სეზონში მესიმ “ბარსელონას” შემადგენლობაში 9 შეხვედრაში მიიღო მონაწილეობა და 7 გოლი გაიტანა.
მადრიდის „ატლეტიკოს“ ერთ-ერთმა ლიდერმა კოკემ კრიშტიანუ რონალდუსა და ლიონელ მესიზე ისაუბრა.
„ამ ორს შორის საუკეთესოს დასახელება მიჭირს. ლიონელ მესი და კრიშტიანუ რონალდუ ჩინებული მოთამაშეები არიან, თუმცა პორტუგალიელი უბრალოდ კარგი სპორტსმენია, ხოლო არგენტინელი – უბრალოდ ღმერთია. მოედანზე იგი არნახულად თამაშობს.
ნებისმიერი კლუბი რონალდუს დონის მოთამაშეზე ოცნებობს, თუმცა მე მაინც მესის ავირჩევდი“, – აცხადებს კოკე.
„ბარსელონას“ მთავარმა მწვრთნელმა ლუის ენრიკემ გასვლაზე „რაიო ვალეკანოსთან“ ანგარიშით 0:2 მოგებული მატჩი შეაფასა.
„როგორც აქამდე ვთქვი, მაღალი დონის მოთამაშეთა გაწვრთნა ჩემთვის დიდი პატივია.
მოედანზე მესისა და ნეიმარს შორის კავშირი დღეს ნათლად გამოჩნდა, რაც მომავალშიც გაგრძელდება. ეს ორი მოთამაშე ერთმანეთს რაც უფრო კარგად გაუგებს, გუნდის საქმე მით უფრო კარგად იქნება“, – განაცხადა ლუის ენრიკემ.
ცნოვბისთვის, მიმდინარე სეზონის შვიდ მატჩში მესიმ ექვსი გოლი გაიტანა, ხოლო ნეიმარმა ექვს შეხვედრაში მეტოქეთა კარი შვიდჯერ აიღო.
კრიშტიანუ რონალდუმ და კარიმ ბენზემამ ერთობლივი რეკორდი დაამყარეს. მათი წყვილი, ჩემპიონთა ლიგის ისტორიაში, თავდამსხმელებს შორის ყველაზე შედეგიანი გახდა.
ორივე ფეხბურთელი, მადრიდის ”რეალში” 2009 წლის ზაფხულში მოვიდა. აქედან მოყოლებული, რონალდუმ ჩემპიონთა ლიგაზე 54 გოლი გაიტანა, ბენზემამ კი 26. საერთო ჯამში, 2009 წლიდან, ამ ორი ფეხბურთელის ანგარიშზე 80 გოლია. 1992 წლიდან მოყოლებული, ვერცერთა თავდამსხმელების დუეტმა ვერ მოახერხა ამდენი გოლის გატანა. აქამდე რეკორდი, ”ბარსელონას” ფეხბურთელებს, ლიონელ მესის და პედრო როდრიგესს ეკუთვნოდათ. მათ, საერთო ჯამში 75 გოლი აქვთ გატანილი.
მიმდინარე სეზონში, რონალდუმაც და ბენზემამაც, ჩემპიონთა ლიგის ორივე თამაშში მოახერხეს გოლის გატანა.
”ბარსელონას” ვარსკვლავმა, ლიონელ მესიმ, კლუბის დღევანდელ მდგომარეობაზე ისაუბრა.
”ჩვენ გვყავს შესანიშნავი გუნდი, რომელსაც მრავალი ტიტულის მოგება შეუძლია.”
”ყველა მწვრთნელს, საკუთარი მუშაობის სტილი აქვს. როდესაც გუნდში მოდის ახალი მწვრთნელი, რაღაც პერიოდი არის საჭირო, რომ გუნდმა თავისი იდეები აამუშაოს. ახლა ლუის ენრიკეს იდეების რეალიზებას ვახდენთ.”
”ვფიქრობ, რომ ”ბარსელონა” ზრდას განაგრძობს და გუნდს თავისუფლად შეუძლია ლიდერობა.” – განაცხადა მესიმ.
თანამედროვე ფეხბურთში “ბარსელონას” ლიდერ ლიონელ მესისა და მადრიდის “რეალის” თავდამსხმელ კრიშტიანუ რონალდუს შორის დიდი კონკურენციაა გაჩაღებული, თუმცა არგენტინელი ფეხბურთელი ამბობს, რომ პორტუგალიელს მსოფლოს საუკეთესო მოთამაშის წოდების მოსაპოვებლად არ ეცილება.
შეგახსენებთ, რომ ჩემპიონთა ლიგის გათამაშებაზე კრიშტიანუ რონალდუმ წუხელ 69-ე გოლი გაიტანა, რაც ერთით აღემატება ლეო მესის მონაგარს. სავარაუდოდ, ძალიან მალე ორივე მათგანი გაუსწრებს ევროპის ყველაზე პრესტიჟული საკლუბო ტურნირის საუკეთესო ბომბარდირ რაულს, რომელსაც 71 ბურთი აქვს გატანლი.
“არც რონალდუს და არც არავის არ ვეჯიბრები. ინდივიდუალურ ჯილდოებს ნაკლებ ყურადღებას ვაქცევ. უბრალოდ მინდა, რომ გუნდს დავეხმარო. არ ვფქრობ იმაზე, თუ რა ადგილს დავიკავებ ფეხბურთის ისტორიაში. ვცდილობ, კიდევ უფრო გავძლიერდე და გუნდთან ერთად ტიტულები მოვიგო.
“ბარსელონასთან” ახალი კონტრაქტის გაფორმების თაობაზე მოლაპარაკება მალევე დასრულდა, რადგან ეს ჩემთვის ადვილად მისაღები გადაწყვეტილება გახლდათ. ეჭვიც არ მეპარებოდა, რომ გუნდში დავრჩებოდი. ზაფხულში ძალიან კარგი მოთამაშეები დავიმატეთ, რომლებმაც გუნდთან ადაპტაცია მალევე გაიარეს. ახლა შესანიშნავი შემადგენლობა გვყავს.
რაც შეეხება არგენტინის ნაკრებში ჩემს თამაშს, პრესაში ამასთან დაკავშირებით სხვადასხვა ჭორები ვრცელდება, თუმცა ეროვნულ გუნდში ასპარეზობას გავაგრძელებ”, – მესის სიტყვები Goal.com-მა გამოაქვეყნა.
“ბარსელონას” შემტევმა ლიონელ მესიმ პსჟ-სთან გასამართი მატჩის წინ, 2012 წელს ლევერკუზენის “ბაიერთან” გამართული დაპირისპირება გაიხსენა. 1/8-ფინალში კატალონიელებმა გერმანულ კლუბს 7:1 მოუგეს, მესიმ კი ხუთი გოლი გაიტანა.
“იმ შეხვედრაში შესანიშნავად ვითამაშეთ, მე კი ხუთი გოლი გავიტანა. ახლა ეს უკვე წარსულია, მაგრამ უნდა ვაღიარო, რომ ეს ერთადერთი შეხვედრა იყო სადაც ხუთი გოლი გავიტანე, რაც შესანიშნავ მოგონებებთანაა დაკავშირებული” – განაცხადა მესიმ.
”ბარსელონას” ერთ-ერთმა ვარსკვლავმა, ნეიმარმა, ჟურნალისტებთან ”გრანადასთან” მატჩში შესრულებულ ჰეთ-თრიკზე ისაუბრა. იგი ასევე მესისთან დუეტს შეეხო და განაცხადა, რომ მალე, ის და მესი, წარმოუდგენლად ძლიერ წყვილს შემოგვთავაზებენ.
”ქეთ-თრიკით ძალიან ბედნიერი ვარ. ჩემს თანაგუნდელებს დიდ მადლობას ვუხდი დახმარებისთვის.”
”მესიმ საგრძნობლად თამაშს მოუმატა. ჩვენი დუეტი ვითარდება და ვფიქრობ რომ ერთად, წარმოუდგენლად ძლიერ წყვილს შევქმნით.”
”ჩვენ მზად ვართ, რომ ყველა თამაშში მწვავედ შევუტიოთ.” – განაცხადა ნეიმარმა.
წყალბურთის იტალიურმა კლუბმა „პრო რეკომ“ დაადასტურა, რომ „ბარსელონას“ ფორვარდი ლეო მესი გუნდის გულშემატკივარი გახდა.
არგენტინის ნაკრების თავდამსხმელმა და „ოქროს ბურთს“ ოთხგზის მფლობელმა კლუბის გულშემატკვირის დამადასტურებელი ბარათი მიიღო.
აღსანიშნავია, რომ სამხრეთ ამერიკელი იტალიური კლუბის პრეზიდენტის გაბრიელე ვოლპის მეგობარია.
თქვენ წინაშეა ვიდეო, რომელშიც ასახულია მსოფლიო ფეხბურთის ვარსკვლავების სასაცილო აცილებები.
მადრიდის „რეალისა“ და პორტუგალიის ნაკრების ლიდერს კრიშტიანუ რონალდუს ერთ-ერთ ბოლო ინტერვიუში ლიონელ მესის გასული მსოფლიო ჩემპიონატის საუკეთესო მოთამაშედ დასახელების შესახებ ჰკითხეს.
– ვფიქრობ, მთელმა მსოფლიომ ყველაფერი ნახა. ეს საინტერესო კითხვაა, სჯობს, ამის შესახებ თავად მესის ესაუბროთ.
– რას ფიქრობთ გულის სიღრმეში?
– ამ საკითხში ბოლომდე სამართლიანი ვერ ვიქნები (იცინის). თუ ყველაფერს გეტყვით, რასაც ვფიქრობ, თავს ციხეში ამოვყობ“, – განაცხადა პორტუგალიელმა.
