ახლა უკვე ოფიციალურად დადასტურდა, რომ ჯან პიერო გასპერინიმ “ჯენოას” მთავარი მწვრთნელის პოსტი დაიკავა.
იტალიელმა სპეციალისტმა ფაბიო ლივერანი ჩაანაცვლა.
იტალიური კლუბის ოფიციალური საიტის თქმით, გასპერინი იტალიურ კლუბში სამი წლით დარჩება.
ეს გადაწყვეტილება “ჯენოას” ხელმძღვანელობამ მას შემდეგ მიიღო, რაც ლივერანის თავკაცობით ჯენოამ “ნაპოლისთან” მარცხი იწვნია.
კლუბს ასეთი ცუდი სტარტი 1983 წლის შემდეგ არ ჰქონია.
შეგახსენებთ, რომ გასპერინი “ჯენოას” 2006-2010 წლებში წვრთნიდა.
საბა საპანაძე
რაფაელ ბენიტესის გუნდმა გორან პანდევის დუბლის წყალობით “ჯენოა” დაამარცხა.
“სასუოლოსთან” ცუდი მატჩის შემდეგ, ნეაპოლიტანურმა გუნდმა შეცდომა გამოასწორა.
“ჯენოა” 0:2 “ნაპოლი”
გოლები: პანდევი “14”, “25”.
ჯენოა: პერინი, გამბერინი(სტოიანი “37”), პორტანოვა, დე მაიო, ვრსალკო, ბონდინი, კუჩკა, მატუზალემი(ფეტფაციდისი “60”), ანტონინი(სანტანა “46”), კალაიო, ჯილარდინო.
ნაპოლი: რეინა, მესტო, ბრიტოსი, ალბიოლი(კანავარო “46”), სუნიგა, ინლერი, ბერამი, ინსინიე, პანდევი(ძემაილი “80”), კალეხონი, დიუვანი(იგუაინი “58”).
გაფრთხილება: მატუზალემი, კუჩკა-იგუაინი.
საბა საპანაძე
„ნაპოლის“ პრეზიდენტმა აურელიო დე ლაურენტისმა განაცხადა, რომ შესაძლოა, უახლოეს მომავალში, მან ახალი სტადიონის შენება დაიწყოს.
„ჩვენ ნეაპოლის მერს ვესაუბრეთ და მან იმის პირობა მომცა, რომ სან-პაოლოს სტადიონს სიმბოლურ ფასად გაყიდის. ასეა თუ ისე, ერთმანეთს სამშაბათს შევხვდებით და ეს საკითხი საბოლოოდ გადაწყდება. იმ შემთხვევაში, თუ ვერ შევთანხმდებით, კაზერტეში ახალი არენის შენებას დავიწყებ“, – განაცხადა დე ლაურენტისმა.
ალექსანდრე მატევოსოვი
შესაძლოა, ”ნაპოლის” კოლუმბიელი ნახევარმცველი კამილო სუნიგა უახლოეს მომავალში კატალონიის ”ბარსელონას” მაისურით ვიხილოთ.
27 წლის ფეხბურთელი ნეაპოლიტანური კლუბის ხელმძღვანელობას კონტრაქტის გახანგძლივების თაობაზე ჯერ კიდევ ვერ შეუთანმდა. მოქმედი ხელშეკრულება კი 2014 წლის ივნისამდე მოქმედებს.
”ორშაბათს, მოთამაშე და კლუბის მენეჯერები ერმანეთს შეხვდებიან და ყველა დეტალს დაწვრილებით განიხილავენ. თუ კამილო ”ნაპოლიში” არ დარჩება, მაშინ იგი ”ბარსელონაში” გადავა. ამის ალბათობას ”ბლაუგრანასიდან” დანი ალვეშის შესაძლო წასვლაც ზრდის. არ ვიცი, დაინტერესებულია თუ არა მის შეძენაში ტურინის ”იუვენტუსი”, თუმცა იგი ”ბარსას” ფერების დაცვაზე ოცნებობს, რის შესახებაც სუნიგამ კომენტარი ჯერ კიდევ კოლუმბიაში ყოფნისას გააკეთა”, – განუცხადა Radio Caracol-ს SportItalia-ს ჟურნალისტმა კარლოს ალემანმა.
ალექსანდრე მატევოსოვი
„ნაპოლის“ თავდამსხმელი გონსალო იგუაინი აცხადებს, რომ იტალიის სერია A-ს მე-4 ტურში, „მილანის“ წინააღმდეგ გასამართი მატჩისთვის ნეაპოლური კლუბი კარგ ფორმაშია. შეგახსენებთ, რომ ჩემპიონთა ლიგის ჯგუფური ეტაპის პირველ ტურში რაფაელ ბენიტესის გუნდმა შინ დორტმუნდის „ბორუსია“ ანგარიშით 2:1 დაამარცხა.
„ნაპოლი“ კარგ ფორმაშია“. მოხარული ვარ, რომ გავიმარჯვეთ. გუშინ ძალიან რთულ მეტოქეს ვძლიეთ, ახლა კი „მილანის“ ჯერია“, – აღნიშნა იგუაინმა, რომელმაც გუშინდელ შეხვედრაში „ბორუსიას“ პირველი გოლი გაუტანა.
ცნობისთვის, „მილანსა“ და „ნაპოლის“ შორის მატჩი 22 სექტემბერს გაიმართება.
ბექა დოგრაშვილი
