18 დეკემბერს, საფრანგეთის თასზე, “პარი სენ-ჟერმენსა” და “სენტ-ეტიენს” შორის გამართულ შეხვედრაში, პარიზელთა მეკარემ, ნიკოლა დუშემ მეტოქე გუნდის ფეხბურთელი მშვენიერი ფინტით მოატყუა.
ჭდე: პარი სენ-ჟერმენი
ვალდესისთვის სამი კლუბი იბრძოლებს
ევროპული პრესა „ბარსელონას“ მეკარის ვიქტორ ვალდესის შესაძლო ტრანსფერის შესახებ წერას აგრძელებს.
ბოლოს გავრცელებული ინფორმაციით, „ბლაუგრანასის“ კარის დარაჯისთვის ზაფხულის სატრანსფერო ფანჯრის დროს ერთდროულად „მონაკოს“, პსჟ-სა და „მანჩესტერ სიტის“ ხელმძღვანელები იბრძოლებენ.
შეგახსენებთ, რომ „ბარსასთან“ კონტრაქტი ვალდესს მიმდინარე სეზონის დასრულებამდე აკავშირებს.
ალექსანდრე მატევოსოვი
ვერატი: „იბრაჰიმოვიჩი – ნამდვილი გენიოსია“
„პარი სენ-ჟერმენის“ ახალგაზრდა ნახევარმცველი მარკო ვერატი თანაგუნდელ ზლატან იბრაჰიმოვიჩის თამაშით აღფრთოვანებულია.
„ზლატანი უბრალო ჩემპიონი არ არის, იგი – ნამდვილი გენიოსია. მას მოედანზე წარმოუდგენელი რამის გაკეთება შეუძლია. გარდა ამისა, მას შეხვედრის სცენარის შეცვლის უნარიც აქვს. ნახეთ მისი „ბასტიის“ კარში გატანილი გოლი. შესაძლოა, ასეთი ბურთების გატანა სხვა ფეხბურთელებსაც შეუძლიათ, თუმცა მსგავსი ეპიზოდის შექმნა და შემდეგ მისი ლოგიკურ დასასრულამდე მიყვანა მხოლოდ ზლატანმა იცის“, – განაცხადა ვერატიმ.
ალექსანდრე მატევოსოვი
ტიაგო სილვა: „ჩვენ არავის გვეშინია“
„ლიონთან“ ანგარიშით 4:0 მოგებული ამტჩის შემდეგ „პარი სენ-ჟერმენის“ მცველმა ტიაგო სილვამ აღნიშნა, რომ მისი გუნდი საკუთარ ძალებში დარწმუნებულია და არცერთი მეტოქის არ ეშინია.
„ჩვენ არავის ვეშინია, თუმცა ყველა მეტოქეს პატივს ვცემთ. პსჟ-ში იმისთვის მოვედი, რომ ეს კლუბი მსოფლიოში ერთ-ერთი საუკეთესო გავხადო. ამ მოტივაციით მოედანზე ყოველ მატჩში გავდივარ“, – განაცხადა ბრაზილიელმა.
ალექსანდრე მატევოსოვი
პსჟ-ს პრეზიდენტი: „მესის სანაცვლოდ „ბარსელონა“ საკმაოდ ბევრს ითხოვს“
ფრანგული „პარი სენ-ჟერმენის“ პრეზიდენტმა განაცხადა, რომ იგი ლიონელ მესის გადაბირებაზე არ ფიქრობს.
„მესისთან არ მისაუბრია, რადგან მის შეძენაზე არ ვფიქრობთ. აღნიშნულ თემაზე „ბარსელონას“ პრეზიდენტს უნდა გაესაუბროთ და ჰკითხოთ, გაუშვებს თუ არა იგი თავისი გუნდის ლიდერს. მესის სანაცვლოდ იმ თანხის გადახდა, რომელსაც კატალონიური კლუბი ითხოვს, არარეალურია. მე რეალისტი ვარ, ეს თანხა კი არარეალურია“, – განაცხადა ნასერ ალ-ჰეილაიფიმ.
შეგახსენებთ, რომ მესის კონტრაქტის მიხედვით, იგი სამუშაო ადგილს მხოლოდ იმ შემთხვევაში შეცვლის, თუ მისი ტრანსფერის სანაცვლოდ რომელიმე კლუბი 250 მილიონ ევროს გადაიხდის.
ალექსანდრე მატევოსოვი
ტიაგო მოტა “იუვენტუსის” რადარზე აღმოჩნდა
ტურინული კლუბის ხელმძღვანელობა ანდრეა პირლოს შემცვლელის ძიებაშია.
მოგეხსენებათ, “ბებერი ქალბატონის” ვეტერანი ფეხბურთელის კონტრაქტი მომავალი წლის ზაფხულში იწურება. ამრიგად, თუკი იგი ხელშეკრულების გახანგრძლივებას არ მოისურვებს, კლუბს ახალი ნახევარმცველის პოვნა მოუწევს, რომელიც მას შეცვლის.
მილანის “ინტერის” ყოფილი მოთამაშე ამჟამად “პარი სენ-ჟერმენის” ღირსებას იცავს და ზოგიერთი წყაროს თანახმად, სწორედ ტიაგო მოტა შეიძლება გახდეს ანტონიო კონტეს ახალი ნახევარმცველი.
სანდრო საპანაძე
„პარი სენ-ჟერმენმა“ მატას ტრანსფერზე მოლაპარაკებები დაიწყო
ბრიტანული „ტელეგრაფის“ ცნობით, ფრანგულმა „პარი სენ-ჟერმენმა“ ლონდონის „ჩელსის“ ხუან მატას შესაძლო ტრანსფერთან დაკავშირებით მიმართა.
პარიზული კლუბი უკვე იწყებს მუშაობას, რათა ზამთრის სატრანსფერო პერიოდში 25-წლის ნახევარმცველი უკვე მისი საკუთრება გახდეს. სავარაუდოდ, დასავლეთლონდონელი „პენსიონერები“ მზად არიან, მატა სოლიდური თანხის სანაცვლოდ გაუშვან, შემოსული ფულით კი შეტევითი ხაზის გაძლიერებას აპირებენ.
მიმდინარე სეზონში ესპანელმა ფეხბურთელმა ინგლისის ჩემპიონატის 5 მატჩში მიიღო მონაწილეობა და ერთი შედეგიანი გადაცემა გააკეთა.
ბექა დოგრაშვილი
„რომას“ ლავეცის შეძენა სურს
გავრცელებული ინფორმაციით, „რომას“ ხელმძღვანელობა „პარი სენ-ჟერმენის“ თავდამსხმელის ეზეკიელ ლავეცის შეძენას აპირებს.
რომაული კლუბის ხელმძღვანელთა აზრით, სამხრეთ ამერიკელი ფეხბურთელი მათი გუნდის ტაქტიკას შესანიშნავად მოუხედება. საუბარია მოედანზე ერთდრუოლად სამი თავდამსხმელის შეყვანაზე.
ცნობისთვის, 28 წლის მოთამაშეს საფრანგეთის მოქმედ ჩემპიონთან კონტრაქტი 2016 წლამდე აკავშირებს.
ალექსანდრე მატევოსოვი
მოურა პსჟ-ს დატოვებს
„პარი სენ-ჟერმენის“ ხელმძღვანელობა ბრაზილიელი ნახევარმცველის ლუკას მოურას გაყიდვას აპირებს. ფეხბურთელი, რომელიც პარიზში მიმდინარე წლის ზამთრის სატრანსფერო ფანჯრისას გადაბარგდა, ჯერჯერობით საფრანგეთის მოქმედ ჩემპიონს ვერაფრით დაეხმარა.
მოურას სხვა კლუბთან კონტრაქტის გაფორმების ალბათობას პსჟ-დან ლეონარდოს წასვლა ზრდის. მოგეხსენებათ, ლუკასის პარიზულ კლუბში ტრანსფერი სწორედ მისი წყალობით განხორციელდა.
გავრცელებული ინფორმაციით, ახალგაზრდა სამხრეთ ამერიკელის შეძენის დიდი სურვილი მილანის „ინტერის“ მენეჯერებს აქვთ.
ალექსანდრე მატევოსოვი
მდიდარი კლუბები სერხიო რამოსის გადაბირებას შეეცდებიან
Punto Pelota-ს ცნობით, მადრიდის „რეალის“ მცველით სერხიო რამოსით ერთდროულად სამი კლუბია დაინტერესებული. გამოცემის მტკიცებით, ესპანეთის ნაკრების წევრის შეძენაზე „მანჩესტერ სიტის“, ლონდონის „ჩელსისა“ და ფრანგული „პარი სენ-ჟერმენის“ ხელმძღვანელები ფიქრობენ.
ზემოხსენებული კლუბები სერხიოს წლიური ხელფასის სახით 7-9,5 მილიონ ევროს შესთავაზებენ.
ამავე დროს, სავარაუდო ტრანსფერის ფასი ცნობილი არ არის.
შეგახსენებთ, რომ აქამდე „სამეფო კლუბის“ მენეჯერებმა არაერთხელ განაცხადეს, რომ ისინი თავისი ერთ-ერთი წამყვანი ფეხბურთელის გაყიდვას არ გეგმავენ.
ალექსანდრე მატევოსოვი
„ფენერბაჰჩეს“ პასტორეს შეძენა სურს
თურქული „ფენერბაჰჩეს“ მთავარმა მწვრთვნელმა ერსუნ იანალმა განაცხადა, რომ მისი კლუბი „პარი სენ-ჟერმენის“ შემტევი ნახევარმცველის ხავიერ პასტორეს შეძენაზე ფიქრობს.
„კლუბის ხელმძღვანელობას პარიზში გაფრენა და პასტორეს შესაძლო ტრანსფერის დეტალების განხილვა ვთხოვე. „ფენერბაჰჩეს“ მაღალი დონის შემტევი ნახევარმცველი სჭირდება. იმედია, ყველაფერი ჩვენს სასარგებლოდ დასრულდება“, – აღნიშმა იანალმა.
ალექსანდრე მატევოსოვი
იბრაჰიმოვიჩი მალდინისთან მოლაპარაკებებს გამართავს
„პარი სენ-ჟერმენის“ ხელმძღვანელობას სპორტული დირექტორის პოსტზე „მილანის“ ლეგენდარული მცველის პაოლო მალდინის დანიშვნა სურს.
იტალიური პრესის ცნობით, პარიზული კლუბის წინადადებაზე 45 წლის პაოლომ უარი უკვე თქვა, რაც იმის იმედით გააკეთა, რომ ადგილს მას მშობლიურ „მილანში“ შესთავაზებენ.
ამის მიუხედავად, პსჟ მაინც არ ნებდება. არაოფიცალური ინფორმაციით, საფრანგეთის მოქმედი ჩემპიონი მილანში ზლატან იბრაჰიმოვიჩს გაგზავნის, რომელიც მალდინის პირადად შეხვდება და მასთან ზემოხსენებულ თემას განიხილავს.
ალექსანდრე მატევოსოვი