მერანი – გვერდი 5 – Fanebi.Com – ფეხბურთი, კალათბურთი, რაგბი, სხვა

ქართული ტრანსფერების მიმოხილვა

Posted on იანვარი 26, 2014იანვარი 26, 2014 by Levan

ქართული კლუბები მეორე ეტაპისთვის ემზადებიან და ბუნებრივი, რომ ტრანსფერებიც აქტუალური თემაა. მოდით ერთად შევაჯამოთ განვლილ პერიოდში განხორციელებული ცვლილებები ქართულ კლუბებში.

დინამო თბილისი

წავიდნენ: გიორგი შაშიაშვილი (კარიერა დაასრულა), ირაკლი ლექვთაძე (ტორპედო), ლევან ხმალაძე (უგუნდოდ), თორნიკე ზარქუა (ზუგდიდი), ომარ მიგინეიშვილი (ზესტაფონი), გიორგი სეთრიძე (მეტალურგი), გიორგი მიქაბერიძე (მეტალურგი), დავით ხოჭოლავა (ფოთის კოლხეთი), ლაშა შინდაგორიძ (ჩიხურა), ჯაბა დვალი (ყარაბახი).

მოვიდნენ: გიორგი ჯანელიძე (ვიტ ჯორჯია), ირაკლი მოდებაძე (დილა), გიორგი ხიდეშელი (ტორპედო), გიორგი რეხვიაშვილი (ჩიხურა), მათე ცინცაძე (ტორპედო), თორნიკე გორგიაშვილი (უგუნდო), ნიკა დაუშვილი (ვიტ ჯორჯია), ლაშა შერგელაშვილი, ნიკა დიასამიძე (დინამო 2).

დილა

წავიდნენ: ირაკლი მოდებაძე (დინამო), თეიმურაზ ღონღაძე, გრიგოლ დოლიძე, გიორგი გურული (ზესრაფონი), ნუკრი რევიშვილი, ირაკლი მასიურაძე (ვალეტა, მალტა).

მოვიდნენ: დავით რაჟამაშვილი (ზესტაფონი), კობა შალამბერიძ, ალექსანდრე კოშკაძე, ნიკოლოზ ჯიშკარიანი (გურია).

ზესტაფონი

წავიდნენ: როინ კვასხვაძე (ტორპედო), გიორგი კაჭკაჭიშვილი (ზუგდიდი), გიორგი ადამია (სიონი), გურამ სამუშია (ზუგდიდი), მუჰამედ რეკრუკი (უგუნდოდ), დავით რაჟამაშვილი (დილა), საბა ლომია (ჩიხურა), ილია კანდელაკი (სიონი).

მოვიდნენ: თეიმურაზ ღონღაძე, გრიგოლ დოლიძ, გიორგი გურული (დილა), დიმიტრი ტატანაშვილი (ჩიხურა), ზაზა ჭელიძე, დავით კუპატაძე, ნიკა საბანაძე, გიორგი ფანცულაია, გიორგი კუხიანიძე, თორნიკე კაპანაძე, ბექა კუკუშაძე (ტორპედო), ომარ მიგინეიშვილი (დინამო), რევაზ გეწაძე (მეტალურგი).

ტორპედო

წავიდნენ: გიორგი ხიდეშელი, მათე ცინცაძე (დინამო თბილისი), ზაზა ჭელიძე, დავით კუპატაძე, ნიკა საბანაძე, გიორგი ფანცულაია, გიორგი კუხიანიძე, თორნიკე კაპანაძე, ბექა კუკუშაძე (ტორპედო).

მოვიდნენ: გურამ ადამაძ (ვიტ ჯორჯია), ზურა მენთეშაშვილი (საბურთალო), როინ კვასხვაძე (ზესტაფონი).

მეტალურგი

წავიდნენ: ლაშა ჯაფარიძე (ტირასპოლი, მოლდოვა), ლევან კაკუბავა, დავით მაისაშვილი (სპარტაკი ცხინვალი), რევაზ გეწაძე (ზესტაფონი).

მოვიდნენ: გიორგი სეთურიძე, გიორგი მიქაბერიძე (დინამო თბილისი).

ვიტ ჯორჯია

წავიდნენ: გურამ ადამაძე (ტორპედო), ლაშა კასრაძ (აზალი, აზერბაიჯანი), გიორგი ჯანელიძ, ნიკა დაუშვილი (დინამო თბილისი).

მოვიდნენ: ჯონი შეროზია, ლაშა ღონღაძე (მერანი)

ჩიხურა

წავიდნენ: გიორგი რეხვიაშვილი (დინამო), დიმიტრი ტატანაშვილი (ზესტაფონი).

მოვიდნენ: საბა ლომია (ზესტაფონი), ლაშა შინდაგორიძე (დინამო).

ზუგდიდი

წავიდნენ: ამირ აზმი მეგაჰედი (მაჰალია, ეგვიპტე), ზურაბ მამალაძე (მერანი), ჯამალ ჰამზა (ჰარს ჰოდუდი, ეგვიპტე).

მოვიდნენ: გიორგი კაჭკაჭიშვილი, გურამ სამუშია (ზესტაფონი), თორნიკე ზარქუა (დინამო).

სიონი

წავიდნენ: გივი იოსელიანი (სპარტაკი).

მოვიდნენ: გიორგი ადამია, ილია კანდელაკი (ზესტაფონი).

სპარტაკი

წავიდნენ: ნიკა კვეკვესკირი (დინამო 2).

მოვიდნენ: ლევან კაკუბავა, დავით მაისაშვილი (მეტალურგი), გივი იოსელიანი (სიონი).

მერანი

წავიდნენ: გიორგი რეხვიაშვილი (სასკო), ჯონი შეროზია, ლაშა ღონღაძე (ვიტ ჯორჯია), კრის ბანება, მარკოს დოს სანტოსი (უგუნდოდ).

გურია

წავიდნენ: ვლადიმერ ჯოჯუა (მერანი), კობა შალამბერიძ, ალექსანდერ კოშკაძ, ნიკა ჯიშკარიანი (დილა).

მოვიდნენ: გიგა კვერენჩხილაძე (დინამო ბათუმი).

როგორც ხედავთ, ამ ეტაპზე ძირითადად შიდა ტრანსფერები განხორციელდა. არის გაურკვევლობებიც. მაგალითად, შესაძლოა ომარ მიგინეიშვილმა “ზესტაფონის” ღირსების დაცვა მიმდინარე ჩემპიონატში ვერ შესაძლოს, ვინაიდან 2013/14 წლების სეზონში “ზესტაფონი” მისთვის უკვე მესამე კლუბია. არადა, ზესტაფონელებმა “დინამოს” მეკარეში გარკვეული თანხაც გადაუხადეს.

სატრანსფერო ფანჯრის დასრულებამდე დრო ჯერ კიდევ არის და იმედია ჩვენი წამყვანი კლუბები კარგ შევსებას მიიღებენ.

“ზესტაფონმა” ამხანაგურ მატჩში მარტვილის “მერანი” დაამარცხა

Posted on იანვარი 21, 2014იანვარი 21, 2014 by -

2014 წლის 21 იანვარს საფეხბურთო კლუბმა ”ზესტაფონმა” ახალ წელიწადში პირველი ამხანაგური მატჩი ითამაშა – ზესტაფონელთა საწვრთნელ ბაზაზე გამართულ საკონტროლო შეხვედრაში ზემოიმერლები უმაღლესი ლიგის წარმომადგენელ მარტვილის საფეხბურთო კლუბ ”მერანს” დაუპირისპირდნენ.

დღევანდელ შეხვედრაში მასპინძლებმა ფეხბურთელთა ნაწილი მოისაკლისეს – ვახტანგ ჭანტურიშვილმა და ნიკა საბანაძემ სიცხის გამო ვერ ითამაშეს, რაც შეეხება კახაბერ მეშველიანს, რომელმაც გუშინ დუბლიორთა გუნდის შემადგენლობაში “ბენდელას თასის” გათამაშების შეხვედრაში იასპარეზა, მას დღეს დასვენების საშუალება მიეცა…

შედეგად, ზესტაფონელთა შემადგენლობა ასე გამოიყურებოდა: მიგინეიშვილი (კუპატაძე, 46) , თორნიკე გრიგალაშვილი (ღონღაძე, 46), თედორე გრიგალაშვილი (ჭელიძე, 46), ფერეირა (გურული, 46), გაგოშიძე, აჯურუ (კუხიანიძე, 46), ენდელაძე (შარიქაძე, 46), სარდალიშვილი (ჭანკოტაძე, 46), მიქაძე (დოლიძე, 46), ფანცულაია (კაკუშაძე, 46), კაპანაძე (ტატანაშვილი, 46).

თავის მხრივ, მარტვილელთა ახლადდანიშნულმა დამრიგებელმა ზურაბ იონანიძემ თავის გუნდი ასეთი შემადგენლობით ათამაშა: მამალაძე (ბეგაშვილი, 46), მელიავა (ბენაშვილი, 46), გაბუნია (ფოცხვერაშვილი, 60), რაფაელო (აშორტია, 60), გოგია (ბაბუნაშვილი, 46), ფონიავა (ჯღამაია, 46), კერძევაძე (ჯოჯუა, 46), შულაია (კობახიძე, 70), დეკანოსიძე (წულაია, 46), კუჭუხიძე (გეგეჭკორი, 46), ციცხვაია (ჩხეტიანი, 46).

2014 წელს გასამართმა პირველმა შეხვედრამ გულშემატკივართა შორის დიდი ინტერესი გამოიწვია – ზესტაფონელთა და მარტვილელთა დღევანდელ დაპირისპირებას 300-მდე მაყურებელი დაესწრო… მატჩი მასპინძელთა უპირატესობით წარიმართა და უკვე 17-ე წუთზე ზუსტი თავურით მასპინძლები თორნიკე კაპანაძემ დააწინაურა. შესვენებამდე იმერლებმა ანგარიშის ორამდე გაზრდაც მოახერხეს – 36-ე წუთზე სტუმართა საჯარიმოში მაღალი ჩაწოდება და მეკარის ბაქანზე შექმნილი არეულობა დასრულდა იმით, რომ მარტვილელთა ერთ-ერთმა მცველმა ბურთი საკუთარ კარში ჩაჭრა…

შესვენებისას გია გეგუჩაძემ ერთბაშად 10 ფეხბურთელი შეცვალა, თუმცა მატჩის მიმდინარეობაზე ამას დიდად არ უმოქმედია. ზესტაფონელები ისევ აქტიურობდნენ და 77-ე წუთზე, დიმიტრი ტატანაშვილის ზუსტი გადაცემის შემდეგ, ზაზა ჭელიძემ ანგარიში 3-0 გახადა. ერთადერთი, რაც დარჩენილ დროში სტუმრებმა მოახერხეს, გაგა ჩხეტიანის მიერ 80-ე წუთზე გატანილი პრესტიჟის გოლი გახლდათ. მიმდინარე წელიწადში მარგველთა პირველი გამარჯვება – 3-1.

საფეხბურთო კლუბ ”ზესტაფონის” პრეს-სამსახური

“მერანი” ცვლილებები გრძელდება

Posted on იანვარი 14, 2014 by Levan

მარტვილის მერანში საკადრო ცვლილებებია. გუნდიდან 10ფეხბურთელი წავიდა, თუმცა მატებაც საკმაოდ სოლიდურია.

ჯერ წასულებზე ვთვათ. ახალი წლიდან “მერანში” აღარ ითამაშებენ: მეკარეები ჯონი შეროზია და მიხეილ ხარშილაძე, მცველები გივი ქარქუზაშვილი, თემურ ფარულავა, ირაკლი ციცხვაია და ლაშა ღონღაძე, ნახევარმცველები გიორგი მელქაძე და ირაკლი ქათამაძე, თავდასხმელები კრის ბანება და სანტოსი.

კლუბის ოფიციალური ვებ-გვერდის ინფორმაციით “მერანიშ” ღირსებას მეორე ეტაპზე ზურაბ მამალაძე, გიორგი ბეგაშვილი, გაგა ჩხეტიანი, ალექსი ბენაშვილი, ვლადიმერ ჯოჯუა და გიორგი ტყეშელაშვილი დაიცვაენ.

შეგახსენებთ, რომ რამოდენიმე დღის წინ “მერანის” მთავარ მწვრთნელად ზურაბ იონანიძე დაინიშნა.

2013 წლის საუკეთესო კურიოზებში ქართული კურიოზიც მოხვდა

Posted on დეკემბერი 30, 2013 by -

ცნობილმა პორტალმა TVGolo-მ 2013 წლის საფეხბურთო კურიოზების კრებული გააკეთა, რომელშიც “ზესტაფონსა” და მარტვილის “მერანს” შორის, ამხანაგურ მატჩში მომხდარი სასაცილო ინციდენტიც მოხდა. შეგახსენებთ, რომ მარტვილელთა ლეგიონერმა, კრის ბანებამ ზესტაფონელთა კარში ბურთის შეგდება რამდენიმე მეტრიდან ვერ მოახერხა.

საქართველოს თასზე 1/4 ფინალისტები დაწყვილდნენ

Posted on დეკემბერი 22, 2013 by -

დღეს, საქართველოს დავით ყიფიანის თასის მეოთხედფინალური ეტაპის წილისყრა გაიმართა და გაირკვა ის გუნდები, რომლებიც ერთმანეთს დაუპირისპირდებიან.

“ტორპედო” – “დილა”
“სიონი” – “ჩიხურა”
“შუქურა” – “მერანი”
“მეტალურგი” – თბილისის “დინამო”

მეოთხედფინალური ეტაპის პირველი მატჩები 22 თებერვალს გაიმართება, ხოლო განმეორებითი შეხვედრები – 20 მარტს.

“დინამოს” გამარჯვება და არეულობა ტრიბუნებზე

Posted on დეკემბერი 19, 2013დეკემბერი 19, 2013 by Levan

თბილისის “დინამო” მარტვილის “მერანს” სამტრედიაში ეწვია და დაგეგმილი გამარჯვებაც მოიპოვა. თუმცა, ლიდერს იოლი მატჩი ნამდვილად არ ჰქონდა.

შეხვედრა ნომინალური მასპინძლების უპირატესობით დაიწყო. მარტვილელები კარგად იჭერდნენ ბურთს, მაგრამ საგოლე მომენტების შექმნა “მერანს” უჭირდა.
აი, სტუბმა კი თავიანთი მომენტი მშვენიევრად გამოიყენეს. 24-ე წუთზე ჩისკომ შესანიშნავი გადაცემით გაიყვანა მერებაშვილი დასარტყმელ პოზიციაზე. ამ უკანასკნელს გოლის გატანა არ გასჭირვებია. ამის შემდეგ მერანს შეხვედრის ერთ-ერთი ყველაზე რეალური შესაძლებლობა შეექმნა, მაგრამ ლორიას კარგმა თამაშმა გადაარჩინა დინამოელები.

მეორე ნახევარში მარტვილელებმა შეტევებს მოუმატეს, მაგრამ მომენტები კვლავ “დინამოს” ექმენბოდა. თუმცა, რეალიზაციში თბილისელები მოიკოჭლებდნენ.
მეორე ნახევრის შუაში კი სტადიონზე საკმაოდ უსიამოვნო ინციდენტი მოხდა.. დაახლოებით 40 ნიღბიანი ახალგაზრდა შემოიჭრა “დინამოს” ფანების სექტორზე, რასაც ხელჩართული ჩხუბი მოჰყვა.. “ეროსი მანჯგალაძეზე” არანაირი უსაფრთხოების ზომები არ იყო დაცული. მოედანზე შესასვლელი კარიც კი ღია იყო, რითაც შემოჭრილებმა ისარგებლეს. სტადიონის ტერიტორიაზე სულ 10 პოლიციელი იმყოფებოდა და ეს საკმარისი არ აღმოჩნდა სიტუაციის გასაკონტროლებლად. როგორც ჩანს, ფედერაციას და სტადიონების უსაფრთხოების სამსახურებს სამუშაო კიდევ ბევრი აქვთ..
სწრორედ ამ არეულობის დროს გაიტანა “დინამომ” თავისი მეორე გოლი. საბოლოო ანგარიში შეცვლაზე შემოსულმა დარკო გლიშიჩმა დააფიქსირა.

მერანი 0:2 დინამო

გოლები: 0:1 მერებაშვილი 23’

0:2 გლიშიჩი 72’

მერანი: შეროზია, მელიავა, კუჭუხიძე, ფონიავა, ღონღაძე, ბაბუნაშვილი (ჯღამაია 83’), კერძევაძე, ხუბუა, ციკოლია (ხუგუა 71’), გეგეჭკორი, გაბუნია

დინამო: ლორია, გველესიანი, ხმალაძე, კვარაცხელია, მერებაშვილი (გლიშიჩი 71’), პაპავა, ჩისკო (ვუო 80’), დვალი, ხურცილავა, კვირკველია, გოგა (სეთურიძე 83’)

მატჩის შემდეგ

მალხაზ ჟვანია – თავიდანვე ველოდით, რომ მარტვილის მერანის წინააღმდეგ გასვლითი მატჩის თამაში ადვილი არ იქნებოდა. ჩვენი ვარაუდი გამართლდა, მძიმე შეხვედრა გამოდგა. დღეს ბიჭებმა ძალიან მოინდომეს და მოედანზე ბევრი იმოძრავეს, რაც საფინალო ანგარიშზეც აისახა.

ფოტო: fcdinamo.ge

მერანი vs დინამო – მატჩამდე

Posted on დეკემბერი 18, 2013 by -

19 დეკემბერს, საქართველოს XXV ეროვნული ჩემპიონატის უმაღლესი ლიგის XVIII ტურის მატჩს ჩვენი გუნდი სტუმრად სამტრედიაში, მარტვილის მერანის წინააღმდეგ გამართავს. დაპირისპირება 14:00 საათზე დაიწყება და მატჩის ტექსტური რეპორტაჟს ტრადიულად ჩვენი კლუბის ოფიციალური ვებ–გვერდი განახორციელებს.

ჩვენი მეტოქე

მარტვილის საფეხბურთო კლუბი მერანი 1955 წელს დაარსებული სალხინოს ბაზაზე შეიქმნა. მარტვილის მერანი საქართველოს ჩემპიონატში 1997 წლიდან გამოჩნდა და მას შემდეგ გუნდი სტაბილურად ასპარეზობდა ქვეყნის პირველი ლიგის გათამაშებაში. მარტვილის მერანმა უმაღლეს ლიგაში აღსაზევებლად პირველად 2007–2008 წლების სეზონში გაიბრძოლა, თუმცა გუნდმა სატურნირო ცხრილში მესამე პოზიცია დაიკავა და მომდევნო სეზონიც პირველ ლიგაში დაიწყო. გუნდმა ანალოგიური შედეგი აჩვენა 2008–2009 და 2009–2010 წლების სეზონებში. 2009–2010 წლების სეზონში მარტვილის მერანმა საქართველოს დავით ყიფიანის სახელობის თასის გათამაშების 1/2 ფინალურ ეტაპზე ითამაშა, სადაც ორი მატჩის ჯამში ვიტ ჯორჯიასთან 1:2 (1:0 / 0:2) დამარცხდა. 2010–2011 წლების სეზონში კი მარტვილის მერანმა საწადელს მიაღწია, გუნდმა პირველ ლიგაში მეორე პოზიცია დაიკავა და უმაღლეს ლიგაში თამაშის უფლება მოიპოვა. დებიუტანტის კვალობაზე მარტვილის მერანმა შესანიშნავად ჩაატარა 2011/2012 წლების სეზონი და უმაღლეს ლიგაში მეხუთე ადგილი დაიკავა. ჩვენმა მომავალმა მეტოქემ გასული სეზონის მეორე ნახევარი ჩემპიონატის პირველ ეტაპზე ნაჩვენების შედეგის შემდეგ, ქვედა ექვსეულში გაატარა, სადაც გუნდი მხოლოდ რუსთავის მეტალურგს ჩამორჩა.

მწვრთნელი და მერანი

მარტვილის მერანის მთავარი მწვრთნელის პოსტზე შვიდი წლის მანძილზე 37 წლის მალხაზ ჟვანია მუშაობდა, რომელიც დღეს, ჩვენი გუნდის თავკაცი გახლავთ. მალხაზ ჟვანიასთან ერთად მარტვილის მერანმა არაერთ ლოკალურ წარმატებას მიაღწია. მისი თავკაცობით მერანმა არსებობის ისტორიაში პირველად ითამაშა საქართველოს დავით ყიფიანის სახელობის ნახევარფინალში, პირველი ლიგაში მოპოვებული მეორე ადგილის შედეგად მერანმა უმაღლეს ლიგაში ასპარეზობის უფლება მოიპოვა. მალხაზ ჟვანიას დამოძღვრილმა გუნდმა უმაღლეს ლიგაში გამოცდილ და ძლიერ მეტოქეებთან ჭიდილი ტრადიციად აქცია. ამჟამად მარტვილელთა მთავარი მწვრთნელი კი კახაბერ ჩხეტიანი გახლავთ. მისი თავკაცობით მერანმა 10 ჩატარებული შეხვედრიდან 8 წააგო, 2 კი ფრედ ითამაშა.

დინამომდე…

დინამო არენაზე გამართული დინამო 4:2 მერანის შემდეგ ჩვენმა მომავალმა მეტოქემ უმაღლეს ლიგაში ჩატარებული 11 მატჩიდან 9 წააგო, 2 ფრედ დაასრულა. მოწინააღმდეგეთა კარში 4 ბურთი გაიტანა, სანაცვლოდ კი 24 ბურთი მიიღო.

დინამო VS მერანი

დინამოსა და მერანის ურთიერთშეხვედრებს ხანმოკლე ისტორია აქვს. ეს გუნდები ერთმანეთს სულ 7–ჯერ შეხვედრიან. ჩვენმა გუნდმა ექვსი თამაშიდან 5 მოიგო, 1 ფრედ ითამაშა და 1 მატჩი კი წააგო. გატანილი და გაშვებული ბურთების შეფარდება 19:9 თბილისელთა სასარგებლოდ არის. დინამოსა და მერანს შორის უკანასკნელი დაპირისპირება 29 სექტემბერს გაიმართა. დინამო არენაზე თბილისელმა ფეხბურთელებმა მეტოქე ორბურთიანი სხვაობით – 4:2 დაამარცხეს. თბილისელთაგან ორი გოლი დავით კვირკველია, თითო კი პატრიკ ვუომ და ირაკლი ძარიამ გაიტანეს.

დისკვალიფიცირებული ფეხბურთელები

დისკვალიფიკაციის გამო ხვალინდელ მატჩში თბილისელთა მსგავსად ფეხბურთელებს არც მარტვილელები მოისაკლისებენ. გუნდები სამტრედიაში გასამართ მატჩს ფაქტობრივად ოპტიმალური შემადგენლობებით ეგებებიან.

მერანი VS დინამო – მსაჯი

შეხვედრას, რომელსაც დინამოელები სამტრედიაში მარტვილის საფეხბურთო კლუბის წინააღმდეგ გამართავენ, სირიელი არბიტრი, აბდულა ბასლეჰლო განსჯის, რომელსაც ასისტენტობას დ. ჩიგოგიძე და დ. კურტანიძე გაუწევენ. მეოთხე მსაჯის ფუნქციებს კი ო. ხეცაძე შეასრულებს.

მერანის სავარაუდო შემადგენლობა

ჩვენი ვარაუდით, ხვალინდელ მატჩში მარტვილელთა სასტარტო შემადგენლობა ასეთი იქნება:

შეროზია, გაბუნია, ღონღაძე, მელიავა, გეგეჭკორი, ბაბუნაშვილი, ხუბუა, კერძევაძე, ფონიავა, კუჭუხიძე, შულაია

FCDinamo.GE

“ჩიხურამ” “მერანი” დაამარცხა

Posted on დეკემბერი 11, 2013დეკემბერი 11, 2013 by Levan

კვირას დაწყებული უმაღლესი ლიგის XVI ტურის უკანასკნელი მატჩი დღეს “მცხეთა პარკზე” გაიმართა, სადაც ერთმანეთს “ჩიხურა” და “მერანი” დაუპირისპირდნენ. აღნიშნული შეხვედრა კვირას ქუთაისში უნდა გამართულიყო, თუმცა შეხვედრა უამინდობის გამო გადაიდო. გუნდებმა კიურთიერთშეთანხმების საფუძველზე მატჩის მცხეთაში გამართვა გადაწყვიტეს.

როგორც მოსალოდნელი იყო, შეხვედრა ჩემპიონატის ერთ-ერთი ლიდერის უპირატესობით წარიმართა და ლოგიკური გამარჯვებითაც დასრულდა. უკვე მეცხრე წუთზე ანგარიში უმაღლესლი ლიგის საუკეთესო ბომბარდირმა, დიმიტრი ტატანაშვილმა გახსნა და თავისი მეთორმეტე გოლიც გაიტანა მიმდინარე გათამაშებაში.

79-ე წუთზე “დინამოდან” “ჩიხურაში” განათხოვრებულმა ჯაბა ჯიღაურმა მარტვილელებს მეორე გოლი გაუტანა და საბოლოო ანგარიში დააფიქსირა.

“მერანი” აგრძელებს წარუმატებელ სერიას. მალხაზ ჟვანიას წასვლის შემდეგ გუნდი ვეღარ იგებს. “ჩიხურამ” კი ამ გამარჯვებით 33 ქულას მოუყარა თავი და მყარად დაფუძნდა ცხრილის მეორე საფეხურზე. ლიდერ “დინამო თბილისთან” ჩამორჩენა ექვს ქულას შეადგენს.

“ჩიხურა” 1-0 “მერანი”

გოლები: ტატანაშვილი 9′ , ჯაბა ჯიღაური 79′

XVI ტური

“ვიტ ჯორჯია” 0-0 “სიონი”

“ზუგდიდი” 0-3 “დინამო”

“დილა” 3-1 “ზესტაფონი”

“გურია” 2-0 “ტორპედო”

“სპარტაკი” 2-0 “მეტალურგი”

XVI ტურის ორი შეხვედრა გაიდაიდო

Posted on დეკემბერი 9, 2013 by -

დიდთოვლობის გამო ეროვნული ჩემპიონატის XVI ტურის ორი შეხვედრა, „ჩიხურა“ – „მერანი“ და „გურია“ – „ტორპედო“ გადაიდო.

მხარეებს შორის მიღწეული შეთანხმების თანახმად, „ჩიხურა“ – „მერანი“ ოთხშაბათს, 11 დეკემბერს, 14:00 საათზე მცხეთაში ჩატარდება. რაც შეეხება, „გურია“ – „ტორპედოს“ ამ მატჩის ჩატარების თარიღსა და ადგილს მოგვიანებით მოგახსენებთ.

GFF.GE

“ზესტაფონმა” ამხანაგურ მატჩში მარტვილის “მერანი” დაამარცხა

Posted on ნოემბერი 17, 2013 by -

2013 წლის 17 ნოემბერს საფეხბურთო კლუბმა ”ზესტაფონმა” ამხანაგური მატჩი გამართა – დავით აბაშიძის სახელობის სტადიონზე გამართულ საკონტროლო შეხვედრაში ზემოიმერლები უმაღლესი ლიგის ბინადარ მარტვილის საფეხბურთო კლუბ ”მერანს” დაუპირისპირდნენ.

იმერლებმა ფეხბურთელთა მთელი ჯგუფი მოისაკლისეს – საქართველოს ახალგაზრდულ ნაკრებში მივლინებული ზესტაფონელთა სამეულის (კახაბერ მეშველიანი, თორნიკე და თედორე გრიგალაშვილები) არყოფნას გიორგი ადამიას, ირაკლი ქობალიას და სანდრო გურულის ტრავმებით გამოწვეული იძულებითი უქმობაც დაემატა…

შედეგად, ზესტაფონელთა შემადგენლობა შემდეგნაირად გამოიყურებოდა: კვასხვაძე (მახათაძე, 55), კუტალია (რობაქიძე, 46), კაჭკაჭიშვილი, რენე ფერეირა (ენდელაძე, 46), გაგოშიძე, აჯურუ (ჭანტურიშვილი, 46), კანდელაკი (შარიქაძე, 46), რეკრუკი (ჭანკოტაძე, 46), რაჟამაშვილი, სამუშია (სარდალიშვილი, 46), ლომია (კვერნაძე, 46).

უგოლოდ დასრულებული პირველი ტაიმის შემდეგ, შეხვედრის მეორე ნახევარი ზესტაფონელთა სწრაფი გოლით დაიწყო – 48-ე წუთზე გიორგი ჭანკოტაძე ერთბაშად რამდენიმე ფეხბურთელს გასცდა და მეტოქის საჯარიმოს მიახლოვებულმა ბურთი კარში ზუსტი დარტყმით გადაგზავნა. მეორე გოლის გასატანად პირველი გოლის ავტორ ჭანკოტაძეს სულ რაღაც 2 წუთი დასჭირდა – ავთო ენდელაძესთან ერთი შეხებით გათამაშებული ლამაზი კომბინაციის შემდეგ, გიორგი დასარტყმელ პოზიციაზე გავიდა და მარტვილელთა გოლკიპერ მიხეილ ხარშილაძეს კარის გადარჩენის შანსი არ დაუტოვა.

54-ე წუთზე ანგარიში 3-0 გახდა – ჭანკოტაძე-სარდალიშვილის მონაწილეობით განვითარებული სწრაფი კომბინაცია ამ უკანასკნელის სტუმართა საჯარიმოში ჩაწოდებითა და ოთარ კვერნაძის ზუსტი დარტყმით დაგვირგვინდა. 70-ე წუთზე თავი უკვე თავად მიხეილ სარდალიშვილმა გამოიჩინა, ასისტენტობა კი მას ოთარ კვერნაძემ გაუწია. 72-ე წუთზე ავთო ენდელაძის გოლის ჯერიც დადგა, საგოლე გადაცემით ის პირველი ორი გოლის ავტორმა ჭანკოტაძემ მოამარაგა.

მარტვილელებმა ანგარიშის “დასასველებლად” გაიწიეს და 81-ე წუთზე, კრის ბანებას წაქცევისათვის დანიშნული პენალტი გოლად თეიმურაზ ფარულავამ აქცია. ამის მიუხედავად, დღევანდელ მატჩში “ბოლო სიტყვა” მაინც მასპინძლებმა თქვეს – 83-ე წუთზე ზესტაფონელთა შემტევმა ოთარ კვერნაძემ დუბლი გაიფორმა და დღევანდელი მატჩის საბოლოო ანგარიშიც დააფიქსირა. მარგველთა გამარჯვება დიდი ანგარიშით 6-1.

საფეხბურთო კლუბ ”ზესტაფონის” პრეს-სამსახური

მწვრთნელებმა „მერანი“ – „ზესტაფონი“ შეაფასეს

Posted on ოქტომბერი 27, 2013 by ბექა დოგრაშვილი

საქართველოს ჩემპიონატის უმაღლესი ლიგის მეათე ტურში მარტვილის „მერანმა“ „ზესტაფონს“ უმასპინძლა. ეროსი მანჯგალაძის სახელობის სამტრედიის სტადიონზე გამართული მატჩი მარგველების გამარჯვებით, ანგარიშით 2:0 დასრულდა. შეხვედრის ძირითადი მომენტები მეორე ტაიმში განვითარდა. ანგარიში 75-ე წუთზე ვახტანგ ჭანტურიშვილმა გახსნა, რომელმაც მეტოქის მეკარესთან ერთი ერთზე გასვლისას გამოიყენა შანსი. 77-ე წუთზე „ზესტაფონის“ უპირატესობა საბა ლომიამ განამტკიცა, რომელიც წინა სეზონში სწორედ „მერანის“ რიგებში გამოდიოდა და საკმაო შედეგიანობითაც გამოირჩეოდა.

მატჩის შემდეგ ტრადიციული პრესკონფერენცია გაიმართა. გუნდების მთავარი მწვრთნელების განცხადებები „ზესტაფონის“ ოფიციალურმა ვებ-გვერდმა გამოაქვეყნა.

რატკო დოსტანიჩი („ზესტაფონი“): “საკმაოდ რთული შეხვედრა იყო, ”მერანი” დაცვითი ტაქტიკით გვეთამაშა, თუმცა მეორე ტაიმში შევძელით გოლის გატანა და თამაშის სასურველი შედეგით დასრულება. ვულოცავ ბიჭებს, ”მერანს” კი წარმატებებს ვუსურვებ”.

კახა ჩხეტიანი („მერანი“): “პირველი ტაიმი კარგად ვითამაშეთ, 5 მცველით გამოვედით მოედანზე და შევეცადეთ “ზესტაფონისთვის” თამაში ჩაგვეკეტა, გვქონდა გოლის გატანის კარგი შანსები, მაგრამ ვერ შევძელით. “არ გაიტან – გაგიტანენ”. მომდევნო მატჩი “გურიასთან” გვაქვს და შევეცდებით გამოვიდეთ ამ მდგომარეობიდან”.

მარტვილურ-ზესტაფონური ისტორია ციფრებში

Posted on ოქტომბერი 24, 2013 by -

შაბათს, 26 ოქტომბერს, საფეხბურთო კლუბი ”ზესტაფონი” ეროვნული პირველობის მორიგ მატჩს გამართავს. ეროსი მანჯგალაძის სახელობის სამტრედიის სტადიონი უმაღლესი ლიგის მეათე ტურის შეხვედრას უმასპინძლებს – მარტვილის “მერანი” საქართველოს ორგზის ჩემპიონს, საფეხბურთო კლუბ “ზესტაფონს” დაუხვდება.

ამ ორი კლუბის პირველი გუნდების ოფიციალურ შეხვედრათა ისტორია 2011 წლის 10 სექტემბერს იწყებს ათვლას – “ზესტაფონისა” და მარტვილის “მერანის” პირველ მატჩს დავით აბაშიძის სახელობის არენამ უმასპინძლა და ის შეხვედრა მასპინძლებმა 3-1 მოიგეს. მასპინძელთაგან გოლები შოთა გრიგალაშვილმა, ჯაბა დვალმა და რატი წინამძღვრიშვილმა გაიტანეს, ხოლო სტუმართაგან პრესტიჟის გოლი ექს-ზესტაფონელმა გიგა ამბროლაძემ გაიტანა.

შემდეგი მატჩი 2011 წლის 22 დეკემბერს ჩატარდა – ის მარტვილის ცენტრალურ სტადიონზე გაიმართა და გოგი ფიფიასა და შოთა ბაბუნაშვილის გოლების წყალობით გამარჯვება (2-0) მეორე საჩემპიონო ტიტულის მოსაპოვებლად შემართულმა იმერლებმა მოიპოვეს.

“მერანისა” და “ზესტაფონის” რიგით მესამე დაპირისპირება 2012 წლის 14 აპრილს ისევ მარტვილში გაიმართა. შეხვედრა ზესტაფონელთა უპირატესობით წარიმართა და სტუმრები ძალიან ახლოს იყვნენ გამარჯვებასთან, თუმცა მატჩის ბოლოს განვითარებული მოვლენების შედეგად (მატჩის მიწურულს მატჩის არბიტრმა სტუმართა კარში ზედიზედ 2 პენალტი დანიშნა), საბოლოოდ ის ფრედ 4-4 დასრულდა. გოლები: ჯაბა დვალი – 2 (0-1; 0-2), დავით მუჯირი (1-3), თორნიკე გორგიაშვილი (3-4); პაპუნა ფონიავა (1-2), გიგა ჟვანია – 3 (2-3, 3-3, 4-4).

აღსანიშნავია ხვალინდელი მეტოქეების მეოთხე ოფიციალური მატჩიც – ის 2012 წლის 20 მაისს გაიმართა და სწორედ ამ შეხვედრაში მოპოვებული გამარჯვების შემდეგ საფეხბურთო კლუბმა “ზესტაფონმა” რიგით მეორე ჩემპიონობა იზეიმა. ის შეხვედრა 3-0 დასრულდა და მასში “ჰეთ-თრიქის” შესრულებით თავი შოთა გრიგალაშვილმა (1-0, 2-0, 3-0) გამოიჩინა.

2012 წლის 11 აგვისტოს “ზესტაფონმა” “მერანს” “დავით აბაშიძეზე” 3-1 მოუგო. ანგარიში ზესტაფონელთა მიერ იმ პერიოდში “მერანში” განათხოვრებულმა საბა ლომიამ გახსნა, თუმცა მასპინძლებმა თორნიკე გორგიაშვილის, თორნიკე აფციაურისა და პატრიკ მილხრაუმის გოლებით უპასუხეს.

მარტვილელთა და ზემოიმერელთა სადღეისოდ ბოლო შეხვედრა გასული წლის 2012 წლის 31 ოქტომბერს შედგა. ზესტაფონელებმა ლევან შარიქაძის, თორნიკე გრიგალაშვილისა და თორნიკე გორგიაშვილის გოლების წყალობით დიდი ანგარიშით 3-0 გაიმარჯვეს.

ეროვნული ჩემპიონატის ეგიდით გამართულ დაპირისპირებებს თუ ვიანგარიშებთ, სულ, საფეხბურთო კლუბ “ზესტაფონსა” და მარტვილის “მერანს” ერთმანეთში 6-ჯერ უასპარეზიათ – 5 შეხვედრაში გაიმარჯვეს ზესტაფონელებმა, 1 კი დასრულდა ფრედ. შესაბამისად, გატანილი და გაშვებული ბურთების სხვაობაში დიდ უპირატესობას ზემოიმერლები ფლობენ – 18:6.

მარტვილის “მერანთან” შაბათს, 26 ოქტომბერს, ეროსი მანჯგალაძის სახელობის სამტრედიის სტადიონზე გასამართი შეხვედრა 15:00 საათზე დაიწყება…

საფეხბურთო კლუბ ”ზესტაფონის” პრეს-სამსახური